Morgunblaðið - 25.10.1978, Blaðsíða 5

MORGUNBLAÐIÐ, MIÐVIKUDAGUR 25. OKTÓBER 1978
5
Hringnótaveiðarnar:
Ákvörðun um leyfi endur-
skoðuð í nóvemberbyrjun
SJÁVARÚTVEGSRÁÐUNEYT-
IÐ mun fyrstu daga nóvember-
mánaðar kanna gang hringnóta-
veiðanna og verður í framhaldi af
þeirri könnun tekin ákvörðun um
hvort kvóti þeirra báta, sem þá
hafa byrjað veiðar. verði aukinn
á kostnað þeirra. sem þá verða
ekki byrjaðir. Kemur þetta fram f
tilkynningu frá ráðuneytinu f
gær. en eins og fram hefur komið
f Morgunblaðinu hafa tæplega 30
bátar byrjað veiðarnar af þeim
98. sem fengu leyfi til síldveiða
með hringnót í scptember s.I.
Hverju veiðiskipi er heimilað að
veiða 210 tonn og hringnóta-
bátunum alls 20 þúsund tonn.
I tilkynningu ráðuneytisins
kemur fram að nauðsynlegt sé
bæði vegna verkunar síldar og
sölusamninga á saltsíld, að sem
mest af síldinni sé saltað í október
og byrjun nóvember. Ráðuneytið
hvetur alla aðila, sem ætla að nýta
leyfi sín, til þess að hefja veiðar nú
þegar og ennfremur þá, sem ekki
ætla að nýta leyfi sín, til þess að
tilkynna það ráðuneytinu.
Morgunblaðið ræddi í gær við þá
Kristján Ragnarsson, fram-
kvæmdarstjóra LÍÚ, og Óskar
Vigfússon, formann Sjómanna-
sambandsins, og innti þá eftir
ástæðum fyrir því að fleiri hring-
nótaskip hefðu ekki byrjað
veiðarnar.
— Ástæðan er fyrst og fremst
sú að aflabrögð hafa verið slæm,
sagði Kristján Ragnarsson.
— Stóra síldin hefur ekki aðskilið
sig frá þeirri smærri eins og t.d. i
fyrra. Vegna sjálfsagðra og eðli-
legra ákvæða um aðeins lítið
hlutfall af smásíld í hverju kasti
hafa menn þurft að sleppa afla
ítrekað, kannski öllu sem þeir hafa
fengið heilu næturnar. Menn hafa
verið að vona að þetta breyttist og
því hafa menn hliðrað sér við að
byrja veiðarnar. Við styðjum
þessar aðgerðir ráðuneytisins og
teljum að þær hefðu jafnvel mátt
vera róttækari og fyrr á ferðinni,
sagði Kristján Ragnarsson að
lokum.
Óskar Vigfússon hafði eftirfar-
andi að segja:
— Skipstjórar rjúka ekki af
stað vegna þrýstings frá ráðuneyti
eða vegna ákvæða sölusamnings.
Skipstjórinn vill sjálfur gera sér
grein fyrir út í hvað hann er að
fara. Ég geri ráð fyrir að fleiri
hringnótabátar væru farnir af
stað ef skipstjórar teldu að
veiðimöguleiki væri fyrir hendi,
sagði Óskar.
Leiðrétting
í GREIN í Morgunblaðinu í gær,
sem á að vera svar til mín, segir að
samkvæmt bók minni um Hannes
Hafstein aðhyllist ég uppkastið
frá 1908, en þar hafi verið „talað
um“ „ævarandi samband við
Dani“.
Auðvitað var ekki um neitt slíkt
talað í uppkastinu, né gert ráð
fyrir slíku, enda tekið fram í
skýringum af beggja aðila hálfu
sem því fylgdu, að Danmörk
myndi engri nauðung beita, ef til
þess kæmi, að ísland vildi slíta
sambandinu.
Flest annað í téðri grein er
ámóta rugl.
Mér er óskiljanlegt hvers vegna
Morgunblaðið ljær þessum þvætt-
ingi rúm í dálkum sínum, frá
manni sem ég fæ ekki séð að hægt
sé að eiga orðastað við.
Kristján Albertsson.
Árni Gunnarsson, alþingismaður:
Ekki gert upp hug sirai
hvort hann styður
efnahagsmálalögin
ÁRNI Gunnarsson. alþingis-
maður og ritstjóri Alþýðublaðs-
ins. hefur lýst yfir óánægju sinni
með ýmsa þætti skattheimtu er
felast í bráðabirgðalögum ríkis-
stjórnarinnar í efnahagsmálum
sem nú hefur verið lagt fram á
Alþingi til staðfestingar. og sagði
Árni í samtali við Mbl. í gær. að
hann hefði ekki gert endanlega
upp sinn hug hvort hann teldi sig
geta greitt lögunum atkvæði sitt
af J)essum sökum.
