Morgunblaðið - 23.09.1979, Blaðsíða 18

18
MORGUNBLAÐIÐ, SUNNUDAGUR 23. SEPTEMBER 1979
Þungatakmarkanir á Fáskrúðsf jarðarbryggju:
Alvarlegt ástand í
atvinnumálum stað-
arins gæti skapast
Vörubifreiðar hafa tvívegis i sumar farið niður úr gólfi
bryggjanna á Fáskrúðsfirði, og sýnir myndin annað atvikið.
Fáskrúösfirði 22. september.
MJÖG alvarlegt ástand hefur
skapast hér á Fáskrúðsfirði
gagnvart atvinnulífi staðarins
vegna þess að öxulþungi bifreiða
hefur verið takmarkaður við
þrjú tonn á báðum hafskipa-
bryggjunum í eigu hafnarsjóðs
Búðahrepps.
Með tilkomu þessara merk-
inga er ábyrgðin færð yfir á
fyrirtækin sem bryggjurnar
þurfa að nota og aðra þá sem um
bryggjurnar þurfa að fara á
bifreiðum sinum ef öxulþungi er
meiri en 3 tonn. Ástæðan fyrir
þessum takmörkunum er að tví-
vegis í sumar hafa bílar farið
niður úr bryggjunum og er
hafnarsjóður Búðahrepps skaða-
bótaskyldur fyrir slíku tjóni. Svo
segir í 4ra ára áætlun um hafn-
argerðir frá Hafnamálastofnun
ríkisins, útgefinni í febr. 1977:
Fá8krúð8Íjörftur. Búðakauptún
við Fáskrúðsfjörð er eingöngu
útgerðarbær. Frá Fáskrf. eru
gerðar út 14 trillur, tveir bátar,
100 til 250 tn. og tveir bátar
250—500 tn. og einn skuttogari.
Von á öðrum skuttogara."
Nú hafa orðið þær breytingar
að trillum hefur lítillega fækkað,
en skuttogararnir eru orðnir
tveir, og í smíðum er 1000 lesta
nótaveiðiskip.
Síðar í sömu áætlun segir:
„Komið hefur í ljós að Bæjar-
bryggjan er mjög illa farin enda
er hún hönnuð fyrir miklu minni
öxulþunga en nú tíðkast. Sama
máli gegnir um Fiskeyrar-
bryggjuna (bryggju við
Hraðfr.h. Fáskrúðsfjarðar h.f.).
Er brýn þörf á að úr þessu verði
bætt annars er tekin áhætta um
að atvinnulífi sé stefnt í voða.
Ákveðið hefur verið að bygging
vörukamps verði næsta verkefni
og verði hann staðsettur innan
Bæjarbryggju".
Á árinu 1977 er hafist handa
við byggingu 60 metra stálþils-
kamps sem þá var rekinn niður,
og uppfylling gerð og unnið fyrir
u.þ.b. 30 milljónir króna. í áætl-
un síðan 1978 er gert ráð fyrir 15
milljón króna fjárveitingu sem
hækkuð var vegna verðbólgu að
einhverju leyti. Það ár var dýpk-
að við kantinn og reist á honum
ljósamastur. í áætlun fyrir ‘79
og ‘80 skal unnið fyrir 85 millj.
og er þá lögð þung áhersla af
hálfu ráðamanna Búðahrepps á
fundi með þingmönnum kjör-
dæmisins að verki þessu verði
lokið á árinu ‘79 og ákvörðun
tekin um frestun á smábátahöfn,
meðal annars til þess að strax á
árunum ‘79 til ‘80 yrði hafist
handa með byggingu varanlegr-
ar bryggju fyrir framan Hrað-
frystihúsið til löndunar úr tog-
urum.
Er fjárveitingar ríkisins litu
dagsins ljós hafði niðurskurðar-
hnífurinn heldur betur bitnað á
okkur og skyldi nú aðeins unnið
fyrir 7 milljónir króna í hafnar-
framkvæmdum hér á árinu ‘79.
Fyrir þessa upphæð er verið að
steypa kant á stálþilið en engir
peningar eru til að steypa þekju
á bryggjuna, sem brýna nauðsyn
ber til. Talið er að þekjan muni
kosta á núverandi verði um 15
milljónir króna og talið er fram-
kvæmanlegt að ljúka því verki í
haust, en fé vantar. í sumar sá
undirritaður að fjárveitingaséní
okkar, þ.e.a.s. í fjárveitinga-
nefnd, var að láta hæla sér í
Austurlandi, málgagni Abl., að
hingað hefði verið veitt 10 millj-
ónum króna í byggingu Heilsu-
gæslustöðvar. Þakka skyldi að
ekki tókst honum að skera þá
framkvæmd af nú. Á fundi með
undirrituðum og sveitarstjóra
Búðahrepps og nokkrum þing-
mönnum Austurlands í vor þar
sem lýst var þungum áhyggjum
yfir þessum litlu fjárveitingum
til hafnarinnar lýsti fjármála-
ráðherra skoðun sinni á þann
veg að undirritaður skildi: „Haf-
ið engar áhyggjur af þessu
drengir, þetta skuluð þið allt fá,
og miklu meira.“
Þess má að lokum geta, að
Fáskrúðsfjörður er síðastur
staða í Austurlandskjördæmi til
að fá varanlega bryggju.
— Albert Kemp.
Skilti hefur nú verift komift upp á bryggjunni i Fáskrúftsfirði er sýnir öxultakmarkanir sem miðast vift þrjú tonn. Ljtem: Albert Kemp.
STÓRLÆKKAÐ VERÐÁ
OUTSPAN APPELSÍNUM!
VEGNA HAGSTÆDRA INNKAUPA
VERÐ KR.J?80.- 528 PR. KG. í REYKJAVÍK.
BIÐJIÐ UM APPELSÍNURNAR Á LÁGA VERÐINU í NÆSTU BÚÐ.
Eggert Kristjánsson hf.
Sundagörðum 4, sími 85300