Morgunblaðið - 21.09.1976, Síða 25

MORGUNBLAÐIÐ, ÞRIÐJUDAGUR 21. SEPTEMBER 1976
29
Einar J. Einarsson
—Minningarorð
Fæddur 10.11. 1898.
Dáinn 9.9.1976.
í dag er til moldar borinn dáða-
drengurinn og prúðmennið Einar
J. Einarsson, Bergþórugötu 9, hér
í borg. Hann varð bráðkvaddur að
heimili sínu hinn 9. september s.l.
Þegar mér barst fregnin sama
kvöld, setti mig hljóðan að heyra
að þessi elskulegi vinur minn
væri allur. Ég vissi að hann hafði
áður fengið hjartaáfall, en hann
hafði virst nokkuð hress og þess
vegna kom mér andlátsfregn hans
mjög á óvart. Ég hafði verið hjá
þeim hjónum nokkrum dögum
áður og sýndist mér hann þá eins
og venjulega, léttur I lund og létt-
ur á fæti. Aðeins nokkfum dögum
síðar er mér tilkynnt lát þessa
góða drengs, en við því er ekkert
að gera því enginn veit sína ævina
fyrr en öll er.
Með Einari J. Einarssyni er
genginn einhver sá bezti og heil-
steyptasti maður sem ég hefi
kynnst á minni löngu ævi. Hann
var svo heill I hugsun, orðum og
gerðum að af bar. Orð hans og
loforð voru jafn áreiðanleg eins
og skriflegir samningar nú til
dags. Ef maður gæti séð eitthvað
fram I framtfðina væri margt
öðruvísi en nú er. Á ég þar við
fyrstu kynni okkar, er Asta,
systurdóttir mín, kynnti hann
fyrir okkur hjónunum. Maðurinn
virtist svipgóður og snyrtilegur,
en eigi mikill að vallarsýn. Hún
hafði fundið hve mikill mann-
kostamaður hann var, og er ég
kynntist honum fann ég að þessi
hlédrægi og prúði maður hafði
gullhjarta. Frá honum streymdi
alla tíð góðvild, ekki eingöngu til
hans nánustu vandamanna og
vina, heldur einnig til allra
þeirra, sem hann komst í snert-
ingu við. Sýndi hann mér og fjöl-
skyldu minni mikla góðvild frá
okkar fyrstu kynnum og vildi allt
fyrir okkur gera. Minnist ég sér-
staklega eins atviks. Eitt sinn er
ég var staddur á heimili þeirra
hjóna, gat ég þess, að þar sem ég
byggi, gerði fólk sér að leik að
stytta sér leið yfir lóð okkar sem
ræktuð er með trjágróðri og kom
þá fyrir að trén voru brotin og
tröðkuð niður. Að fáum dögum
liðnum birtist Einar ásamt Krist-
leifi syni sínum til að girða hjá
okkur lóðina, en efni I girðinguna
hafði hann sent á undan. Gengu
þeir þannig frá, að fáir gera sér
leik að fara yfir girðinguna. Þetta
er þó aðeins spegilmynd af öllu
því sem ég á honum að þakka.
Þannig var hugarfar hans til mín
og fjölskyldu minnar meðan líf
entist.
Einar fæddist hinn 10. nóvem-
ber 1898. Foreldrar hans voru
Einar Sigurðsson og kona hans
Guðrún Eirfksdóttir er bjuggu í
Holtahólum á Mýrum I V.-
Skaftafellssýslu. Var hann einn
úr stórum systkinahópi, en þau
voru alls 15. Það er þvl augljóst að
ekki hefur verið neinn munaður á
því heimili og það hefur þurft
mikla þrautseigju og dugnað til
að framfleyta hinum stóra barna-
hópi og það oft við erfið skilyrði.
Þá voru ekki til neinar fjölskyldu-
bætur með börnum eins og nú er
og fór það því eftir dugnaði for-
eldranna hvernig til tækist og það
tókst. Öllum þessum barnahópi
var framfleytt án nokkurrar
aðstoðar unz þau hurfu úr föður-
húsum eins og gengur og gerist.
Það var því eðlilegt, að börnin
þyrftu að taka til hendinni strax
og kraftar leyfðu og ekki stóð á
Einari að hjálpa til eftir mætti.
Kom þá þegar I ljós hin mikla
vinnugleði, sem einkenndi hann
alla ævi. Er hann var 8 ára gamall
var hann látinn vinna fyrir sér á
öðrum bæjum og var svo þar til
hann var 12 ára gamall. Þá fluttist
hann með foreldrum sínum til
Reykjavíkur. Næstu árin á eftir
vann hann aðallega við sveita-
vinnu til 18 ára aldurs, en þá fór
hann að vinna hjá Reykjavíkur-
bæ. Fyrstu árin var það almenn
verkamannavinna, en síðar varð
Kennsla hefst á þriðjudag
5. október
Ballett fyrir byrjendur og fram-
haldsnemendur.
