Morgunblaðið - 29.07.1978, Blaðsíða 14

14
MORGUNBLAÐIÐ, LAUGARDAGUR 29. JÚLÍ 1978
íhlutun Kúbu
í Afríku átalin
Belgrad 28. iúlí. Reuter.
SÓMALIR veittust harkalega að
Kúhumönnum á ráðstefnu óháðra
ríkja í Belgrad í dag, kölluðu þá
hermenn Rússa í Afríku og kváðu
þá óverðuga þess að tilheyra
hreyfingu óháðu ríkjanna. Áður
höfðu Kúbumenn haldið uppi
vörnum fyrir hlutverk sitt í
Afríku og kallað það „alþjóðlega
aðstoð“.
Utanríkisráðherra Kúbu,
Isidoro Malmierca, gaf í skyn að
kommúnistarikin væru eðlilegir
bandamenn óháðu ríkjanna. Hann
sagði að íhlutun Kúbumanna í
Afríku hefði verið hyllt á ráð-
stefnu óháðu ríkjanna í Colombo
1976. Hann tók fram að Kúbu-
menn mundu fylgja óbreyttri
stefnu í Afríku.
Líður vel
Oldham, Englandi, 28. júlf. AP.
LOUISE Brown, móður fyrsta
barnsins sem fæðist eftir frjóvg-
un í tilraunaglasi, heilsast vel en
æsingurinn hefur reynzt fullmik-
ill fyrir hana og hún fær ekki að
taka á móti gestum fyrr en á
morgun.
Biaðið Daily Express segir, að
ónefndur jarl og kona hans og
ónefndur þýzkur greifi og kona
hans eigi von á fæðingu barna
sem fæðist eftir frjóvgun í
tilraunaglasi í Oldham um jólin.
ónefnd skozk kona er líka sögð
eiga von á tilraunaglasbarni í
nóvember.
Utanríkisráðherra Sómalíu,
Abdirahman Jama Barre, hélt því
fram að „málaliðaher" Kúbu-
manna fengi vopn og fjármagn frá
Moskvu og að honum væri þaðan
stjórnað. Hann sakaði Rússa um
að standa fyrir örri stigmögnun
erlendrar íhlutunar í Afríku.
Hann fór að dæmi Egypta og
hvatti til þess að næsti leiðtoga-
fundur óháðu ríkjanna yrði ekki
haldinn í Havana eins og ráðgert
hefur verið.
Diplómatar segja, að 30 hinna 86
óháðu ríkja séu annaðhvort andvíg
því að næsta ráðstefna verði
haldin í Havana eða hafi miklar
efasemdir.
Aðgerðir
gegn flug-
ræningjum
Tokyo 28. júlí. AP.
JAPANSKA stjórnin ákvað í
dag að banna japanskt
áætlunarflug til eða frá löndum
sem neita að framselja Japön-
um flugvélarræningja.
Ákvörðunin var tekin á ráð-
herra fundi sem var haldinn til
undirbúnings alþjóðaráðstefnu
um flugrán í Bonn á þriðjudag.
Ríkin sjö sem stóðu að leiðtoga-
fundinum um efnahagsmál í
Bonn 16.—17. júlí taka þátt í
ráðstefnunni.
Þetta gerðist
1975 — Viðskiptabanni Sam-
taka Ameríkuríkja á Kúbu
aflétt.
1973 — Konungdæmi afnum-
ið í Grikklandi og Papadopoulos
kosinn forseti í þjóðáratkvæða-
greiðslu. _______
1948 — Tito neitar ásökunum
Kominform og fær traustsyfir-
lýsingu frá júgóslavneska
kommúnistaflokknum.
1946 — Friðarráðstefnan í
París sett.
1940 — Allsherjar loftárásir
Þjóðverja á Bretlandi hefjast.
1922 — Bandamenn setja
Grikkjum úrslitakosti og banna
þeim að hertaka Konstantín-
ópel.
1900 — Stjórnleysingi myrðir
Umberto I konung Ítalíu.
1696 — Pétur mikli tekur
Azov af Tyrkjum.
1693 — Hertoginn af Luxem-
borg sigrar Vilhjálm III af
Englandi við Neerwinden.
1656 — Karl Gústaf sigrar
pólskan her Jóhanns Kasimirs
við Varsjá.
1565 — María Skotadrottning
giftist Darnley lávarði.
