Morgunblaðið - 01.05.1979, Blaðsíða 40
44
MORGUNBLAÐIÐ, ÞRIÐJUDAGUR 1. MAÍ 1979
Verkfall F.F.S.Í.:
Hvað segja farmenn?
Farskipin hafa verið að tínast inn í Reykjavíkurhöfn eitt af öðru sí istu daga og ef ekki verða veittar
undanþágur lokast þau væntanlega inni vegna verkfalls yfirmanna. F ,ernig horfir málið við farmönnunum
sjálfum? Mbl. ræddi í gærdag við nokkra þeirra um borð í skipunuir >g spurði þá álits á verkfallinu.
„Upplýs-
ingar
vantar”
VIÐ hafnarbakkann, framan
við Hafnarhúsið lá strandferða-
skipið Esjan. Hún kom til hafn-
ar í fyrrinótt og var verið að
vinna við losun. Indriði Guð-
jónsson 3. vélstjóri sagði, að
undanþága hefði verið veitt til
að ljúka túrnum og það þýddi
að losa mætti skipið, en siðan
yrði Esjan landföst.
„Ég veit nú lítið um stöðu
mála. Samkvæmt mínum upp-
lýsingum hefur Ingólfur ekki
staðið sig nógu vel. Brugðist
hefur að kynna málefni okkar
fyrir almenningi. Stefnan virð-
ist vera sú að fækka mönnum,
en auka yfirvinnu. Á Esjunni
eru aðeins þrír vélstjórar í stað
fjögurra, eins og vera ber. Við
þurfum þar af leiðandi að vinna
10 stunda vinnudag úti á sjó, en
8 í Reykjavíkurhöfn. Við vissum
jú að verkfall stóð fyrir dyrum
en allar upplýsingar vantar."
Indriði sagði, að launakjör
vélstjóra væru ekkert til að
hrópa húrra yfir. Hann t.d. sem
3. vélstjóri hefði fastatekjur upp
Indriði Guðjónsson vélstjóri á
Esjunni.
á kr. 276.144 á mánuði á meðan
dagmaður í vél, sem ætti að
heita undirmaður hans, hefði kr.
281.228 á mánuði. „Það er eins
og það sé eilíft kapphlaup milli
stétta, ef við fáum í gegn hækk-
un þá kemur Sjómannafélagið í
kjölfarið og nær meiri hækkun-
um og við krefjumst þá enn
meiri hækkunar o.s.frv. Það ætti
að vera einn og sami aðilinn sem
gengur í þetta, þá væri kannski
von til að eitthvað raunhæft
næðist í gegn.“
Indriði sagði að lokum: „Ég
vona að þetta endi allt friðsam-
lega. Magnús H. Magnússon
ráðherra lýsti því yfir, að Vest-
mannaeyingar væru illa settir
af völdum aðgerða okkar. Við
fórum nú til þeirra í gær með
fulla undirlest af dilkakjöti, svo
að ekki ættu þeir að svelta. En
það er nú alltaf þannig, að þegar
einhverjir standa í kjarabaráttu
þá er litið á þá af almenningi
sem sökudólga."
Gunnar Björnsson stýrimaður á Langá og Sigurður Björnsson stýrimaður á Selá. í baksýn má sjá
vörurnar á dekki Selár, sem bíða losunar.
„Sambandsleys-
ið illþolandi”
ÚTI VIÐ Grandagarð lágu þrjú
skip Hafskips: Selá, Langá og
Skaftá. Stýrimenn af tveimur
þessara skipa voru staddir á
bryggjunni við Selá, þeir Sig-
urður Björnsson 2. stýrimaður
á Selá og Gunnar Björnsson 2.
stýrimaður á Langá.
Sigurður sagði, að Seláin
hefði komið til hafnar í fyrra-
dag og væri á undanþágu til
losunar vegna fóðurfarms.
Gunnar hafði sömu sögu að
segja af Langánni, undanþága
var veitt til losunar. Sögðust
þeir báðir mundu standa vaktir
þar til losun væri lokið, en síðan
tæki við verkfall hjá Gunnari,
en Sigurður sagðist aðeins hafa
skroppið þennan eina túr. „Ég
fer í mitt fyrra starf um leið og
ég er laus við sjóriðuna."
„Við vitum í raun ekki mikið
um hvað málið snýst. Það hefur
enginn starfandi stýrimaður um
borð í okkar skipum fengið
upplýsingar um hvað í milli
ber,“ sögðu þeir og Gunnar
bætti við: „Við fengum telex frá
Hafskip til Finnlands þar sem
okkur var sagt hvenær verkfall-
ið myndi skella á. Á heimleið-
inni mættum við fjórum skipum
á útleið og það var sama sagan
hjá yfirmönnum þar. Þeir vissu
af verkfallinu, en mjög lítið
hvað deilt væri um. Það sem við
vitum er aðeins það sem stendur
í blöðunum, og er lítið mark
takandi á því að okkar áliti.
Þetta sambandsleysi við
forystumennina er illþolandi."
