Morgunblaðið - 29.11.1978, Blaðsíða 11

MORGUNBLAÐIÐ, MIÐVIKUDAGUR 29. NÓVEMBER 1978
11
ríkisstjórnarinnar? Hvaö segja þeir um „kauprán“ ríkisstjórnarinnar? Hvaö segja
stjórnin að nokkru leyti samþykkt
óskir verkalýðshreyfingarinnar.
Við getum deilt um hvað mikil
kjarabót er yfirleitt með þessum
félagslega þætti, því þetta er erfitt
að mæla, en niðurfelling eftir-
vinnu í áföngum, lagfæring á
lögunum um uppsagnarfrest og
greiðslur í slysa- og veikindatil-
fellum eru spor í rétta átt.
Verkalýðshreyfingin telur betra
að við völd sé ríkisstjórn sem
skiptir þjóðarkökunni og taki tillit
til okkar vilja, en okkur fannst
mikið skorta á það hjá fyrrverandi
ríkisstjórn.
Munurinn felst í samráðunum
„Ég á ekki gott
með að sætta mig
við þessar ráð-
stafanir, því ég
tel að þeir sem
minnst hafa
launin geti ekki
fórnað neinu,
eins og frum-
varpið þó ætlar
þeim,“ sagði Þór-
unn Valdimarsdóttir formaður
Verkakvennafélagsins Framsókn-
ar.
„Ég er auðvitað eins og aðrir
uggandi um ástand efnahagsmála
og vildi gjarnan fá meiri vissu
fyrir því, en í frumvarpinu felst,
að nú verði tekizt á við vandann en
ekki látið sitja viö eina bráða-
birgðalausnina enn.
Sá er munurinn varðandi þessar
ráðstafanir og þær sem fyrri
ríkisstjórn framkvæmdi, að nú
hafa verið höfð meiri samráð við
verkalýðshreyfinguna og meira af
upplýsingum hefur borizt til
aímennings um þann vanda, sem
við er að glíma.“ •
Félagslegu umbæturnar mesti
óvissuþátturinn
„Ég get fallizt
á þessar aðgerðir
vegna þess að í
60-70% verð-
bólgu þurfum við
60—70%' launa-
hækkun til að
halda kaupmætt-
inum og ég hef
áhyggjur, ef ekki
tekst að vinna
verðbólguna niður," sagði Guð-
mundur Þ. Jónsson formaður
Landssambands iðnverkafólks.
„Út af fyrir sig tel ég aldrei
heppilegt að verið sé að kraka í
gerða samninga, en ég minni á þau
tímamót nú að samningar áttu að
renna út 1. desember.
Þeim hlutanum sem ekki kemur
til útborgunar í kaupi á nú að
mæta með niðurgreiðslu á vísitölu,
skattalækkunum og félagslegum
úrbótum. Verkalýðshreyfingin
hefur áður samþykkt niðurgreiðsl-
ur og það hefur gerzt áður að
félagslegar úrbætur komi í stað
beinnar launahækkunar. Mesti
óvissuþátturinn í þessum aðgerð-
um eru félagslegu framkvæmd-
irnar, en ég hef enga ástæðu nú til
að ætla annað en að við þann hluta
verði staðið. A þessum aðgerðum
og aðgerðum fyrri stjórnar er því
sá reginmunur að í vetur var
vísitalan bara helminguð og enn-
fremur voru ýmsar álögur skertar,
þannig að þær ráðstafanir voru
hreint kauprán."
Kaupmátturinn veröi tryggður
— segir Benedikt Davíðsson
— Samband
byggingarmanna
ályktaði mjög í
sömu veru og
frumvarp ríkis-
stjórnarinnar
gengur, á þingi
okkar fyrir
skömmu og við
leggjum áherzlu
á að kaupmáttur-
inn sé tryggður eins og samið var
um, en sem minnst með verðbólgu-
hvetjandi aðgerðum.
