Morgunblaðið - 02.07.1978, Blaðsíða 30

30
MORGUNBLAÐIÐ, SUNNUDAGUR 2. JULI 1978
Hafnarfjarð-
arkirkja
IIAFNARFJARÐARKIRKJAi
Messa kl. 11 árd. í dag. Séra Bjarni
Sigurðsson lektor frá Mosfelli
annast messugjörðina. Séra Gunn-
þór Ingason.
— Þórður kosinn
Framhaid af bls. 32
er Islendingum heimilt að veiða
1.524 hvali, en þó má ársveiði
aldrei fara fram úr 304 langreyð-
um. Alþjóða hvalveiðiráðið hefur
aldrei áður sett slíkan kvóta sem
þennan — því allir aðrir kvótar
eru veittir frá ári til árs. Er það
eingöngu vegna þess að álitið er að
stofninn sé það sterkur að hann
þoli slíkan kvóta. Þá er óbreyttur
kvóti að því er varðar sandreyðina
84 hvalir á ári. Þá er kvótinn um
veiðar búrhvala rúmlega 600
hvalir, en sá kvóti nær til mun
stærra svæðis. Hafa íslendingar
aldrei veitt nema eitthvað á annað
hundrað hvali af þeirri tegund.
Eins og áður segir var Þórður
Asgeirsson kjörinn formaður al-
þjóða hvalveiðiráðsins til næstu
þriggja ára. í ráðinu eru 17 þjóðir
og hafa nokkrar þjóðir nú tilkynnt
að þær muni ganga í ráðið. Eru
það þjóðir eins og Chile, Spánn og
Perú. Ráðið heldur árlega fundi,
—
en fráfarandi formaður var
Astralíumaður, Bollen að nafni.
Þessar þjóðir eiga aðild að ráðinu:
Argentína, Brasilía, Kanada,
Ástralía, Frakkland, Danmörk,
Island, Japan, Mexíkó, Holland,
Nýja Sjáland, Noregur, Suður-
Afríka, Panama, Rússland, Banda-
ríkin og Bretland. Panama hefur
tilkynnt að það hyggist segja sig
úr ráðinu, enda stunda Panamabú-
ar engar hvalveiðar.
Þeir Þórður, Kristján og Jón
munu nú halda til Kaupmanna-
hafnar, þar sem haldinn verður
fundur í boði dönsku ríkisstjórnar-
innar. Á fundinum verður fjallað
um nýja stofnskrá fyrir alþjóða
hvalveiðiráðið.
— Formennsku-
deilan óleyst
Framhald af bls. 32
um þetta deilumál, en á borgar-
stjórnarfundi næstkomandi
fimmtudag mun eiga að kjósa
í Hafnarstjórn, en kosningu í
hana var frestað á sínum tíma.
Eins og áður hefur komið
fram í Morgunblaðinu mun
Guðmundur J. Guðmundsson
hafa tryggt sér stuðning a.m.k.
tveggja borgarfulltrúa Alþýðu-
bandalagsins, þeirra Guðrúnar
Helgadóttur og Guðmundar Þ.
Jónssonar. Óvíst er um afstöðu
Þórs Vigfússonar borgarfuli-
trúa.
— Alþýðublað-
ið 4 síður
Framhald af bls. 2
Gylfi Þ. Gíslason sagði að Árni
Gunnarsson ritstjóri Alþýðublaðs-
ins væri nú staddur erlendis,
þannig að honum fjarstöddum
væri ekki unnt að segja hvernig
mál skipuðust er hann tekur sæti
á Alþingi, „en hann verður alla
vega ritstjóri fyrst um sinn“. Þeir
Haukur Helgason og Vilmundur
Gylfason annast ritstjórn blaðsins
í fjarveru Árna.
Gylfi sagði að Alþýðublaðið
hefði notið vaxandi fylgis Alþýðu-
flokksins að undanförnu og hefðu
blaðinu bætzt áskrifendur um og
eftir alþingiskosningarnar. Ekki
kvaðst Gylfi geta sagt til um í hve
stóru upplagi Alþýðublaðið yrði
gefið út nú, né heldur vildi hann
nefna ákveðinn áskrifendafjölda.