Þeir sögðu, að þeir vildu
leiðrétta þann misskilning, sem
þeim virtist vera á ferðinni um
að stýrimenn hefðu fjögurra
mánaða sumarfrí á ári. „Við
höfum ekkert lengra sumarfrí
en almenningur, en til viðbótar
koma almennir frí- og helgidag-
ar, sem við verðum að vinna á
meðan aðrir hafa frí, því ekki er
hægt að stöðva skipin og tæma
þau af mannskap þó dagurinn
heiti laugardagur eða páska-
dagur. Okkur er sama þótt við
fengjum greitt fyrir þessa vinnu
í stað þess að taka okkur frí, en
fólk verður að gera sér grein
fyrir, hvers eðlis starf okkar er.“
Þeir sögðust ekki vera bjart-
sýnir á að verkfallið leystist í
bráð. „Menn tala um 4 til 6
vikur, hvort skipafélögin leigja
skip á meðan er ekki vitað, en
þetta verður allt að koma í ljós.“
„Vitum ekkert
um stöðu mála”
Inni við Sundahöfn var unnið
við losun á m/s Brúarfossi. Þar
stóðu vaktir Albert Gunnars-
son 1. stýrimaður og Eggert
Eggertsson bryti. Þeir höfðu
eftirfarandi að segja um verk-
fallið:
„Við komum inn í gær úr
Ameríkuferð. Við vitum ekkert
um stöðu mála. Brúarfoss fékk
undanþágu til losunar og verður
henni mjög líklega lokið á mið-
vikudag eða fimmtudag. Þetta
er fyrsta verkfallið sem við
erum aðilar að og þorum við
engu að spá um, hversu lengi
það stendur yfir. Menn segja, að
búast megi við hverju sem er.“
Albert sagði, að það væri
einkennandi fyrir þeirra kjara-
baráttu, að þegar vitað væri að
verkfall væri yfirvofandi þá
væru öll skipin send út í skynd-
ingu og síðan væri reynt að
halda þeim sem lengst frá
heimahöfn, svo þau festust ekki.
Þetta hefði í för með sér, að í
upphafi aðgerða væru fáir í
landi til að heyja baráttuna.
„Þess er ekki að vænta að
meginhluti af mannskapnum
verði kominn heim fyrr en eftir
u.þ.b. 10 daga. Brúarfoss er eina
Ekkert Eggertsson bryti og
Albert Gunnarsson 1. stýrimað-
ur í brúnni á Brúarfossi.
skip Eimskipafélagsins sem er
nú inni. Kannski er það þess
vegna sem verkföll okkar hafa
oft á tíðum reynst langvinn, því
að þau gera lítið gagn fyrr en
skipin eru komin inn.“ ,
Éggert sagði: „Almenningur
virðist halda, að farmenn hafi
mjög góð laun og líta á þá sem
einhvers konar sportsiglinga-
menn. Við höfum heyrt raddir
um að við værum öfundsverðir
fyrir að geta setið erlendar
knæpur og finnst okkur slíkt
hugarfar hálfbrogað. Það er
ágætt að það komi fram, að við
erum mjög einangraðir frá því
að við leggjum af stað úr heima-
höfn þangað til við komum
aftur. Og ekki hefur Landsíminn
bætt um betur, því að þeir
kipptu af okkur nú nýverið eina
fréttamiðlinum sem við höfðum,
en það voru „morse-fréttir" frá
Ríkisútvarpinu.
Og talandi um knæpur þá
mætti ríkisvaldið gjarnan
standa við gefin fyrirheit um að
íslenzk blöð séu send á sjó-
mannaheimili erlendis. Það yrði
kannski til þess að sjómönnum
fyndist betra að sitja þar og
eyða tímanum í lestur frétta að
heiman heldur en sækja marg-
umtalaðar knæpur. Aðrar þjóðir
hafa staðið sig vel að þessu leyti
og skilið þörf sjómanna til að
halda tengslum við ættlandið."
Þeir sögðu að lokum, að þeir
vonuðu að útgerðarmenn hefðu
skilning á kjaramálum þeirra og
samningum yrði hraðað svo sem
kostur væri.
Einar I. Halldórsson hefur verið
ráðinn bæjarstjóri Hafnarfjarð-
ar.
Nýr bæjar-
stjori í
Hafnarfirði
Á FUNDI bæjarstjórnar Hafnar-
fjarðar í gær var samþykkt að
ráða Einar Inga Halldórsson bæj-
arstjóra Hafnarfjarðar. Tekur
hann við embættinu hinn 1. júlí
n.k. af Kristni Ó. Guðmundssyni.
Hlaut Einar 6 atkvæði og Bjarni
Þór Jónsson sem eihnig sótti um
embættið 5 atkvæði.
Einar I. Halldórsson lauk lög-
fræðiprófi 1974 og hefur hann
síðan starfað hjá Tryggingu hf.
Kona hans er Ásta Bára Jónsdótt-
ir.
Jón Þórariiis-
son hættír hjá
sjónvarpinu
Jón Þðrarinsson dagskrárstjóri
lista- og skemmtideildar sjón-
varpsins sagði í gær starfi sínu
lausu frá 1. ágúst n.k. í samtali við
Mbl. kvaðst Jón ætla að fara að
sinna ýmsum hugðarefnum sem
setið hefðu á hakanum í dagsins
önn, en vildi að öðru leyti ekki fara
nánar út í þá sálma.
Sinfóníutón-
leikar í Stapa
Sinfóníuhljómsveit íslands
heldUr n.k. miðvikudagskvöld 2.
maí tónleika í félagsheimilinu
Stapa í Ytri Njarðvík. Stjórnandi
verður Páll P. Pálsson og einsöng-
vari Ingveldur Hjaltested. Á efnis-
skrá tónleikanna verða eingöngu
létt klassísk verk eftir ýmsa höf-
unda.
Jóhann
G. sýnir á
Akureyri
SÝNINGU Jóhanns G. Jó-
hannssonar, sem að undan-
förnu hefur staðið yfir í
Gallerí Háhól á Akureyri,
verður framhaldið í dag, 1.
maí, en ráðgert hafði verið
að ljúka henni. Verður hún
opin kl. 15—22, en Jóhann
sýnir rúmlega 60 olíu- og
vatnslitamyndir.