Morgunblaðið - 09.06.1977, Blaðsíða 27
27
MORGUNBLAÐIÐ, FIMMTUDAGUR 9. JÚNÍ 1977
sem á heiðríkju himinsins að
leiðarljósi og varðveitir í hjarta
sínu gnótt hugsjóna til að lifa
fyrir.
Dr. Richard Beck er skáld gott,
eins og margoft hefur komið fram
í ljóðum hans. Þegar hann hafði
verið gerður að heiðursfélaga
Þjóðræknisfélagsins á Akureyri,
flutti hann gestum sínum kvæðið,
sem hér fer á eftir. Það lýsir vel
hug þessa áttræða íslandsvinar til
ættjarðar sinnar:
Þið brúið djúpið tungu og tryggð,
sem tengja oss fastar ættarbyggð.
Um langa vegu Ijúfar kveðjur berið
frá landi feðra. Blessuð komin verið.
Hér sumarauki er í dag
og íslenzkt hljómar gleðilag
sem bergmál hlýtt frá bláum ættlandstind-
um
er bjart úr sævi rfs f töframyndum.
Oss tungan fagra hitar hug,
og honum eykur vænjaflug,
en málsins undirspil og strengjaóður
er ástarþel frá vorri gömlu móður.
Sem strjúki vanga vorsins blær
sá varmi innst til hjartans nær.
Þótt lægju sporin burt frá bernskuslóðum,
býr falinn eldur djúpt f ræktarglóðum.
Þið brúið djúpið tungu og tryggð,
sem tengja oss fastar ættarbyggð.
Við heitum þökkum brúum djúpið breiða
og blessum móðurjörð fráströnd til heiða.
Pétur Sigurgeirsson.
— Ágúst á Hofi
Framhald af bls. 23
hrjáðu sauðfé hér á landi, atvik-
aðist það svo, að Ágúst aðstoðaði
Níels Dungal, prófessor, við rann-
sóknir á fé og sitthvað þar að
lútandi og ferðaðist hann um
landið í þágu þeirra rannsókna í
nær þrjá tugi ára til að skoða
sauðfé.
Starf þetta var bæði erfitt og
vandasamt og hefði verið á fárra
leikmanna færi, einnig af því að
sumir bændur vildu ekki leyfa að
fé sitt væri skoðað, en með lipurð
og hyggindum hafði Ágúst sitt
fram. Kom það sér þá stundum
vel, að hann er mannþekkjari
góður, vel skapi farinn og vit-
maður í besta lagi.
Eftirfarandi setningar eru orð-
rétt teknar úr fyrri bók Ágústs:
,,Já, ég er nokkuð mannblendinn,
og það hefir ávallt verið mér salt
lifsins að kynnast fólki og blanda
geði við það. Ef mér hefði ekki
tekist sæmilega að komast af við
menn í þessum ferðum, hefðu
þær reisur aldrei orðið margar.
Ég hefði ekki unað því að fara um
byggðir í ófriði við fólkið.“
En Ágúst hefir áhuga á fleiru
en fólki og fénaði. Hann gefur
gaum að bústangi fugla og jurtum
vallarins. Slikt er að visu eðlilegt
um bónda. Hann þekkir líka vel
hinn alkunnu seyð heiða og
óbyggða og hefir manna oftast
farið í göngur, oft sem gangna-
stjóri og ævinlega sem duglegur
og snjall leitarmaður.
Sannarlega er Ágúst einnig
líkur föður sínum, mjög svo
hægrisinnaður og virkur í pólitik,
frábær fjármaður og duglegur
stórbóndi eins og hann.
Það sem vakti fyrst eftirtekt
mína, er ég kynntist Ágústi var
það, hversu sanngjarn hann var í
dómum og tali um pólitiska and-
stæðinga sína. Á honum sannast
visuorð St.G. St: ,,Að hata að
eilifu málstað eins manns, en
manninum sjálfum þó bjarga.“
Hann er vel máli farinn í ræðu-
stóli, en þó skemmtilegastur í
fámennum kunningjahópi og rit-
fær vel.
En hvernig gat hann verið stór-
bóndi og átt myndarlegt heimili
og verið þó svona mikið af bæ?
Hann átti slíka búsýslukonu, að
ekkert fór úrskeiðis á heimilinu,
þótt húsbóndinn væri langdvölum
víðs fjarri. Hún hét Ingunn, og
var dóttir Hallgríms stórbónda í
Hvammi og Sigurlaugar konu
hans, sem orð fór af fyrir mann-
kosti. Ingunn á Hofi var atorku-
söm, forsjál og stjórnsöm. Hún
var gerðarkona í sjón og raun og
hafði mikinn persónuleika. Þó
þau hjón væru að ýmsu ólík, þá
farnaðist þeim vel saman, voru,
sem að líkum lætur, hjúsæl og
heimili þeirra var viðbrugðið fyr-
ir myndarskap, gastrisni og
veislur góðar.
