Morgunblaðið - 13.06.1979, Blaðsíða 1

130. tbl. 66. árg.
Hart barist
í Managua
Manaitua. 12. júní. AP. Reuter.
NÚ ER barist um hvert hús í
höfuðborginni Managua í
Mið-Ameríkuríkinu Nicaragua.
Talið er að hundruð manna hafi
beðið bana frá því baráttan um
höfuðborgina hófst á sunnudag.
Somoza einræðisherrann lét
flugher sinn gera loftárásir á
höfuðborgina og talið er að hundr-
uð óbreyttra borgara hafi fallið í
loftárásunum. Somoza sagði í gær,
að um 1000 skæruliðar hefðu fallið
í átökunum en stjórnin misst um
300 manns frá því átökin byrjuðu
fyrir um hálfum mánuði.
Síamstvíburar
taka framförum
Salt Lake City, 12. júní. AP
í fyrsta sinn eftir að Síams-
systurnar Lísa og Elísa Hans-
en voru aðskildar hafa læknar
lýst yfir bjartsýni um framtíð
þeirra. Læknar segja að þær
taki framförum. Þó enn sé of
snemmt að segja til um hvern-
ig taugakerfi þeirra þróist þá
gefi fyrstu einkenni ástæðu til
bjartsýni.
Systurnar voru samvaxnar á
höfði og læknar aðskildu þær
30. maí. Aðgerðin tók 16 klukk-
utíma. Þær eru 20 mánaða
gamlar.
Lísa og Elísa eftir aðskilnað-
inn.
Taraki að
falli kominn?
Jedda. Teheran. 12. júní. AP. Reuter
EINN af trúarleiðtogum Afghan-
istana, Burhan Rabbani, sagði f
viðtali við dagblað í
Saudi-Arabíu, að uppreisnar-
menn Múhammcðstrúarmanna
væru nú aðeins um 10 kílómetra
frá höfuðborg landsins, Kabul.
Hann sagði, að aðeins fimm af
29 héruðum Afghanistans væru
nú undir stjórn Mohammad Tar-
aki en hann komst til valda með
byltingu í fyrra. Sovétmenn hafa
stutt dyggilega við bakið á Taraki
og sagði Rabbani, að Sovétmenn
hefðu fjölgað hernaðarráðgjöfum í
Afghanistan. Hann sagði, að
stjórn Tarakis hefði flutt sig frá
Kabul.
Kaffihækk-
aríverði
Sao Paulo, Brazillu. 12. júnl. AP.
FROST í lok maí hafa valdið
verulcgum samdrætti í kaffiupp-
skeru Brazilfumanna. Verð á
kaffi hefur þegar hækkað um
20% á alþjóðlegum markaði.
Brazilíumenn rækta um fjórðung
ails kaffis í heiminum.
32 SÍÐUR
MIÐVIKUDAGUR 13. JÚNÍ 1979
Prentsmiðja Morgunblaðsins.
Brian Allen, eftir að hafa lent heilu og höldnu f Frakklandi.
„Hjólaði”yfir
Ermasundið
Gris Nez-höfða, Frakklandi, 12. júní. AP.
Bryan Allen frá Kalifornfu fór yfir Ermarsund í dag í fótstiginni
flugvél, „Gossamer Albatross“, fyrstur manna og vann þar með
merkilegt afrek í flugsögunni. Ferðin tók tvo klukkutíma og 49
mínútur.
Allen var aldrei í meira en
fimm metra hæð yfir sjávarflet-
inum og stundum aðeins nokkra
þumlunga fyrir ofan hann. Hann
þurfti að berjast við loftstrauma
og fótkrampa til þess að komast
yfir sundið og lenda í fjöru sem er
venjulega áfangastaður þeirra
sem synda yfir Ermarsund.
Allen og félagi hans frá Kali-
forníu, dr. Paul MacCready, sem
smíðaði farkostinn, fá 200,000
dollara verðlaun frá Englend-
ingnum Henry Kram er fyrir
afrekið.
Nokkrum sinnum hélt Allen að
hann yrði að nauðlenda í sjónum
og eitt sinn bað hann áhöfn eins
af bátum sem fylgdust með ferð
hans að vera viðbúna nauðlend-
ingu. Meðalhraði Allen var um 9
mílur.
Á flugi yfir Ermasundið í aðeins um fimm metra hæð.
Brezka fjárlagafrumvarpið:
Lækkun tekjuskatta og
minnkun ríkisumsvifa
London. 12. júni. AP. Reuter.
