Morgunblaðið - 18.12.1977, Blaðsíða 27
MORGUNBLAÐIÐ, SUNNUDAGUR 18. DESEMBER 1977
27
Þorgrímur læknir var um þetta
leyti alþingismaður Austur-
skaftfellinga og hafði keypt jörð-
ina að Borgum og hafði þar all-
stórt bú. Unnu þau hjónin bæði,
Eyjólfur og Þórdís, á búi læknis-
ins. Þorgrímur varð siðar héraðs-
læknir i Keflavík á árunum
1905—29 og fluttist að austan
1905. En Eyjólfur Bjarnason bjó
næstu tvö árin að Borgum, en
fluttist 1907 til Reykjavikur með
fjölskyldu sína.
Þá var Þorgrímur Eyjólfsson
aðeins 2 ára, en hann bar nafn
Þorgrims læknis og fyrir vináttu
sakir buðust læknishjónin, Þor-
grímur og kona hans Jóhanna
Lúðvíksdóttir Knudsen, þeim
Eyjólfi og Þórdísi að taka þennan
son þeirra til fósturs og fluttist
hann til þeirra tveggja ára gamall
og átti síðan heimili í Keflavík
upp frá því.
Hjá þessum merkishjónum ólst
Þorgrímur upp, og bar hann jafn-
an innilegan kærleikshug til
fósturforeldra sinna og fóstur-
systkina, sem nú eru öll látin,
nema frú Anna Þorgrímsdóttir,
læknisekkja, en af systkinum Þor-
grims eru á lífi, Vilhjálmur,
Jóhanna, Rannveig og Asgerður.
Þorgrimur Eyjólfsson gekk í
Flensborgarskóla og lauk þar
gagnfræðaprófi 1923, en stundaði
síðan verslunarnám i Kaup-
mannahöfn og lauk prófi frá
Páhlmans praktiske Handelsaka-
demi 1927.
Síðar stundaði hann verslunar-
störf bæði i Reykjavík og Kefla-
vík, og gerðist síðar meðeigandi i
Verslun Þorst. Þorsteinssonar í
Keflavik, en sú verslun hætti
störfum 1959.
Eftir það fékkst Þorgrímur
nokkuð við útgerð og frystihúsa-
rekstur, og var umboðsmaður
Brunabótafélags Islands um rúm-
lega 40 ára skeið og var það all
umfangsmikið starf, einkum hin
síðari ár.
Þá gegndi Þorgrímur fjölda
trúnaðarstarfa fyrir bæjarfélag
sitt, var í bæjarstjórn í nokkur ár
og varaforseti bæjarstjórnar. Þá
var hann lengi í stjórn Sparisjóðs
Keflavikur og stjórnarformaður
hin síðari ár.
Hann kom víða við sögu i
menningar- og atvinnumálum
Keflavíkur og Suðurnesja,
einkum meðan hann sat i bæjar-
stjórn. Þá var hann Iengi endur-
skoðandi Sölumiðstöbvar
hraðfrystihúsanna og dótturfyrir-
tækja hennar.
Þá hafði Þorgrímur allmikil af-
skipti af almennum félagsmálum,
bæði í Keflavík og víðar, þó að
það verði ekki hér upp talið.
Hann þótti hvarvetna hinn besti
liðsmaður, því hjá honum fór
saman nákvæm ihugun, skynsam-
legt mat í hverju máli, samfara
ráðdeild, hógværð og festu í orð-
um og athöfnum. Mun flestum
hafa þótt gott að starfa með Þor-
grími, sökum sanngirni hans og
drengskapar.
Þorgrimur kvæntist 21. febr.
1931 Eiríku Guðrúnu Arnadóttur
frá Gerðakoti á Miðnesi, Eiríks-
sonar. Lifir hún mann sinn, ásamt
tveimur börnum þeirra, Árna Þór
flugumferðarstjóra í Keflavik,
sem kvæntur er Hólmfríði
Guðmundsdóttur, og Önnu, hús-
freyju i Reykjavík, sem gift er
Asgrimi Pálssyni framkvæmda-
stjóra, en unga dóttur, Jóhönnu
Rögnu, misstu þau á barnsaldri.
