Morgunblaðið - 09.06.1977, Blaðsíða 22

22
MORGUNBLAÐIÐ, FIMMTUDAGUR 9. JÚNÍ 1977
Verðbólga í OECD:
Við höldum
forystunni
Briissel 8. júní — NTB.
ENN ER mikil verðbólga I iðn-
ríkjunum og mest er hún á ís-
landi, 34.5%, samkvæmt nýrri
skýrslu OECD. í Danmörku er
verðbólgan sfðustu tólf mánuði
9.4% en verðhækkanir þar I landi
námu 1 % að meðaltali.
Verðhækkanir urðu 0.7% v
apríl í Finnlandi en 12% síðasta
árið, en samsvarandi tölur fyrir
Svíþjóð eru 1.2% og 10% fyrir
Noreg 0.7% og 9%.
Síðustu tólf mánuði fram að
maíbyrjun var verðbólga 21% á
ítaliu, 17.5% í Bretlandi en
minnst í Sviss, 1.1%. Meðalverð-
bólga í OECD-löndunum siðasta
12 mánaða tímabil var 9.1 %.
Sáttafundur
með sjómönn-
um á morgun
SÁTTAFUNDUR í kjaradeilu út-
vegsmanna og sjómanna hefur
verið boðaður á morgun, föstu-
dag, klukkan 14 í húsakynnum
sáttasemjara ríkisins í Toll-
stöðvarhúsinu. Eru þá nákvæm-
lega þrjár vikur frá því er sfðasti
fundur aðila var haldinn. Engin
hreyfing hefur verið á sjómanna-
samningunum.
Neyðarkall-
ið var gabb
NU ÞYKIR næsta öruggt, að
neyðarkallið, sem heyrðist á
Fax'aflóa í fyrradag hafi verið
gabb. Ólíklegt er að takist að
finna þann, sem leikið hefur
þennan ljóta leik.
Aðalfundi
BÍ frestað
AÐALFUN'DUR Blaðamanna-
félags íslands, sem boðaður hafði
verið laugardaginn 11. júní nk.,
hefur verið frestað fram til mánu-
dagskvöldsins 13. júní, þar sem í
Ijós hefur komið að fundartfminn
á laugardag kemur illa við knatt-
spvrnuáhuga þorra blaðamanna
en knattspyrnulandsleikur við N-
íra verður einmitt á laugardag.
Fundurinn hefst kl. 8 á mánu-
dagskvöld f þess stað og er
fundarstaður Blái salurinn, Hótel
Sögu.
— Mannréttindi
Framhald af bls. 1
réttindahreyfinguna, undirrita
þessa síðustu yfirlýsingu, sem
send var tékkneska þinginu 30.
maí og birt erlendum blaðamönn-
um í gær.
I yfirlýsingunni segir meðal
annars, að ekki sé of mikið sagt þó
því sé haldið fram, að rétturinn til
að vinna í Tékkóslóvakiu sé umb-
un fremur en réttindi og að þeirri
umbun sé hægt að svipta hvern
sem er i hegningarskyni. Segir að
þetta sé ekki í samræmi við
stjórnarskrána og gildandi lög.
Segir í yfirlýsingunni, að upp-
sagnir hafi verið með tvennum
hætti, annaðhvort hafi menn ver-
ið reknir án fyrirvara eða með
þriggja mánaða fresti, samkvæmt
lögum. Aðrir hafi verið neyddir
til að hætta störfum fyrir að hafa
neitað að undirrita yfirlýsinguna
þar sem mannréttindayfirlýsing-
in er fordæmd.
Með yfirlýsingunni er listi yfir
þá sem sviptir hafa verið störfum
eftir að hafa undirritað mannrétt-
indayfirlýsinguna, sem hvetur til
þess að full mannréttindi verði
viðurkennd í Tékkóslóvakíu.
Tékknesk stjórnvöld hafa á
undanförnu vikum svarað mann-
réttindayfirlýsingunni með mik-
illi áróðursherferð og lagt að sum-
um stuðningsmönnum yfirlýsing-
arinnar að flytjast úr landi.
