Morgunblaðið - 08.09.1978, Blaðsíða 8
8
MORGUNBLAÐIÐ, FÖSTUDAGUR 8. SEPTEMBER 1978
Tindurinn Fingurb jörg
sigradur f yrsta sinni
TINDURINN FingurbjörK í
MávabyKBÖum í Vatnajökli var
sigraður fyrsta sinn í, síðustu
viku þogar þrír félagar í Islcnzka
alpaklúbbnum, þcir Arnór Guð-
bjartsson. IIclsi Bcnediktsson og
Pctur Ásbjörnsson, klifu hann.
Það tók þá félagana um 4
klukkutíma að klífa síðustu 60 m
sem er hið eiginlega klifur.
- í
samtali við Mbl. sögðu þeir, að
einu erfiðleikarnir við þennan
torkleifa tind væru þeir að berg-
stálið væri með eindæmum laust í
Tindurinn Fingurbjörg í Vatna-
jökli.
sér, væri hreinlega með því versta
sem þeir þekktu til hérlendis.
Þeir sögðust hafa haft þann
háttinn á við klifrið að hver maður
klifraði ákveðinn spotta og setti
inn fleyga til tryggingar og fór svo
niður aftur og annar tók við. Þetta
hefði gert ferðina bæði auðveldari
og skemmtilegri fyrir alla og má
geta þess að þegar erfiðar leiðir
eru farnar í fjöllum er venjulega
sá háttur á hafður, að einn maður
fer á undan og hefur forystu alla
leið. Hinir verða einfaldlega að
bíða hver á sínum stað bundnir við
kletta eða ís.
Stærsti bílkraninn
Fyrir skömmu var lokið við
að setja þennan bílkrana á
dráttarbíl úr Kópavogi og er
kraninn sem er ítalskur af
gerðinni Fassi, sá stærsti
sem settur hefur verið á
vöruflutningabíl eða dráttar-
bíl hérlendis. Kraninn er 30
tonn/metrar og er annar
slíkur á vörubíl, sem Bílaborg
er að setja saman og fer til
Færeyja.
Nítján kranar af þessari
gerð, nema hvað þeir eru
minni, hafa verið settir á bíla
og bryggjur hérlendis og 16
kranar hafa farið um borð í
fiskiskip.
Almyrkvi á tungli 1963. Tíminn sem leið frá því fyrsta myndin (efst
til hægri) var tekin og þar til sú síðasta (neðst til vinstri) var tekin
var cin klukkustund og fimm mínútur.
Almyrkvi á tungli
16. september n.k.
Ættí að sjást á Austurlandi
ALMYRKVI á tungli verður 16.
september. borsteinn Sæmunds-
son stjörnufræðingur sagði í
samtali við Mbl. í gær, að
almyrkvi á tungli hefði ekki sézt
héðan af landi siðan 18. nóvember
1975, en þá var „mjög fallegur
myrkvi“ að sögn Þorsteins.
Þorsteinn sagði að þegar al-
myrkvinn hæfist 16. september
yrði tungl ekki komið upp fyrir
sjóndeildarhringinn á íslandi.
Almyrkvinn hefst klukkan 18:24
og miður myrkvi verður klukkan
19:04 en sex mínútum síðar rís
tungl austast á landinu. Almyrkv-
anum lýkur svo klukkan 19:44 í
þann mund sem tunglið er að
koma upp í Reykjavík. Tunglið
verður laust við alskuggann klukk-
an 20:48 og við hálfskuggann
klukkan 21:48.
Almyrkvi var á tungli 24. marz
sl. en sást ekki hér á landi.
Sveitarstjóri
ráðinn til
Ólafsvíkur
Olafsvík 6. september.
Á FUNDI hreppsnefndar Ólafs-
víkurhrepps 1. september var
ráðinn sveitarstjóri til Ólafsvíkur,
Jóhannes Pétursson bygginga-
tæknifræðingur, en hann hefur
starfað sem byggingafulltrúi í
Ólafsvík sl. 4 ár.
Umsækjendur um starfið voru
þrír.
— Hclgi.
Leiðrétting
í STUTTU viðtali við Gísla Gests-
son í Morgunblaðinu í gær, í tilefni
100 ára afmælis hans, var ekki
farið allskostar rétt með eitt ártal.
Sagt var, að Gísli hefði hætt
búskap í Suður-Nýjabæ í Þykkva-
bæ árið 1946, en hið rétta er að
Gísli rak búið til ársins 1956. Þá
tók sonur hans, Ágúst, við búinu,
en Gísli og kona hans hafa búið
hjá honum eftir það allt fram í júlí
á þessu ári, að Gísli fluttist að
elliheimilinu Grund í Reykjavík.
Vildi hann koma á framfæri
þakklæti til sonar síns og tengda-
dóttur og einnig til starfsfólks
elliheimilisins.
„Framleiðumá milli 11
og 12 þús. kápur á ári”
MAX H.F. framleiðir eingöngu
kvenyfirhafnir og sportregn-
föt. Sigþór Sigurðsson verk-
smiðjustjóri tjáði okkur að það
sem Max h.f. sýndi væri allt
það sem þeir yrðu með til sölu
fram á vetur. „Við framlciðum
á milli 11 og 12 þúsund kápur
á ári fyrir utan regnfötin og
fram að þessu höfum við selt
allt sem við höfum framleitt og
ekkert þurft að vera hræddir,"
sagði Sigþór.
Sigþór kvað islenzka fram-
leiðslu vera síst gæðaminni en
þá erlendu og hann hélt að
verðlagið væri mjög svipað.
„Ég held að fólk kaupi frekar
íslenzkan fatnað en erlendan,
það er að segja ef því finnst
gæðin vera eins mikil,“ sagði
Sigþór.
Um aðsóknina kvað hann að
hún væri ekki nógu góð og
sérstaklega sagði hann kaup-
menn sækja hana illa og al-
menning ekki eins vel og búist
var við.
Þessa dagana ftendur yfir í Laugardalshöll
aýningin „íalenzk föt 1978“ Þar aem 23
fataframleiöendur kynna vðrur sínar.
Blaöamenn Mbl. litu inn á aýninguna
tók Emilía Björg myndirnar.
’Erfitt að standast
samkeppni við erlenda
fataframleiðslu”
„VIÐ SÝNUM aðallega það
nýjasta, það sem við höfum
hugsað okkur að vera með á
næstu mánuðum,“ sagði Guð-
laug Snorradóttir eigandi verk-
smiðjunnar Skinfaxa h.f.
Skinfaxi framleiðir kven- og
barnafatnað, aðallega kjóla og
pils. Guðlaug kvað þau hafa
framleitt barna- og dömubuxur
áður fyrr en væru hætt því
núna.
„Það er ekki gott að standast
samkeppni við erlenda fata-
framleiðslu," sagði Guðlaug.
„Það sem gerir það erfitt eru
aðallega launahækkanirnar og
innflutningurinn. En ef inn-
fluttur fatnaður á að vera í
sama gæðaflokki og íslenzkur þá
er hann mjög dýr. Ef borin er
saman íslenzkur og erlendur
fatnaður í sama verðflokki þá
eru gæði þess íslenzka yfirleitt
mun betri,“ sagði Guðlaug að
lokum.
Sigþór Sigurðsson verksmiðjustjóri hjá Max h.f.
Guðlaug Snorradóttir.