Heimili hafa þau lengst af átt
við Hafnagötu 42 í Keflavik, enda
má því segja að heimili þeirra
hafi jafnan verið í þjóðbraut og
mjög rómað fyrir hlýleika og gest-
risni og hafa margir, ekki sist
innan fjölskyldunnar, átt þar
margar ánægjustundir, og allt
samstarf þeirra hjóna var mjög
með ágætum.
Þorgrímur var óvenjulega
mikill starfsmaður og féll honum
sjaldan verk úr hendi. Hann var
glaðlyndur, hjálpsamur og í öllu
drengur hinn besti. Hann hafði
yndi af ferðalögum og útilífi,
einkum laxveiðum og þau hjónin
ferðuðust mikið, bæði innan
lands og utan. Hann hafði gott
auga fyrir menningarverðmæt-
um, þar sem hann ferðaðist og var
athugull og fróður um margt. Er
skemmst að minnast ánægjulegr-
ar feðar, er þau hjónin fóru til
Italíu s.l. sumar.
Þorgrímur hafði um nokkurt
skeið átt við vanheilsu að búa, er
ágerðist smám saman og varð
banamein hans. Hann hélt áfram
að starfa, meðan dagur var, svo að
lengi vel sáu menn honum lítt
bregða. Hann bar þessa byrði með
karlmennsku, rósemi og trúar-
trausti.
Þessi fáu minningarorð um Þor-
grim Eyjólfsson eru jafnframt
þakkarorð frá okkur, sem vorum
tengd honum eða bundin fjöl-
skylduböndum. í okkar huga var
hann hinn góði og trausti fjöl-
skylduvinur, sem við stöndum öll
í þakkarskuld við og minnumst
hans þvi með söknuði og trega.
Keflavíkurbær er fátækari eftir
að Þorgrímur Eyjólfsson er þaðan
horfinn, en minningin um góðan
dreng og samborgara verður
áreiðanlega mörgum hvatning til
góðra verka.
Þannig er gott að mega lifa, og
þannig er gott að mega kveðja.
Blessuð sé minning góðs vinar.
Óskar J. Þorláksson.
Þegar degi er lokið og sól er sezt
— við sitjum við gluggann og
horfum á himininn í stjörnuklæð-
um, þá hvarflar hugurinn til lið-
inna daga lífsins, þess lífs er við
nutum á bernsku og unglingsár-
um, þess unaðar er við nutum í
skauti föður og móður.
Við þrjú, ég og fósturbræður
minir tveir Þorgrimar, vorum
börn þess heimilis, sem nú er ekki
lengur til, en geymist í minningu
þeirra sem enn ganga lífsins veg.
Kært er hann kvaddur, sá sem
nú er horfinn á braut, góðvinur-
inn frá barnæsku, sá sem var
leiðarljós okkar hinna yngri. Holl-
ur, trúr og sannur var hann til
hinstu stundar. Lífsveg sinn gekk
hann öllum til blessunar. Ævin-
lega til sátta er til hinstu stundar.
Lífsveg sinn gekk hann öllum til
blessunar. Ævinlega til sátta er til
sundrungar horfði. Hans lund var
svo ljúf og svo góð. Þú lund fékk
hann f arf frá góðri og göfugri
móður. Hún er okkur öllum
ógleymanleg. Starf foreldra hans,
Þórdísar og Eyjólfs var undir-
staða velgengni þess fólks er
hann naut uppeldis hjá og ástar,
sem sonur þeirra væri, Jóhönnu
og Þorgríms læknis, þvi þeirra
sonur varð hann. Þegar hallaði
undan fæti veitti hann fósturföð-
ur sínum hjálp og styrk. Hann
naut sjálfur hjálpar sins góða
ferðafélaga og ástvinar, Eiriku.
Hún stóð við hlið hans traust og
trúföst til hinstu stundar. Ætt
hennar og uppruni er slíkur að
annað hefði ekki getað skeð. Hún
er af því fólki komin. Blessunar-
ríkt var samband þeirra frá æsku
til dauða. Svo heitt og svo einlægt.
Hamingju gaf þeim sá sem því
ræður og bönd þeirra hjartna
sterk og heil og heitust er á
reyndi. Minning mín um þau tvö,
ung og fögur, er nú i dag svo ný
og heil og gefur fornum minning-
um minningar minninganna. Frá
mér, móður minni og fósturbróð-
ur mínum er Þorgrímur Eyjólfs-
son kvaddur beztu kveðjum og
þökkum fyrir samfylgd i þessu
lífi.
