Morgunblaðið - 30.08.1979, Qupperneq 11

MORGUNBLAÐIÐ, FIMMTUDAGUR 30. ÁGÚST 1979
11
Vífilsfell
Spölkorn
úi í
buskann
Eitt þeirra fjalla. sem blasa
við augum manna héðan frá
höfuðborginni, er Vífilsfellið.
Það er ekki stórfenglegt að sjá
úr f jarskanum, en þegar nær er
komið, breytir það um svip og
ýtir undir þá löngun, að ganga
þangað upp. Og í dag skulum
við framkvæma það verk.
i
Hægt er að ganga á fjallið frá
öllum áttum, en stysta leiðin er
úr skarðinu í mynni Jósefsdals
og þar skulum við hefja göng-
una. Frá kaffistofunni, sem er á
mótum hins nýja og gamla vegar
um Svínahraunið, ökum við af-
leggjarann sem liggur inn í
Jósefsdal. Við ökum um Sauða-
dali, meðfram Draugahlíðum og
Þórishamri og brátt erum við
komin í skarðið, en það er
suð-austan undir Vífilsfelli. Hér
skulum við skilja bílinn eftir, og
hefja gönguna. Framundan er
brött skriða þakin lausum jarð-
vegi. Best er að velja leiðina
milli tveggja grunnra vatnsrása,
sem liggja þar niður, ofan frá
brún, eða ganga eftir annarri
hvorri rásinni, því þar er fastara
undir fæti. Þegar komið er upp á
brúnina fyrir ofan, tekur við
sléttur melur. Hann er kærkom-
inn, því brekkan er erfið og
hefur komið mörgum hraustum
kappanum til að blása og svitna
örlítið. Við hvílum okkur nokkra
stund á brúninni og litumst um,
því landslagið hefur breytt um
svip og útsýnið aukist að miklum
mun. Síðan tekur við annar
áfangi. Handan melsins rís mó-
bergsklettur allbrattur, sem fer
lækkandi til austurs. Okkur
finnst hann óárennilegur í
fyrstu, en tökum samt stefnuna
á hann og fikrum okkur upp eftir
honum. Er á reynir, er hann
auðveldari viðfangs en okkur
sýndist. Þegar efstu brún kletts-
ins er náð, blasir við útsýnið til
vesturs yfir Bláfjöllin og út á
Flóann. En ekki höfum við enn
náð efsta tindi. Einn stallur er
eftir og sá brattasti. Hér hefur
Ferðaféiagið komið fyrir kaðal-j
spotta, þeim til styrktar, sem
smá aðstoð þurfa, en flestir
hlaupa upp án nokkurrar aðstoð-
ar. Þegar við höfum klifið stall-
inn, er „hæsta tindi náð“ og ekki
annað eftir en „rifja upp og
reyna að muna, fjallanöfnin,
náttúruna" með aðstoð útsýnis-
skífunnar, sem Ferðafélagið lét
setja hér upp árið 1940. (Tilvitn-
anir eru úr Fjallgöngunni, kvæði
eftir Tómas Guðmundsson.)
Meðan við dveljum hér við út-
sýnisskoðun og fleira, rifjast upp
sagan un nafn fjallsins. í þjóð-
sögu segir, að Ingólfur Arnarson
hafi gefið Vífli þræli sínum
bústað, sem síðan var nefndur
Vífilsstaðir. Á miðju Álftanesi
er Sviðsholt. Þar bjó Sviði. Vífill
og Sviði stunduðu mjög sjó, og
segir sagan, að þeir hafi tveir
einir róið til fiskjar á áttæringi.
I þjóðsögunni segir síðan: „Langt
fyrir ofan Vífilsstaði er fell eitt,
sem Vífilsfell heitir. Þó það sé
snöggt um lengri vegur upp að
felli þessu frá Vífilsstöðum, en
til sjávar, gekk Vífill allt um það
á hverjum morgni upp á fellið,
til að gá til veðurs, áður en hann
fór að róa, og reri ekki, ef hann
sá nokkra skýskán a lofti af
fellinu, og tók því fellið nafn af
honum. En ef honum leist
róðrarlega á loftslag gekk hann
til skips og reri með Sviða.“ Og
nú stöndum við á sömu steinun-
um og Vífill forðum, hér uppi á
fellinu, ef marka skal sannleiks-
gildi sögunnar. En tæplega
myndu margir á okkar öld geta
leikið það eftir honum, að skjót-
ast þessa leið frá Vífilsstöðum
fram og aftur, áður en hann ýtti
frá landi. En nú skulum við huga
að heimferð. Sjálfsagt er að
leggja smá lykkju á leiðina og
skjótast niður í Jósefsdalinn. Þá
förum við til hægri þegar við
erum komin ofan fyrir efstu
klettana, og göngum vestur
brúnirnar. Gott er að komast
niður gilið, sem merkt er leið A á
kortinu, eða ganga alla leið
vestur fyrir dalbotninn og þar
niður í dalinn (leið B). Jósefsdal-
ur er mjög sumarfagur, fjöllum
luktur, en rennisléttur í botninn.
Suður úr honum er ólafsskarð,
kennt við Ólaf bryta í Skálholti,
sem ég sagði frá, þegar við
gengum á Lyklafellið. Fyrrum
var alfaraleið um Ólafsskarð og
sjást götuslóðirnar enn. Dalur-
inn dregur nafn af Jósef bónda,
sem þar bjó fyrrum. Hann var
góður smiður, en forsmáði guð
svo með blóti og formælingum,
að bærinn sökk og Jósef með. En
líklega hefur verið bætt fyrir
brot Jósefs, því til skamms tíma
voru hér aðalskíðalönd Ármenn-
inga, skíðaskáli þeirra og fleiri
byggingar og gekk vel.
Við göngum austur úr dalnum,
fram hja Grettistaki, stórum
stökum steini við veginn og upp í
skarðið. Þar bíður bíllinn okkar.

SKELLIÐ
,YKKUR
IBÆINN
SKOÐIÐ SÝNINGUNA
Hér er einstakt tækifæri. Vegna sérstakra samninga milli Flug-
leiða, Hótel Esju, Hótel Loftleiða og Alþjóðlegu vörusýningar-
innar, er utanbæjarfólki boðið sérstök vildarkjör á gistingu,
þegar keyptur er flugfarmiði í bæinn og til baka ásamt aðgöngu-
miða á sýninguna. Frí gisting fyrstu nóttina, síðan sérstök kjör.
Snúið ykkur til afgreiðslna og umboðsmanna Flugleiða um land
allt og leitið nánari upplýsinga.
Skeltið vkkur af stað. Það er margt að sjá: 150 sýningardeildir.
10OOm^ sérstök sjávarútvegssýning. Stórglæsilegar Disco tísku-
sýningar. Landsfrægir skemmtikraftar. Skoðunarferðir um
borgina í 2ja hæða strætisvagni.
ALÞJÓÐLEG
VÖRUSÝNING
mw9
OPNUM
KL.3
FLUGFAR OG GISTING Á GÓÐUM
HÓTELUM, - ALLT í EINUM PAKKA.
VELKOMIN TIL REYKJAVÍKUR