— Hrapaði
Framhald af bls. 32
hætti slysið varð né heldur hversu
langt drengurinn féll, en bergið er
hæst 15,3 metrar.
Félagi drengsins leitaði hjálpar
og var lögreglunni tafarlaust
tilkynnt um atburðinn. Drengur-
inn var fluttur í sjúkrahúsið í
Keflavík og þaðan í slysadeild
Borgarspítalans í Reykjavík.
\
Black s Decken
Mest selda garðsláttuvél landsins
Hin vinsæla rafknúna
Black & Decker
MEÐ
NÝTT ÚTLIT
STÆRRI MÓTOR
OG TVÖFALDA
EINANGRUN
D. 808
525 w
m/ grasskúffu
Slær blautt gras
Stutt og langt — stökkt og gróft aö yðar
vilja.
ÓDÝR - LÉTT - HANDHÆG
Lítið inn á næsta útsölustað.
G. Þorsteinsson & Johnson
ÁRMÚLA 1 - SÍMI 85533
SVAR MITT
EFTIR BILLY GRAHAM
Ég stjórna bekk ungs fólks. Þau spurðu mig, hvert væri
hið eiginlega gildi Biblíunnar á þeim tímum vísinda, sem við
lifum á. Hvernig get ég svarað þessu?
Ég þykist vita, að sumt af þessu unga fólki hafi
sjiurt um, hvaða erindi Biblían ætti við okkar tíma.
Ég trúi því, að engin bók í víðri veröld eigi eins vel
við okkar tíma og Biblían og að líf okkar verði tómt
og snautt án kenninga hennar.
Það er ekki lengra síðan en í morgun, að ég las þessi
orð:
„Orð Guðs er lifandi og kröftugt og beittara hverju
tvíeggjuðu sverði og smýgur inn í innstu fylgsni sálar
og anda, liðamóta og mergjar og er vel fallið til að
dæma hugsanir og hugrenningar hjartans. Og enginn
skapaður hlutur er honum hulinn, en allt er bert og
öndvert augum hans, sem hér er um að ræða“. (Hebr.
4,12-13).
Þessi lýsing á Biblíunni ætti að sýna okkur, hversu
mikilvægt það er, að við látum Guð tala til okkar af
síðum hennar. Því aðeins getum við séð okkur, eins
og Guð sér okkur. Því aðeins getum við þekkt Guð eins
og hann er í raun og sannleika.
Lesum Biblíuna rækilega, og hún á hjálp í allri þörf
hjartna okkar og lífs. Látum hinar helgu ritningar
vera leiðbeinanda okkar, og við komumst að raun um,
að vegurinn jafnast og vilji Guðs verður augljós.
Margt annað mætti nefna, en þetta vil ég segja að
lokum:
„Þegar við biðjum Guð að tala til okkar, er við lesum
Biblíuna, gerir hann það ævinlega."
— Telja sig hafa
náð árangri
Framhald af bls. 2
málefnum ekki síður fyrir Islend-
ins?a en aðra ö({ einnig viljum við
benda á að við fordæmum ofveiði
hvala hvar sem er í heiminum,
höfum t.d. í huga Spán og
Færeyjar, sem við nefndum áðan,
og Japani og aðra sem hafa gengið
nærri stofnum hvala víðs vegar
um heim.
Aðspurðir um frekara framhald
á næsta sumri kváðust þeir ekki
vita alveg um, en ráðgerðu þó að
koma aftur og þá reynslunni ríkari
og betur undir það búnir að takast
á við hvalveiðiskipin. Sögðu þeir
að kvikm.vndað hefði verið nokkuð
mikið í ferðinni og myndu þeir
e.t.v. koma hingað í vetur þegar
myndin væri tilbúin til að kynna
hana íslendingum.
— Sadat
Framhald af bls. 29.
