Morgunblaðið - 05.07.1980, Side 3

MORGUNBLAÐIÐ, LAUGARDAGUR 5. JÚLÍ1980
3
Smyrilsungarnir íjórir,
sem Austurríkismenn-
irnir rændu úr hreiðr-
um sinum norður í
landi fyrir skemmstu, eru enn
sprelHifandi. þó þeim hafi vart
verið hugað líf. sökum smæðar,
þegar þeir komu úr töskum
útlendinganna. Reykvísk fjöl-
skylda tók ungana undir sinn
verndarvæng og á heimili
hennar voru þeir hinir spræk-
ustu í gær, er Mbl. leit inn hjá
þeim.
Fálkaungarnir fjórir, sem
eftir lifa af þeim fimm. sem
einnig var rænt af sömu út-
lendingunum, eru við góða
heilsu að sögn Ævars Petersen
hjá Náttúrufræðistofnun. Þeir
eru í geymslu að Keldum og
verða þar næstu vikurnar, eða
þar til þeir ná nægilegum
Sérkennilegur samsöngur
smyrilsunga og páfagauka
þroska til að hægt verði að
sleppa þeim.
Smyrilsungarnir tóku á móti
blaðamanni Mbl. með upp-
glennta gogga og sagði fóstra
þeirra, Ingveldur Kristjáns-
dóttir, að þeir væru sísvangir
og þýddi lítið að gefa þeim
annað en hrátt kjöt. Hún sagði
fjölskylduna ætla að hafa þá
þar til þeir yrðu fleygir, en þá
yrði þeim sleppt. „Að sleppa
þeim áður en þeir verða fleygir
er sama og drepa þá, og okkur
finnst þess virði að sjá til,
hvort þeir spjara sig ekki, eins
og fálkaungarnir vonandi gera
einnig. Það er mest hættan á,
að þeir nái ekki nægilegum
þroska og verði ófærir um að
bjarga sér sjálfir, en við von-
um hið bezta.“ sagði hún.
Kristján sonur Ingveldar, var
óhress yfir hátterni ræningj-
anna og lét í Ijós undrun sína á
þessari mannvonsku.
Fálkaungarnir eru hinir hrcssustu og mun burðugri en smyrilsung-
arnir, eins og sjá má á þessari mynd, sem tekin var af einum þeirra að
Keldum. Ljósm. Mhl. Kmilía
Auðséð var að fuglavinir
áttu hér í hlut, því undir
gargið i smyrilsungunum tóku
litfagrir páfagaukar fullum
hálsi og varð úr sérkennilegur
samsöngur. Fjölskyldan var á
leið upp í sveit með ungana og
sögðust þau vona að sveitaloft-
ið gerði þeim gott.
Bótamál vegna meintra mistaka lækna:
80% öryrki eftir
16 spítalalegur
ÞRJÁTÍU og níu ára gamall skrifstofumaður hefur fyrir
bæjarþingi Reykjavíkur höfðað mál gegn heilbrigðismálaráðherra
og f jármálaráðherra fyrir hönd ríkissjóðs til greiðslu skaðabóta að
upphæð 32,6 milljónir króna auk vaxta, vegna meintra mistaka
lækna á Landspitalanum.
Maðurinn var lagður inn á Landspítalann i september 1973 og
var þá gerð aðgerð á honum vegna sjúkdóms i baki, sem mun hafa
verið sprunginn liðþófi í hrygg. Við þessa aðgerð urðu lækninum,
sem framkvæmdi aðgerðina. á þau mistök að klipa með töng i æðar
fyrir framan hrygg. að þvi er segir í stefnu, sem maðurinn lagði
fram i bæjarþinginu.
Telur maðurinn að þessi mistök læknisins hafi verið upphafið að
16 spitalalegum sinum og hafa valdið sér varanlegri örorku. í
niðurstöðu örorkumats, sem lagt hefur verið fram i málinu kemur
fram, að örorka mannsins var 100% í eitt ár og sjö mánuði en
varanleg örorka hans er talin 80%.