I forystugrein í Alþýðublaðinu í
gær víkur Árni að samþykktum
flokksþings Alþýðuflokksins um
að afnema beri tekjuskatt af
almennum launatekjum, þing-
menn flokksins hafi hvað eftir
annað flutt á þingi tillögur um
afnám tekjuskatts en þær aldrei
fengið afgreiðslu. Síðan segir
orðrétt:
„Flokksþing Alþýðuflokksins
hefur fyrir löngu samþykkt þá
stefnu, að afnema beri tekjuskatta
af almennum launatekjum. I
samræmi við það hafa þingmenn
flokksins hvað eftir annað flutt á
Alþingi tillögur um afnám tekju-
skatts og bent á aðrar leiðir í
skattheimtu. Þessar tillögur
flokksins hafa ekki fengið betri
undirtektir en það, að þær hafa
verið lagðar í sama saltpækilinn
ár eftir ár og aldrei fengið
afgreiðslu.
Alþýðuflokkurinn mun ekki
víkja frá þessari stefnu sinni á
meðan tekjuskatturinn er hreinn
og beinn launamannaskattur og
gegnir ekki lengur því hlutverki að
verka til tekjujöfnunar. Með
tekjuskatti í óbreyttri mynd
verður ekki náð til þeirra manna,
sem hafa rakað að sér verðbólgu-
gróða undanfarin ár. Öðrum að-
ferðum verður að beita til að létta
pyngju þeirra.
Það er engin afsökun fyrir því
að þyngja tekjuskattsálögur að
segja, að beinir skattar séu ekki í
vísitölunni og hafi því ekki áhrif
til víxlhækkana. Beinir skattar
verða ávallt þægilegasta leið
ríkisvalds á hverjum tíma til að
jafna halla á ríkisbúskap. Til
þeirrar lausnar er því oftast gripið
með þeim afleiðingum að skatt-
byrði launafólks eykst, en hinir
halda áfram að sleppa, sem
skammta sér launin sjálfir.
Morgunblaðið hafði samband
við Árna Gunnarsson og spurði
hann í ljósi þessara ummæla hvort
hann sæi sér fært að styðja
efnahagsráðstafanir ríkisstjórnar-
innar þegar þær kæmu til stað-
festingar á Alþingi.
Árni svaraði því til, að hann
væri afskaplega mótfallinn skatt-
lagningu þeirri, sem fólgin væri í
bráðabirgðalögunum, einkum þó
því atriði að hún skyldi vera
afturvirkandi — í fyrsta lagi
vegna þess að almenningur miðaði
einatt fjárhagsáætlanir sínar við
skatta sína á miðju ári og í öðru
lagi teldi hann þetta vera afar
hættulegt fordæmi upp á síðari
tíma að gera, þar sem stjórnum
væri eftirleiðis í lófa lagið að
endurskattleggja almenning ef
fjármuni vantaði í ríkiskassann.
Afturvirknin væri þess vegna
siðlaus þótt hún kynni að standast
laganna túlkun. Þá taldi Árni að
þess hefði heldur ekki verið gætt
við þessa skattlagningu að hún
bitnaði ekki á öldruðu fólki.
Árni kvað því síðan við að bæta
að tekjuskattur í því formi er hann
væri í dag, væri eingöngu launa-
mannaskattur og dygði ekki í því
skyni að ná fjármunum frá þeim
mönnum sem hefðu möguleika á
því að drýgja stórkostlega tekjur
sínar með aðstöðu í lánastofnun-
um og bönkum, og hirða verð-
bólgugróðann óáreittir. Auk þess
kvaðst Árni þeirrar skoðunar, að
tekjuskatturinn sem slíkur væri
orðinn úreltur algjörlega sem
tekjujöfnunarleið í þjóðfélaginu og
finna yrði einhverja aðra leið.
„Ég verð að segja það alveg eins
og er,“ sagði Árni, „að þessu atriði
í bráðabirgðalögunum á ég afskap-
lega erfitt með að kyngja. Ég er
ekki alveg búinn að gera upp við
mig hvernig ég greiði atkvæði á
þingi eða hvernig ég bregst við, en
það er mín persónulega skoðun að
ekki hafi verið staðið rétt að
þessum málum í lögunum."
Vitni vantar
að árekstri
í Hafnarfirði
MIÐVIKUDAGINN 18. október s.l.
kl. 22.20 varð mjög harður árekst-
ur milli Volvo-bifreiðar, G-10825
og Saab-bifreiðar, R-24150, á
mótum Reykjavíkurvegar og
Hraunbrúnar í Hafnarfirði. Vegna
rannsóknar þessa áreksturs þarf
Rannsóknarlögreglan í Hafnar-
firði nauðsynlega að hafa tal af
vitnum ef einhver eru og biður
lögreglan þau að hafa samband við
sig sem allra fyrst.
T ískuf atnaður
á börn og unglinga
Nýkomnar flauelsbuxur í
öllum stærðum og mörg-
um gerðum.