Morgunblaðið - 11.07.1978, Blaðsíða 25

MORGUNBLAÐIÐ, ÞRIÐJUDAGUR 11. JÚLÍ 1978 25
Birgir ísL Gunnarsson:
1 tilefni laugar-
dagsleiðarans
Þegar ég var í menntaskóla,
fengum við í okkar bekk eitt
sinn það ritgerðarverkefni hjá
íslenzkukennaranum að leggja
út af orðum Bjarna Thorarensen
í kvæðinu um Odd Hjaltalín: „en
lastaðu ei laxinn, sem leitar
móti straumi sterklega og
stiklar fossa.“ Við strákarnir í
bekknum skrifuðum • allir
ritgerðir í hefðbundnum stíl um
hinn sjálfstæða einstakling, sem
ekki lætur skoðanir fjöldans
aftra sér frá því, sem hann
sjálfur telur sannast og réttast.
Einn góður vinur minn brá þó
út af þessu; hann náði ekki því
hugarflugi, sem kennarinn
ætlaðist til og skrifaði ritgerð
um laxveiðiferð, sem hann hafði
farið í með foreldrum sínum
sumarið áður. Það þótti kennar-
anum vera út í hött.
Þetta atvik rifjaðist upp fyrir
mér, þegar ég las laugardags-
leiðara Morgunblaðsins. Ber þar
tvennt til. Annars vegar erum
við nefndir í sömu andrá í
greininni, ég og laxinn hans
Bjarna Thorarensen og þykir
heldur munur á okkur. Hins-
vegar finnst mér leiðarinn út í
hött sem svar við þeirri grein, er
ég skrifaði og birtist á sömu
síðu í blaðinu.
Megininntak þeirrar greinar,
sem ég ritaði, var skilgreining
frá mínum sjónarhóli á þeirri
gífurlegu breytingu, sem orðið
hefur á tiltölulega fáum árum á
þætti fjölmiðla í stjórnmálabar-
áttu. Það er óhrekjanleg
staðreynd að í kosningunum
fyrir aðeins fjórum árum studdu
öll dagblöð í landinu hvert sinn
stjórnmálaflokk. I kosningabar-
áttunni þá birtist þessi
stuðningur í skrifum forystu-
greina, uppsetningu pólitískra
frétta og í margskonar öðrum
pólitískum skrifum blaðanna. A
þessu hefur nú orðið sú breyting
að tvö dagblöð, þ.e. síðdegisblöð-
in Vísir og Dagblaðið, telja sig
vera frjáls og óháð og styðja
ekki ákveðinn stjórnmálaflokk.
Þessi blöð eru nú næst stærstu
blöð landsins.
Frá sjónarhóli þess, sem þátt
tekur í stjórnmálum, er hér um
mikla breytingu að ræða. Eg er
þeirrar eindregnu skoðunar að
Sjálfstæðismenn hafi ekki áttað
sig á henni fyrir síðustu
kosningar, en látið fram-
bjóðendum annarra flokka,
einkum Alþýðuflokksins, um
það að notfæra sér þjónustu
síðdegisblaðanna. Eg tel því að
Sjálfstæðismenn þurfi að breyta
vinnubrögðum sínum.
Frambjóðendur og forystumenn
flokksins geta ekki lengur lagt
það í hendur ritstjóra Morgun-
blaðsins og Vísis að skrifa og
móta hinn pólitíska áróður. Þeir
verða sjálfir að leggja þar meira
af mörkum en áður.
Meginmarkmið greinar
minnar var að benda á þetta.
Ekkert var á það minnst í
greininni, hvort þetta væri til
góðs eða ills og í þessu fólst
engin gagnrýni á Morgunblaðið.
Hér er um að ræða ákveðna
þjóðfélagslega þróun, sem
bregðast verður við á réttan
hátt. Sjálfur hef ég notið
dyggilegs og drengilegs
stuðnings Morgunblaðsins
meðan ég var borgarstjóri og í
kosningabaráttu fyrir tvennar
borgarstjórnarkosningar og það
sama geta forystumenn
flokksins á sviði landsmála sagt.
Þennan stuðning blaðsins við
Sjálfstæðisflokkinn á örlaga-
stundum met ég mikils og
vonast ég til að flokkurinn og
forystumenn hans megi njóta
hans áfram. Það breytir hins-
vegar ekki þeirri staðreynd, að
Morgunblaðið er ekki eins
áhrifamikið í skoðanamyndun
fólks eins og áður var. Um það
er ekkert að sakast við Morgun-
blaðið. Blaðið hefur verið braut-
ryðjandi í frjálsræðisátt í ís-
lenzkri blaðamennsku og nýtur
þess í því að það er útbreiddasta
og mest lesna blað landsins og
upplag þess vex stöðugt.