— Reyna sættir
Framhald af bls. 1
morgun er talið að afstaða beggja
aðila kunni að hafa breytzt.
Akvörðunin um fundinn var
tekin þegar Andreas van Agt
dómsmálaráðherra hafði rætt við
milligö gumennina sem eru báðir
frá Suöur-Mólúkkaeyjum, frú
Josina Soumokil, ekkju þjóðernis-
sinna sem Indónesar tóku af lífi
fyrir 19 árum, og dr. Hassan Tan,
fyrrverandi „heilbrigðisráð-
herra“ í útlagastjórn Suður-
Mólúkka i Hollandi.
— Spánverjar
Framhald af bls. 1
í Barcelona var 27 ára gamall
maður stunginn með hnífi þegar
hann reyndi að koma í veg fyrir
að vopnaðir menn rifu niður
veggspjöld kommúnista og sósíal-
ista.
öfgasinnaðir menn i Baskahér-
uðunum skora á fólk að taka ekki
þátt i kosningunum, en flestir
flokkar Baska hundsa áskoranir
þeirra. Svipuð barátta og nú er
hafin í baskahéruðunum varð til
þess að 10 pólitískir fangar af
baskneskum ættum voru látnir
lausir, en 15 fangar eru enn í
haldi.
Maðurinn
ófundinn
LEIT er haldið áfram að unga
manninum frá Blönduósi, sem
saknað hefur verið hátt á aðra
viku. Hefur verið leitað á hverj-
um degi en án árangurs, sam-
kvæmt upplýsingum lögreglunn-
ar á Blönduósi. Maðurinn er 22
ára gamall.
Höfuðkúpubrot
VÉLIIJÓLAPILTURINN, sem
slasaðist mikið á höfði i umferð-
arslysi f Hafnarfirði í fyrradag,
liggur nú á gjörgæzludeild Borg-
arspítalans. Er hann höfuðkúpu-
brotinn og Ifður honum eftir at-
vikum.
Myndabrengl
A bls 4. í Morgunblaðinu í gær
urðu þau mistök í myndatextum,
að undir mynd af Hallgrfmi Jón-
assyni stóð Ragnar Asgeirsson og
öfugt. Eru viðkomandi beðnir vel-
virðingar á þessum mistökum.
— Á rölti
Framhald af bls. 3
flaug og flaug en lenti svo til jarðar á
stærðar steini sem fór í sundur við
höggið og það var heppilegt að
jörðin hreinlega klofnaði ekki Þetta
var nú meira. Ég lét gullsmiðinn,
hérna hann Sigmar Ó. Marfusson,
hafa mola úr steininum og hann
mældi hörkuna 6,5 í honum. Það
þarf hörku til að kljúfa svona berg "
„Meiddir þú þig ekkert?"
Það rifnaði svolítið höfuðleðrið en
þeir saumuðu það listilega strákarnir
á Slysadeildinni Þess vegna varðég
að fá mér stutta sportklippingu, en
það er líka ágætt þegar maður er f
vorskapi Ég er svo léttur á mér og
hárið mitt er komið í pensla og
skeggið líka, þetta var svo mikið Ég
bjó alveg miskunnarlaust til pensla
úr þessu fína efni og það eru ekki
margir málararnir í heiminum sem
hafa pensla úr eigin hári.
En nú er mikið að gera hjá mér,
ég þarf stóra fjallasali til þess að
mála myndir mínar f og sýna í enn
stærri fjallasölum "
„Bý um islenzka
skartgripi
fyrir sölu".
í Lækjargötunni hittum við unga
Reykjavíkurmey, Gunnhildi
Þórarinsdóttir. Hún var að njóta
sólarstunda ,,Ég vinn á skartgripa-
verkstæði Bjarna og Þórarins við að
setja skartgripi I öskjur og sitthvað
fleira kemur tíl. Dunna, en svo er
Gunnhildur kölluð, kvaðst sem sagt
sjá um að gera vöruna klára fyrir
sölu, allt handsmiðað íslenzkt.
