Morgunblaðið - 28.07.1977, Blaðsíða 35

MORGUNBLAÐIÐ, FIMMTUDAGUR 28. JULt 1977
35
upphátt færi, þegar öll sund virt-
ust lokuð í lífshlaupi ógæfusamra
aðila. Var þá hvorki talið eftir fé
né fyrirhöfn, ef duga mætti til að
leysa aðsteðjandi vanda. Á slíkum
stundum komu meðfæddir mann-
kostir hans hvað best í ljós.
Þótt Sigurður virtist oft hrjúfur
og harður í viðmóti, sem hann
raunar taldi sig verða að vera í
sumum tilvikum, var viðkvæmni
hans og tilfinning mikil. Hann var
einn þeirra sem hugsa meira en
þeir segja og lét siðan verða af því
aó framkvæma það sem gera
þurfti. Mættum við eiga fleiri
slíka.
Mesta hamingja sem vini min-
um áskotnaðist, var hans trausta
og myndarlega eiginkona, reysu-
legt heimili þeirra og dugleg og
vinnufús börn. Aðeins fáum dög-
um áður en hann lést, heimsótti
hann mig, þar sem ég dvaldi utan-
bæjar til heilsubótar, og bað mig
að koma með sér i bíltúr að Eyrar-
bakka, þaðan sem konan hans er
ættuð, en á „Bakkanum" eins og
hann orðaði það, voru þau i sam-
starfi við börn sin að koma sér
upp þægilegum samastað til að
dvelja í um helgar og öðrum frí-
stundum, þegar tóm gæfist til frá
annars mjög erilsömu starfi. I
þeim bíltúr eins og svo oft áður,
varð honum tiðrætt um sam-
heldni fjölskyldunnar við að
byggja upp fyrirtæki þeirra,
versl. Viði, sem nú þegar hefur
skipað sér umtalsverðan sess í
smásöluverzlun landsins. Sigurð-
ur hafði til að bera næga fram-
sýni og hagsýni tii aó byggja fyrir-
tæki sitt upp i samstarfi við dug-
mikla syni sína, en gætti þess hins
vegar ekki að huga að sjálfum sér,
þrátt fyrir aðvaranir eiginkonu og
annarra. Aanig fer stundum um
þá áhuga- og atorkumenn, sem
aldir eru upp við vinnu og aftur
vinnu og gera engan greinarmun
á nótt eða degi, ef koma þarf
hlutunum áfram. Þvi fór sem fór.
En eftirlifandi eiginkona hans,
börnin og barnabörnin byggja á
góðum grunni, sem lagður var af
traustum og hagsýnum atorku-
manni og ástríkum heimilisföður.
Missir þeirra er mikill og óvænt-
ur, en ég er þess fullviss að með
samheldni þeirra, eljusemi og
dugnaði, muni þau sjá málum sín-
um vel borgið. Enda væri það í
fullu samræmi við minningu hins
mæta drengs, sem lauk sinu jarð-
neska lffi svo langt um aldur
fram.
Um leið og ég kveð minn góða
vin og þakka honum ótal margar
og drengilegar samverustundir,
bið ég Guð að veita Vigdisi og
börnum þeirra styrk á erfiðum
tímum.
Sig. Magnússon.
Einn af dugmestu matvöru-
kaupmönnum í Reykjavik lézt þ.
17. júlí s.l. Sigurður Matthiasson
hafði kennt sjúkleika um langan
tima, þótt hann af karlmennsku
færi dult með það.
Sigurður var ákafamaður, kapp-
samur og fljótvirkur til fram-
kvæmda, hann var sérstaklega
glöggskyggn á lausn vandamál-
anná.
Hann fékk snemma áhuga á
verzluoarstörfum, og á þeim vett-
vangi haslaði hann sér völl. Sig-
urður var ekki bara kaupmaður,
hann var sérstaklega aðlaðandi og
fær afgreiðslumaður. 1 hópi við-
skiptavina sinna eignaðist hann
marga af sinum beztu vinum.