Morgunblaðið þarf því ekki að
sýna þá viðkvæmni, sem birtist
í leiðaranum, þótt á það sé bent,
að almenningur lætur nú í
vaxandi mæli einnig aðra fjöl-
miðla hafa áhrif á skoðanir
sínar.
Birgir ísleifur Gunnarsson
Auðvitað væri það auðveldast
fyrir okkur Sjálfstæðismenn að
hafa þetta með gamla laginu og
sjálfur verð ég að viðurkenna,
að það er áhyggjuefni í hvaða
átt hin svokallaða „frjálsa
pressa" hefur verið að fara á
Vesturlöndum á undanförnum
árum. Það er nefniilega mmikið
til í því, sem fram kom í ræðu
hjá Solzhenitsyn, er hann hélt
við Harvardháskóla á dögunum,
þegar hann sagði að yfirborðs-
mennska og fljótfærni væru ein
megin sjúkleikamerki
tuttugustu aldarinnar á Vestur-
löndum og birtust þau hvergi
með gleggri hætti en í „press-
unni“. Síðan sagði hann: „Blöðin
eru orðin öflugasta valdið í
vestrænum löndum, valdameiri
en löggjafarvaldið, fram-
kvæmdavaldið og dómsvaldið.
Þess vegna spyr maður: Til
hvaða laga sækir þetta afl vald
sitt, hver hefur kosið það og
gagnvart hverjum ber það
ábyrgð." Þessi orð eru um-
hugsunarverð, ekki sízt fyrir þá,
sem blaðamennsku stunda og úr
þeim hópi hér á landi tel ég að
síðdegisblöðin eigi hvað helzt að
hugleiða þessi orð skáldsins.
Engum er hollt að ofmeta
sjálfan sig. Það vona ég að
Morgunblaðið geri sér grein
fyrir. Morgunblaðið hefur ávallt
verið „mitt blað“ og er það enn,
þótt ég átti mig á því, að blaðið
er ekki eins áhrifamikið í
skoðanamyndun fólks og það
var fyrr á timum. Ég trúi því
ekki að vinir mínir á Morgun-
blaðinu geri sér ekki einnig
grein fyrir því. Hvernig sem því
er varið, þá er það pólitísk
nauðsyn fyrir Sjálfstæðisflokk-
inn að gera sér þess fulla grein.
Ef sú verður ekki raunin, þá
kann svo að fara, að flokkurinn
verði ekki einu sinni „síðdegis-
flokkur", heldur kvöldrabbsam-
koma, þar sem ég, vinir mínir á
Morgunblaðinu og fleiri góðir
menn hittist yfir kaffibolla til
að orna sér yfir minningunni
um það, hvað það hafði verið
gaman að lifa, þegar flokkurinn
okkar var stór og stæltur.
Auðvitað má það aldrei gerast.
Þannig verður að halda á
málum að flokkurinn verði
ávallt morgunflokkur — flokkur
hins nýja dags — og fyrir því
munum við að sjálfsögðu
berjast, þótt stundum kastist í
kekki og oft að ástæðulausu.
Landsmót hestamanna í Skógarhólum:
A annað þúsund útlending-
ar koma gagngert á mótið
Halli og Laddi
skemmta ásamt
föður sínum
FJÖLBREYTT skemmtidagskrá
verður flutt á kvöldvökum Lands-
móts hestamanna í Skógarhólum en
kvöldvökur verða bæði föstudags-
og laugardagskvöld og hef jast bæði
kvöldin kl. 21. Það er Klemenz
Jónsson, leikari, sem jafnframt er
hestamaður eins og flestir skemmti-
kraftar, sem fram koma á kvöld-
vökunum, sem hefur haft veg og
vanda af undirbúningi þeirra.
Kynnir á kvöldvökunum verður
Gunnar Eyjólfsson, leikari, en bæði
kvöldin kemur Hornaflokkur Kópa-
vogs fram undir stjórn Björns
Guðjúnssonar.
Á föstudagskvöldið verða það þeir
Lárus Sveinsson og Sveinn Birgisson
sem blása til leiks og munu þeir ríða
inn á svæðið. Börn og unglingar sýna
ýmsar greinar hestamennsku undir
stjórn Kolbrúnar Kristjánsdóttur og
Ragnars Tómassonar, Guðmundur
Jónsson syngur og Gunnar Eyjólfs-
son les Fáka eftir Einar Benedikts-
son. Þá verður sýndur kerruakstur,
heybandslest fer um völlinn, Flúða-
kórinn syngur og Flosi Ólafsson,
Sigríður Þorvaldsdóttir og Magnús
Ingimarsson flytja leikþátt.
