Morgunblaðið - 23.09.1979, Blaðsíða 3
MORGUNBLAÐIÐ, SUNNUDAGUR 23. SEPTEMBER 1979
3
Þórarinn Ragnarsson ræðir við knattspyrnusnillinginn Alan Simonsen í Barcelona
í SKJÓLI gifurlegs fjármagns
hefur spœnska knattspyrnuveld-
ið Barcelona keypt afburðamenn
eins og Johan Cruy og Johan
Neeskens. Þeir leika nú báðir í
Bandarikjunum, en maður kem-
ur i manns stað. Arftakar þeirra
hjá Barcelona eru miklir og færir
knattspyrnumenn, þeir heita Jo-
han Krankl og Alan Simonsen.
Það er skammt stórra högga á
milli í islenska knattspyrnuheim-
inum. Fyrir fáum dögum var hér
á ferðinni hið geysisterka þýska
lið HSV með Kevin Keegan i
broddi fylkingar og á morgun er
Barcelona væntanlegt til lands-
ins með fyrrgreinda snillinga
fremsta i flokki og leika þeir á
miðvikudaginn gegn Akurnes-
ingum i Evrópukeppni bikar-
hafa.
Viðtöl í guðshúsi
Undirritaður hafði mælt sér mót
við þá Simonsen og Krankl á
leikvelli Barcelona, Nou Camp, í
gærmorgun og var ætlunin að taka
við þá stutt viðtöl. Ég beið þeirra í
lítilli kapellu á vallarsvæðinu, kap-
ellu skreyttri félagsfánum víðs veg-
ar að úr heiminum og einnig
líkneski af Maríu mey. Þarna biðj-
ast hinir heittrúuðu leikmenn Barc-
elona fyrir, ekki síst fyrir mikil-
væga leiki. Áður en langt um leið
birtist Simonsen í dyrunum og
heilsaði mér vinalega.
Hræddir við
islenska veðrið
Áður en ég gat sagt eitt einasta
orð, spurði Simonsen mig hvernig
veðrið heima á Fróni væri þessa
dagana. Þégar ég sagði honum að
morguninn sem ég fór hefði verið
snjór á jörðu, hristi hann höf' ðið
og leist greinilega ekki á 1 l.Kuna.
„Það er það sem leikmcnn liðsins
óttast mest, að leika i kulda, en því
eru þeir ekki vanir. Annars er mér
hlýtt til Islands. Þar lék ég minn
fyrsta landsleik fyrir Danmörk,
árið 1972, og skoraði ég þá tvö
mörk. Má segja að sá leikur hafi
verið stökkpallur fyrir feril minn
sem knattspyrnumann.
Erfitt að leika
í Spánarhitanum
Aðspurður um hvernig væri að
leika knattspyrnu á Spáni annars
vegar og í Vestur-Þýskalandi hins
vegar svaraði Simonsen því til, að
verst væri að venjast hitanum. „Þá
geta áhorfendurnir verið erfiðir.
Þeir eru svo kræfir, að ekkert
minna en það allra besta nægir til
að hafa þá góða. Mér gekk svo vel í
fyrstu leikjum mínum með Barce-
lona, að ég hef aldrei orðið fyrir
barðinu á fólkinu, en ekkert má út
af bera til að leikmaður verði ekki |
rækilega klemmdur undir smásjá
áhorfenda.
Þá er furðu erfitt að venjast því
að leika fyrir þann ofsalega
áhorfendafjölda sem tíðkast hérl-
endis, en á heimaleiki Barcelona
horfa aldrei færri en 90.000 manns,
alveg sama við hvaða lið er leikið.
Ef ég ber saman knattspyrnuna í
Vestur-Þýskalandi og Spáni, má
segja, að leikmenn hér eru „tekn-
iskari", en þýska deildin er samt
sem áður miklu sterkari. Það er
einkum vegna þess að þar eru svo
mörg lið af svipuðum gæðaflokki."
Alltaf erfitt að
leika á íslandi
Ég spurði Simonsen hvernig hon-
um litist á leik Barcelona og ÍA.
Hann svaraði: „Það er alltaf erfitt
að leika og sigra íslensk lið. Þau eru
alltaf baráttuglöð og við slík lið er
alltaf erfitt að etja kappi og gildir
þá einu hvort um er að ræða
atvinnumannalið eða
áhugamannalið eins og ÍA. Ég hef
komið félögum mínum í skilning
um að þeir verða að berjast fyrir
sigri á Islandi og þeir hafa meðtek-
ið þann boðskap sem betur fer. Eitt
er víst, að ekki vanmet ég í A, en ég
vonast eindregið eftir því að geta
skorað mark eða mörk á Laugar-
dalsvellinum, til þessa hef ég ekki
skorað minna en tvö í leikjum
mínum á þeim velli."
Erfitt að verja titilinn
Ég spurði nú Simonsen hvort
hann teldi að velgengni Barcelona
héldi áfram, en liðið er nú spænsk-
ur meistari og Evrópubikarmeistari
bikarhafa. Simonsen taldi öruggt
að erfiðara hlyti að vera að verja
titla en að koma á óvart með sigri.
„Þegar lið er meistari, kosta öll hin
liðin kapps um að leggja meistara-
liðið að velli. Samt er ég vongóður
um að við vinnum þá spænsku titla
sem völ er á, og að sjálfsögðu
sleppum við ekki Evrópubikarnum
átakalaust."
