Morgunblaðið - 15.11.1977, Blaðsíða 40

22
MORGUNBLAÐIÐ, ÞRIÐJUDAGUR 15. NÖVEMBER 1977
Valursigraöi ÍR
meö28 stiga mun
VALSMENN áttu ekki í miklum erfióleikum með ÍR-inga i leik liðanna í Islands-
mótinu á sunnudaginn. Fyrri hálfleikur var nokkuð iafn, en í seinni hálfleik fóru
Valsarar í gang og kaffærði
Jafnræði var með liðunum
fyrstu 12 mínúturnar og var stað-
an um miðjan fyrri hálfleik 17:17.
Þá náðu Valsmenn nokkuð góðum
kafla og skoruðu 7 stig í röð. ÍR-
ingar, undir forystu Kristins
Jörundssonar, náðu þó að minnka
muninn í 4 stig fyrir hálfleik og
var staðan þá 35:31 Val í vil.
Seinni hálfleikur var algjörlega
eign Valsmanna og ÍR-ingar, sem
léku aðeins átta í þessum leik
vegna manneklu, eygðu aldrei
möguleika á sigri. Valsmenn juku
forskot sitt smátt og smátt og var
staðan t.d. á 14. mínútu s.h.
75—51 og þrem mínútum síðar
88:57. Leiknum lauk síðan með
yfirburðasigri Vals 95:57.
Rick Hockenos, þjálfari og leik-
ÍR-inga.
maður Vals, getur verið ánægður
með leik liðs síns gegn ÍR. Sjálfur
var hann besti maður Vals, en
aðrir leikmenn, svo sem Torfi
Magnússon, Kristján Ágústsson,
Ríkharður Hrafnkelsson og Þórir
Magnússon gáfu honum lítið eftir.
Óhætt er að fullyrða, að ekkert lið
hefur tekið jafn miklum framför-
um frá því í fyrra og vafalaust
verða Valsmenn í einu af efstu
sætunum í vor.
ÍR-ingar voru ekki öfundsverð-
ir af hlutskipti sínu gegn Val.
Aðeins Kristinn Jörundsson sýndi
þann leik, sem við mátti búast, en
aðrir leikmenn voru heillum
horfnir. Þá eiga ÍR-ingar einnig
við mannekluvandamál að stríða
eins og "fyrr er getið, en slíkt er
vart sæmandi íslandsmeisturun-
um frá því i fyrra. Vonandi á þó
eftir að rætast úr því vandamáli,
en ÍR-ingar eiga erfiðan vetur
framundan.
Stig Vals skoruðu: Hockenos 25,
Torfi og Þórir 18 hvor, Kristján
og Ríkharður 14, Hafsteinn
Hafsteinsson 4, Þorvaldur Kröjer
3 Helgi Gústafsson 2, og Gústaf
Gústafsson 1 stig.
Stig ÍR: Kristinn Jörundsson
28, Agnar Friðriksson 10, Stefán
Kristjánsson 11, Erlendur
Markússon 6, og Sigurður Gisla-
son 2 stig.
Dómarar voru þeir Jón Otti
Ólafsson og Hilmar Viktorsson og
var dómgæzla þeirra ekki
aðfinnslu verð. GG
I
ÁRMENNINGAR
KENNSLUSTUND
HJÁ KR-INGUM
KR-ingar, sem léku án Einars Bollasonar eins og víðfrægt er orðið, tóku
Ármenninga í kennslustund í körfuknattleik í leik liðanna á sunnudaginn. Allt frá
upphafi til enda var engin glæta í leik Armenninga og mega þeir þakka fyrir ef þeir
fá stig í deildinni í vetur.
Leikurinn hófst með miklum
látum KR-inga, sem léku „maður
á mann“ vörn alian völlinn, en
Ármenningar áttu ekkert viðun-
andi svar við slíku svo að körfurn-j
ar hlóðust upp á þá. A 9. mínútul
f.h. var staðan 19:8 og 7 mínútum
síðar var hún orðin 37:16. Um^
tíma gáfu Armenningar boltann í
hendur KR-inga hvað eftir annað,
sem þökkuðu fyrir sig með því að
skora, en staðan í hálfleik var
síðan 53:26.
Seinni hálfleikur var ekki siður
martröð fyrir Ármenninga. Mis-
tök á mistök ofan færðu KR-
ingum körfur á silfurfati og mun-
urinn var orðinn 36 um miðjan
seinni hálfleik. Á 14. mínútu var
staðan 90 stig gegn 55, en leiknum
lauk siðan með 48 stiga sigri KR,
108—60.