Sennilega munu Halli og Laddi,
sem að þessu sinni koma fram ásamt
föður sínum, vekja einna mesta
athygli á kvöldvökunni á laugar-
dagskvöldið.
Af öðrum atriðum þá
um kvöldið má nefna að Jón
Sigurbjörnsson syngur einsöng, fél-
agar úr þjóðdansafélagi Reykjavíkur
sýna þjóðdansa, vísnaþáttur verður í
umsjá Gunnars Eyjólfssonar, Róbert
Arnfinnsson skemmtir ásamt
Hornaflokki Kópavogs, tvöfaldur
kvartett hestamanna syngur og að
síðustu stjórna þeir Lárus Sveinsson
og Garðar Cortes fjöldasöng. Að
lokinni kvöldvökunni á laugardags-
kvöldið verður tendraður varðeldur.
LANDSMÓT hestamanna Verður
haldið í Skógarhólum í Þingvalla-
sveit um næstu helgi.
Eins og
fram kemur r frétt blaðsins sl.
sunnudag verður mótið formlega
sett á föstudag en bæði á miðviku-
dag og fimmtudag fara fram
dómar kynbótahrossa og scinni
daginn verða auk þess gæðingar
í B-flokki dæmdir, söluhross
kynnt og undanrásir kappreiða í
250 metra, 350 metra og 800
metra stökki.
Forráðamenn mótsins eiga von á
því, að ef veður verður gott geti
lagt leið sína á mótið milli 10 og
20 þúsund manns. Og þegar er
vitað að hingað koma á annað
þúsund útlendingar gagngert til að
fylgjast með mótinu og þar af eru
milli 600 og 700 frá Vestur-Þýska-
landi en flestir koma með skipu-
lögðum hópferðum hingað. Það
fólk, sem kemur til með að dvelja
á mótssvæðinu dvelur þar í
tjöldum og eru tjaldstæði eins og
fram kemur á meðfylgjandi korti
bæði utan og innan girðingar í
Skógarhójum. Beitargirðingum
fyrir hross verður ekki skipt niður
að öðru leyti en því að sýningar-
hross verða í austustu girðingunni
á mótssvæðinu og Leirdalnum og
langferðahross á túninu í Svarta-
gili.*
Sörli og
Fjöður keppa
til heiðurs-
verðlauna
NOKKRU færri kynbótahross
verða sýnd á þessu landsmóti en á
undanförnum landsmótum hesta-
manna. Er ástæða þess sú að meiri
kröfur hafa nú verið gerðar til
gæða hrossanna, sem á mótinu
verða sýnd. Að sögn Þorkels
Bjarnasonar hrossaræktarráðu-
nauts hjá Búnaðarfélagi íslands,
verða nær 100 kynbótahross sýnd á
mótinu en þau voru valin úr milli
500 og 600 hrossum víðs vegar um
land. — Mér líst vel á þennan hóp
og hann er tölvert jafnbetri að
gæðum heldur en var fyrir 4 árum,
sagði Þorkell.
Einn stóðhestur, Sörli 653 frá
Sauðárkróki, keppir á mótinu til
heiðursverðlauna sem stóðhestur
með afkvæmum. Sörli var sýndur
með afkvæmum á landsmótinu 1974
og fékk þá fyrstu verðlaun. Ekki er
ráðið hvaða afkvæmi verða sýnd með
Sörla en þau verða valin úr hópi
þeirra hrossa, sem keppa á mótinu.
Þrír aðrir stóðhestar verða sýndir
með afkvæmum en þeir eru Þáttur
722 frá Kirkjubæ, Stjarni 610 frá
Bjóluhjáleigu og Fáfnir 747 frá
Laugarvatni.
Kynbótahryssan Fjöður frá
Tungufelli verður sýnd með afkvæm-
um á mótinu og keppir hún þar til
heiðursverðlauna en auk þess verða
fimm hryssur sýndar með afkvæm-
um og eru það: Nös frá Skáney,
Drottning frá Reykjum, Stjarna frá
Kirkjubæ, Blesa frá Hlíð undir
Eyjafjöllum og Elding frá Akureyri.
Samtals verða sýndir 11 stóðhest-
ar 6 vetra og eldri, 5 vetra stóðhest-
arnir verða 14 og stóðhestar 4 vetra
8. Hryssur 6 vetra og eldri verða 27
og fimm vetra hryssur 8.