Hann hafði mikinn áhuga á starf-
semi Félags matvörukaupmanna,
en í mörg ár vildi hann ekki vera
þar i fararbroddi, þar taldi hann
aðra hæfari. En svo fór, að Sig-
urður tók að sér ábyrgðarstörf í
félagi sinu, og var hann fyrir
nokkrum árum kosinn fulltrúi
þess i Kaupmannasamtök tslands.
Fljótlega var hann kjörinn
fulltrúi þeirra samtaka i stjórn
Verzlunarbanka tslands h.f., og í
stjórn Lífeyrissjóðs verzlunar-
manna. Þar vann hann, af sínum
dugnaði og einurð, að hagsmuna-
málum stéttar sinnar. Kaup-
mannasamtök tslands hafa misst
góðan og virkan félaga.
Sigurður byggði upp fyrirtæki
sitt með mikilli vinnu og af fram-
sýni, og var fjölskylda hans sem
einn maður i þeirri uppbyggingu.
Fyrir nokkru yfirtók hann.
ásamt sonum sinum, eina af
stærstu matvöruverzlunum borg-
arinnar. Synirnir, Matthias og Ei-
ríkur, sem feta i fótspor föðurs-
ins, eru verzlunarstjórar i verzl-
ununum. Sigurður treysti þeim,
og hann var ekki aðeins faðir,
hann var mikill félagi þeirra. Það
eru miklar byrðar lagðar á herðar
bræðranna, en ég efast ekki um,
að þeir eru færir um að axla þær.
I mörg ár töluðum við Sigurður
daglega saman og stundum oft á
dag. Voru þá helzt rædd félags- og
hagsmunamál sjálfstæðrar verzl-
unar, sem Sigurði fannst alltaf
vera fyrir borð borin. Milli okkar
skapaðist vinátta, sem ég met
mikils og þakka. Ég kveð góðan
vin.
Við hjónin vottum Viggu, börn-
um, tengdabörnum og barnabörn-
um okkar innilegustu samúð.
Sveinn Guðlaugsson.
Eitt fyrsta verk mitt, er ég gerð-
ist kaupfélagsstjóri á Akranesi
upp ur 1940, var að svipast um
eftir manni til afgreiðslustarfa.
Ég var þá lítt kunnugur og þekkti
fáa.
í hópi unglinga bæjarins hafði
ég tekið eftir einum, sem mér
fannst skera sig úr fyrir gjörfu-
legt útlit og sérstaklega prúð-
mannlega framkomu, hvar sem
hann fór. Þessi piltur var Sigurð-
ur Matthíasson, ég gerði boð fyrir
hann, og spurði hann hvorh hann
vildi ekki gerast verzlunarmaður,
mig vantaði afgreiðslumann, og
ég hefði hug á að fá hann. Siguró-
ur var tregur fyrst, og taldi þetta
vart starf fyrir sig, þar er hann
hefði aldrei komið nálægt slíku,
ég kvaðst ekki óttast að hann klár-
aði það ekki, æfingin kæmi fljótt,
hann skyldi hugsa málið nánar,
og láta mig svo vita. Að tveim
dögum liðnum kom Sigurður aft-
ur og kvaðst gjarna vilja reyna
þetta, — sjá hvernig sér likaði, þá
var Sigurður 17 ára.
Það þarf ekki að orðlengja nán-
ar að Sigurður varð mjög fljótt
afbragðs verzlunarmaður, ötull,
duglegur og útsjónarsamur. Hann
varð fljótt hvers manns hugljúfi
fyrir prúðmannlega aðlaðandi
famkomu, hann varð fyrsta flokks
starfsmaður strax í upphafi.
