Morgunblaðið - 27.03.1980, Blaðsíða 23
MORGUNBLAÐIÐ, FIMMTUDAGUR 27. MARZ 1980
23
Mynd þessi var tekin f hofninni i Barrow-in-Furness í fyrrakvöld í
Englandi þar sem Greenpeace-menn voru að mótmæla flutningi á
kjarnorkuúrgangi frá Japan til Bretlands þar sem honum verður
eytt. (AP-símamynd)
Leyniviðræður
á vegum Nixons
Þetta gerðist- - 27. marz
1979 — OPEC hækkar olíuverð um
9%.
1977 — Mesta flugslys sögunnar er
581 fórst í árekstri tveggja flugvéla
á Kanaríeyjum.
1976 — Suður-Afríkumenn flytja
herlið sitt frá Angola.
1971 — Þúsundir falla í bardögum
hersveita og óbreyttra borgara í
Austur-Pakistan.
1968 — Yuri Gagarin, fyrsti geim-
farinn, fórst í flugslysi.
1964 — Friðargæzlulið SÞ tekur
við stjórninni á Kýpur — Rúmlega
100 fórust í jarðskjálfta í Alaska.
1945 — Yfirlýsing Eisenhowers
hershöfðingja um ósigur Þjóðverja
í heimsstyrjöldinni.
1941 — Páli prins steypt af stóli í
Júgóslavíu vegna samnings við
Adolf Hitler.
1939 — Krafa Adolfs Hitlers um
að Pólverjar samþykki innlimun
Danzig í Þýzkaland.
1933 — Japanir boða úrsögn sína
úr Þjóðabandalaginu.
1878 — Bretar kalla út varaher og
senda indverskt herlið til Möltu.
1854 — Frakkar segja Rússum
stríð á hendur.
1802 — Amiens-friður Breta og
Frakka og friður í allri Evrópu.
1713 — Spánverjar láta Gíbraltar
og Minorca af hendi við Breta í
Utrecht.
1703 — Pétur mikli stofnar St.
Pétursborg.
Afmæli:
Wilhelm von Röntgen, þýzkur eðl-
isfræðingur (1845—1923) — F.H.
Royce, brezkur bílasmiður (1863—
1933) — Cyrus Vance, utanríkis-
ráðherra Bandaríkjanna (1917—)
— Gloria Swanson, band arísk
leikkona (1898—) — David Jansen,
bandarískur leikari (1930—1980).
Andlát: 1378 Gregorius páfi IX —
1624 Jakob I Englandskonungur —
1848 Blicher skáld & prestur í
Spentrup — 1889 John Bright,
stjórnmálaleiðtogi — 1931 Arnold
Bennett, rithöfundur.
Innlent: 1563 Yfirréttur — 1764
Eldur í verksmiðjuhúsunum í
Reykjavík — 1811 íslenzkur majór,
Ketill Melsted, fellur í bardaga við
Englendinga á eynni Anholt —
1820 d. Jón sýslumaður Guð-
mundsson — 1866 f. Lárus H.
Bjarnason — 1949 Þingsályktun-
artillaga ríkisstjórnarinnar um að-
ild að NATO — 1956 Ríkisstjórn
Ólafs Thors biðst lausnar — 1961
Lög um launajafnrétti — 1896 f.
Þórarinn Guðmundsson fiðluleik-
ari.
Orð dagsins: Hjartað er aldrei
hlutlaust — Jarlinn af Shaftes-
bury, enskur stjórnmálaleiðtogi
(1621-1683).
Berlin, 26. marz — AP.
KENNETH Rush fyrrum sendi-
herra Bandaríkjanna í Vestur-
Þýzkalandi sagði i viðtali við
Vestur-Berlín í dag að hann hefði
eitt sinn fengið fyrirmæli um það
frá Richard M. Nixon þáverandi
forseta að taka upp leynilegar
viðræður við fulltrúa Sovétríkj-
anna um stöðu Berlínar, án þess að
láta fulltrúa Frakklands og Bret-
lands vita.