INNRITUN í SlMA 3-21-53, 1—6.
BALLETSKOLI
SIGRIÐAR
ÁRMANN
ISKÚLAGÖTU 34—4.HÆÐ.
JostiElectronic
Höfum opnað nýstárlega
verzlun
Á lager eru 1 50—200 mismunandi tegundir rafeindabyggi-
setta svo sem:
Magnarar digital-klukkur
Ijósashow sjónvarpsspil og m.m. fl.
Uppsett tæki til sýnis á staðnum.
Komið, hringið eða skrifið eftir litprentuðum myndalista.
Semdum i póstkröfu.
Velkomin í sanna JOSTI-verzlun.
IVIYCO
H
HAMRABORG I. KÓR S: 43900
OPIÐ: kl. I7-I9virka daga. laugardaga I0-I2V
hann verkstjóri I tugi ára, eða þar
til hann varð að hætta fyrir ald-
urs sakir 70 ára að aldri. Mér
hefur verið sagt að Einar væri
hamhleypa til vinnu, svo mikil, að
vinnufélagar hans ávítuðu hann
fyrir, og sögðu, að ekki yrði
honum neitt betur borgar fyrir
þetta vinnukapp. Einar hafði svar
á reiðum höndum. Hann sagðist
vilja vinna fyrir sínu kaupi, því
ekki voru vinnusvik eða annað
slíkt I hans huga.
Einar kvæntist eftirlifandi
konu sinni Astu ‘Guðjónsdóttur
18. október 1930. Þau hefðu því
átt 46 ára brúðkaupsafmæli í
næsta mánuði. Foreldrar Astu
voru Guðjón Tómasson frá Bjargi
á Akranesi og systir mín Margrét
Helgadóttir frá Litla-Bakka á
Akranesi. Er hér var komið höfðu
þau flutt frá Akranesi til Reykja-
víkur og bjuggu að Bergþórugötu
9. Asta og Einar bjuggu allan sinn
búskap að Bergþórugötu 9.
Heimili þeirra var snyrtilegt og
aðlaðandi, enda sambúð þeirra
sem best verður á kosið, og var
heimilið þeim báðum fyrir öllu.
Ásta og Einar eignuðust þrjú
börn. Eitt þeirra, drengur, dó
tveggja ára gamall og varð það
þeim mikill harmur. Hin tvö sem
upp komust eru Margrét, gift Jóni
Árnasyni, bifreiðastjóra hjá
Reykjavíkurborg og Kristleifur,
verkstjóri hjá Isal, kvæntur Önnu
Hjálmarsdóttur.
Með þessum kveðjuorðum mín-
um vil ég þakka Einari J. Einars-
syni fyrir allt, einnig vil ég þakka
honum þá miklu góðvild og kær-
leika er hann sýndi systur minni
eftir að hún varð ekkja, og alla tíð
á meðan hún lifði. Hún var góð
manneskja allt sitt líf og ég veit
að hún mun taka á móti honum
nú þegar hann er horfinn yfir
móðuna miklu.
Eg færi Ástu og hennar nán-
ustu mína innilegustu samúð og
bið þeim öllum Guðs blessunar
um alla framtfð.
Jón. B. Helgason.
Hugleiðing um góðan granna.
Sterk vináttubönd hafa tengt
heimilin á Bergþórugötu 7 og 9
saman í 45 ár. Þegar ég frétti
andlát Einars Einarssonar verk-
stjóra, hugsaði ég til þess hve
mikill sjónarsviptir það er fyrir
gömlu góðu götuna okkar, að
Framhald á bls. 31
Barnaflokkar — unglingaflokkar. Flokkar fyrir fullorðna
einstaklinga. Flokkar fyrir hjón. Byrjendurog framhald.
Innritun daglega frá kl. 10 —12 og 1 —7.
REYKJAVÍK
Brautarholt 4 simar 20345 og 24959
Drafnarfell 4 (Breiðholti) simi 74444.
KÓPAVOGUR
Félagsheimilið sími 381 26.
HAFNARFJÖRÐUR
Góðtemplarahúsið simi 38126.
SELTJARNARNES
Innritun auglýst siðar.
KEFLAVÍK
Innritun auglýst siðar.
Allir nýjustu táningadansarnir — svo sem
Bus stop, Disco stretch, Footstomper,
Cleveland Continental, Rubi reddress, Grazy
fever, Taca-tu, Sing sing, Boggie og margir
fleiri. Einnig Rock og Tjútt.
DANSKENNARASAMBAND ÍSLANDS