Þegar Sigurður hafði starfað
með mér i 2 eða 3 ár fluttist
fjölskyldan til Reykjavíkur, gerð-
ist Sigurður þá fljótlega starfs-
maður í Kiddabúð sem kölluð var,
og var þar næstu árin, en 1951 hóf
hann svo eigin verslunarrekstur
er hann keypti verslunina að
Fjölnisvegi 2. Síðan hefur
verslunarrekstur Sigurðar verið
ein sigurganga, þrátt fyrir erfið
timabil, en Sigurður miklaði
erfiðleikana ekki fyrir sér, heldur
.tókst á við þá, af myndarbrag, og
sigraði þá.
t dag er „Viðir“ með tvær stór-
verslanir, í Starmýri 2 og Austur-
stræti.
En Sigurður kom víðar við,
hann vann jafnhliða mjög að
hagsmunamálum stéttar sinnar
með forgöngu um stofnun ýmissa
hliðarfyrirtækja, má þar nefna
Matkaup h.f., rekstur matvæla-
iðju og sláturhúsa, allt var þetta
gert til að styrkja aðstöðu smá-
söluverzlunarinnar, sem að þessu
stóó. Jafnhliða þessum umfangs-
miklu störfum, tók Sigurður mik-
inn þátt í félagsmálum stéttar
sinnar, hlóðst þar á hann trúnað-
arstörf, hann var árum saman í
stjórn Kaupmannasamtakanna,
hann var varamaður i Bankaráði
Verzlunarbanka íslands, og í
stjórn Lifeyrissjóðs Verzlunar-
manna. Hvar sem Sigurður lagði
hönd að verki, munaði um hann,
hann rak fyrirtæki sitt af miklum
dugnaði og fyrirhyggju, hann
gerði kröfur til starfsfólks síns,
en ætíð mestar til sín sjálfs.
Við Sigurður hittumst oft og
ræddum saman og sagði hann mér
oft frá áformum sínum, sem jafn-
an voru djarfmannleg og þaul-
hugsuð. Siðast sá ég þennan góða
vin minn 28. júni s.l. við settumst
inn á Skálann og spjölluðum sam-
an yfir kaffibolla smástund, hann
ræddi um störf sín og framtiðina,
hann hafði orð á þvi hvað þetta
væri að verða létt hjá sér, þar sem
synir hanns sæju um allan dagleg-
ar rekstur búðanna. Hann var
ánægður og leit björtum augum
fram á veginn. Það hvarflaði að
hvorugum okkar, að þetta yrði
okkar siðasta samtal.
Oftar en einusinni ræddi ég við
Sigurð hvað rekstur hans gengi
vel og skemmtilega, þá brosti
hann og sagði, „já, en það er ekki
allt mér að þakka, það er ekki
síður að þakka konu minni. og
sonum, sem alltaf hafa staðið í
þessu með mér, og stutt á allan
hátt.“ Hann mat störf þeirra mik-
ils og var þeim þakklátur.
Sigurður var margslunginn per-
sónuleiki, mér er næst að halda,
að f hvaða stétt eða stöðu hann
hefði haslað sér völl, hefði hann
komist i fremstu línu, hann hefði
allstaðar sómt sér jafn vel, stjórn-
samur og athugull. Gott væri ef
við ættum stærri hóp slikra at-
gerfismanna.
Sigurður var hamingjusamur
maður, hann sá áhugamál sin og
hugsjónir rætast, jafnvel hraóar
en búast hefði mátt við. Hann átti
afbragðs konu, Vigdisi Eiríksdótt-
ur, sem studdi hann i öllu, og bjó
honum og börnum þeirra sérstak-
lega fagurt og gott heimili, og
hann sá börn sín vaxa og verða
jafn reglusöm óg dugleg og hann
var sjálfur, sá þau feta i fótspor
foreldranna, þetta mat hann mik-
ils, og gladdist við.
En nú er Sigurður allur, við þau
þáttaskil þakka ég honum gömul
og góð kynni, þakka honum ára-
tuga langa vináttu og drengskap.
