Morgunblaðið - 05.09.1976, Blaðsíða 47

MORGUNBLAÐIÐ, SUNNUDAGUR 5. SEPTEMBER 1976
47
-Heilsugæzlustöð
Framhald af bls. 48
Samkvæmt upplýsingum Skúla
Johnsens borgarlæknis k,om þetta
bréf heilbrigðísyfirvöldum í
Reykjavík nokkuð á óvart, því að
ráðuneytisstjórinn í heilbrigðis-
ráðuneytinu hafði í samtölum við
borgarlækni að vfsu talað um að
ekki væri fjárveiting fyrir
hjúkrunarkonum, en hann hafði
ekki minnzt á vandamál í
ráðningu lækna að öðru leyti en
þvf, að ráðningu þeirra yrði frest-
að til áramóta. Það sagði Skúli að
borgin gæti ekki fallizt á. Um leið
og stöðin yrði tilbúin yrði að taka
hana í notkun, enda ekki ástæða
til annars en nota þá aðstöðu, sem
sköpuð hefði verið.
Skúli sagði, að fyrstu tvö skil-
yrði ráðuneytisins hefði ekki ver-
ið erfiðleikum bundið að upp-
fylla. Hins vegar hefur Reykja-
víkurborg ekki viljað fastsetja
skiptingu heilsugæzlusvæða fyrr
en reynsla væri/komin þar á. Því
hafi ekki verið um það að ræða að
lögfesta neina skiptingu. Hins
vegar hefur borgin undirbúið til-
lögur að skipulagi fram til ársins
1980, þar sem eru 4 heilsugæzlu-
stöðvar, sem þjóna eiga 33 þúsund
manns. Hins vegar kvað Skúli erf-
iðara við samningamálin að eiga,
en borgin bendir hins vegar á, að
unnt sé að ráða læknana sam-
kvæmt kjarasamningi héraðs-
lækna. Hefur það mál verið kann-
að og kvað Skúli að hægt ætti að
vera að fá viðurkenningu Lækna-
félags íslands á að það telji, að
þessir samningar eigi lfka að
gilda fyrir lækna á heilsugæzlu-
stöðvum f Reykjavík. Þá sagði
Skúli, að sannleikurinn væri sá,
að læknavandamál væri kannski
hvergi eins slæmt og einmitt á
Reykjavíkursvæðinu, þar sem 15
þúsund manns væru án heimilis-
læknis. Á það hefur heilbrigðis-
ráðuneytið aldrei getað fallizt.
Páll Sigurðsson ráðuneytis-
stjóri f heilbrigðisráðuneytinu
kvað ljóst, að til þessa deilumáls
kæmi, en hann sagði þó, að hann
liti ekki svo á, að hér væri um
neina deilu að ræða. Hann kvað
sama samning ekki geta gilt á
heilsugæzlustöðvum í Reykjavfk
og á heilsugæzlustöðvum úti á
landi, þar sem starf læknanna í
Reykjavík væri mun þrengra.
Þeir þyrftu t.d. ekki að anna sömu
vaktstarfsemi, í Reykjavík væri
slysadeild opin allan sólarhring-
inn og starfrækt væri heilsu-
verndarstöð. Til þess yrði að taka
tillit og gera yrði samning um
störf lækna á heilsugæzlustöðvum
í Reykjavík. I Reykjavík hafa
læknar föst laun og að auki núm-
eragjald, en úti á landi sérstakar
gjaldskrár. Telur ráðuneytið ekki
forsendur fyrir að ráða lækna til
heilsugæzlustöðva í Reykjavi,
fyrr en verksvið þeirra er að fullu
ákveðið.
Þá sagði Páll Sigurðsson, að auk
þess væri ekki heimilt samkvæmt
fjárlögum að ráða fleiri lækna, og
hið sama væri að segja um hjúkr-
unarkonur. Hins vegar kvað hann
það ekki vandamál, og unnt yrði
að leysa það, ef samningarnir
kæmust á hreint. Jafnframt
kvaðst hann ekki trúa þvf, að ekki
fyndist á tiltölulega stuttum tíma
lausn á samningsvandamálinu, ef
menn bara settust niður og ræddu
málin. Að sumu leyti sagði ráðu-
neytisstjórinn, að um lækna-
vandamál væri að ræða í Reykja-
vík, en hann kvað skort á heimil-
islæknum ekki koma eins að sök
fyrir þá staðreynd, að Reykvík-
ingar byggju við beztu læknis-
þjónustu á landinu. Páll kvað að
lokum enga tregðu vera frá hendi
ráðuneytisins til þess að leysa
þetta mál — það þyrfti aðeins að
ræða milli ráðuneytisins, borgar-
innar og læknanna.