Ingunn á Hofi lést á Land-
spítalanum 4. mars 1951.
Þrjár dætur eignuðust þau
Hofshjón, þær eru:
Valgerður, gift Sigurði Þor-
björnssyni á Geitaskarði, og
bjuggu þau þar við rausn og frá-
bæra snyrtimennsku á fjórða tug
ára, en létu þá jörðina að nokkru
af hendi við son sinn og tengda-
dóttur.
Brá þá Valgerður sér til Reykja-
• víkur í sjúkraliðanám, og nú
starfar hún á héraðshælinu á
Blönduósi. Hún hefir mjög tekið
að erfðum ýmsa kosti föður sins.
Vigdís, gift Gisla Pálssyni frá
Sauðanesi, og búa þau á Hofi.
Ragna, matráðskona á
hjúkrunarheimilinu Sólvangi i
Hafnarfirði. Hún var gift Birni
Bjarnasyni málarameistara, en
missti hann eftir stutta sambúð.
Allar eru þessar systur atorku-
samar og merkar konur.
Ágúst á Hofi hefir verið gæfu-
maður, farsæll í einkalífi sínu og
þess umkominn, er fáum hlotn-
aðist af samtíðarmönnum hans, að
geta helgað sig áhugamálum
sínum, kynnst fólki og fénaði,
ferðast um vort fagra land og
aukið með þvi þekkingu sína og
víðsýni, og eins og að likum lætur
unnið margt i þágu sveitar sinnar
og héraðs. Það yrði of langt mál
að telja hér upp öll þau
ábyrgðarstörf, er honum hafa ver-
ið falin um dagana.
„Á vorin uni ég hvergi nema
heima á Hofi,“ sagði hann eitt
sinn við mig. Vonandi verður
hann svo hress, að hann geti nú
sem fyrr farið heim að Hofi að
njóta vorsins en þó svo verði ekki
mun hann hvorki æðrast eða
kvarta, til þess er sjálfsþótti hans
of mikill.
Ágúst kvartar ekki þótt eitt-
hvað sé öndvert. Hvers virði væri
líka lífið, ef alúrei væri mótbyr,
aldrei neitt til að sigra?
Ekki er mér grunlaust um, að
hann hafi verið talsvert lífsþyrst-
ur fyrir eina tíð, og þeim þorsta
hafi kannski ekki verið að fullu
svalað, en gat það ekki líka verið
gæfa?
í hinum ágætu og fróðlegu
bókum sínum hefir Ágúst reist
sér (að sjálfsögðu með aðstoð
Andrésar Kristjánssonar) óbrot-
gjarnan minnisvarða, því að „bók-
stafurinn blífur“.
Ég árna honum allra heilla á
áttatíu og fimm ára afmælinu og
votta honum virðingu mina og
hollustu.
Hulda Pálsdóttir.
Stórkostlegt
tilbob
á framköllun
A___________
örugglega þaö bezta
_ 2
Ný litfilma fe X
INTERCOLOR II: Myndaalbúm
Me8 hverri framköllun fáíS þér án nokkurs Og hér er aukabónus: Þér fáiS I hvart sinn
aukagjalds nýju Intercolor II litfilmuna mjög skemmtilegt vasamyndaalbúum án
sem tryggir bjartari og betri litmyndir en, aukagjalds.
nokkru sinni fyrr.
Allar myndir
framkallaðar á
PrfPatt
nýja matta papplrinn sam atvinnuljós-
myndarar nota til aS tryggja bezta árang-
ur.
Sjáið verðlistann:
ViS bjóSum ySur örugglega beztu kjörin og
beztu þjónustuna. Og viS ábyrgjumst þaSl
Framköllun 20 myndir.
VerSlisti meS litfilmu og vasamynda-
albúmi innitaliS:
Venjulegt búðarverð:
2 890
OKKAR VERÐ: 2.450
Verzlið hjá okkur, það borgar sig
Ur9re/.
ÁSTÞÓR"
Hafnarstræti !7og Suðurlandsbraut 20
Ódýrt- einfalt- fyrir unglinga á öllum aldri.
I /AAAAA _
Húsgagnadeild
Jón Loftsson hf. I I I Ivl I I ri lHiir
Hringbraut 121 Sími 10600
Nýjasta nýtt! og aðeins í J.L. húsinu.
Thorex - pakkaraðhúsgögn.
Húsgögn, sem hver maður
getur raðaö aö eigin vild
og flutt og
breytt eftir þörfum.
Thorex-pakkaradhúsgögn, hönnuð af
Siguröi Karlssyni.
Sófi, stólar, hillur, borð, bekkir, skrifborð, skápar, hjónarúm.
Fást lökkuð eða ólituð, þér getiö ráðið litnum sjálf.