„Þetta er mikið af galdrastöfum
og islenzkum rúnum, sem útlendir
ferðamenn eru sólgnir i Ennig eru
venjulegir stafir og draumstafir sem
óbrigðult er að gefa góða drauma ef
þeir eru settir undir koddann fyrir
nóttina Fólk ætti bara að reyna og
lengja skemmtilegt lif með góðum
draumum."
Dunna kvaðst hafa lokið skjótt við
það sem þurfti að klára I dag og því
hefði henni gefist timi til að spranga
um í sólinni, enda kvaðst hún vera
sólarmegin i lifinu með sumarið sem
áningarstað á milli skóla
Þræsinn til hafs
en allt í áttina
Við renndum einnig á Ægissíð-
una. einn af stórkostlegustu stöðum
Reykjavikur. Króarhjallarnir dorm-
uðu á sínum stað, hænurnar göluðu
og gæsirnar römbuðu um Bátar
lúrðu á fjörukambinum og einstaka
grásleppukarl var að koma að landi
Bjössi á Ægissiðunni kvaðst hafa
veitt vel i túrnum, ekkert svo sem til
að hæla, en sæmilegt, nærri full-
fermi. „Það er svo sérlega gott veðr-
ið núna, þetta er allt i áttina" sagði
Bjössi og kvaðst ekki viðræðuhæfur
eins svangur og hann væri orðinn
Gunnar I Guðjónsson var að gera
að i flæðarmálinu og einn var að
lenda báti sinum
„Hann var anzi þræsinn fyrir utan
bauju," kallaði sá sem var að koma
að, „maður tommaði ekki á móti
straumi "
„Þetta var ágætt þegar maður var
búinn að loka augunum og henda
sér út í þetta," kallaði Gunnar á
móti, og svo hélt lífið áfram sinn
vana gang i flæðarmálinu nema
hvað hundurinn Kyrja kom þarna
aðvifandi, brá sér i 50 metra sund til
hafs og gerði hænurnar siðan laf-
hræddar með gelti sínu og irafári.
—á.j.
— Þorskblokk
hækkar
Framhald af bls. 40
stjóri Sölumiðstöðvar hraðfrysti-
húsanna, sagði i samtali við Morg-
unblaðið í gær, að salan á 5 punda
neytendapakkningum á Banda-
ríkjamarkaði væri nú svipuð og
síðustu mánuði síðasta árs, en
menn hefðu gert sér vonir um, að
söluaukning yrði einnig á þessu
ári. Fyrstu fjóra mánuði þessa árs
hefði framleiðsla á þessum
pakkningum aukizt um 36% á ís-
landi.
Á hinn bóginn var Morgunblað-
inu sagt af einum af forráða-
mönnum Iceland products, fyrir-
tækis Sambandsins i Bandarikj-
unum, að þar vantaði þá flök og
gætu enn selt meir ef þeir hefðu
meira af 5 punda pakkningum til
ráðstöfunar.
— Ottast innrás
Framhald af bls. 1
Rene forseti neitaði þvi að
Rússar hefðu staðið á bak við
byltinguna en sagði að nýja
stjórnin mundi sveigja til
vinstri þar sem fyrri stjórn
hefði sveigt of langt til hægri.
Nokkrir þeirra 200 manna
sem gerðu byltinguna vopnað-
ir 60 rifflum höfðu fengið
þjálfun i Tanzaníu. Sex hundr-
uð lögreglumenn eyjanna eiga
að fá „sjálfviljuga endurþjálf-
un“ til að berja niður hvers
konar gagnbyltingartilraun.
Rene kvaðst vona að Sey-
chelle-eyjar yrðu áfram í
brezka samveldinu og að sendi-
herra landsins í London,
George Rasool, sæti ráðstefnu
samveldisins þar fyrir þess
hönd.
