Morgunblaðið - 17.06.1978, Blaðsíða 3

MORGUNBLAÐIÐ, LAUGARDAGUR 17. JÚNÍ 1978'
• Samkvæmt gildandi lögum er
söluhagnaður af eignum yfir-
leitt skattfrjáls eftir tiltekinn
eignarhaldstíma. í hinum
nýju lögum er aðlreglan sú að
söluhagnaður verður alltaf
skattskyldur án tilllits til
eignarhaldstíma. Hins vegar
er skýrgreiningu á sölu-
hagnaðarhugtakinu gjör-
breytt. Nú verður sölu-
hagnaðurinn ákveðinn sem
mismunur á söluverði annars
vegar og kostnaðarverði að
frádregnum fyrningum hins
vegar þegar kostnaðarverðinu
og fyningunum hefur verið
breytt til samræmis við al-
mennar verðbreytingar.
Skattlagning söluhagnaðar
sem stafar af því að eign
hefur hækkað í verði í sam-
ræmi við almennar verð-
hækkanir ætti því ekki að
koma til.
• Veruleg breyting er gerð
varðandi skattlagningu ein-
staklinga í atvinnurekstri.
Miðar hún að því að aðgreina
atvinnureksturinn og ein-
staklinginn (eigandann) við
skattútreikninginn. Er eig-
andanum gert að reikna sér
laun frá rekstrinum, sem
færast til frádráttar þar.
Verði tap á atvinnurekstrin-
um fæst það ekki til frádrátt-
ar öðrum tekjum eigandans,
t.d. launatekjum. Tel ég að
það verði einmitt niðurfelling
tapsfrádráttarins sem mest
áhrif hefur varðandi þessa
breytingu en ætla má að hún
hafi einnig áhrif til hækkun-
ar á útsvörum hjá þessum
aðilum.
• Margar aðrar breytingar eru
gerðar á lögunum sem snerta
atvinnureksturinn, sem ekki
er tækifæri til að fara frekar
út i nú, en þar má m.a. nefna
ákvæði varðandi vörubirgðir,
niðurfærslu á útistandandi
skuldum, jöfnunarhlutabréf,
arð, eignarskattsstofn o.fl.
Niðurstöður
• Hin nýju skattalög taka
gildi 1. janúar 1979 og gilda
um tekjuárið 1979. Verður
því fyrst lagt á eftir þeim á
árinu 1980, en fyrirhugað
staðgreiðslukerfi kann að
hafa þar einhver áhrif.
• Ilér hefur ekki verið rætt um
eða lagt mat á skattstiga eða
skatthlutföll, en verðlags-
þróun næstu missera og
timasetning á gildistölu
staðgreiðslukerfis hefur úr-
slitaáhrif á það mat.
• Ég tel þessa lagasetningu
vera merkasta framiag á
sviði skattamála s.l. tvo
áratugi. Lögin eru ekki
gallalaus en kostirnir yfir
gnæfa galiana að mínu mati.
Með lögunum er lagður
grundvöllur að frekari fram-
förum á sviði skattamála.“
er hræddur um að þessar ráð-
stafanir geti orðið til þess að
bændur leggi ekki nógu mikla
áherzlu á að fjölga gripum af
ótta við minni verðhækkanir.
Slæmt veður undanfarna vet-
ur hafur ýtt undir verðbólguna.
Mikið af grænmeti eyðilagðist í
miklum rigningum í Kaliforníu í
vor, og svín þoldu ekki vetrar-
kuldana svo smithætta jókst
meðal þeirra.
Bændur kvarta vegna ráða-
gerða stjórnarinnar um að
greiða þeim lægri bætur næsta
ár, en styrkir til þeirra hafa
kynt undir verðbólgunni. Þó
kvarta neytendur hvað sárast.
Ávextir og grænmeti eru að
verða munaðarvörur, og kjöt
sést mun sjaldnar á borðum nú
en áður.
Það er langt í það að vöruverð
fari að lækka. Nýjustu spár eru,
að verð á matvælum hækki alls
um 10% á árinu 1978. Slæmt
veður fram að áramótum getur
þó gert þessar spár að engu.
LANDGRUNNS
PENINGURINN
MINNING UM MERKAN ÁFANGA
MÓTUÐ í SILFUR OG BRONS
í tilefni þess, að 30 ár eru liðin frá setningu
laga um vísindalega verndun fiskimiða land-
grunnsins, hefur sjávarútvegsráðuneytið
gefið út minnispening.
Á þessum lögum eru byggðar fiskvernd-
unaraðgerðir okkar og útfærsla landhelg-
innar í áföngum úr þremur í tvö hundruð
sjómílur.
Peningur þessi er glæsilegur minjagripur,
sem heldur á lofti minningum um skelegga
baráttu lítillar þjóðar til sjálfforræðis yfir
auðlindum sínum. Baráttu, sem færði okkur
íslendingum marga sigra, þann mesta með
útfærslu landhelginnar í 200 mílur.
Peningarnir eru slegnir hjá Ís-Spor h.f.,
Reykjavík, en hönnuður þeirra er Þröstur
Magnússon, teiknari FfT. Þeir eru 5 sm í
þvermál og tölusettir á rönd. Gefnar verða
út 750 samstæður silfur- og bronspeninga
og 2250 stakir bronspeningar.
Verð á samstæðu, þ.e. silfur- og brons-
peningi saman í öskju, er kr. 24.000, en verð
á stökum bronspeningi í öskju er kr. 6.000.
Seðlabanki íslands annast sölu og
dreifingu peninganna, en söluaðilar eru:
Afgreiðsla Seðlabankans, Hafnarstræti 10,
Búnaðarbankinn, Útvegsbankinn, Lands-
bankinn og útibú þeirra svo og helstu mynt-
salar í Reykjavík.
Ath. Til og með 26.júní 1978 miðast
afgreiðsla á samstæðum við þrjár til hvers
kaupanda, vegna takmarkaðs upplags.
oOÚN' %
U ’ . L.

