Morgunblaðið - 25.10.1978, Blaðsíða 17
MORGUNBLAÐIÐ, MIÐVIKUDAGUR 25. OKTÓBER 1978 1 7
Bréf frá
Vladimir
Ashkenazy
Eftirfarandi bréf hefur borizt
frá Vladimir Ashkenazy vegna
þeirra umræðna, sem átt hafa
sér stað hér í blaðinu undanfar-
ið um Sinfóníuhljómsveit ís-
lands. Bréfið er dagsett í
Lundúnum 20. október s.l.:
Eg hefi orðið þess var að
viðtal við mig, sem birtist í
tímaritinu „The Gramophone",
hefur valdið verulegri óánægju
og írafári hjá meðlimum
Sinfóníuhljómsveitar íslands.
Langar mig með þessu bréfi að
skýra nokkur atriði málsins.
Um árabil hefi ég aldrei farið
í launkofa með stöðuga gagn-
rýni mína á leik þessarar
hljómsveitar. En á það vil ég
leggja áherzlu, sem er helzta
efni þessa bréfs: Af því að mér
er fullkomlega ljóst að hljóm-
sveitin verður að starfa við mjög
erfið skilyrði, bæði þau sem.eru
listræns eðlis og þau sem að
stjórnun lúta, þá hefur það ætíð
verið tilgangur minn og grund-
vallarregla — að gagnrýnin sé í
senn raunhæf og jákvæð. Til
dæmis minnist ég ævinlega á þá
staðreynd að þrátt fyrir allan
þann vanda, sem við er að etja,
þá er góður og sannfærandi
tónlistarflutningur á færi
hljómsveitarinnar.
Eg vona að þessi afstaða hafi
ávallt komið fram í öllum
samskiptum mínum við hljóm-
sveitina, síðast þegar ég gerði
grein fyrir sjónarmiðum mínum
opinberlega á íslandi í viðtali
við Morgunblaðið í janúar
síðastliðnum. í viðtalinu við
„The Gramophone", sem fram
fór í apríl síðastliðnum, hvarf ég
ekki frá þessari grundvallar-
reglu minni, og það er í senn
óheppilegt og sorglegt að
viðmælandinn skuli hafa tekið
þann kost að túlka mál mitt
þannig að ég virðist hafa horn í
síðu hljómsveitarinnar og fara
um hana niðrandi orðum.
Hvað viðkemur þeirri setn-
ingu, að fara þurfi að hljóm-
sveitinni eins og „börnum", þá
rekur mig einfaldlega ekki
minni til þess að hafa sagt
nokkuð í þá átt, en ég get mér
þess til að blaðamaðurinn hafi
misskilið tilvísun mína til þeirr-
ar staðre.vndar, að hljómsveitin
verði iðulega að leita til
nemenda um aðstoð, þar sem
ekki séu til nægilega margir
hæfir hljóðfæraleikarar í land-
inu. Eg er hræddur um, að þrátt
fyrir töluverða re.vnslu af sam-
skiptum við fjölmiðla víða um
lönd, þá hafi ég ekki enn á valdi
mínu hvað gerist í hugarheimi
blaðamanna.
Þetta er allt, sem ég hef að
segja um þetta mál. Mér þykir
miður að það skuli hafa valdið
þvílíkum sárindum, en ég hef
hreina samvizku.
Mig langar aðeins til að bæta
því við að það var athyglisvert
og fróðlegt að komast áð því
hvað ýmsum hljómsveitar-
meðlimum finnst um mig. Þeim
vil ég ráðleggja að snúa sér til
mín og kynna sér staðreyndir
áður en þeir geysast næst fram
á ritvöllinn. I Rússlandi eigum
við þennan málshátt: „Ef þú
flýtir þér um of geturðu gert þig
að fífli.“ Samt sem áður óska ég
þeim velfarnaðar, með öðrum
orðum að þeir vinni ötullega,
leiki betur og betur, og verði
hamingjusamir.
Ykkar einlægur,
Vladimir Ashkenazy.
fimm Bandaríkjamenn,
álíka margir skipverjar af
Gruörúnu GK, kranamenn
úr Keflavík og nokkrir
heimamenn, sem hlupu
undir bagga á síðustu
stundu.
Hróp og köll, skipanir og
handapat, gengu á milli
þegar dýrunum var lyft upp
úr sjónum og komið fyrir í
körfunum.
En það var sem há-
hyrningarnir væru sér þess
algerlega meðvitandi hvað
var á seyði. Þeir voru þó
hvorki órólegir né æstir.
Áður en flutningur þeirra
úr búrinu hófst svömluðu
þeir hring eftir hing í
rólegheitum. Þeir brugðu á
leik og veltu sér í hringi, eða
neru saman nefjum, eins og
þeir væru að gera sér dælt
hver við annan.
Þegar háhyrningunum
var komið fyrir á börunum
einum af öðrum tóku þeir
hins vegar að ýlfra, og fyrst
eftir að þeim hafði verið
komið fyrir í körfunum á
vörubílspöllunum tóku þeir
nokkra kippi svona til að
hagræða sér, og blésu
hraustlega út í kalt og þurrt
sjávarloftið í Grindavík.
Þegar lokið var við að
körfuleggja háhyrningana
var síðasta hönd lögð á
undirbúning ferðarinnar
vestur um haf. Þá var
haldið á hafnarvigtina og
farmurinn veginn og mæld-
ur. Á tólfta tímanum var
svo haldið áleiðis til Kefla-
víkurflugvallar og þangað
komið stundarfjórðung fyr-
ir miðnætti. Þar beið þeirra
verklagið lið hleðslumanna
Flugleiða, og var brottför
á'ætluð skömmu eftir mið-
nætti. Framundan var
11—12 klukkustunda flug
til Lindbergh-flugvallar í
San Diego.
Einum háhyrninganna hagrætt í flutningskörfunni.
Stór-
þjófn-
aðurí
Hafn-
arfirði
STÓRÞJÓFNAÐUR var framinn
í Ilafnarfirði í fyrrinótt. Þá var
stolið um 70 armbandsúrum og
einhverju af skartgripum úr Úra-
og skartgripaverzlun Tryggva
Óíafssonar. Strandgötu 25. Er
verðmæti þýfsins metið á lVi—2
milijónir króna.
Þjófurinn eða þjófarnir komust
inn í húsið Strandgötu 25 með því
að brjóta stóra rúðu á bakhlið.
Eftir að inn var komið brútu þeir
upp hurð og komust þangað upp á
þriðju hæð hússins, þar sem
úraverzlunin er til húsa. Létu þeir
þar greipar sópa.
Eigandi verzlunarinnar hefur
ekki nákvæmar upplýsingar um
fjölda úranna en hann telur að
þjófarnir hafi tekið 23—25 karl-
mannsúr, 27—30 kvennmannsúr
og 13—14 skólaúr og auk þess
eitthvað af skartgripum. Urin
voru af ýmsum gerðum, svo sem
Pierpont, Edox og Atlantic og
ennfremur tvö tölvuúr af Candina-
gerð.
Rannsóknarlögregla ríkisins
hefur mál þetta til meðferðar og ef
einhverjir geta veitt upplýsingar,
sem leitt geta til þess að málið
upplýsist, eru þeir beðnir að hafa
samband við Rannsóknarlögregl-
una strax.
Tók niðri
í Norðfirði
Neskaupstað. 21. október.
DANSKA flutningaskipið Tora
Lupe tók niðri innarlega í Norð-
firði í morgun. en komst aftur á
flot af eigin rammleik og lagðist
óskemmd við bryggju um kvöld-
matarleytið.
Fréttaritari.