Morgunblaðið - 11.05.1979, Síða 21

Ég vil taka það skýrt fram, að
allt tal um það, að fækkun á
hásetum á kaupskipum leysi ein-
hvern vanda er gjörsamlega út í
hött. Mönnunarákvæði háseta
byggjast á brúttóstærð skipanna
og hafa þau ákvæði kjarasamn-
ings verið í gildi frá ómunatíð, en
mælingareglum skipanna stórlega
breytt á sama tíma til hagræðis
fyrir útgerðina, þannig að þar sem
áður voru 6 fullgildir hásetar
hefur útgerðin núna rétt til að
hafa tvo fullgilda háseta og tvo
viðvaninga. Ég get bent á í þessu
sambandi, að á þeim kaupförum,
sem sigla með ströndum fram,
hefur vinnuálag háseta verið slíkt,
að með eindæmum er, enda gegna
þeir bæði störfum sjómanns og
hafnarverkamanns.
Varðandi 1. liðinn í kröfum
vinnuveitenda vil ég minna á, að
Sjómannafélag Reykjavíkur lýsti
því yfir í sambandi við samning-
ana 1974, að það væri reiðubúið að
ganga til samninga um leyfi til
fækkunar á fjölda háseta og/eða
viðvaninga á verzlunarskipum, ef
þau féllu undir neðangreind tilvik:
1. Þegar skip eru sett í ákveðin
verkefni, innan afmarkaðs svæðis.
2. Ef mönnun skips ræðst af
annarri verkaskiptingu á skipsfjöl
en áður hefur tíðkazt og samning-
ar hafa tekizt þar um.
3. Ef tæknibúnaður skips, þar á
meðal við losun, lestun og búnað
farms um borð, ásamt vinnuspar-
andi aðgerðum réttlætir fækkun í
áhöfn.
í sambandi við þessa yfirlýsingu
hefur einu sinni komið til tals
fækkun í áhöfn, þegar eitt af
skipum Eimskipafélagsins var
sett í ákveðna flutninga, en skip-
inu var ekki breytt í þá veru að
það gæti fallið undir fyrrnefnda
yfirlýsingu.
— Ég vil að síðustu aðeins
segja það, að ekki stendur á okkur
hjá Sjómannafélagi Reykjavíkur
að gera ákvæði samninga einfald-
ari og skýrari, enda höfum við
farið fram á skýrara orðalag á
þeim greinum samninganna, sem
ágreiningur hefur orðið út af.
Annars er kjarninn í okkar kröfu-
gerð sá, að við viljum fá sama
fyrir 40 stunda vinnuviku og
hafnarverkamaðurinn við Reykja-
víkurhöfn hefur, en það jafngildir
35% hækkun á fastakaupi.
MORGUNBLAÐIÐ, FÖSTUDAGUR 11. MAÍ1979
21
Formannskjör í Heimdalli
Aðalfundur Heimdallar, samtaka ungra sjálfstæðismanna í Reykjavík fer fram á sunnudaginn. Fundurinn verður haldinn í Valhöll, og hefst hann
klukkan 14. Kjartan Gunnarsson, sem verið hefur formaður Heimdallar undanfarin tvö ár, hefur lýst yfir, að hann gefi ekki kost á sér til
endurkjörs; Tveir menn hafa þegar tilkynnt framboð sín, þeir Hreinn Loftsson og Pétur Rafnsson. Hreinn er tuttugu og þriggja ára gamall, nemi í
Háskóla íslands. Pétur er þrítugur, forstjóri Hjólbarðasólunarinnar Bandag h.f. Morgunblaðið leitaði til þeirra Péturs og Hreins, og spurði þá
nokkurra spurninga um framboð þeirra, stefnumál og félagsstarf Heimdallar almennt. Fara svör þeirra hér á eftir:
HREINN
LOFTSSON:
Ekki má gleyma því
að starfið í Heimdalli
er fyrst og fremst
stiórnmálastarf
— Hvað varð þess valdandi að
þú ákvaðst að bjóða þig (ram til
formennsku í Ileimdalli?
„Ég hef alltaf haft mikinn áhuga
á starfinu í Heimdalli, ekki síst
eftir þá reynslu sem ég fékk sem
starfsmaður félagsins. Þegar nú-
verandi formaður, Kjartan Gunn-
arsson, ákvað að gefa ekki kost á
sér áfram sá ég tækifæri til þess að
hafa meiri áhrif á starfsemi Heim-
dallar og ákvað því að láta slag
standa og gefa kost á mér í for-
mennskuna.
Þá finnst mér kominn tími til að
yngri menn veljist til forystu held-
ur en tíðkast hefur".
— Hyggst þú gcra einhverjar
breytingar á stafsemi félagsins ef
þú verður kjiirinn?