— Fíkniefnamál
Framhald af bls. 48
var sá úrskurðaður í allt að 20
daga gæzluvarðhald. Tveir aðrir
menn sitja í gæzluvarðhaldi
vegna þess máls — Annar þeirra
hefur setið inni f rúmlega 45 daga
og gæzluvarðhaldsvist hans nú
verið framlengd f allt að 15 daga
til viðbótar, en hinn maðurinn
hefur setið inni tæplega 30 daga.
Þetta mál er mjög umfangsmik-'
ið og snýst um sölu á miklu magni
kannabish-efna á tfmabilinu frá
því f apríl og fram til júní eða
júlfmánaðar. Nær það til mjög
margra kaupenda á þessu tíma-
bili, en ekki er fullrannsakað
hversu mikið magn er á ferðinni,
né heldur hvaða innflutningsleið-
ir haf a verið notaðar.
— Slagbrandur
Framhald af bls. 39
kvæmdin hefði heppnazt vel,
skipulagið staðizt, svo og tíma-
áætlunin, og því væri hann
sjálfur ánægður.
% Guðlaugur Bergmann, for-
stjóri Karnabæjar, bauð hingað
til lands umboðsmanni frá
Bandaríkjunum, Lee Kramer
að nafni, til að kynna honum
fslenzkt popptónlistarlíf. „Þetta
er okkar framlag til íslenzka
poppsins,“ segir Guðlaugur.
Kramer er umboðsmaður
Oliviu Newton-John, einnar
skærustu söngstjörnunnar í
Bandaríkjunum, og hann leit
inn á hljómleikana á miðviku-
dagskvöldið, en stóð stutt við,
leizt ekki á hljómburðinn.
Hann leit einnig inn á æfingu
hjá Lónlí blú bojs og í upptöku
hjá Spilverkinu og fékk stafla
af íslenzkum plötum til að
kynna sér, er heim kæmi. I
samtali við Slagbrand, sem birt
verður sfðar, sagði Kramer, að
sumir íslenzkir popptónlistar-
menn væru mjög góðir. I þessu
sambandi nefndi hann Lónlf
blú bojs og Spilverkið og hrós-
aði einnig plötu Jóhanns G.
Jóhanssonar, Langspil, en hafði
að öðru leyti lítið getað hlustað
á fslenzkar plötur þann sólar-
hring sem hann dvaldist hér.
— Vatnsskortur
Framhald af bls. 48
sótt á staði, þar sem fólk er
betur sett en við hér, t.d. í
Hrafnagilsskóla. Þar er þægi-
legt að ná vatninu úr krana,
sem er utan á húsinu. Við bíð-
um bara og vonumst eftir
rigningu. Það þyrfti að rigna
mjög mikið og lengi ef þetta á
að lagast. Það hefur kannski
skánað um stund við smáskúrir
sem komið hafa, en fer strax í
sama horf, þegar styttir upp.
Menn kunna ekki að meta vatn-
ið meðan þeir hafa nóg af því,
ekki fyrr en það er ekki lengur
til. Það er ekkert að missa raf-
magnið hjá því að missa vatn-
ið.“
Danfel Sveinbjörnsson í
Saurbæ: „Hér í hreppnum er
sums staðar nóg af góðu vatni á
bæjum, þar sem búið er að
leggja langar vatnsleiðslur, svo
sem í Möðruvallaplássinu og í
Djúpadal. Ég veit ekki til þess,
að orðin sé algjör vatnsþurrð
enn neins staðar. Hins vegar er
áberandi vatnsskortur víða og
vatn rétt til heimilisnota, en
ekkert handa skepnum. Þeim
verður að brynna úti. Þetta
varða algjör vandræði, þegar
kemur fram á vetur, ef ekki
rætist úr með úrkomuna. Ég
man aldrei eftir svona litlum
snjó í fjöllum og nú f sumar.
