Morgunblaðið - 20.03.1979, Page 17

MORGUNBLAÐIÐ, ÞRIÐJUDAGUR 20. MARZ 1979
17
Hvenær greiðir
sjúkrasamlag
ferðakostnað?
SAMKVÆMT reslum, sem Tryggingaráð samþykkti hinn 13.
desember um ferðakostnað sjúklinga. sem endurgreiddur er, og
staðfestar voru með bréfi dagsettu 20. desember síðastliðinn, getur
sjúklingur. sem þarf ítrekað að takast á hendur ferð til þess að njóta
óhják æmilegrar sérfræðilcgrar meðferðar eða eftirlits á spítaia eða
göngudeild fengið sjúkrasamlag sitt til þess að taka þátt í
ferðakostnaði.
I fyrirspurnatíma á Alþingi
svaraði Magnús H. Magnússon,
félags- og tryggingamálaráðherra,
fyrirspurn um þetta atriði. í máli
hans kom fram að um endur-
Ljóðakvöld í
Menningar-
stofnun
Bandaríkjanna
Vestur-íslendingurinn Bill
Holm frá Minnesota í Banda-
ríkjunum mun lesa úrval úr
verkum sínum í Menningar-
stofnun Bandaríkjanna að Nes-
haga í kvöld þriðjudaginn 20.
Á dagskránni er auk ljóða-
lesturs tónlist og hefst flutn-
ingur kl. 20:30 og er öllum
heimill aðgangur. Bill Holm
rekur ættir sínar til Húsavíkur
og Vopnafjarðar, en hann er nú
prófessor á vegum Ful-
bright-stofnunar í bandarísk-
um bókmenntum við Háskóla
Islands.
greiðslu ferðakostnaðar gæti verið
að ræða, þegar sjúklingar er talinn
þurfa að koma til meðferðar eða
eftirlits a.m.k. þrisvar á 12
mánaða tímabili, en tvisvar á 12
mánuðum eftir fyrsta árið, ef þá
verður þörf á framhaldsmeðferð.
Eftir fyrstu ferðina leggur
sjúklingurinn inn hjá sjúkrasam-
lagi sína skýrslu frá sérfræðingi
við þá stofnun, sem meðferðina
veitir, þar sem gerð er grein fyrir
sjúkdóminum og nauðsynlegri
meðferð, hve títt sjúklingurinn
þurfi að koma og ef unnt er, hve
oft. Skýrsluna má einnig ef henta
þykir senda Tryggingastofnuninni
beint, en annars sendir samlagið
stofnuninni hana til afgreiðslu og
ákvörðunar.
Tryggingastofnunin sendir sam-
laginu ákvörðun um greiðslu-
heimild samkvæmt skýrslunni, en
samlagið geymir hana ásamt afrit-
un af greiðslukvittunum. Eftir að
önnur ferðin er farin endurgreiðir
samlagið fyrstu ferðina að
frádregnum 10 þúsund krónum, en
síðari ferðina að frádregnum 5
þúsund krónum. Til endurgreiðslu
reiknast aðeins fargjald með
áætlunarferðum. Fargjald
fylgdarmanns telst því aðeins til
ferðakostnaðar, að sjúklingurinn
sé 12 ára eða yngri eða ósjálf-
bjarga.
Endurgreiðsla ferðakostnaðar
kemur einkum til greina vegna:
geislameðferðar æxla, lyfjameð-
ferðar æxla, nýrnabilunar, gláku,
starfrænnar blindu, sjónhimnu-
loss af völdum sykursýki, lýta-
skurðlækninga í brýnum tilfellum,
dreyrasýki, polisydomia,
bæklunarlækninga, þegar um barn
er að ræða, hvítblæði og til ann-
arra sambærilegra tilfella.
Læknisvottorð skal lagt fram eftir
hverja ferð.
FULLTRUAR
Kiwanis-klúbbanna á Norður-
landi (á svæðinu frá Blönduósi
til Vopnafjarðar) komu í gær
ásamt Ólafi Jenssyni, um-
dæmisstjóra Kiwanisklúbb-
anna á Islandi. færandi hendi í
Fjórðungssjúkrahúsið á Akur-
eyri og gáfu því heilarita af
fullkomnustu gerð ásamt ýms-
um fylgihlutum. Tækið kemur í
mjög góðar þarfir við lækningu
geðsjúkra, en verður einnig
mikið notað við rannsóknir og
meðferð á ýmsum vefrænum
sjúkdómum. Ekkert tæki af
þessu tagi hefir verið til á
Norðurlandi, svo að læknar
Ólafur Jensson. umdæmisstjóri Kiwaniskiúbbana á íslandi.
afhendir Torfa Guðlaugssyni. framkva'mdarstjóra FSA. heila-
ritann. Sv.P.
Kiwanisklúbbar á Norðuríandi:
Gáfu Fjórðungssjúkrahúsi
Akureyrar heilaritara
hafa þurft að senda marga
sjúklinga til Rcykjavíkur af
þeim sökum.
Ólafur Jensson, umdæmis-
stjóri, afhenti heilaritann með
ræðu, en Torfi Guðlaugsson,
