Morgunblaðið - 11.07.1978, Blaðsíða 10
10
MORGUNBLAÐIÐ, ÞRIÐJUDAGUR 11. JÚLÍ 1978
Vopnafjarðarhúsin í Árbæjarsafni
VOPNAFJARÐARIIÚSIN svonefndu eru að rísa
neðst í túni Árbæjar. en það eru tvö gömul
vcrzlunarhús frá því um miðja síðustu öld. sem
þurftu að víkja fyrir öðrum framkvæmdum við
höfnina á Vopnafirði, og Þjóðminjasafnið tók við
þeim. Voru húsin rifin, og þeim fundinn staður í
Árbæjarsafni. Stærra húsið, sem nefnt var
Beykishús eða Kvernhús, var reist í fyrrasumar,
og nú er verið að reisa minna húsið, sem var kallað
Kjöthús eða Ullarhús. Sagði Pétur Jónsson, sem
hefur umsjón með verkinu, að það sé eins og
púsluspil að raða saman viðum hússins, þó merktir
séu. Hér stendur Pétur á myndinni við húshornið
á Bcykishúsi og í baksýn sést grunnurinn á
Ullarhúsinu. Ljósmyndina tók E.B.
Ilúsunum var valinn staður neðst í túninu svo
þau standa nokkuð eðlilega neðst í byggðinni eins
og þau stóðu við sjóinn á Vopnafirði. En í þeim
mun Þjóðminjasafn sýna ýmsa gripi og verður það
góð viðbót við Árbæjarsafn.
á Bolungarvík
Bolungarvík, 1. júlí
UNDANFARNA daga hafa
starfsmenn frá verktakafyrirtæk-
inu Véltækni h/f unnið að lagn-
ingu kantstcina á þær götur
hæjains sem lagðar hafa verið
bundnu slitlagi.
Að sögn Stefáns Veturliðasonar
bæjartæknifræðings er reiknað
með að lagður verði kantsteinn á
um 4000 metra, og er áætlað að
kostnaður við verkið verði um 8
milljónir króna.
Ákveðið hefur verið að frestá
um sinn frágangi gangstétta þar
sem í athugun er hvort hagkvæmt
yrði að setja upp fjarvarmaveitu
fyrir byggðarlagið, og yrði þá
dreifikerfi hennar komið fyrir í
gangstéttunum. Nú er bundið
slitlag á um 70% gatnakerfis
bæjarins en stórátak var gert í
þeim efnum á s.l. sumri.
Ekki eru fyrirhugaðar neinar
framkvæmdir á því sviði í sumar,
en unnið verður á þeim götum sem
næst verða teknar fyrir.
Það er jafnan mikil grózka í
byggingamálum okkar Bolvíkinga.
Nú eru til að mynda 16 einbýlis-
hús í byggingu auk þess er á
byrjunarstigi 20 íbúða fjölbýlis-
hús, 6 íbúðir fyrir aldraða og 4
leigu- og söluíbúðir.
Á næstunni er gert ráð fyrir að
hefja byggingu dagheimilis, og er
fyrirhugað að gera það fokhelt
fyrir haustið.
í sumar verður hafin bygging
íþróttahúss og er fyrirhugað að
vinna að því verki fyrir 10—15
milljónir. Gunnar
Eyjólfur Guðmundsson:
Fréttabréf
frá Noregi
Frelsið má
ekki glatast
Hátíðahöldin á þjóðhátíðar-
degi Norðmanna 17. maí fóru
fram, svo sem venja er, með
ræðuhöldum, skrúðgöngum og
dansleikjum.
Að sögn kunnugra kom fram
óvenju sterk áminning um það
sem gerðist vorið 1940, þegar
Norðmenn misstu frelsi sitt, og
urðu síðan að lúta erlendri
harðstjórn um 5 ára skeið. Á því
tímabili var ritfrelsi og mál-
frelsi afnumið, og bannað var að
efna til hátíðahalda á þjóðhátíð-
ardeginum. Óheimilt var þá að
draga norska fánann að húni, að
öðrum kosti gátu viðkomandi
átt á hættu fangelsi eða líflát.