„Það er nauðsynlegt að halda
áfram af fullum krafti starfi Heim-
dallar meðal framhaldsskólafólks,
og það er ekki síður mikilvægt að
efla starfið meðal hinna, sem ekki
eru í skóla. Átak þarf að gera í
útgáfu- og fræðslustarfi félagsins
og stuðla þannig að aukinni kynn-
ingu á sjálfstæðisstefnunni, Þá er
mikilvægt að efla hið almenna
félagsstarf og búa Heimdalli gott
félagsheimili í Valhöll".
— Hver eru að þínum dómi
mikilvægustu verkefnin sem bfða
ungra sjálfsta-ðismanna f náinni
framtíð?
„Ég tel að ungir sjálfstæðismenn
verði að brýna vopn sín og búa sig
undir harðnandi átök í pólitískum
efnum. Við þurfum að berjast hver
á sínum stað og gera sem flesta
sem best í stakk búna til að auka
frjálshyggjunni fylgi. Það þýðir
ekki að sitja með hendur í skauti,
það eina sem gildir er öflugt starf.
Þar vegur þyngst hið pólitíska
starf. Menn mega aldrei gleyma
því, að starfið í Heimdalli og öðrum
félögum ungra sjálfstæðismanna er
f.vrst og fremst stjórnmálastarf.
Það þarf mikið átak til að gera þau
félög, og þá ekki síst Heimdall, eins
öflug og frekast er unnt. Við
verðum að virkja þann kraft sem í
samtökum okkar býr til framgangs
sameiginlegum hugsjónum okkar".
— Eru þau framboð sem nú eru
fram komin til formanns Heim-
dallar f einhverju framhaldi af
þeim átökum sem urðu við for-
mannskjör á landsfundi Sjálfstæð-
isflokksins um síðustu helgi?
„Alls ekki. A landsfundi var gert
út um skipan forystumála í Sjálf-
stæðisflokknum, og flokksmenn
allir eru vafalaust þeirrar skoðunar
að friður eigi að ríkja um þær
ákvarðanir sem þar voru teknar, en
reyna ekki að hefna þess í héraði
sem tapaðist á þingi. Undir það tek
ég, og fæ ekki séð að nein tengsl séu
á milli atburða á landsfundi og
formannskosninga í Heimdalli".
— Eru það einhverjar sérstakir
aöilar eða hópar í Heimdalli sem
styðja þig eða þú hyggir stuðning
þinn á?
„Ég hef ekki orðið þess var, að
neinn einn ákveðinn hópur innan
Heimdallar standi að baki mínu
framboði, heldur tel stuðninginn
koma alls staðar að, úr öllum
aldurshópum félagsins“.
— Ilver hafa þín störf vcrið
innan raða ungra sjálfsta'ðis-
manna. áður en þú ákvaðst að
gefa kost á þér sem formaður
Ileimdallar?
„Ég gekk í Heimdall árið 1974, og
var kosinn í stjórn árin 1975 og
1976. Þá var ég framkvæmdastjóri
félagsins frá áramótum 1975 til ’76,
þar til loka starfsársins 1976 til ’77.
Þá hef ég setið í stjórn og fram-
kvæmdastjórn Sambands ungra
sjálfstæðismanna undanfarin tvö
ár, og á sama tíma verið formaður
Útgáfunefndar S.U.S. Þá er ég í
Útbreiðslunefnd Sjálfstæðisflokks-
ins sem miðstjórn flokksins skipaði
síðastliðið haust.“
PÉTUR
RAFNSSON:
Ungir sjálfetæðismeim
þurfa að leggja meiri
áherslu á kynningu
stefnumála sinna
— Ilvað varð þess valdandi
að þú ákvaðst að gefa kost á
þér til formennsku í
Ileimdalli?
„Ég tók.þá ákvörðun alveg
upp á eigin spýtur, og það var
ekki vegna neins ákveðins
þrýstings að ég tók ákvörðun-
ina. Ég hafði áhuga á að starfa
fyrir félagið með þessum
hætti, og fór og ræddi við mína
kunningja um framboð mitt,
og þegar þeir ákváðu að styðja
mig var framboðið ákveðið".
— Ilyggst þú gera ein-
hverjar breytingar á starf-
semi félagsins ef þú nærð
kjöri?
„Ég ætla að gera ákyeðnar
breytingar á starfsemi þess, en
þó ekki neinar grundvallar-
breytingar. En það er ýmislegt
í starfsemi Heimdallar sem að
mínum dómi mætti færa í
fastara fórm, og að því mun ég
vinna. Einnig vil ég að félagið
taki í ríkari mæli en gert hefur
verið afstöðu til pólitískra
mála er upp koma, jafnskjótt
og þau koma fyrir.“
— Hver eru að þinum dómi
mikilvægustu vcrkefnin sem
ungir sjálfsta'ðismenn þurfa
að vinna að í nánustu fram-
tíð?