Sem fyrr sagði var maðurinn
fyrst lagður inn á Landspítalann
í september 1973 vegna liðþófa-
aðgerðar, en á öðrum degi eftir
þá aðgerð fékk hann mikil óþæg-
indi í kvið, og töldu læknar að
hér væri um botnlangabólgu að
ræða, og var botnlanginn tekinn
úr honum. Rannsókn á botnlang-
anum sýndi hins vegar að ekki
var um botnlangabólgu að ræða.
Tíu dögum síðar var maðurinn
útskrifaður af spítalanum, en var
lagður inn sama dag vegna mik-
illar og skyndilegrar bólgu og
óþæginda í hægra fæti. Töldu
læknar á spítalanum að hér væri
um blóðtappa að ræða og maður-
inn settur á blóðþynningarlyf.
Þegar maðurinn hafði útskrifast,
fór fljótlega að bera á mæði hjá
honum og við röntgenskoðun
kom í ljós mikill bjúgur í lung-
um.
Þrítugasta október 1973 var
maðurinn lagður inn á Land-
spítalann á ný og við skoðun sást
að samgangur var milli stóru
slagæðarinnar og stóru bláæðar-
innar, sem liggur niður í hægri
fót og reyndist þessi samgangur
vera afleiðing mistaka lækna við
liðþófaaðgerðina. Var maðurinn
skorinn upp og reynt að stöðva
samgang æðanna. Það tókst ekki
og var maðurinn alls lagður inn á
Landspítalann átta sinnum eftir
það og í apríl 1977 er hann lagður
inn í níunda sinn. Var þá gerð ný
aðgerð á hrygg mannsins, en
hann telur að upphafleg bak-
óþægindi sín hafi aldrei lagast að
neinu marki, þrátt fyrir aðgerð-
ina í september 1973.
Síðast var maðurinn lagður
inn á Landspítalann í maí 1978
til að rannsaka ástand bláæða í
fótum, en það var talið óviðun-
andi. Niðurstaðan af þessari
skoðun var sú að allt bláæðakerfi
í fótunum og upp í kviðarhol
væri meira og minna lokað vegna
afleiðinga æðabólgu og ekki væri
unnt að bæta úr því með aðgerð-
um né lyfjum.
I örorkumatinu segir að starfs-
geta fóta mannsins sé takmörkuð
við minnstu áreynslu og geti
ástand þeirra hvenær sem er
versnað það mikið, að maðurinn
jafnvel missi fæturna. Þá er
annað nýra mannsins ónýtt,
vegna afleiðinga veikindanna og
hitt starfar ekki eðlilega. Maður-
inn var óvinnufær í eitt ár og sjö
mánuði en eftir það hefur hann
unnið fulla vinnu við skrifstofu-
störf, en telur sig þar njóta
sérstakrar aðstöðu og góðvilja
stjórnenda fyrirtækisins, sem
hann starfar hjá.
Bótakrafa mannsins hljóðar
alls upp á 38.1 milljón en frá
dragast bætur Tryggingastofn-
unar, sem nema 5,5 milljónum.
Fer maðurinn fram á 23,1 millj-
ón í örorkubætur og 15 millj. í
miskabætur. í stefnu mannsins
segir, að mistök læknanna hafi
verið með þeim hætti, að slíkt
eigi ekki að geta komið fyrir, ef
forsvaranlega sé að verki staðið
og beri eigandi spítalans, ríkið,
ábyrgð á mistökum starfsmanna
sinna í starfi á spítalanum.
Baldvin Tryggvason um útlán sparisjóða:
Reiknum með
einhverjum
samdrætti
í TILGFNI af aðalfundi Sam-
bands íslenzkra sparisjóða (sjá
bls. 20) ræddi Mbl. við Baldvin
Tryggvason, formann sam-
bandsins um lausaf járstoðu
sparisjóðanna og hvort vænta
mætti yfirlýsingar frá þeim um
væntanleg útlánaviðskipti.
