Morgunblaðið - 12.07.1980, Blaðsíða 10

10
MORGUNBLAÐIÐ, LAUGARDAGUR 12. JÚLÍ 1980
■
Hvað segja húsbyggjendur
sem ekki fá hitaveitu?
Eins og kunnugt er af fréttum koma húsbyggjendur í nokkrum
hverfum í Reykjavík og einu hverfi í Hafnarfirði ekki til með að fá
hitaveitu í hús sín, vegna þess að Hitaveitan fær ekki umbeðna hækkun
á gjaldskrá. Því verða húsbyggjendur í þeim hverfum sem ekki fá
hitaveitu, að hita upp hús sín á annan hátt. Á dögunum ræddi
Morgunblaðið við nokkra aðila sem ekki fá hitaveitu og fara viðtölin
hér á eftir.

Verið að stíga 20—30
ár aftur i tímann
segir Garðar Steindórsson
„ÞETTA hefur verið ljóst í
nokkra mánuði, en enginn
hefur viljað viðurkenna þenn-
an vanda, allra síst bæjar-
stjórnin hér í Hafnarfirði,"
sagði Garðar Steindórsson í
samtali við Morgunblaðið, en
Garðar er einn þeirra sem er
að byggja í Hvömmunum í
Hafnarfirði, en fær ekki hita-
veitu í húsið.
„Bæjarstjórnin hér á auð-
vitað að ganga að Hitaveit-
unni og krefja hana um efndir
á samningunum," sagði Garð-
ar.
„Annars er vísitölukerfið
vandamálið. Það er vandamál
númer eitt, tvö og þrjú. Sam-
kvæmt því kerfi býr vísitölu-
fjölskyldan í Reykjavík og um
leið og Hitaveitan fær hækkun
á sinni gjaldskrá, þá fá allir
launþegar kauphækkun. Ég
held að allir séu sammála um
að þetta kerfi sé heimskulegt,"
sagði Garðar.
„Ég held að hin „ágæta“
ríkisstjórn þori ekki að leysa
þetta mál og ég veit ekki hvort
nokkur ríkisstjórn þyrði það.
Hér í hverfinu er komin
olíukynding á nokkrum
stöðum. Ætli kostnaðurinn við
kyndinguna sé ekki um 250
þúsund á mánuði, en stofn-
kostnaðurinn er hinsvegar lít-
ill, því auðvelt er að útvega sér
notuð kynditæki. Hér í hverf-
inu er hvergi gert ráð fyrir
olíukyndingu. Fólk setur þetta
í bílskúrinn og leiðir reykrör
út um glugga. Hvort þetta er
löglegt veit ég ekki, en þetta er
eina lausnin. Ég held að kostn-
aðurinn við olíukyndingu sé
um 3 milljónir á ári og það
breytir miklu fyrir fólk sem
gert hefur ráð fyrir því að fá
hitaveitu,“ sagði Garðar.
Við íbúarnir eigum engan
mótleik við þessu. Auk þess
kunna íslendingar ekki að
standa saman í málum sem
þessum. Jafnvel þó að við
stæðum saman þá held ég að
málin séu komin í slíkan hnút
að hann verði varla leystur.
Hins vegar held ég að fróð-
legt væri að fá að vita hvað
orðið hefur um þann 1600
milljóna króna hagnað sem
var hjá Hitaveitunni á síðasta
ári.
Þá væri einnig fróðlegt að fá
að vita af hve'rju ekki er hægt
að leggja í um 140 milljón
króna kostnað til að við fáum
hitaveitu. Auk þess fengjust
89 milljónir af þessu endur-
greiddar í formi heimæða-
gjalda. Kostnaðurinn fyrir
Hitaveituna yrði ekki meiri
heldur en samsvarar andvirði
fokhelds raðhúss í Reykjavík.
Með því að láta okkur ekki
fá hitaveitu er verið að stíga
20—30 ár aftur í tímann og
kemur það ekki heim og sam-
an við stefnu ríkisstjórnarinn-
ar í orkumálum, að því best
verður séð,“ sagði Garðar
Steindórsson.
Ljósm. Mbl. Emilía
Vísitölukerfið er
helsta vandamálið
— segir Sigurður Eggertsson
„ÞETTA skiptir mig ekki máli í
dag, því ég ætla ekki að flytja inn
fyrr en eftir eitt og hálft ár,“ sagði
Sigurður Eggertsson í spjalli við
Mbl., en hann er einn þeirra sem
er að byggja í Hvömmunum í
Hafnarfirði og fær ekki hitaveitu.
„Ég vona að þetta mál leysist
áður en ég flyt inn. Annars finnst
mér þetta undarlegt, því ég hélt að
menn reyndu að nota innlenda
orkugjafa sem mest nú í orku-
kreppunni.
Mönnum hér skilst að vísitölu-
kerfið sé helsta vandamálið, en
það segir forsætisráðherrann.
Auðvitað á að miða húshitunar-
þáttinn í vísitölunni við hitunar-
kostnaðinn á landinu í heild, en
ekki bara í Reykjavík.
Ég hef ekki kynnt mér hvað
olíukynding muni kosta en það er
sagt að kostnaðurinn sé tíu eða
tólffaldur sé miðað við hitaveitu.
Svo er líka mikil fyrirhöfn sam-
fara því að koma kynditækjunum
fyrir því ekki hefur verið gert ráð
fyrir þeim þegar húsin voru teikn-
uð. Menn eru að leiða reykrör út
um glugga því ekki eru skorstein-
ar á húsunum. Ég get ekki ímynd-
að mér að það sé í samræmi við
brunamálasamþykktir," sagði Sig-
urður.
„Ég held að fólk almennt fari
ekki að hugsa um þessa hluti fyrr
en kemur að því að það fari að
flytja, allavega ætla ég ekki að
velta þessu fyrir mér fyrr en þá.
Ég held að þetta verði lagað
fljótlega og spái því að búið verði
að leysa þetta vandamál um þetta
leyti á næsta ári,“ sagði Sigurður
Eggertsson.