Morgunblaðið - 12.07.1980, Side 3

MORGUNBLAÐIÐ, LAUGARDAGUR 12. JÚLÍ 1980
3
Þessi hefur líkast til tekið að sér dyravörzlu. því hann stóð við dyrnar
og þegar Emilia BjörK íékk að kíkja inn fyrir með myndavélina lét
hann hina þegar vita með nokkuð reiðilegu gargi.
Fálkaungarnir:
Hætta talin á að þeir
geti ekki bjargað sér
FÁLKAUNGARNIR fjórir, sem eftir lifa, af þeim
fimm, sem Austurríkismennirnir rændu fyrir
skömmu, voru hinir værðarlegustu í búri sínu að
Keldum i gær. Virðast þeir ætla að ná fullri heilsu, en
að sögn Ævars Petersen hjá Náttúrufræðistofnun er
alls ekki vist hvernig þeim reiðir af uppeldislega séð.
Ilann tjáði Mbl., að þegar fálkaungum var sleppt
eftir sams konar atvik hér um árið, hafi einn þeirra
fundist dauður fljótlega, en ekki sé vitað um afdrif
hinna. Ævar sagði, að ætlunin væri að fara með þessa
unga á afvikinn stað, eða sem næst þeim stað þar sem
þeir voru hirtir. „Síðast var fálkaungum sleppt í nánd
við Keldur og við teljum að meiri líkur séu á því að þeir
finni sig á afviknum stað.“ Mikil hætta er talin á að
fuglarnir geti ekki bjargað sér sjálfir eftir að hafa
fengið mat sinn á silfurfati, ef svo má segja, og
foreldrar unganna eiga eflaust stóran þátt í að kenna
þeim hvernig þeir eiga að bjarga sér við veiðar.
Ungunum verður ekki sleppt fyrr en þeir hafa náð
nægilegum þroska og eru orðnir fleygir. Tekur það
yfirleitt nokkrar vikur frá því að þeir koma úr
eggjunum.
Sá fremri hafði fengið sér „hænublund“ og nennti ekki að standa upp, en sá aftari var mjög spekingslegur
og reigði sig og teygði eins og montinn hani.
Ljósm. Mbl. Emilia
Árni Grétar Finnsson um vandræði Hitaveitu Reykjavikur:
„Trúi ekki öðru en
in heimili eðlilegar
Bæjarráð Hafnarfjarðar skorar á rikisstjórnina að af-
greiða þegar hækkunarbeiðni Hitaveitu Reykjavíkur
„ÞAÐ er gífurlega illa farið með þetta fólk, sem hefur treyst á að
fá hitaveitu í hin nýju hús sín. Nú verður það að leggja út í
stórkostlegan aukakostnað við að koma sér upp kyndingartækjum
auk þess, að kyndingarkostnaður með oliu er um nifaldur á við
hitaveitu,“ sagði Árni Grétar Finnsson, fulltrúi Sjálfstæðisflokks-
ins í bæjarráði Hafnarfjarðar, er Mbl. innti hann álits á þeim
vandræðum, sem skapast hafa hjá Hitaveitu Reykjavíkur, vegna
þess að hún fær ekki umbeðnar gjaldskrárhækkanir og getur þess
vegna ekki lagt hitaveitu í ný
Hvammahverfi í Ilafnarfirði.
„Það er í raun og veru fárán-
legur hlutur að ein okkar aðal-
orkulind, heita vatnið, skuli vera
orðin munaðarvara, sem við get-
um ekki leyft okkur að kaupa
vegna vísitölukerfis þess, sem við
búum við.
Annars trúi ég ekki öðru en
ríkisstjórnin verði við kröfum
Hitaveitu Reykjavíkur, um eðli-
legar gjaldskrárhækkanir, enda
er Hitaveitan eitt okkar allra
beztu fyrirtækja. Þá má í þessu
sambandi nefna að gjaldskrár
Hitaveitu Reykjavíkur hafa frá
árinu 1975 um það bil fjórfaldast
í verði, en almennt verðlag hefur
hins vegar um það bil sexfaldast.
Það sést glöggt á þessu að
gjaldskrárnar hafa ekki hækkað
óeðlilega í gegnum árin,“ sagði
Árni Grétar Finnsson.
Þá hefur Morgunblaðinu borist
eftirfarandi fréttatilkynning frá
Hafnarfjarðarbæ:
Svo sem kunnugt er á Hita-
veita Reykjavíkur nú við mikinn
fjárhagsvanda að stríða sem
íbúðarhverfi, m.a. í hið nýja
rekja má til þess að stjórnvöld
hafa ekki heimilað Hitaveitunni
nauðsynlegar hækkanir á gjald-
skrá sinni.
Með samningi milli bæjarsjóðs
Hafnarfjarðar og borgarsjóðs
Reykjavíkur frá 1973 var Hita-
veitu Reykjavíkur veitt einka-
leyfi til þess að starfrækja hita-
veitu í Hafnarfirði.
Á síðasta ári hófust fram-
kvæmdir við byggingu nýs hverf-
is í Hvömmunum í Hafnarfirði.