Seinna sagði útvarp eyja-
skeggja að Rasool hefði verið
sviptur störfum þar sem hann
hefði óskað þess í bréfi til
Rene að vera leystur frá störf-
um. Rene sagði hins vegar að
Mancham fyrrum forseti hefði
skrifað bréfið sem væri því
falsað.
— Silfurmunir
Framhald af bls. 2
kirkjumuni, sem Matthías Þórðarson
gerði um 1915, en það hefði vakið
mikla athygli sína hve marga
stimpla væri að finna á mununum
hér, áður óþekkta í Danmörku. Þá
væri það einnig eftirtektarvert að sjá
hvernig smekkur íslendinga endur-
speglaðist í mörgum hlutunum, en
fjölmargir hlutir voru smíðaðir skv.
óskum og fyrirsögn þeirra. Krog
sagði að störf hans hér á íslandi í ár
yrðu aðeins í 5 vikur, en áætlað
væri að hægt yrði að Ijúka verkinu á
tveimur mánuðum á næsta ári. Lét
hann í Ijós þakklæti fyrir frábært
samstarf og stuðning Þjóðminja-
safnsins hér, en það mun fá myndir
og skýrslur um alla munina, sem hér
verða skráðir og sömuleiðis danska
þjóðminjasafnið Það er Politikenfor-
lagið í Kaupmannahöfn, sem gefur
bókina út, en menntamálaráðuneyti
íslands og Danmerkur hafa veitt
styrk til starfsins. svo og menningar-
sjóður Danmerkur, Dansk-lslandsk
fond, Dansk-lslandsk samarbejdes-
fond og danski bankinn SDS Þá
hefur Þjóðminjasafnið hér látið í té
bifreið og aðstoðarmann, Þorvald
Friðriksson, og starfsaðstöðu.
Ole Krog sagði að kannanir sínar
hefðu leitt í Ijós að dansksmíðaða
silfurmuni væri að finna í um helm-
ingi allra kirkna hér á landi, og
margir þeirra eftir íslenzka silfur-
smiði, sem lært hefðu og starfað í
Danmörku, en mjög auðvelt er að
finna hvaða ár hver munur var smíð-
aður því að frá 1608 voru allir
silfursmiðir í Danmörku skyldaðir til
að skipta um stimpla einu sinni á
ári, til að hægt væri að skrá og
fylgjast með munum þannig að ef
nauðsyn krefði, gæti konungur látið
bræða þá upp til að nota í mynt-
sláttu. Krog sagði að skrá væri til
yfir 2500 gull- og silfursmiði í Dan-
mörku allt frá miðöldum og úr þeirra
hópi væru 32 taldir bera höfuð og
herðar yfir hina og einn þeirra væri
íslendingurinn Sigurður Þorsteins-
son.
— Óviðunandi
Framhald af bls. 18
eigi siðar en í næsta mánuði eftir
innlegg.
3. Taka þarf lána- og verðlagsmál
landbúnaðarins til endurskoðunar. Af-
urða og rekstralán með hliðsjón af
vaxandi rekstrafjárþörf vegna dýrtiðar.
Lánamál frumbýlinga þola enga bið
til lagfæringar sem ekki eru i nokkru
samræmi við gildandi verðlag og tor-
veldar þvi eðlileg kynslóðarskipti i
stéttinni.
Þó margt þurfi endurskoðunar i
verðlagsmálum er fjármagnskostnaður
verðgrundvallar e.t.v. óraunhæfast af
öllu.
4. Niðurgreiðslur á frumstigi fram-
leiðslunnar leistu mikinn vanda varð-
andi rekstrafjárþörf
5 Vegna þess hvað bændur eru illa
settir með frídaga. miðað við aðrar
stéttir, sérstaklega mjólkurframleið-
endur, sem verða að sinna störfum alla
daga ársins, er mjög brýnt að ráðin
verði bót á því sem allra fyrst, með
ráðningu afleysingamanna "
— Sinfóníu-
tónleikar
Framhald af bls. 10
sem skærast í íslenskri þjóðarsál.