Birna Jónsdóttir
Oss húrtan klukkur kulla.
svo kallar (>u<> oss ulla
til sín úr heimi hér,
þá söfnuð hans vér sjáum
og saman vera fáum
f húsi þvf. sem eilift er.
Á morgun verður til hinstu
hvíldar borinn ástkær tengdafað-
ir minn Þorgrimur St. Eyjólfsson
forstjóri frá Keflavik. Ukkar
fyrstu kynni hófust 1958, og er
mér ljúft að minnast margra
ánægjustunda með honum og eft-
irlifandi konu hans Eiríku G.
Árnadóttur. Heimili þeirra hjóna
stóð okkur Önnu dóttur hans og
börnum okkar ávallt opið og oft
greiddi hann götu okkar er á
þurfti að halda. Börnum okkar
var hann framúrskarandi góður
afi og vil ég sérstaklega þakka
honum hversu annt honum var
um þau, og var þeim þolinmóður
fræðari í uppvexti þeirra. Hann
var maður fróður og víðlesinn
enda vinmargur og hrókur var
hann alls fagnaðar'á mannamót-
um og fundum með sinni kimni-
gáfu og léttleika í tilsvörum.
Veikindi sín bar hann með sér-
stakri hugarró og lét sér hvergi
bregða, þótt hann vissi að hverju
stefndi um hálfs árs skeið. Alltaf
var það hann, sem var með gam-
anyrði á vör og hélt hann því til
hinstu stundar. Tel ég fátitt að
menn taki eins karlmannlega á
jafn erfiðum veikindum og hann
gerði.
Blessuð sé minning hans. Hjart-
ans þökk fyrir samfylgdina.
Ásgrimur Pálsson.
, t
Alúðar þakkir fyrir samúð og vináttu við andlát og jarðarför.
ÓLAFS SIGURÐSSONAR,
Borgarnesi.
Sérstakar þakkir til forstöðukonu og starfsfólks Dvalarheimilis Aldraðra,
einnig til Verkalýðsfélagsins, Bridgefélagsins og fleiri, sem heiðruðu
minningu hans og oft höfðu glatt hann með gjöfum og heimsóknum
Valdís Sigurðardóttir,
Albert Sigurðsson,
Ólöf Pétursdóttir,
Þorsteinn Ólafsson,
og aðrir vandamenn.
+
Þökkum auðsýnda samúð, við fráfall eiginmanns mins, föður, sonar.
bróður og fósturföður
BENEDIKTS GUNNLAUGSSONAR.
Jóhanna D. Magnúsdóttir,
Sigriður Hafdis Benediktsdóttir.
Sigurveig Björnsdóttir.
systur og fósturbórn.
Kveðja frá Sparisjóðnum í
Keflavfk.
Þorgrímur St. Eyjólfsson átti
sæti í stjórn sparisjóðsins nær
óslitið frá 1934, þar af sem stjórn-
arformaður 33 sl. ár. Enginn hef-
ur svo lengi starfað við stjórnun
þessarar stofnunar og tekið þátt i
mótun þeirrar starfsemi, sem þar
fer fram. Miklar breytingar og
aukin umsvif sparisjóðsins hafa
ávallt markast af hæfui i framsýn-
um stjórnendum — sem Þor-
grími, mönnum sem voru Suður-
nesjamenn í orði og æði og vildu
allt til vinna að auka hagsæld
samborgarana, hvar sem þeir
gátu því við komið og gerðu sér
það ljóst, að með öflugri lána-
stofnun heimamanna var grund-
völlur lagður að hagsæld fóíksins.
Sparisjóðurinn á nú á bak að sjá
einum sinna beztu manna, en
störf hans fyrir sparisjóðinn
gleymast ekki.
Stjórn og starfsfólk Sparisjóðs-
ins i Keflavik votta frú Eiríku
Arnadóttur, börnum þeirra
hjóna, svo og öðrum aðstandend-
um innilegustu samúð.