y
■ i

SJÁVARÚTVEGS
RÁÐUNEYTIÐ
Borgfirzkir bændur rólegir
yfir alþingiskosningunum
Borgarfirði 8. júní.
NÚ ER sauðburður um garð genginn
og tekur þá við sá tími hjá bændum,
er þeir bera áburð á tún, brjóta land
til ræktunar, dytta að girðingum eða
gera vélarnar tilbúnar fyrir sláttinn
o.s.frv. Það er því ekki svo að nú liggi
bændur á meltunni og bíði þess að
sláttur geti hafist. En þó má búast
við því, að sláttur hefjist seinna
sökum kulda. Hefur kalsarigning
verið undanfarið og gránað í fjöll um
nætur. Hiti hefur verið við frost-
mark á nóttunni og varla náð 10
stigum yfir hádaginn. Fer gróðri því
hægt fram í slíku tíðarfari og útjörð
varla græn enn. Þó er jörð víðast
hvar frostlaus, þannig að ef til betri
tíðar drægi, tæki gróður vel við sér.
Hefur því vorverkum seinkað meira
en æskilegt væri og sláttur hefst
varla fyrr en vel af júlí.
Nú er farið að styttast í alþingis-
kosningarnar og hér í Vesturlands-
kjördæmi eru framboðsfundir innan
seilingar, þar sem kandidatar flokk-
anna koma í stólinn og agnúast eða
lofa, eftir því hvort þeir eru í stjórn
eða stjórnarandstöðu. Þeir segja frá
því, hvar þeir hafi lagt veg eða byggt
brú. Og sá næsti kemur upp og segist
skulú byggja enn fleiri brýr og leggja
enn fleiri vegi en síðasti ræðumaður
taldi upp, bara ef þið viljið kjósa
mig. Og það virðist ekkert þurfa
aukna skatta eða að neitt þurfi að
leggja af mörkum til þessa alls. Allt
verður betra ef ég kemst að.
í sjálfu sér raskar þetta ekkert ró
borgfirskra bænda. Þeir hlaupa ekki
upp til handa og fóta og segja að
fyrirtækið sé á hausnum og því verði
lokað ef ekkert verði að gert.
Gjaldþrot blasi við. Hjá bændunum
er hin sérstæða sköpun að verki.
Sauðburður er búinn, undirbúningur
sláttar er á fullu, síðan heyskapur-
inn, haustið með göngur og réttir
o.s.frv. Þeir gera ekkert veður út af
því þótt kosningasnatar fari bæ frá
bæ og segi þeim að allt sé að fara
til andskotans og það „er ég sem get
bjargað því sem bjargað verður".
Eða þá að allt muni fara illa „ef þú
ekki kýst mig“. Þeir líta bara rólega
í aðra átt, þegar stóra „drossían"
rennur úr hlaði, líta þangað, þar sem
gras grær í varpa og fugl flýgur í
lofti og ígrunda hversu þungur
dilkurinn verði undan Flekku í
haust.
— Fréttaritari.