— Mín umsögn um frumvarpið
er því heldur jákvæð, enda fylgi
efndir í sambandi við þær yfirlýs-
ingar sem gefnar hafa verið, sagði
Benedikt Davíðsson, formaður
Sambands byggingarmanna.
BSRB mótmælir skerðingu á
umsömdum kaupmætti launa
Kristján
Thorlacius for-
maður Banda-
lags starfs-
manna ríkis og
bæja sagði það
augljóst að
kjaraskerðing-
in nú væri mun
minni en sú
sem gerð hefði
verið fyrr á árinu. Nú kæmi til
frádráttur vegna skattalækkana
og niðurgreiðslna. Að öðru leyti
vísaði Kristján til ályktunar,
sem gerð var á fundi stjórnar
BSRB í gær með atkvæðum
allra fundarmanna. Ályktunin
er svohljóðandi:
„Vegna fram komins stjórnar-
frumvarps um tímabundnar
ráðstafanir til viðnáms gegn
verðbólgu, mótmælir stjórn
B.S.R.B. því eindregið, að gild-
andi kjarasamningum sé ennþá
breytt með lögum og þannig
skertur umsaminn kaupmáttur
launa.
Stjórnvöld virðast ekki sjá
önnur ráð til að draga úr
óðaverðbólgu en minnka kaup-
mátt launa.
Stjórn B.S.R.B. telur, að
ráðstafanir af þessu tagi hafi þó
alltaf reynst skammgóður verm-
ir og ekki dugað til lækningar
verðbólgunnar.
Stjórn B.S.R.B. bendir á þá
staðreynd, að íslenska þjóðin
hefur á nokkrum áratugum
endurbyggt svo til allan húsa-
kost landsmanna og byggt upp
flest atvinnutæki sín og orku-
ver.
Þessi gífurlega fjárfesting
hefur skapað auknar þjóðartekj-
ur og bættan þjóðarhag, en
jafnframt leitt af sér óðaverð-
bólgu og fjármálameinsemdir,
sem nauðsynlegt er að snúast
gegn.
Þjóðin á nú um það að velja að
draga um sinn úr hinni öru
fjárfestingu og taka allt efna-
hagskerfið föstum tökum eða
slaka á eðlilegum kröfum um
sambærileg lífskjör og fólk býr
við í nágrannalöndum okkar.
Launafólk krefst þess, að
stjórnvöld velji fyrri kostinn.
Því skorar stjórn B.S.R.B. á
ríkisstjórn og Alþingi að hefjast
þegar handa um áætlunargerð
til lengri tíma, er hafi það
markmið að draga úr verðbólgu,
tryggja kaupmátt launa og
forgangsverkefni í framkvæmd-
um, er ekki þola bið.
Verði ekki brugðið skjótt við
um breytingu á íslensku efna-
hagslífi, þá munu bráðabirgða-
ráðstafanir þær, sem í frv.
felast, reynast haldlitlar og ný
verðbólguvandamál hlaðast
upp.“
„Enginn greinarmunur gerður
á pví hvort kjaraskeröing
kemur frá hægri eða vinstri
stjórn“
„Rafiðnaðar-
menn gera eng-
an greinarmun
á því hvort
kjaraskerðing
kemur frá
hægri eða
vinstri stjórn,
þeir líta sömu
augum á að-
gerðina hver
sem framkvæmir hana,“ sagði
Magnús Geirsson formaður
Rafiðnaðarsambands íslands.
Að öðru leyti vísaði Magnús til
ályktunar um kjaramál, sem
samþykkt var samhljóða á 5.
þingi Rafiðnaðarsambandsins
um s.l. helgi, en þar segir m.a.
svo um það ástand, sem nú
blasir við í kjaramálum:
„5. þing Rafiðnaðarsambands
íslands mótmælir öllum hug-
myndum um að leysa yfirstand-
andi efnahagsvanda á kostnað
verkafólks og krefst þess að
kaupmáttur launa verði tryggð-
ur. Þingið lýsir andstöðu við öll
áform um breytingar á
ákvæðum gildandi kjara-
samninga um verðtryggingu
launa.