„Ungir sjálfstæðismenn
þurfa að stefna að því að ná til
ungs fólks í ríkari mæli en
verið hefur hingað til, og þeir
þurfa að vinna aukið starf í
þeim tilgangi að koma stefnu-
málum sínum og hugmyndum
á framfæri. Fá þarf fleira fólk
til starfa, og gefa þarf fleiri
félögum tækifæri til að hafa
áhrif á það sem gert er“.
— Eru þau framboð sem
nú eru komin fram til for-
manns Ileimdallar í einhverju
framhaldi af kosningu til
formanns Sjáifstæðisflokks-
ins á landsfundi eins og eitt
daghlaðanna hcfur gefið í
skyn?
„Það tel ég alls ekki. Þessi
frétt sem birtist í Vísi á
miðvikudaginn er skrifuð út
frá röngum forsendum að mín-
um dómi. Slík fréttaskrif eru
ekki til neins annars fallin en
að spilla þeim sameiningar-
anda sem ríkir meðal allra
sjálfstæðismanna".
— Eru það einhverjir sér-
stakir aðilar eða hópar innan
Ileimdallar sem standa að
þínu kjöri. eða þú hyggir
stuðning þinn á?
„Ef hægt er að tala um
einhverja ákveðna hópa innan
Heimdallar, þá byggi ég minn
stuðning á þeim öllum".
— Ilver hafa þín störf inn-
an raða ungra sjálfstæðis-
manna verið áður en þú
ákvaðst að gefa kost á þér
sem formaður Ileimdallar?
„Ég átti heima á Vestfjörð-
um, þar til árið 1967, og þar
starfaði ég með ungum sjálf-
stæðismönnum, og einnig á
Akureyri þegar ég var þar í
Menntaskólanum. Nú eftir að
ég fluttist suður þá starfaði ég
með ungum sjálfstæðismönn-
um í Reykjaneskjördæmi, og
var einn stofnenda Félags
ungra sjálfstæðismanna í
Njarðvíkum. Þá var ég í stjórn
Kjördæmissamtaka ungra
sjálfstæðismanna í Reykjanes-
kjördæmi, og vann meðal ann-
ars að útgáfu blaðsins Reykja-
ness fyrir kosningar. Þá hef ég
einnig starfað í Hevmdalli í
Reykjavík, nú síðustu tvö ár
sem gjaldkeri félagsins”.
l BÖRN í DILKA
hún stefnuna síðustu árin hafa
verið þá að láta blind og sjónskert
börn sækja skóla með öðrum börn-
um. Fyrirkomulag þetta hefði bæði
kosti og galla. Til þess að árangur
náist á þennan hátt þurfi bæði
foreldrar og kennarar mikinn
stuðning og ráðgjöf. Nauðsynlegt
sé að sérskólar fyrir blind börn séu
fyrir hendi svo að foreldrar geti
valið, því í mörgum tilvikum er sú
sérþjálfun sem þar fæst barninu
meira virði en þátttaka í félags-
skap heilbrigðra barna.
Inga-Lill Bohman flutti erindi,
er hún nefndi „Reynsla að starfi
með geðveik börn“. Sagði hún
markmið að reynt væri að hafa
geðveik börn sem mest á heimilum
sínum, því þar hafi þau mesta
þroskamöguleika. Nefndi hún sex
atriði, sem hún taldi, að yrðu að
vera í lagi til að hægt væri að ná
árangri í meðhöndlun geðveikra
barna: 1. Aukin fræðsla. 2. Gripið
sé nógu snemma á erfiðleikum
barnsins. 3. Sérstakur umsjónar-
maður fyrir hvert barn, líka þegar
það er á stofnun. 4. Sálfræðingar
sem vinna með fjölskyldum barn-
anna og sjá um handleiðslu
umsjónarmanns. 5. Fjölskyldum
barnanna gefist kostur á hvíld, t.d.
með því að taka barnið í skamm-
tímavistum. 6. Stuðningur við for-
Frá ráðstefnunni „BARNIÐ 1979“ í fyrradag.
eldrafélög geðveikra barna.
Forsvarsmenn ráðstefnunnar
sögðu, að megininntak ráðstefnu-
haldsins í gær hefði verið umræð-
urnar um, hvort blanda ætti í bekk
börnum með sérþarfir og „venju-
legum börnum". Var samdótna
niðurstaða að ekki ætti að draga
börn í dilka, hvert svo sem vanda-
mál þeirra væri. Þeir sögðu, að
hérlendis hefði verið of mikið gert
af því að byggja alls kyns dvalar-
stofnanir, en til að hægt væri að
framkvæma slíka blöndun yrði
fyrst að fækka í bekkjardeildum og
sérmennta almenna kennara til að
takast á við kennslu blandaðra
bekkja af þessu tagi.
Ráðstefnunni var fram haldið í
gær og var fjallað um efnið „Barnið
í skólum og stofnunum samfélags-
ins“.
í dag er síðasti dagur ráðstefn-
unnar og verður þá tekið fyrir efnið
„Ungbarnið".