framkvæmdarstjóri Fjórðungs-
sjúkrahúsins, veitti gjöfinni við-
töku í viðurvist Kiwanismanna,
nokkurra lækna og gesta.
Brynjólfur Ingvarsson læknir
skýrði hlutverk og notagildi
heilaritans fyrir viðstöddum og
lýsti ánægju lækna við FSA yfir
tilkomu tækisins.
Heilaritinn kostar rúmar 4
milljónir króna í peningum, en
þess er að gæta, að ýmis gjöld til
ríkissjóðs fengust niður felld,
annars hefði hann kostað 7 — 8
milljónir króna. 2 milljónir
króna eru af söfnunarfé síðasta
K-dags, en Kiwanisklúbbarnir á
Óðins-svæðinu (Norðurlandi)
söfnuðu að auki því, sem á
vantaði kaupverðið.
Kiwanishreyfingin á íslandi
hefir haldið uppi fjársöfnun í
þágu geðsjúkra að undanförnu,
bæði á svokölluðum K-degi 29.
október 1977 og með sérstakri
söfnun meðal íslenskra sjó-
manna á nokkrum stöðum á
landinu á þann veg, að sendir
voru söfnunarlistar um borð í
skip og báta. Sú söfnun tókst
mjög vel.
Kiwanisklúbbarnir í landinu
eru nú 36 með um 1200 félags-
menn, sem unnu að K-deginum
jafnhliða sínum venjulegu verk-
efnum að líknar- og menningar-
málum. Á K-deginum unnu að
þessu verkefni um 1500 manns,
Kiwanismenn og eiginkonur
þeirra, að ógleymdum börnum
og unglingum, sem víða tóku að
sér að vinna að þessu verkefni á
þeim stöðum, þar sem Kiwanis-
klúbbar eru ekki starfandi. Sala
K-lykilsins gekk vel, og þjóðin
vissi meira um vandamál geð-
sjúkra en áður.
Árangur söfnunarinnar var
sá, að nú eru til ráðstöfunar 15
milljónir króna, sem umdæmis-
þing íslenskra Kiwanismanna
ákvað að ráðstafa á eftirfarandi
hátt:
1) 500.000 kr. til byggingar
heimilis á ísafirði fyrir ýmiss
konar sjúklinga, sem nú verða
að dveljast fjarri heimabyggð.
2) 2.000.000 kr. til tækja-
kaupa handa geðdeild
Fjórðungssjúkrahússin s á
Akureyri.
3) 12.500.000 kr. til byggingar
endurhæfingarheimilis fyrir þá
sjúklinga, sem þarfnast aðlög-
unartíma að samfélaginu á ný.
Heimili þetta verður byggt í
Reykjavík eða nágranna-
byggðum, og mun Geðverndar-
félag íslands hafa frumkvæðið
að byggingunni í samráði við
stjórn íslenska Kiwanisum-
dæmisins. Húsnæðið mun verða
byggt úr þeim veggeiningum,
sem nú eru framleiddar í Berg-
iðjunni, sem starfar í nánum
tengslum við Kleppsspítalann,
en á K-degi 1974 söfnuðu
Kiwanismenn peningum, sem
varið var til tækjakaupa fyrir
Bergiðjuna, og hafa þar verið
framleiddar veggeiningar síðan.
Sv.P.
„Eðlileg
samskipti”
Kína og Indlands
vart í bráð
Nýju-Delhi 16. marz. AP.
VAJPAYEE utanríkisráðherra
Indlands sagði í dag, að Indverjar
gætu ekki hafið eðlileg samskipti
við Kína, fyrst stjórnin í Peking
hefði tekið sér þann rétt að „refsa
þjóð sem ætti í deilum við þriðju
þjóðina" eins og hann orðaði það.
Vajpayee var í sögulegri heimsókn
í Kína fyrir nokkru, en hélt tafar-
laust þaðan eftir að tilkynnt hafði
verið um innrás Kínverja í Víet-
nam.
Hann sagði, að engu að síður
væri hann bjartsýnni en áður á að
samskipti Kínverja og Indverja
myndu batna og nauðsynlegt væri
að vinna að því.
Vajpayee lét í það skína, að
stjórn hans væri þó ekkert sér-
staklega ánægð með fjandsamleg-
ar yfirlýsingar Kosygins í garð
Kínverja sem hann gaf sýknt og
heilagt meðan hann var þar í
heimsókn á dögunum.

■...
RICHMAC
RICHMAC búðarkassinn er sérstaklega gerður
fyrir mikið álag, þar sem afgreiðsla þarf að
ganga fljótt en örugglega fyrir sig.
Meðal þeirra, sem nú þegar eru byrjaðir að
nota RICHMAC elektróníska búðarkassa, eru:
BREIÐHOLTSKJÖR, KRON,NÓATÚN,
STRAUMNES, KJÖRBÚÐ BJARNA, AK.
Sölumenn okkar eru reiðubúnir að gefa allar
nánari upplýsingar um RICHMAC búðar-
kassana.
/ m \
SKRIFSTOFUVELAR H.F.

\+ “x ^ Simi 20560