Rush sagði í samtalinu að hann
hefði átt leynilega fundi með Pjotr
Abrassimov sendiherra Sovétríkj-
anna í Austur-Þýzkalandi og við
sovézka sendiherrann í Bonn, Val-
entin Falin, og rætt um breytingar á
einstöku greinum fjórveldasáttmál-
ans um Berlín. Hann sagði að
William Rogers þáverandi utan-
ríkisráðherra Bandaríkjanna hefði
ekki heldur verið látinn vita um
viðræðurnar, því að Nixon hefði
ekki treyst samningslipurð hans.
Ekki gaf Rush frekari upplýsingar
um viðræðuefnið, né heldur hve oft
hann hefði rætt við sovésku sendi-
herrana.
Fulltrúar Sovétríkjanna, Banda-
ríkjanna, Frakklands og Bretlands
undirrituðu samkomulagið árið
1972. Samkvæmt því tryggðu Sov-
étríkin og Vesturveldin þrjú frjálsar
samgöngur við Vestur-Berlín, og
staðfestu tengsl borgarinnar við
Vestur-Þýzkaland.
Tal tapaði
Moskvu. 26. marz — AP. - *
FYRSTU skákinni í áskorenda-
einvígi þeirra Mikhails Tals og
Levs Polugajevskys, sem fór í bið
eftir 41 leik, lauk í dag með því að
Tal gaf skákina áður en Poluga-
jevsky lék sinn 42. leik. Hefur
Polugajevsky því forustuna með
einn vinning gegn engum.
Ráðherra vikið frá
Santiago, Chile, 26. marz — AP.
AUGUSTO Pinochet forseti Chile
óskaði í dag eftir lausnarbeiðni
Hernans Cubillos utanríkisráð-
herra, að því er opinbera frétta-
stofan Orbe skýrir frá.
Segir í fréttinni að Enrique
Valdez Puga aðstoðarráðherra
taki við embætti Cubillos til
bráðabirgða. Brottrekstur Cubill-
os er bersýnilega bein afleiðing
misheppnaðrar Asíuheimsóknar
Pinochets forseta, en hann varð að
hætta ferð sinni s.l. laugardag
þegar Ferdinand Marcos forseti
Filipseyja skýrði frá því að hann
gæti ekki tekið á móti Pinochet
vegna anna.
Veður
Akureyri -1 snjókoma
Amsterdam 10 skýjaó
Aþena 20 skýjað
Barcelona 16 skýjað
Berlín 3 skýjað
BrUssel 5 skýjaö
Buenos Aíres 25 skýjaö
Chicago 2 skýjað
Dublin 8 skýjaö
Frankfurt 15 rigning heiðskírt
Genf 11
Helsinki 0 heiðskírt
Jerúsalem 26 skýjað
Jóhannesarborg 22 heiðskírt
Kaíró 34 mistur
Kaupmannahöfn 3 skýjað
Las Palmas 19 skýjaö
Lissabon 16 skýjað
London 11 heiðskírt
Los Angeles 19 rigning
Madríd 15 skýjaö
Malaga 19 skýjað
Mallorca 18 léttskýjað
Miami 28 skýjað
Moskva 0 heiðskirt
New York 6 skýjaö
Ósló 1 heiöskírt
París 11 skýjaö
Reykjavík 0 úrk. í gr.
Rio De Janeiro 38 heiðskírt
Rómaborg 11 skýjað
Stokkhólmur -3 heiðskírt
Sydney 26 heiðskírt
Tel Aviv 26 skýjað
Tókýó 11 heiðskírt
Vancouver 11 skýjað
Vínarborg 6 skýjaö
Loksins vann Kennedy
Frá önnu Bjarnadóttur fréttaritara
Morgunblaðsins i Washington.
EDWARD Kennedy og George Bush unnu langþráða sigra í
forkosningum bandarisku stjórnmálaflokkanna á þriðjudag.