Afmæii dagsins. Alexis oe
Tocqueville franskur höfundur
(1805—1859), Enrique Granados
spænskt tónskáld (1867—1916)
— Booth Tarkington bandarísk-
ur rithöfundur (1869—1946) —
Benito Mussolini ítalskur ein-
ræðisherra (1883-1945) - Sig-
mun Romberg ungverks fætt
tónskáld (1887-1951).
Innlent. F. Sturla Þórðarson
lögmaður 1214 — D. Pétur
Pétursson pófastur 1842 —
Sýningar „lifandi mynda" í
Reykjavík 1903 — Dómsmála-
ráðherra skipar nefnd til að
kanna „ástandið“ 1941.
Orð dagsins. Bak við hverja
röksemd er fávizka einhvers —
Louis Brandeis bandarískur
hæstaréttardómari
(1856-1941).
Miil
Flugvél frá bandaríska flugfélaginu North Central varð fyrir vélarbilun eftir flugtak frá Kalamazoo
í Michigan nýlega og nauðlenti á hveitiakri. Annar vængurinn fór af f nauðlendingunni. Fjörutíu
farþegar voru í flugvélinni og flestir sluppu við meiðsli þótt flytja yrði einn þeirra og einn af áhöfninni
í sjúkrahús.
Horfur á sáttum með
Grikkjum og NATO
Brussel 28. júlí. AP.
VERULEGUR skriður hefur
komizt á viðræður Grikkja og
Atlantshafsbandalagsins á
undanförnum fjórum vikum og
vonir standa til að samkomulag
náist fyrir áramót, fjórum árum
eftir að Grikkir drógu úr þátt-
töku sinni í vörnum bandalagsins
vegna deilumála þeirra og
Tyrkja.
En nokkur viðkvæm deilumál
eins og ágreiningurinn um iand-
grunnið á Eyjahafi gætu þó
komið í veg fyrir endanlegt
samkomulag samkvæmt heimild-
unum.
í Aþenu sögðu grískir embættis-
menn í vikunni, að það mundi
engin áhrif hafa á viðræðurnar
þótt bandariska öldungadeildin
hefði samþykkt að aflétta vopna-
banninu á Tyrki. Grikkir létu í ljós
vonbrigði með úrslit atkvæða-
greiðslunnar en sögðu að þetta
væri mál sem snerti Tyrki og
Bandaríkjamenn.
Innrás Tyrkja í Kýpur varð til
þess að Grikkir drógu úr ýmsum
daglegum tengslum við NATO en
þeir afneituðu ekki þeirri skuld-
bindingu sinni að ráðfærast við
hinar bandalagsþjóðirnar ef til
árásar kæmi. Þeir takmörkuðu
notkun fjarskipta og viðvörunar-
stöðva í Grikklandi og hættu að
senda NATO skýrslur um ástand
gríska hersins. Nú er svo komið að
160.000 manna her Grikkja er ekki
tekinn með í reikninginn í heildar-
varnastefnunni og sérfræðingur í
Brussel segir: „Ef hættuástand
skapast yrði sennilega hægt að
ráða fram úr þessu en það yrði
miklu erfiðara."
Nú eru til umræðu tillögur frá
Grikkjum sem margir telja að geti
orðið samkomulagsgrundvöllur.
Samkvæmt þeim er gert ráð fyrir
að komið verði á laggirnar nýjum
aðalstöðvum flughers og landhers
í Larissa er Grikkir stjórni þannig
að her Grikkja þurfi ekki að heyra
undir herstjórn NATO í Izmir sem
Tyrkir reka.
Jafnframt er gert ráð fyrir að
Grikkir taki aftur fullan þátt í
hernaðarsamvinnu NATO, þar á
meðal heræfingum, að NATO fái
aftur allar upplýsingar frá
viðvörunarstöðvum í Grikklandi
að aðalstöðvarnar í Brussel sam-
ræmi starf herstjórnanna í Lar-
issa og Izmir og að bandarísk
kjarnorkuvopn til notkunar fyrir
NATO verði áfram í Grikklandi.
Baskar sendir í
þjálfun til Alsír
Madrid 28. júlí AP.
ÍHALDSBLAÐIÐ ABC sagði í
dag, að tæplega 150 skæruliðar
aðskilnaðarsinna i Baskahéruð-
V orster neitar að
sleppa Walvisflóa
Pretoria 28. júlí - AP
JOHN Vorster, forsætisráðherra
SuðurAfríku, sagði í dag að
landskikinn við Waivis-flóa á
strönd SuðvesturAfríku (Nami-
bíu) væri suðurafrískt yfirráða-
svæði og að Sameinuðu þjóðirnar
gætu ekki breytt þeirri
staðreynd.