Þakklæti mitt og annarra Hólmara
verður sterkast 1 þeirri bæn og ósk
um að landsmenn megi um árin efla
slika hljómlist sem að framan hefir
verið lýst, sem flytur gróandi þjóðlífi
þann vaxtarvökva sem heilbrigð
framtið verður að þróast með.
Meðan slikir hljómar vaka i voru
landi og fólk um byggðir lands veitir
þeim viðtöku fjarar bjartsýni is-
lenskrar þjóðarsálar ekki út.
Allir voru að hljómleikum
Sinfóniuhljómsveitarinnar loknum
þakklátir fyrir kvöldið. Hljómsveitar-
menn voru einnig ánægðir með við-
tökurnar og luku lofsyrði á félags-
heimilið og hversu hljómburður allur
var fyrsta flokks þar. Var það okkur
einnig mikill ánægjuauki og þvi horf-
um við til fleiri tækifæra i list um
landið. Svona ætti að vera hvert
einasta kvöld. orkti Þorsteinn Ef-
lingsson. Þótt svo verði ekki þá
fagna Hólmarar næstu komu sveitar-
innar sem vonandi er ekki of fjarlæg.
í lok hljómleikanna ávarpaði sveit-
arstjórinn komumenn með þökk og
virðingu, og ég vil i lok þessara
skrifa minna taka undir þau orð og
flytja minar bestu þakkir. Megi far-
sæld fylgja veglegri hljómsveit.
Árni Helgason
— Minning
Einar
Framhald af bls. 29
var honum mjög góð, hvernig sem
á stóð og fylgdist alltaf náið með
honum.
Hann sagði oft við mig árin sem
við unnum saman i Hafnarfirði:
„Ég þarf að hringja í Villu syst-
ur,“ eða : „Ég þarf að koma við
hjá Villu systur“. Það sagði sína
sögu. Eins og hér var sagt kom
Einar oft til systur sinnar og
manns hennar, Páls Pálssonar.
Oft fór hann með þeim í lengri
eða skemmri ferðalög, t.a.m. einu
sinni með Gullfossi til Evrópu-
landa, sem var honum ógleyman-
leg ferð eins og hann sagði sjálf-
ur. Einar hafði mikla ánægju af
ferðalögum og átti þess kost all-
mörg seinni árin að ferðast til
útlanda og gerði það nokkrum
sinnum auk þeirra tveggja utan-
landsferða, sem hér voru nefndar.
Han tók mikið af ljósmyndum í
þessum ferðum sínum, sem
gaman var að skoða, enda náði
hann góðum árangri þar og hafði
næmt auga fyrir ljósmyndum.
Á þessari stundu er mér efst i
huga þakklæti til Einars fyrir
samfylgdina, allar ánægjustund-
irnar og trausta vináttu hans i
minn garð og Heiðu konu minnar
og dætra, og fólksins á efri hæð-
inni. Ég veit líka um fjölmarga
kunningja hans hér í nágrenni
sem vildu færa honum sömu
þakkir að leiðarlokum.
Ég færi Helgu Halldórsdóttur,
systkinum og venslafólki, sem sjá
nú á bak einstökum dreng og
ástkærum vini og bróður dýpstu
samúðarkveðjur.
Sigurbjörn Þórðarson.
Þingmenn
Sjálfstæðis-
flokksins í
Vestfjarðar-
kjördæmi
efna til almennra stjórnmála-
fundar sem hér segir:
ísafjörður laugardaginn 1 1. júnl að
Uppsölum kl. 16.
Súðavík laugardaginn 1 1. júní i sam-
komusal Frosts kl. 21.
Bolungarvík sunnudaginn 12. júni i
Félagsheimilinu kl. 16
Flateyri sunnudaginn 12. júni í sam-
komuhúsinu kl. 21
Þingeyri mánudaginn 13. júní i sam-
komuhúsinu kl. 21
Suðureyri þriðjudaginn 14. júni i
Félagsheimilinu kl. 21
Allir velkomnir, fleiri fundir auglýstir
síðar.