Á þeim tíma öðluðust Norðmenn
dýrkeypta reynslu, en þá fyrst
kunna menn að meta lýðræði og
frelsi. Þessvegna ber að hafa
varnir Noregs sem sterkastar,
svo hægt verði að snúast til
varnar af meiri þrótti en vorið
1940.
Þesi orð og fleiri, varðandi
það að standa sem sterkastan
vörð um frelsi lýðs og lands,
komu fram í sjónvarpi, útvarpi
og á hátíðasvæðum, víða um
landið. Ástæðan fyrir þessu er
m.a. sú að mörgum finnst
Sovétríkin viðsjárverður ná-
granni, bæði vegna þess að þau
virða ekki nörsk lög á Sval-
barða, og eins vegna ágreinings
um markalínuna á Barentshaf-
inu. Herstöðvar Rússa á Kola-
skaganum, nokkra kílómetra frá
norsku landamærunum, eru og
ógnun við fámennt norskt varn-
arlið á norðurslóðum.
Frydenlund
heimsækir Kína
Um páskana brá Knut Fryd-
enlund, utanríkisráðherra Nor-
egs, sér austur til Kína og dvaldi
þar nokkra daga í boði kín-
versku stjórnarinnar. Kínversk-
ir ráðamenn ræddu m.a. al-
þjóðamál og minntu sérstaklega
á hættuna frá Sovét, og versn-
andi sambúð Rússa og Kínverja.
Einnig bentu þeir á að Noregur
og Kína byggju við svipaðar
aðstæður, þegar haft væri í
huga að bæði löndin ættu
landamæri að Sovétríkjunum.
Nauðsyn bæri til að vera á verði
gegn útþenslustefnu Sovet-
manna, sem stefndu leynt og
ljóst að heimsyfirráðum. Varn-
arbandalag vestrænna þjóða,
NATO, mætti ekki láta blekkj-
ast af friðartali þeirra, né
afvopnunartillögum, þar sem
hagsmunir Rússa og A-Evrópu-
kommúnista væru efstir á blaði.
í blaðaviðtali eftir heimkom-
una, kom m.a. fram að Fryden-
lund telur að Kínverjar muni nú
á næstunni kappkosta að efla
sem mest samvinnu við vestræn
lýðræðisríki, bæði á sviði versl-
unar, stjórnmála og hernaðar.
Augljóst er að yfirgangur Rússa
á landamærum Kína gerir sitt
að verkum til þess að Kínverjar
sjá sig neydda til að ganga í lið
með Vesturveldunum.
Neysla áfengis
minnkandi?
Samkvæmt opinberum skýrsl-
um virðist svo sem áfengis-
neysla Norðmanna fari heldur
minnkandi. Árið 1976 var áfeng-
isneyslan 4,38 lítrar af hreinum
vínanda að meðaltali á íbúa, en
nú sl. ár aðeins 3,1 lítri.
Til samanburðar má geta þess
að árið 1976 var Svíþjóð með 5,9
1, Finnland 6,4 1 og Danmörk 9,2
I.
Nú ber þess að geta að verð á
áfengum drykkjum hefir hækk-
að mjög síðustu misserin, og er
HÉR á landi hafa verið
staddir tveir kórar frá
Norður-Noregi, Bardufoss
Korforening og Sangkoret
Várkad, og hafa þeir dvalið
á bæjum í uppsveitum
Árnessýslu. Flúðakór og
Árneskór voru gestgjafar
norsku kóranna og skipu-
lögðu þeir fyrir þá
skemmtiferðir um ná-
grennið.
Fulltrúi frá norsku kór-
unum, Jarle Jacobsen, kom
að máli við Morgunblaðið
og bað það að koma á
framfæri þakklæti til gest-
gjafanna fyrir frábærar
móttökur. Sagði hann
Norðmennina gjarnan
vilja fá tækifæri til að
hitta íslensku vinina ein-
hvern tímann seinna í
Noregi og geta þá endur-
goldið gestrisnina.
Þessi mynd var tekin á söngskemmtun. sem efnt var til í Félagsheimilinu Árnesi. Það er norska
kórfólkið sem hér sést á sviðinu í Árnesi. Ljósm. Sig. Sigm.
Norskir kórar heimsækja söngfólk í Ámessýslu