Spilar tennis í fristundum
Mér lék forvitni á að vita, hvað
kappinn gerði í frístundum sínum
og til að svala forvitninni, spurði ég
hann. „Ég hef mjög gaman af því að
leika tennis, geri mikið af því. Góða
tónlist hlusta ég og mikið á, auk
þess sem bílar hafa ávallt heillað
mig. Annars gefst jafnan lítill tími
til tómstunda, atvinnuknattspyrna
þýðir tvær æfingar á dag, einn eða
fleiri leikir í viku meðan á keppn-
istímabilinu stendur og endalaus
keppnisferðalög þar fyrir utan. Það
er því kannski rangt að tala um
tómstundir, þær eru varla til.“
„Er alltaf taugaóstyrkur“
„Ég er alltaf taugaóstyrkur fyrir
leiki, hef alltaf verið það, þratt
fyrir að segja megi að maður sé
orðinn reyndur knattspyrnumaður.
Taugaóstyrkleikinn hefur jafnvel
vaxið hjá mér eftir að ég fór að
leika á Spáni, því að fólkið gerir svo
miklar kröfur til manns. Heppnist
ekki allt hjá leikmanni kann svo að
fara að áhorfendum líki ekki lengur
við hann og þegar fjöldi þeirra
nálgast 100.000, er slíkt ekkert
gamanmál."
Simonsen heur fengið fólk til að
gleyma Neeskens. Hann var keypt-
ur til félagsins sem arftaki holl-
enska snillingsins og fólkinu líkaði
ekki að Neeskens hyrfi á braut. En
vegna einurðar og góðra leikja
Simonsens hefur fólkið sætt sig við
breytinguna og tekið Simonsen
opnum örmum. Þar sem áður var
hrópað „Neeskens, Neeskens,
Neeskens" hljómar nú í staðinn
„Simonsen, Simonsen" o.s.frv.
Smeykur við blaðaskrif
Simonsen sagðist fylgjast sérlega
vel með blaðaskrifum um sjálfan
sig og hann tæki það nærri sér ef
eitthvað misjafnt væri um sig ritað.
„Sé gagnrýnin sanngjörn, er auðvit-
að ekkert annað að gera en að
kyngja bitanum og reyna að gera
betur næst. Ég fylgist mjög vel með
skrifum og það er oft skrekkur í
mér vegna þeirra."
„Hjátrúin mitt einkamár
Afar algengt er að íþróttamenn
séu hjátrúarfullir á einn eða annan
hátt. Þetta lýsir sér á margan hátt,
leikmenn hengja t.d. alltaf fötin sín
á sama snagann, fara alltaf í vinstri
skóinn fyrst, standa á haus inni í
sturtu o.fl. Ég spurði Simonsen
hvort hann hefði einhverja slíka
siði og ef svo væri, hvort hann vildi
segja mer hverjir þeir væru. Svar
kappans var stutt og laggott og á þá
leið, að víst væri hann hjátrúarfull-
ur, en hver sérviska hans væri í
þeim efnum kæmi engum við. Sim-
onsen var ekkert móðgaður yfir
spurningunni, þó að svarið virtist
hranalegt, þvert á móti hafði hann
gaman að því að geta sagt blaða-
manni að honum varðaði ekkert um
hans mál.
Spánverjar elska þá
sem skora mörk
Svo sem sjá má af pistli þessum,
hefur Simonsen komið ár sinni vel
fyrir borð í spænsku knattspyrn-
unni. Hann er elskaður og virtur af
fólkinu sem sækir völlinn, fólkinu
sem gerir félaginu kleift að borga
honum einhverjar hæstu tekjur
sem þekkjast í knattspyrnuheimin-
um. Enda elska Spánverjar ávallt
þá leikmenn sem skora mörk. Það
hefur Simonsen sannarlega gert í
hverjum leik fyir Barcelona á þessu
keppnistímabili. Og nú vill hann
skora líka á Laugardalsvellinum
gegn í A. Mikið vill meira! - þr.
Spánverjar elska þá
sem skora mörkin
Má
LONDON
Hinar sívinsælu
Útsýnarferöir nú fáan
legar tvisvar íviku
á lækkuöum
fargjöldum.
Síðasta
brottför
6. október
5 daga helgarferðir
Fimmtudagur til þriöjudags. Verö
með gistingu á þekktu hóteli í
hjarta borgarinnar, morgunveröur
og flugvallarskattur kr. 157.900.-.
Vikuferðir
7 nætur á einu eftirsóttasta hóteli
Lundúna, Cumberland viö Oxford-
stræti. Bezta staösetning meö tilliti
til verzlana, veitinga og skemmti-
staöa.
Verö frá kr. 177.400.-.
Þad er ekki sama með
hverjum þú feröast.
Örugg þjónusta vegna
hagstæðra samninga í fjöida
ára.
Lægsta verð miðað við
gæði.
Aöal golftímabiliö á Spáni hefst
einmitt í október. Meöal þeirra
valla sem Útsýnarfarþegar hafa
aðgang aö er hinn stórgiæsilegi
völlur Torrequebrada, þar sem
spænska meistaramótiö fór fram
í apríl sl.
Meöalhitastig í október er 21
gráöa og fjöldi sólardaga: 27
dagar.
Austurstræti 17, II hæö,
sími 26611.
Feröaskrifstofan