Hans ágætu konu og börnum,
ásamt venslafólki, sendi ég og
fjölskylda mín innilegustu sam-
úðarkveðjur.
Kæri vinur, þér var gott að
kynnast.
„Far þú i friði,
friður guðs þig blessi,
hafðu þökk fyrir allt
og allt.“
Sveinn Kr. Guðmundsson.
Nokkur minningar- og þakkar-
orð frá mér og börnum mínum.
Við vorum svo lánsöm að kynnast
raunsæi þessa manps og fjöl-
skyldu hans; meina ég þá Vigdisi
konu hans og börn þeirra þrem
Matthiasi, Astu og Eiriki, en það
var þegar við fluttum í Háaleitis-
hverfið. Var ég þá nýorðin ekkja
með fimm börn. Buðust þá Sig-
urður og Vigdís til þess að taka að
sér elsta son minn og mátti hann
vinna í versluninni hjá þeim, nóg-
ur matur og svefnpláss væri
heima. Drengurinn undi vel hag
sinum og fór vel á með honum og
börnum þessara mætu hjóna. Síð-
an hefur alltaf haldist vinátta á
milli okkar. Ég óska af heilum
hug að Sigurði líði vel og að allar
þrautir séu horfnar; einnig þakka
ég Vigdísi fyrir alla hlýju í minn
garð og barna minna með inni-
legri samúðarkveðju.
Ég bið uns birtir yfir,
og bjarminn roðar tind.
Hvert barn, hvert ljóð,
sem lifir,
skal lúta krossins mynd.
Hann var og verður
kysstur.
Hann vermir kalda sál.
Þitt líf og kvalir,
Kristur,
er krossins þögla mál.
Hvíl í friði.
V.M.V.
Kveðja frá Félagi Matvöru-
kaupmanna f Reykjavfk og Félagi
Kjötverzlana f Réykjavfk.
Það veldur ávallt trega, þegar
góðir vinir hverfa af sjónarsvið-
inu, ekki hvað sízt þegar menn á
hátindi starfsferils sins eins og
Sigurður var og sæti hans er svo
vandskipað, falla svo skyndilega
frá. Við munum ekki með þeim
fáu kveðju og þakkarorðum sem
við sendum honum að skilnaði
telja upp öll þau mörgu og marg-
slungnu störf sem hann innti af
hendi fyrir félagsmenn okkar og
kaupmannasamtökin i heild, hitt
•eggjum við áherzlu á að öll voru
þau innt af hendi með mikilli
alúð, sanngirni og samvizkusemi,
enda tók hann aldrei að sér starf
eða stöðu vegna nafngifta starfs-
ins, heldur af einlægum áhuga að
rækja það sem bezt og komu sér
þá vel hinir góðu eiginleikar sem
hann var svo vei búinn: dugnað-
ur, þrautseigja og samvizkusemi.
Það má og teljast einkennandi
fyrir hann að alls staðar þar sem
hann gat við komið reyndi hann
að bæta hag þeirra sem minha
máttu sín og verr voru settir og
auðnaðist honum það ekki á
félagslegum grundvelli þá hljóp
hann gjarna undir bagga sjálfur.
Sigurður var eindreginn
stuðningsmaður hins frjálsa
framtaks og hann sýndi í verki að
hann var maður til að láta það
njóta sín. Hann hafði er hann lézt
komið upp og rak ásamt sonum
sinum tvær stórverzlanir, sem
báðar standa með blóma, ef hægt
er að nota það hugtak um rekstur
matvöruyerzlunar. Þrátt fyrir
þessi umsvif i einkalifinu kom
það ekki i veg fyrir að hann léði
starfskrafta sina óskipta til heilla
félaga og heildarsamtaka kaup-
manna hvenær sem þess var ósk-
að eða þörf krafði, og eins og áður
er getið voru verkefnin ekki tekin
neinum vettlingatökum, enda
þótt heilsa hans á undanförnum
árum hafi siður en svo gefið til-
efni til að leggja á sig auka álag
vegna félagsmála.