Baldvin sagði, að það væri ekki
á döfinni og sagði siðan:
Við sjáum ekki ástæðu til að
gefa út yfirlýsingu um lausa-
fjárstöðu okkar, hún er sæmileg
eins og verið hefur, þó að hún fari
minnkandi með minni sparnaði
landsmanna. Hún hefur undan-
farið verið í kringum þrjá millj-
arða að meðtalinni ríkisvíxlaeign
sparisjóðanna. Við lánum alltaf
út í samræmi við lausafjárstöð-
una. Mikill meirihluti útlána
okkar fer til atvinnuveganna, þar
af tæpur helmingur til íbúða- og
húsbygginga.
Þó að lausafjárstaðan sé
þokkaleg reiknum við með ein-
hverjum samdrætti í útlánum, ef
sparifjármyndun heldur áfram
að minnka. Auðvitað er eftir-
spurn eftir lánum ætíð meiri en
við getum annað, en fastir við-
skiptavinir geta áfram vænst
einhverrar lánafyrirgreiðslu, ef
lausafjárstaðan versnar ekki
verulega. Við teljum að allir
viðskiptavinir okkar eigi rétt á
lánum í samræmi við afkastagetu
viðkomandi sparisjóðs, og okkur
finnst rétt að þeir geti lagt
sparifé sitt inn á hvaða innláns-
reikning sem óskað er og geti
eftir sem áður átt rétt á láni, eftir
því, sem við erum færir um.
Þá viljum við leggja áherzlu á,
að sparifé er ekki skattskylt, þó
að það sé framtalsskylt, nema að
það sé tengt atvinnurekstri. Allt
sparifé einstaklinga og vextir og
verðbætur á það, er því algjörlega
skattfrjálst."
Qfframboð á áli í Bandaríkjunum:
Gæti haft áhrif
í Evrópulöndum
VEGNA offramboðs á áli í
Bandaríkjunum eru ýmsar blik-
ur á lofti á álmörkuðum og gæti
áhrifa frá Bandarikjunum gætt i
Evrópu i lok þessa árs og á næsta
ári. Það sem af er þessu ári hefur
staða íslenzka álfélagsins verið
góð og t.d. hefur fyrirtækið nú
fengið pantanir á þvi áli. sem það
getur framleitt á þriðja ársfjórð-
ungi þessa árs.
Ragnar Halldórsson, forstjóri
Islenzka álfélagsins, sagði í gær,
að í rúmt ár hefði verið meiri
eftirspurn eftir áli í Evrópu held-
ur en framboð. í Bandaríkjunum
hefði hins vegar verið offramboð á
áli og verksmiðjum hefði verið
lokað, en vegna slæms ástands
bílaiðnaðarins hefði markaðurinn
beðið mikinn hnekki.
Ragnar sagði, að hið frjálsa
verð á álmarkaðnum hefði hækkað
27. marz síðastliðinn úr 1600
dollurum í 1750 dollara tonnið.
Hann sagði, að í Bandaríkjunum
væri verðið nú komið niður fyrir
skráða verðið, en væri aðeins fyrir
ofan það í Evrópu.
Borgarfulltrúar
heimsækja Peking
BORGARRÁÐSMENNIRNIR Sig-
urjón Pétursson, forseti borgar-
stjórnar, Björgvin Guðmundsson og
Birgir ísleifur Gunnarsson eru
þessa dagana staddir í Kína í boði
Pekingborgar. Síðastliðið sumar
komu hingað borgarfulltrúar frá
Peking, og er verið að endurgjalda
þá heimsókn nú. Lin Huija, borgar-
stjóri í Peking, tók á móti þremenn-
ingunum síðastliðinn miðvikudag,
að því er Xinhua-fréttastofan grein-
ir frá.