Þegar ég fluttist til Njarðvíkur
kynntist ég ungum hjónum í
Keflavík, frú Eiríku G. Arnadótt-
ur og Þorgrími S. Eyjólfssyni
voru þau i hópi hinna fyrstu er ég
kynntist hér. Síðan hefur leið
okkar Þorgrims legið saman í
fjörutíu ár, þar sem við báðir höf-
um verið þátttakendur í ýmsum
félagssamtökum. Á fjörutiu ára
tímabili myndast náin kynni,
einkum þá oft þarf að ráða fram-
úr ýmsum vandamálum. A þessu
tímabili hlóðust mörg trúnaðar-
störf á Þorgrim er hann leysti af
hendi með stakri trúmennsku,
hógværð og réttlætiskennd, aðrir
munu tilgreina hver þau störf
voru, þó vil ég greina frá tveimur
af mörgum. Hann og Elías Þor-
steinsson voru brautryöjendur á
sviði hraðfrystiiðnaðar, ekki ein-
ungis á Suðurnesjum, heldur á
landinu öllu, þvi hraðfrystihúsiji
Jökull mun hafa verið annað hús-
ið er byggt var, hið fyrsta var
sænska frystihúsið Reykjavík.
Hraðfrystiiðnaðurinn hefur nú
náð þeirri útbreiðslu að flest
byggðarlög landsins byggja sinn
atvinnugrundvöll á honum að
meira eða minna leyti.
I stjórn Oliusamlags Keflavíkur'
og nágrennis var hann frá byrjun
til dánardags. Á þessu timabili
heyrði ég Þorgrím aldrei tala
hnjóðsyrði til nókkurs eða um
nokkurn mann, svo orðvar var
hann. Þorgrímur var glaður og
gamansamur í vinahóp og kunni
vel að meta létta fyndni, því að-
eins að hún væri græskulaus.
Heimili þeirra Eiriku og Þor-
gríms var með hinum mesta
myndarbrag, þau voru samhent í
starfi. Þar átti hann friðsælan
hvildarstað frá oft erfiðum störf-
um hjá umhyggjusamri eiginkonu
og börnum. Þau áttu tvö mann-
vænleg börn.
Önnu gifta Asgrími Pálssyni
framkvæmdastjóra, Eyjaseli 5,
Framhald á bls. 18
+
Þökkum auðsýnda samúð við fráfall eiginmanns mins, föður og sonar
BRAGA ÞÓRS MAGNÚSSONAR
Aldís Jónína Höskuldsdóttir
Höskuldur Bragason
Bylgja Bára Bragadóttir
Magnús Jóhannsson og
Bára Hallgrímsdóttir.
+ Þökkum auðsýnda vináttu og samúð vegna fráfalls eiginmanns míns.
föður okkar. stjúpföður. tengdaföður og afa
SVEINBERGS JÓNSSONAR
fyrrv. bifreiðastjóra
frá Blönduósi
Lára Guðmundsdóttir,
Brynjólfur Sveínbergsson, Brynja Bjarnadóttir.
Jón Sveinbergsson. Sesselia Bjarnadóttir.
Grétar Sveinbergsson, Guðrún Steingrímsdóttir,
Birgir Sveinbergsson, Lára Sveinbergsdóttir,
Þórey Sveinbergsdóttir, Ásgrimur Jónasson,
Gísli Sveinbergsson, Guðrún Benediktsdóttir,
Margrét Sveinbergsdóttir. Baldvin Júlíusson.
Sigurgeir Sveinbergsson, Margrét Böðvarsdóttir,
Sjöfn Ingólfsdóttir. Bjarni Ólafsson,
og barnabörn.
+
Hjartanlegar þakkarkveðjur sendum við öllum þeim er sýndu okkur
samúð og vináttu við andlát og útför.
GUÐMUNDU JÓHANNSDÓTTUR.
Akri, Eyrarbakka.
Sérstakar þakkir færum við starfsfólki sjúkrahússins á Selfossi fyrir
frábæra umönnun i veikindum hennar
Guðrún Jóhannsdóttir.
Sigurveig Þórarinsdóttir. Baldur Teitsson.
Jóhann Þórarinsson, Ingunn Ingvarsdóttir.
+
Þakka öllum sem sýnt hafa mér hjálpsemi og vinarhug við andlát
mannsins mins,
HALLDÓR JÓHANNESSONAR.
semandaðist 10 nóvember 197 7
Jafnframt óska ég öllum gleðilegra jóla og farsælt komandi ár
Með kærri kveðju frá öllum aðstandendum.
Rannveig Wormsdóttir.
Lokað
verður á morgun mánudaginn 19. desember
vegna jarðarfarar
VALDIMARS EINARSSONAR,
bifreiðastjóra.
Verzlunin Kjalfell s/f
Gnoðarvogi 78.