Þær litlu fannir, sem eftir eru,
eru dökkar og gamlar. Vfða eru
skaflar algjörlega horfnir, sem
verið hafa f fjöllum árum sam-
an og svo lengi sem ég man
eftir. Það hefur aldrei rignt
neitt að gagni fyrir jörðina, en
sterk sunnanátt blásið löngum,
þurr og heit.“
Þuríður Kristjánsdóttir á
Ytri-Tjörnum: „Bæjarlækurinn
hér hjá okkur er alveg orðinn
þurr. Samt rennur svolftið úr
krönum hér í íbúðarhúsinu, en
ekkert vatn er f fjósinu. Piltar
sóttu vatn handa kúnum út í
Þverá f gær í haugsugu, sem
tekur 2.300 lítra og settu það í
þró. Kýrnar urðu vatninu fegn-
ar. Þær hafa undanfarið verið í
haga hér neðan við bæinn hjá
skurði, sem vatn rennur reynd-
ar eftir, en það er glóðvolgt
vegna afrennslisvatns úr bor-
holunum við Laugaland og
kýrnar vilja ekki líta við þvi
nema út úr neyð. Þrír lækir
renna venjulega hér gegnum
túnið. Þeir eru nú allir orðnir
þurrir. Ég veit reyndar ekki,
hvaðan þetta litla vatn kemur,
sem enn er f leiðslunum."
Baldur Kristjánsson, Ytri-
Tjörnum: „Ég ætla að fara að
leggja vatnsleiðslu sem á að
vera til frambúðar hingað
heim. Ég vil ekki lengur treysta
á lækjarvatnið. Leiðslan verður
um 1.400 metra löng og vatnið
ætla ég að taka hér uppi f fjall-
inu, þar sem heita Háuklettar.
Þar er lind, sem ekki er gert
ráð fyrir að þrjóti nokkurn
tima. Vatnið kemur þar undan
klettum og er allt að 4ra gráðu
heitt. Ég veit til þess, að víða
hér í sveitinni eru menn að
leggja í þess háttar vatnsveitu-
framkvæmdir, • enda ástandið
víða afar slæmt. Hér á næsta
bæ hefur t.d. ekki komið dropi
úr krana í íbúðarhúsinu í
mánaðar tíma. Lindir eru nú
þurrar, sem ég man aldrei til að
hafi þornað. Ég held að ástand-
ið sé orðið verra en 1955, en þá
voru Ifka stöðugir þurrkar og
sunnanvindar. Gróður er þurr
og skrælnaður og hálfsölnaður,
nema helzt þar sem bændur
hafa borið á bithaga. I kartöflu-
görðum er moldin skrælþurr og
uppskera verður ekki meiri en í
meðallagi, þrátt fyrir hitana og
sólskinið. Það er ekki aðeins
vegna þurrka, heldur líka
vegna hins að mold hefur fokið
ofan af kartöflum og kartöflu-
grasið lamizt og sortnað í storm-
um.“ — Sv.P.
— Gott að vera
Framhald af bls. 23
stundum í og einnig förum við
að barnaheimilinu í Riftúni."
í vikunni var systir Eulalia
sæmd riddarakrossi fálkaorð-
unnar fyrir störf að sjúkrahúss-
og líknarmálum en ekki vildi
hún mikið tala um það. Þetta
væri nokkuð sem þær systurnar
ættu allar. Þær hefðu allar unn-
ið til hans, en ekki hún ein.
NÚ ER ÞAÐ
ÚTSÖLUMARKAÐU,
M LAUGA VEGI66
(V/Ð HUÐINA Á VERZLUN OKKAR, Á SAMA STAÐJ
Ef þú hefur gert góð kaup á sumarútsölunni
þá gerir þú ennþá betri kaup núna
HERRAFÖT M/VESTI BLÚSSUR
ST. JAKKAR HERRAPEYSUR
TERYLENE ULLARBUXUR DÖMUPEYSUR
BÚNAR TIL BEINT Á ÚTSÖLU KJÓLAR
DENIM MUSSUR DÖMUDRAGTIR
SKYRTUR BINDI OMFL.
SKÓR
Látið ekki happ ur hendi sleppa
AáTÍZKUVERZLUN UNGA FÓLKSINS
Uyj) KARNABÆR

LÆKJARGÖTU 2 - SÍMI FRÁ SKIPTIBORÐI 28155
AUSTURSTRÆTI 22 LAUGAVEG 66 LAUGAVEG 20a Simi frá skiptiborði 28155