Við þökkum Sigurði í nafni
Félags matvörukaupmanna i
Reykjavik og Félags kjötverzlana
í Reykjavik fyrir giftudrjúg störf
í okkar þágu. Ennfremur þökkum
við störf þau er hann vann á okk-
ar vegum í stjórn Kaupmanna-
samtaka Islands og Lífeyrissjóði
Verzlunarmanna, við þökkum
honum alla vinsemd og liðnar
ánægjustundir ennfremur öll
heilræði og hvatningarorð sem
við höfum af honum þegið á um-
liðnum árum. Við sendum honum
kæra kveðju yfir landamærin og
erum þess fullvissir að hann, sem
var trúr yfir litlu, verður settur
yfir meira á hinu nýja tilveru-
stigi. Við sendum eiginkonu hans
börnum og öðrum ástvinum ein-
lægar samúðarkveðjur. Við
biðjum lifsstarfi hans blessunar
og velgengni til handa þeim er nú
taka við stjórn og rekstri þess
fyrirtækis sem hann stofnsetti og
starfrækti af alúð til hinzta dags.
Blessuð sé minning Sigurðar
Matthiassonar.
F.h. Félags matvörukaupmanna 1
Reykjavík
Jónas Gunnarsson.
F.h. Félags kjötverzlana í Reykja-
vfk
Jón Sigurðsson.
SVAR MITT
EFTIR BILLY GRAHAM
Eg á indælan eiginmann — en hann getur ekki
hætt að sækjast eftir peningum. Okkur skortir
ekkert, og samt sér hann ekki annað en peninga.
Hvernig get ég hjálpað honum?
Einu sinni var Jesús beðinn að jafna deilur
tveggja bræðra út af arfi. Hann færðist undan því
og varaði menn jafnframt við ágirnd. Krónan er
þarfur þjónn, en harður húsbóndi. Hún á heima í
veskinu eða bankanum, en ekki í hjartanu. Auði ber
tiltekinn staður og vald, en hann á ekki að leggja
undir sig hásætið eða sveifla sprotanum. Ágirndin
gerir okkur ómannleg. Hún heldur okkur föstum í
helgreipum sínum. Hún herðir hjartað, deyðir
göfugar hvatir og útrýmir sönnum lífsgæðum, sem
við getum ekki án verið.
Eiginmaður yðar ætti að forðast ágirndina — með
árvekni, bæn, sjálfsstjórn og sjálfsaga. Minnið hann
á, að lífið er meira en beinharðir peningar, hús og
lendur, kaupmáttur og f járfesting. Lífið er meira og
betra. Látið Guð skipa æðsta sessinn. Krónan er
orðin hans guð. Hann er sekur um hjáguðadýrkun,
sem er verst allra synda. Látið hann snúa sér frá
krónunni til Krists. Þegar Kristur er kominn inn í
hjartað, leysast vandamál ágirndarinnar af sjálfu
ser.
Lokað
í dag fimmtudag 28. júlí vegna jarðarfarar
Pjeturs Danielssonar, hótelstjóra.
J.P. Innréttingar, Skeifan 7.
Vegna jarðarfarar
SIGURÐAR H. MATTHIASSONAR,
kaupmanns
verða skrifstofur okkar og kjötvinnsla lokuð
frá 14.00 í dag.
Búrfell h.f.
Vatnagörðum 6 — Skjaldborg v/ Skúlagötu
Lokað í dag
vegna jarðarfarar Sigurðar Matthíassonar, kaupmanns
frá kl. 2.30—4 30.
Rakarastofa Úlfars, Starmýri 2
Hárgreiðslustofa Brósa,
FiskbúSin,
Bakaríið Kringlan,
Hreinsun s.f.
Verzlun Anna Gunnlaugsson.