Jafnframt varar þingið alvar-
lega við þeim fyrirætlunum
ríkisvaldsins að framkvæma
stórfelldan samdrátt í fjárfest-
ingamálum svo sem við virkjun
fallvatna og dreifikerfi raf-
veitna, sem hljóta að leiða til
verulegs atvinnuleysis meðal
rafiðnaðarmanna.
Augljóst er, að verkalýðs-
hreyfingin verður nú sem fyrr,
að vera við því búin að heyja
baráttu til varnar lífskjörunum.
Það er skoðun þingsins að við
núverandi aðstæður komi ekki
til greina að framlengja
samningum og hvetur því
aðildarfélög RSI til þess að hafa
samninga lausa fyrst um sinn.“
Skemmtilegir
austfirskir þættir um
menn og máfefni.
SKUGGSJÁ
Hér er að finna skemmtilega
þætti um menn og málefni.
Þáttur er um Blöndalshjónin á
Hallormsstað og hið merka
lífsstarf þeirra, um séra Ólaf
Indriðason, skáldklerkinn í
Kolfreyjustað, föður þeirra
Páls alþingismanns og skálds
og Jóns ritstjóra, um hagleiks-
manninn Karl Guðmundsson
myndskera, langur þáttur um
Sigfús Sigfússon þjóðsagnarit-
ara og sérstæða háttu hans, um
Sigurjón í Snæhvammi, um
Fransmenn á Fáskrúðsfirði,
um vin málleysingjanna, séra
Pál Pálsson á Hörgslandi, um
Magnús Guðmundsson frá Star-
mýri o.fl.
Af Héraði og úr Fjörðum er
þjóðleg bók og hún er líka
bráðskemmtileg.
Jóna Sigríður, sem hér segir sögu
sína, er kjarnakona og engri
annarri k»nu lík. Hún lenti
snemma í hrakningum og átti oft
eríiða vist, en bugaðist aldrei þótt
á móti blési, bauð erfiðleikunum
birginn og barðist ótrauð sinni
hörðu baráttu.
Það var ekki fyrr en góðhestarnir
hennar. Gullfaxi og Ljómi, komu
til sögu, að lífið fór örlitið að brosa
við Jónu Sigríði. Á þessum hestum
ferðaðist hún um landið þvert og
endilangt, um byggðir og öræfi, og
lenti í margvíslegum ævintýrum og
mannraunum. Frægust er hún
fyrir útilegur sínar á Stórasandi,
Kili og Kaldadal, og sú var
mannraunin mest er hún átti átta
daga útivist, matarlaus og svefn-
laus, í hríð og foraðsveðri norðan
undan Langjökli, — og þegar hún
bjargaðist hélt hún blaðamanna-
fund í Álftakróki.
Það er öllum hollt að kynnast
lífsréisu Jónu Sigríðar, frægustu
hestakonu landsins.
Þú hefur þann mátt, innra með
þér, að geta læknað sjálfan þig,
bæði á sál og líkama.
Þetta er stórfróðleg bók og
nytsöm og hverjum manni hollt
að kynna sér efni hennar. Hún
segir frá undraverðum tilraunum
á lækningamætti hugans, en
rannsóknir hafa staðfest trú
höfundarins á það, að Guðs-
krafturinn er til staðar í hverjum
manni til að endurvekja og
styrkja hug og líkama.
Rannsóknir Harold Sherman eru
taldar merkustu sannanir fyrir
þeirri undraorku, sem í huga
mannsins býr og hann segir frá
þessum rannsóknum sínum, birt-
ir sögur af árangursríkum
lækningum og gefur þeim, sem
lækninga þarfnast, holl og nyt-
söm ráð.