Ég sneri heim frá Israel. Sam-
staða hafði náðzt í tveimur
grundvallaratriðum: engin styrj-
öld framar milli þjóða okkar og
trygging öryggis þjóða okkar. Ég
ávarpaði egypzka þingið og skýrði
frá ferðinni og málflutningur
minn fékk nær óskoraðan stuðn-
ing.
Ég þori ekki á þessari stundu að
segja hvað framtíðin muni fela í
sér. En sjálfur veit ég að ég mun
standa við friðarfrumkvæði mitt.
Ég mun ekki láta mér úr greipum
ganga neitt það tækifæri sem gæti
leitt til sæmandi og nauðsynlegs
friðar í Miðausturlöndum.
(hk þýddi, stytti og endursagði)
— Er ástæða
til að óttast
Sovétríkin?
Framhald af bls. 17.
En þaö er erfitt að trúa að
þetta sé það sem í rauninni vakir
fyrir Sovétmönnum.
Sovétríkin eiga við annað
varnarvandamál að stríða fyrir
utan það, er að Vesturlöndum
snýr; gagnvart nágrönnunum í
austri, Kínverjum. Margir vest-
rænir hernaðarsérfræðingar hafa
um skeið verið uppveðraðir af
karpi Kínverja og Kremlverja.
Hefur mörgum þeirra verið boðið
til Kína, þar sem þeir hafa
þóknast gestgjöfum sínum með
yfirlýsingum um ágæti þess að
Kínverjar myndi hernaðarlegt
mótvægi gegn Sovétríkjunum.
En jafnframt því að hernaðar-
sérfræðingar á Vesturlöndum líta
til Kínverja með velþóknun staf-
ar af þeim umyrðalausri ógn í
augum Moskvuyfirvalda. Hafa
sovéskir embættismenn látið í
veðri vaka að hin nýja kínverska
forysta sé ekki hótinu skárri en
stjórn Mao formanns.
í veigamikilli grein í síðustu
viku sakaði málgagn sovéska
kommúnistaflokksins, Pravda,
Kínverja um að búa sig undir
þriðju heimsstyrjöldina. I kjölfar
hennar birtist önnur þar sem
látið var að því liggja að ráðgjafi
Carters Bandaríkjaforseta í
öryggismálum, Zbigniew
Brzezinki, hefði í nýafstaðinni
ferð sinni til Peking samþykkt „á
andsovéskum grundvelli sameig-
inlega stjórnmálastefnu með
Kína varðandi fjölda alþjóðlegra
vandamála." Sovétmenn hafa enn
ekki borið Vesturlöndum á brýn
hernaðarsamvinnu við Kínverja.
Á hinn bóginn eru þeir greinilega
þess uggandi að Bretar og aðrar
Vesturevrópuþjóðir kunni að
selja Kínverjum vopn. (Kínverjar
hafa látið í ljós áhuga á svo-
nefndri „Harrierþotu" Breta).
Málsvarar vopnasölu til Kína
hafa ekki hugleitt afleiðingar
slíkra viðskipta til enda. Að
minnsta kosti hafa Bretar enn
ekki gert upp hug sinn um hvort
salan myndi láta meira illt en
gott af sér leiða.
En Sovétmenn eru ekki í vafa.
Hafa þeir þegar varað vestur-evr-
ópskar ríkisstjórnir við of nánu
samstarfi við Kínverja og sagt að
það gæti skaðað tengsl þeirra og
Moskvuyfirvalda „óbætanlega."
Svo mikið má fullyrða að
Vesturlönd eiga ekki í baráttu við
eftirfarandi vandamál: að dragn-
ast með hagkerfi, sem getur ekki
annað hvort tveggja þörfum hers
og borgara, að minnsta kosti ekki
jafn harðan, auk þess að eiga yfir
höfði sér hugsanlegan óvin bæði
í austri og vestri. Augsýnilega
eru vandamál þessi alvarlegri og
langlífari en svo að ástæða sé til
að líta á Sovétríkin sem stórveldi
sem fyrirstöðulaust geti farið
sínu fram í heiminum.