Þá var ráðist í gatnagerð og
lagnir. Ráð var fyrir því gert að
Hitaveita Reykjavíkur byrjaði þá
á lagningu dreifikerfis fyrir hita-
veitu í hverfið en af því gat ekki
orðið vegna rekstrarfjárskorts
Hitaveitunnar. Hitaveita
Reykjavíkur áformaði því að
byggja dreifikerfi fyrir
Hvammahverfi á þessu ári.
Flestir Hafnfirðingar fengu
hitaveitu í ársbyrjun 1975. Frá
þeim tíma til dagsins í dag hefur
vatnsverð Hitaveitu Reykjavíkur
hækkað hlutfallslega mun minna
en almennt verðlag í landinu. Á
þessu tímabili hefur framfærslu-
vísitala og byggingarvísitala
rúmlega 6 faldast en vatnsverð
Hitaveitu Reykjavíkur hefur
tæplega 4 faldast.
Forsvarsmenn Hitaveitu
Reykjavíkur hafa upplýst að
vegna fjárhagsvanda Hitaveit-
unnar væri að óbreyttu engar
lýkur til þess að hægt verði á
þessu ári að leggja hitaveitu í
Hvammahverfi. Fjárhagsvandi
þessi er rakinn til þess að á
undanförnum árum hefur Hita-
veita Reykjavíkur ekki fengið
nægar hækkanir á gjaldskrá
sinni. Talið er að fjárvöntun
Hitaveitunnar vegna aðkallandi
framkvæmda sem vinna þyrfti á
þessu ári sé um 2 milljarðar
króna. Hitaveitan getur því ekki
ráðist í nauðsynlegar fram-
kvæmdir við vatnsöflun og
dreifikerfi.
Á síðasta ári var hafin bygging
húsa í I. áfanga Hvammahverfis.
í áfanga þessum eru 60 einbýlis-
hús og 26 raðhús. Nú er að
hefjast bygging II. áfanga hverf-
isins, sem er 45 raðhús.
Nú er verið að flytja í fyrstu
húsin í hverfinu. Olíukynditækj-
um hefur þegar verið komið upp í
nokkrum húsum og á næstu
mánuðum mun þurfa að setja
olíukyndingu í flest hús í I.
áfanga, alls 86 hús. Ljóst er að
ríkisstjórn-
hækkanir“
Árni Grétar Finnsson
verði Hitaveitu Reykjavíkur ekki
útvegað viðbótar fjármagn hið
fyrsta verða íbúar hverfisins að
hita hús sín með olíu næsta
vetur. Slíkt mun hafa gífurlegan
kostnaðarauka í för með sér við
að koma upp kynditækjum og
síðan um nífalt hærri rekstrar-
kostnað en upphitun með jarð-
varma.
Þá er yfirvofandi vatnsskortur
á veitusvæði Hitaveitu Reykja-
víkur og því er nauðsynlegt að
Hitaveitan ráðist nú þegar í
boranir eftir heitu vatni og
frekari virkjanir.
Á fundi bæjarráðs Hafnar-
fjarðar þann 10. júlí s.l. var
fjallað um ástand sem það skap-
ast hefur vegna fjárhagsvanda
Hitaveitu Reykjavíkur og sam-
þykkt var áskorun til ríkisstjórn-
arinnar að heimila eðlilega
hækkun á gjaldskrá Hitaveit-
unnar.
I ályktun bæjarráðs segir m.a.,
að það er brýnt hagsmunamál
allra notenda á orkuveitusvæði
Hitaveitu Reykjavíkur að Hita-
veitunni verði séð fyrir auknu
rekstrarfé til frekari vatnsöflun-
ar, lagningar dreifikerfa og til að
tengja nú hús á veitusvæðinu.
Við ákvörðun verðs á heitu vatni
til neytenda verður að miða við
það að Hitaveitunni sé tryggt fé
til nauðsynlegrar uppbyggingar
og endurnýjunar á veitukerfi
sínu. Hitaveita Reykjavíkur hef-
ur ný ítrekað sótt til ríkisvalds-
ins um hækkun á gjaldskrá sinni.
Þrátt fyrir að hækkunarbeiðnir
þessar hafi verið ítarlega rök-
studdar hefir beiðnum þessum
ekki verið sinnt nema að litlum
hluta.
Nú hefur Hitaveita Reykjavík-
ur óskað eftir að hækka gjald-
skrá sína um 60% og er hækkun-
arbeiðnin til athugunar hjá rík-
isstjórninni. Bæjarráð Hafnar-
fjarðar telur ekki hjá því komist
fyrir ríkisstjórnina að heimila þá
hækkun á gjaldskrá Hitaveit-
unnar sem tryggi eðlilegan
rekstrargrundvöll, svo að komið
verði í veg fyrir vatnsskort og að
stór hverfi verði hituð upp með
olíu, en það yrði stórfelld kjara-
skerðing fyrir mörg heimili. Bæj-
arráð skorar því á ríkisstjórnina
að afgreiða nú þegar hækkunar-
beiðni Hitaveitu Reykjavíkur eða
til vara að hlutast til um aðrar
ráðstafanir til lausnar á þessu
alvarlega vandamáli.