Hann sagði þetta eftir að
Öryggisráðið hafði samþykkt
ályktun þar sem hvatt er til
sameiningar Walvis-flóa og Suð-
vestur-Afríku. Hann sagði í höfuð-
borg Suðvestur-Afríku, að aðeins
suður-afríska þingið gæti breytt
stöðu svæðisins og eignaréttinum
á því.
Landskikinn við Walvis-flóa
tilheyrði aldrei nýlendunni sem
Þjóðverjar stofnuðu í- Suðvest-
ur-Afríku 1884. Suður-Afríku-
menn hafa stjórnað Suðvestur-Af-
ríku frá lokum fyrri heimsstyrj-
aldarinnar í umboði Þjóðabanda-
lagsins og Sameinuðu þjóðanna.
öryggisráðið samþykkti einnig
ályktun um að hrundið yrði í
framkvæmd vestrænni áætlun um
sjálfstæði Suðvestur-Afríku og
aðlögunartíma sem á að líða þar
til sjálfstæði verður náð að
loknum kosningum sem Suður-Af-
ríkumenn sjá um undir eftirliti
SÞ.
Kurt Waldheim, framkvæmda-
stjóri SÞ, segir að samtökin muni
senda sendinefnd til Suðvest-
ur-Afríku innan einnar viku til
þess að hrinda sjálfstæðisáætlun-
inni í framkvæmd þrátt fyrir
óvissu þá sem ríkir um afstöðu
Suður-Afríkumanna.
Cyrus Vance, utanríkisráðherra
Bandaríkjanna, lét í ljós ánægju
með samþykkt áætlunarinnar og
bandarískir embættismenn vona
að hún verði höfð til fyrirmyndar
í Rhódesíu.
Veður
víða um heim
Amsterdam 26 sóiskin
Apena 31 heióskírt
Berlín 28 aólskin
Brússel 26 sólskin
Chicago 23 sólskin
Franklurt 26 skýjaó
Qanf 28 sólakin
Helsinki 25 sólskin
Jóhannesarborg 19 sólakin
Kaupmannahöfn 23 sólskin
Liaaabon 28 sólskin
London 23 skýjað
Los Angeles 31 heióaklrt
Madríd 36 sólsk'n
Malaga 28 heióskírt
Miami 29 skýjaó
Moskva 20 heióskírt
New York 28 skýjað
Óaló 16 sólskin
Palms Mallorca 31 heióskírt
Paria 25 heiðskírt
Róm 31 skýjaó
Stokkhólmur 23 sólskin
Tel Aviv 29 skýjaó
Tokýó 33 sólakin
Vancouver 23 akýjaó
Vínarborg 27 aólskin
Reykjavík 12 úrkoma {
grennd
unum á Spáni hefðu fengið
þjálfun f Alsír og að meðal
leiðbeinenda þeirra hefði verið
kúbanskur sérfræðingur.
Áður hefur bandaríski öldunga-
deildarmaðurinn Larry McDonald
haldið því fram, að skæruliðar
aðskilnaðarsamtakanna ETA hafi
fengið þjálfun spænskumælandi
leiðbeinenda sem skæruliðar hafi
sagt vera Kúbumenn.
Spænska innanríkisráðuneytið
bar til baka að fréttirnar um
þjálfun skæruliða í Alsír væru frá
því runnar en vildi hvorki stað-
festa fréttirnar né bera þær til
baka.
í grein í ABC er birtur listi yfir
28 liðsmenn ETA sem blaðið segir
að hafi fengið þjálfun í alsírska
lögregluskólanum nálægt Souma,
tæpa 40 km frá Algeirsborg. Alls
er sagt að 143 sérstaklega valdir
skæruliðar ETA hafí fengið þjálf-
un þar síðan 1976. Þeir fóru
flugleiðis til Algeirsborgar í
nokkrum hópum frá nokkrum
Evrópuborgum að sögn ABC.
Blaðið segir að skæruliðarnir
hafi fengið sérstaka þjálfun í
meðferð landakorta, fjarskiptum,
skipulagi birgðaflutninga og með-
ferð léttra vopna frá níu Alsírs-
mönnum og einum Kúbumanni.
Það segir að ETA-mennirnir hafi
beðið um þjálfun í að beita
eldvörpum en þeim hafi verið sagt
að alsírska lögreglan hefði ekki
slík vopn undir höndum, aðeins
alsírski herinn.
ETA hefur beitt sprengiefni,
sprengjuvörpum og léttum vopn-
um í árásum á Spáni en aldrei
eldvörpum.