BREZKA stjórnin lagði fram fjárlagafrumvarp sitt á brezka þinginu í dag. Þar er gert
ráð fyrir mikilli lækkun tekjuskatta og minni ríkisumsvifum eins og leiðtogi
íhaldsflokksins, Margaret Thatcher haíði lofað í kosningabaráttunni. Tekjuskattur
lækkar verulega. Þannig lækkar hæsti skattstigi úr 83% í 60%, sem er svipað meðaltal og
víðast hvar í Evrópu.
Þá gerir fjárlagafrumvarpið ráð
fyrir að selja hluti ríkisins í
fyrirtækjum, þar á meðal í BP
oliufélaginu. „Þetta er fjárlaga-
frumvarp aukinna tækifæra,"
sagði Sir Geoffrey Howe fjár-
málaráðherra á þinginu. Gert er
ráð fyrir að Englandsbanki auki
útlán sín. Fjármálaráðherrann
sagði, að óbeinir skattar mundu
hækka verðlag um 3,5%. Verð á
bensíni hækkar allverulega, og
samtök brezkra bifreiðaeigenda
mótmæltu því kröftuglega. Búist
er við, að verðbólgan muni herða á
sér, komast upp í 16% á þriðja
ársfjórðungi úr um 10% í dag.
Verkalýðsleiðtogar tilkynntu, að
þetta mundi valda kaupkröfum.
„Við lítum á þetta fjárlagafrum-
varp sem fyrsta skrefið í átt að
betra Bretlandi snúa þróun hnign-
unar í þróun framfara," sagði Sir
Geoffrey fjármálaráðherra þegar
hann fylgdi frumvarpinu úr hlaði.
Hann tilkynnti, að ríkisstjórnin
stefndi að 1,5 milljarða punda
sparnaði í ríkisrekstri. Þá voru
framlög til hersins hækkuð um
100 milljón pund.
„Þrátt fyrir hækkun söluskatts
og verðlags þá mun almennur
launamaður hagnast á þessari
breyttu stefnu,“ sagði Sir
Geoffrey og hann bætti við.
„Greiddu eins og þú neytir, en ekki
eins og þú aflar."
Fjárlagafrumvarpið mætti
harðri andstöðu Verkamanna-
flokksins á þinginu. „Þetta er
óskammfeilinn leikur með brezk-
an efnahag," sagði James Callag-
han.
Frumvarpinu var vel tekið í
viðskiptalífi og iðnaði. Raddir
voru þó meðal atvinnurekenda
um, að frumvarpið myndi kosta
deilur við verkalýðsfélögin. í kjöl-
far frumvarpsins styrktist staða
pundsins gagnvart öðrum gjald-
miðlum.
Flugmálayfirvöld í Evrópu
vilja DC-10 þotumar í loftið
Strassbourg, 12. júní. AP.
FLUGMÁLAYFIRVÖLD 21 Evrópulands ákváðu á
fundi í dag að stefna að því, að allar DC-10 þotur í
eigu evrópskra flugfélaga kæmust aftur í loftið 19.
júní. Ákveðið var að halda fund á mánudag, þar sem
saman kæmu flugmálayfirvöld hinna ýmsu Evrópu-
landa, fulltrúar þeirra 13 flugfélaga í Evrópu, sem
eiga DC-10, McDollen Douglas, og flugmálastjórnar
Bandaríkjanna.
Ákvörðun flugmálayfirvaldanna
er nokkurs konar málamiðlun.
Flugfélögin í Eyrópu vilja fá
DC-10 þotur þegar í gagnið.
Flugmálayfirvöld landanna gera
ráð fyrir nákvæmri skoðun. Verði
þessi tillaga þeirra samþykkt á
fundinum á mánudag, hinn 18., þá
munu DC-10 þotur flugfélaganna í
Evrópu komast í gagnið daginn
eftir.
Þessi málamiðlun kemur í veg
fyrir að þvert verði brotið á þá
ákvörðun bandarískra flugmála-
yfirvalda að kyrrsetja allar DC-10
þotur. Öll Evrópulönd nema Júgó-
slavía hafa kyrrsett þotur sínar.
Frakkar, Svisslendingar og Júgó-
slavar hins vegar hafa verið því
ákveðið fylgjandi að þoturnar fái
að fara í loftið sem fyrst, en
Danir, Bretar og Þjóðverjar hafa
viljað fylgja fordæmi Bandaríkja-
manna. Jurgen Weber, yfirmaður
flugvirkjadeildar Lufthansa, sagði
að gallar sem fundist hefðu í
DC-10 þotum í Bandaríkjunum
hefðu verið vegna rangs viðhalds.
Talsmaður flugmálayfirvalda
Evrópuríkja vildi ekki segja hvað
flugmálayfirvöld í Evrópu gerðu
ef bandaríska flugmálastjórnin
neitaði að samþykkja, að DC-10
þotur færu í loftið.