Morgunblaðið - 13.06.1979, Blaðsíða 14

14
MORGUNBLAÐIÐ, MIÐVIKUDAGUR 13. JÚNÍ1979
Kveðjuhóf í Hveragerði
Overagerði 11.6.1979.
NÝLEGA fluttu frá Hveragerði hjónin Jytte og
Georg Michelsen, bakarameistari, eftir rúmlega 30
ára búsetu hér. Vinir þeirra og kunningjar efndu til
kveðjuhófs og var það haldið 1. júní s.l. í Hótel
Hveragerði. Sigrún Sigfúsdóttir setti hófið með
ávarpi og var veislustjóri. Aðalræðu kvöldsins hélt
Ólafur Steinsson fyrrverandi oddviti og þakkaði þeim
störf í þágu byggðarlagsins, en þau hjónin voru mjög
virk í félagsmálum, átti Georg sæti í hreppsnefnd um
árabil og gegndi mörgum öðrum trúnaðarstörfum.
Frú Jytte var ein af stofnendum kvenfélagsins og átti
lengi sæti í stjórn þess, einnig starfaði hún mikið í
bridgefélaginu o.fl.
Þá fluttu ræður þeir Þórð-
ur Snæbjörnsson oddviti,
Hafsteinn Kristinsson fyrrv.
oddviti og séra Tómas Guð-
mundsson. Frú Helga Bald-
ursdóttir söng tvö ný lög eftir
Eirík Bjarnason frá Bóli við
undirleik Einars Markússon-
ar píanóleikara. Þessi lög
voru nú frumflutt hér í
Hveragerði og var þeim vel
fagnað. Einnig stjórnuðu þau
fjöldasöng og Einar lék
einleik á píanó.
Heiðursgestunum bárust
skeyti og gjafir. Frú Elín
Gpðjónsdóttir afhenti gjöf
frá kvenfélaginu og flutti
kveðjur og þakkir. Bridgefé-
lagið sendi blómakveðju. Fé-
lagar úr sjálfstæðisfélaginu
Ingólfi færðu þeim gjöf með
árituðum skildi með þakklæti
fyrir margra ára samstarf, en
þau voru bæði félagar og
Georg formaður þess í 7 ár.
Að lokum lék Eiríkur
Bjarnason fyrir dansi af sinni
kunnu snilld og skemmti fólk
sér hið besta. Hvergerðingar
kveðja þau hjón með eftirsjá
og óska þeim alls góðs í
framtíðinni.
— Sigrún
Jytte og Georg Michelsen
HEMPEIS
þakmálning.
Geró fyrir skipsskrokk
enboóinþérá
þakmálningarveiói.
Hvaóhefur þú
út úr því?
Skipamálningu er ætlaö aö standast
særok, nudd, frost, snjó og fugladrit
meö öllum þeim eyöandi efnum sem í
því eru. Þess vegna teljum viö aö betra
efni fyrirfinnist ekki á íslensk húsaþök.
wf S/ippfélagid i Reykjavík hf
Máíningarverksmiðjan Dugguvogi
Sirnar 33433og 33414
/
Arekstur úti
fyrir
Austfjörðum
Eskifirdi, 12. júní.
TVÖ fiskiskip rákust á úti fyrir
Austfjörðum fyrir helgina, vél
skipið Votaberg frá Eskifirði og
Guðmundur Kristinsson frá Fár-
skrúðsfirði.
Voru skipin á leið norður með
Austfjörðum og voru út af Fár-
skrúðsfirði í svartaþoku er at-
burðurinn varð. Mun ratsjá
Guðmundar Kristinssonar hafa
verið í ólagi.
Votabergið, sem er 70 lesta
tréskip, skemmdist talsvert við
áreksturinn en hitt skipið mun
minna. Slys urðu ekki á mönnum.
Sjópróf hafa farið fram hjá sýslu-
mannsembættinu á Eskifirði.
— Ævar.
Álftamýraskóli
sigurvegari á
skákmótiÆsku-
lýðsráðs Reykja-
víkur og Taflfé-
lags Reykjavíkur
Skákmót Æskulýðsráðs
Reykjavíkur og Taflélags
Reykjavíkur 1979 var haldið í
félagsheimili Taflfélags Reykja-
víkur við Grensásveg dagana 25.
mars og 31. mars — 1. aprfl. 20
sveitir frá 15 skólum tóku þátt í
mótinu, eða 120 þátttakendur
alls.
Úrslit urðu þau að Alftamýrar-
skóli varð sigurvegari, og hlaut
farandbikar, sem gefinn er af
Kiwanisklúbbnum Esju. í öðru
sæti var sveit Langholtsskóla, en í
því þriðja sveit Hvassaleitisskóla.
Þær hlutu báðar verðlaunaskjöl.
Taflfélag Reykjavikur veitti
bókaverðlaun fyrir bestu afrek á
1. og 2. borði. Verðlaun fyrir 1.
borð hlaut Jóhann Hjartarson, en
á 2. borði varð efstur Árni Á.
Árnason. Þeir eru báðir úr Álfta-
mýrarskóla.
Æskulýðsráð Reykjavíkur og
Taflfélag Reykjavíkur gefa út þrjá
bæklinga, „Tæknileg viðfangsefni
í skák“. Fullnægjandi skil við-
fangsefna í hverjum bæklingi
færir viðkomandi skákmanni eitt
stig: brons, silfur eða gull. Hér er
um viðfangsefni að ræða, sem
samræmt hefur verið á öllum
Norðurlöndunum.
í vetur hefur 21 unglingur unnið
til bronsverðlauna, 12 fengið silfur
og 4 gullverðlaun.