Bestir KR-inga í þessum leik
^voru þeir Jón Sigurðsson og
Andrew Piazza, en einnig áttu
þeir Bjarni og Sturla Jóhannes-
synir góða spretti. Annars áttu
allir KR-ingar góðan dag, enda
mótstaðan ekki mikil.
Skástur Ármenninga var Atli
Arason, en Mike Wood og Jón
Björgvinsson lifnuðu örlítið við
er leið á leikinn. Ármannsliðið
leikur hripleka svæðisvörn og er
það mesti höfuðverkur liðsins.
Það mun því að likindum taka
Mike Wood þjálfara Ármenninga
mikinn tima að lagfæra gallana.
Stig KR-inga skoruðu: Piazza
29, Jón Sigurðsson 23, Bjarni 18,
Kolbeinn Pálsson 8 og Ágúst Lín-
dal, Árni Guðmundsson, Birgir
Guðbjörnsson, Eiríkur Sturla
Jóhannesson og Jóakim Gunnar
Jóakimsson 6 stig hver.
Stig Ármenninga skoruðu:
Mike Wood 15, Jón Björgvinsson
og Sveinn Christiansen 13 stig
hvor, Atli Arason 12, Birgir Örn 4
og Ingvar 2 stig.
Dómarar voru þeir Kristinn Al-
bertsson og Þráinn Skúlason og
dæmdu þeir vel framan af, en
misstu einbeitinguna er leið á
seinni hálfleik.
GG.
Undrunarsvipur á andlitum leikmanna Ármanns og KR, enginn þeirra virðist vita hvert knötturinn er að
fara.
Einkennileg uppstilling Valsmanna í leiknum gegn ÍR. (Ljðsm. Frið
þjðfur).
SLAKIR FRAMARAR
ÁHU EKKIMÖGU-
LEIKA GEGN UMFN
NJARÐVlKINGAR tóku Framara í karphúsið í körfu-
knattleik á laugardaginn, er þeir síðarnefndu sóttu
Njarðvíkinga heim. Jafnvel stórleikur Símons Ólafsson-
ar dugði ekki til að bjarga Frömurum frá störtapi, en
þessi hávaxni miðherji var sá eini, sem Njarðvíkingar
gátu ekki hamið.
I upphafi skiptust liðin á um að skora, en Njarðvíking-
ar höfðu þó ávallt forystuna. Á fimmtu mfnútu var
staðan 11:9, UMFN í vil, en þá hrundi allt hjá Frömur-
um og Njarðvíkingar skoruðu næstu þrjár mínútur
ellefu stig gegn tveimur stigum Framara. I hálfleik var
staðan 48:35 Njarðvíkingum f hag.
I upphafi seinni hálfleiks náðu
Framarar í eina skiptið að ógna
forystu UMFN. A aðeins tveimur
minútum náðu þeir að minnka
muninn niður í fjögur stig, en þá
fóru þeir Kári Marísson og Stefán
Bjarkason í gang og hreinlega
stungu Framara af. Á 7. mínútu
var munurinn orðinn 15 stig og á
16. mínútu var hann orðinn 28
stig, en á lokamínútunum gátu
Njarðvíkingar leyft sér þann
munað að slappa af, og tókst þá
Frömurum að minnka muninn
um fjögur stig, en lokatölurnar
urðu 96:72.
Lið Njarðvikur verður ekki auð-
sigrað í vetur og leikur liðsins
gegn Fram sýndi, að mikill hugur
er í mönnum að sækja íslands-
meistarabikarinn til Reykjavikur.
Bestu menn UMFN gegn Fram
voru þeir Kári Marísson, Stefán
Bjarkason og Þorsteinn Bjarna-
son. Þá vakti athygli Arni Lárus-
son og er þar efniviður í ágætan
leikmann. Stig UMFN skoruðu:
Stefán 20, Kári 17, Þorsteinn 16,
Árni 14, Geir Þorsteinsson 9, Jón-
as Jóhannesson og Guðbrandur
Lárusson 6 hvor, Gunnar Þorvarð-
arson 4 og Júlíus Valgeirsson og
Brynjar Sigmundsson 2 stig.
Framarar léku allir langt undir
getu, nema Simon Ólafsson, sem
hélt liði sínu á floti með stjörnu-
leik. Framarar þurfa þó ekki að
örvænta um árangur, því innan
liðsins eru ungir og ört vaxandi
leikmenn. Stig Framara skoruðu:
Símon 31, Jónas Ketilsson og Óm-
ar Þráinsson 8, Þórir Einarsson 7,
Ólafur Jóhannesson 5, Gunnar
Bjarnason 6 og Björn Magnússon
og Þorvaldur Geirsson 4 hvor.
Dómarar voru þeir Jón Otti Öl-
afsson og Þráinn Skúlason og áttu
þeir náðugan dag. GG