Kennedy sigraði Jimmy Carter í forkosningum demókrata í New
York með 59% atkvæða gegn 41% og í Connecticut með 47%
atkvæða gegn 41%. Bush hlaut 38% atkvæða i Connecticut, en
Ronald Reagan hlaut 33% og John Anderson 22%. Reagan hlaut
flesta fulltrúa repúblikana frá New York á landsþingi flokksins.
Yfirburðir Kennedys í New
York og Connecticut komu á óvart.
Carter vann stóran sigur í Illinois
í síðustu viku og skoðanakannanir
sýndu þá, að kosningarnar í New
York færu á sömu leið. Kénnedy
fór að draga á Carter í skoðana-
könnunum síðustu dagana fyrir
kosningarnar, en þó ekkert í
líkingu við það, sem úrslitin
sýndu. Alla síðustu viku var sung-
in sálumessa yfir framboði Kenne-
dys, en hann sagðist sjálfur ætla
að halda baráttunni áfram ótrauð-
ur, hver sem úrslitin í New York
yrðu. Honum verður það auðveld-
ara nú, þótt vonir um útnefningu
flokksins séu ekki bjartar.
Jody Powell, blaðafulltrúi, og
Richard Strauss, kosningastjóri
Carters, sögðu báðir, þegar úrslit
voru kunn, að nýjar efnahags-
ráðstafanir Carters, sem hann
kunngerði fyrir nokkru, og mistök,
sem áttu sér stað í Sameinuðu
þjóðunum um mánaðamótin,
hefðu kostað Carter sigur í New
York og Connecticut. Þeir létu í
það skína, að kjósendur hefðu
greitt atkvæði gegn Carter frekar
en með Kennedy.
New York og Connecticut eru
meðal þeirra ríkja, sem Kennedy
var spáð öruggum sigri í, áður en
fór að halla undan fæti fyrir
honum. Carter varð fjórði í for-
kosningunum í New York 1976.
Það stóð honum ekki fyrir þrifum,
það sem eftir var baráttunnar þá.
Kennedy fagnaði sigrinum á
þriðjudag og sagði, að kjósendur
hefðu gefið skýra vísbendingu um,
að þeir hafi ekki efni á að lifa við
18% verðbólgu og jafnháa vexti.
Því er spáð að hann muni nú
leggja allt kapp á að standa sig vel
í forkosningunum í Pennsylvaníu,
sem verða haldnar 22. apríl.
George Bush þurfti á sigrinum í
Connecticut, sem er annað heima-
ríki hans, að halda. Kosningabar-
átta hans fór vel af stað, en hann
hefur tapað fyrir Reagan í hverj-
um forkosningunum á fætur öðr-
um að undanförnu. Hann hefur
verið gagnrýndur fyrir að leggja
meira upp úr tæknilegum hliðum
baráttunnar en rökræðu um mál-
efni. Hann hefur nú snúið við
blaðinu og leggur áherzlu á mun-
inn, sem er á skoðunum hans og
Reagans. Bush þykir fjálslyndari
en Reagan.
John Anderson hefur lagt mikla
áherzlu á forkosningarnar í Wis-
consin, sem verða haldnar í næstu
viku. Þær eru opnar öllum, og
hann vonast til að hljóta stuðning
demókrata og óháðra kjósenda,
jafnt og repúblikana. Mikið er
talað um, að hann fari í sjálfstætt
framboð, þegar vonir hans um
útnefningu repúbiikanaflokksins
bresta, en hann hefur ekki viljað
segja af eða á um það enn.
Ronald Reagan er svo til örugg-
ur um útnefningu repúblikana-
flokksins. Hann hreppti stuðning
Johns Connally, sem sjálfur dró
framboð sitt til baka fyrir nokkru,
á þriðjudag. Reagan hefur nú 209
fulltrúa, Bush 47 og Anderson 38 á
landsþing repúblikana í sumar.
998 er þörf til að hljóta útnefningu
flokksins. 1666 fulltrúa er þörf til
að hljóta útnefningu demókrata.
Carter hefur nú 748,5 þeirra og
Kennedy 398,5.