Morgunblaðið - 01.05.1979, Blaðsíða 39

MORGUNBLAÐIÐ, ÞRIÐJUDAGUR 1. MAÍ 1979
43
Halldór Blöndal:
Ef maður spyr
sjálfan sig...
EF MAÐUR spyr sjálfan sig
að því, hvort helztu leiðtogar
verkalýðshreyfingarinnar
svari gagnrýni á störf sín,
veit enginn til þess um flest^
þeirra. Þó hafa þeir gífurleg
völd og bera þess vegna
mikla ábyrgð. En að-
finnslum er gjarna svarað
með stéttarlegum vígorðum
og kommúnískum skætingi.
Geta menn haft Guðmund J.
Guðmundsson í huga sér til
þess að sjá fyrir sér þess
háttar verkalýðsleiðtoga.
Ég er viss um að þetta
breytist ekki, nema stéttar-
félögin verði opnuð fyrir mis-
munandi skoðunum með því
að taka upp hlutfalls-
kosningar. Minni hiutinn
hefur hvarvetna þann rétt í
okkar þjóðfélagi, að tillit sé
til hans tekið. Þeir menn, sem
ekki treysta verkafólki og
almennu launafólki til að
hafa raunverulega eitthvað
um það að segja, hverjir fari
með stjórn stéttarmálefna
sinna, eru þess vegna ekki
verkalýðssinnar. í afstöðu
þeirra er of mikill hroki til
þess að þeir geti verið það.
Við sjáum, hvernig verð-
bólgan leikur lausum hala og
brennir upp kaupmáttinn
fyrir launafólki. Við vitum,
hvernig ýmsir af forystu-
mönnum verkalýðs-
hreyfingarinnar hafa breyzt
Ilalldór Blöndal
úr hvítum lömbum í fyrra í
mórauða sauði núna. Geld
verkalýðshreyfing getur ekki
haft þá forystu á hendi, sem
ein dugir til þess að vinna á
verðbólgunni án þess að það
gangi fyrir launþega.
Hef alltaf verið
mjög andvígur
hlutfallskosningum
Björn Bjarnason, fyrrverandi
formaður Landssambands
iðnverkafólks svaraði þannig
spurningunni um hlutfalls-
kosningar í verkalýðsfélögum:
— Ég hef ekki skipt um skoðun
í því efni. Ég hef alla tíð frá því
fyrst var farið að minnast á þetta
fyrir 1930 eða um það leyti verið
því mjög andvígur. Ég finn í raun
og veru engin rök, sem mæla með
því að taka upp þetta fyrirkomu-
lag. Og ég held að með því værum
við að löghelga pólitísku togstreit-
una innan félaganna. Á árum áður
höfðum við nú vissulega nóg af
henni, þó að segja megi að hún
hafi ekki verið með öllu ill vegna
þess að þá jók hún að vissu leyti
þátttöku á fundum hjá félögunum.
Núna er kannski eitt mesta mein
hreyfingarinnar þessi lognmolla
sem ríkir í félögunum, yfirleitt
með afbrigðum léleg fundarsókn,
Björn Bjarnason
en það mein held ég að verði ekki
læknað með því að taka upp
hlutfallskosningar í félögunum.
Stjómunarfélag Islands:
Parkinson heldur
fyrirlestur hérlendis
PRÓFESSOR C. Northcote Park-
inson mun dvelja hérlendis í boði
Stjórnunarfélags íslands dagana
8. —11. maí n.k. Prófessor Park-
inson verður gestur á hádegis-
verðarfundi Stjórnunarfélagsins
sem haldinn verður í Súlnasal
Hótel Sögu fimmtudaginn 10. maí
Pr. C. Northcote Parkinson
kl. 12:00. Á fundinum mun próf-
essor Parkinson flytja erindi sem
hann nefnir „The Art of Comm-
unication“.
Prófessor Cyril Northcote Park-
inson er fæddur árið 1909. Hann
hlaut menntun sína í Jórvík,
Cambridge og við Lundúnahá-
skóla, en þaðan lauk hann doktors-
gráðu í sagnfræði. Hann hefur
kennt sagnfræði við ýmsa háskóla
í Bretlandi, Bandaríkjunum og
Malasíu og jafnframt ritað mikið
um sagnfræðileg efni.
Árið 1957 kom út eftir hann
bókin „Lögmál Parkinsons" sem
gerði hann heimsfrægan á
skammri stundu. Bókin kom út
hérlendis árið 1959 í íslenskri
þýðingu Vilmundar ’ Jónssonar
fyrrum landlæknis. Margir munu
líka minnast útvarpsleikrits eftir
norska höfunda sem hér var flutt
fyrir nokkrum árum og byggt var
á lögmálum Parkinsons.
I kjölfar bókarinnar um lögmál
Parkinsons hafa svo komið út eftir
hann fleiri bækur um stjórnun-
armál og nokkur skaldverk. Árið
1977 kom út bókin „Communicate"
sem prófessor Parkinson og Nigel
Rowe unnu saman að og hefur sú
bók vakið mikla athygli víða um
heim. Á þessu ári er væntanleg
eftir hann ævisaga Jeevs, skald-
sagnapersónu úr ritum P.G. Wode-
house, og einnig mun „Lögmál
Parkinsons" koma út í nýrri og
endurbættri útgáfu, en höfundur
telur að þróun síðustu ára hafi lítt
haggað við algildi þeirra.
Hin síðari ár hefur prófessor
Parkinson farið víða um heim og
haldið fyrirlestra um margvísleg
efni.
í fyrirlestri sínum hér mun
hann ræða um „list tjáskipta"
(The Art of Communication).
Þetta er í fyrsta sinn sem
prófessor Parkinson heimsækir
Island- Auk þess að halda þennan
fyrirlestur að Hótel Sögu mun
hann ræða við starfsbræður sína í
Háskóla íslands og kynnast mönn-
um og málefnum hér á landi.
Þeir sem hafa hug á að sækja
hádegisverðarfyrirlestur prófess-
ors Parkinsons eru beðnir að
tilkynna það til skrifstofu
Stjórnunarfélags íslands.
U ngt tónlistar-
f ólk á Húsavík
Húsavík. 30.4.
UNGT tónlistarfólk sem er við
tónlistarnám í Tónlistarskólanum
í Reykjavík og lýkur sumt þaðan
námi á þessu vori hélt tónleika á
Húsavík og í Mývatnssveit nú um
helgina. Flytjendur voru Steinunn
Birna Ragnarsdóttir píanó, Ásgeir
Hermann Steingrímsson trompet,
Gunnar Gunnarsson þverflauta og
Sigurður Marteinsson píanó.
Efnisskráin var fjölbreytt og há-
klassík og var vel tekið af áheyr-
endunum, en auka lögin voru í
léttari dúr og þeim var bezt tekið.
Fréttaritari.
EFÞAÐERFRETT-
NÆMTÞÁERÞAÐÍ
MORGUNBLAÐINU

AUGLYSINGA-
SÍMINN ER:
22480
URVALSVÖRUR
PLANTERS
.PEANUT
\ BUTTER
HNETUSMJÖR OG HNETUOLÍA.
HNETUR — KRYDDAÐAR OG ÞURRSTEIKTAR ÁN OLÍU.
mixednuts
PLANTERS
Pl&NIER5|P^NTERS|^ , ,
( ||OLOFASmONEO I i^OCKLUU-
“eanuts 1; PEANUT5
HNETUR — STEIKTAR A VENJULEGAN HATT.