Morgunblaðið - 26.11.1980, Page 3

MORGUNBLAÐIÐ, MIÐVIKUDAGUR 26. NÓVEMBER 1980
3
Fjórir seldu
erlendis
FJÖGUR íslenzk fiskiskip seldu
afla í erlendum höfnum í gær.
þrjú í Bretlandi og eitt í Þýzka-
landi.
Vörður ÞH seldi 69 lestir í Hull
fyrir 52 milljónir, meðalverð 755
krónur fyrir kílóið. Aflinn fór í 3.
gæðaflokk.
Garðey SF seldi 39,2 lestir í
Grimsby fyrir 37,1 milljón, meðal-
verðið 948 krónur. Aflinn fór í 2.
gæðaflokk.
Þórir SF seldi 43,5 lestir í
Fleetwood fyrir 39,8 milljónir
króna, meðalverð 915 krónur. Afl-
inn fór í 1. gæðaflokk.
Loks seldi Árni í Görðum VE 68
lestir í Cuxhaven fyrir 41,9 millj-
ónir króna, meðalverð 616 krónur
fyrir kílóið.
Flugleiðir vilja
leigja 700 ferm.
skrÖstofuhúsnæði
NEÐSTA hæð nýjustu skrifstofu-
álmunnar í Hótel Lo'tleiðum er nú
til leigu, en um er að ræða nærri
700 fermetra húsnæði í norðaust-
urálmunni. Hefur um nokkurt
skeið verið reynt að leigja út
húsnæðið sem er mjög opið og
bjart, en enginn leigjandi hefur
fengist ennþá, að sögn Erlings
Aspelund framkvæmdastjóra
stjórnunardeildar.
Átta bakarí
kærð
Verðlagsstofnun hefur ákveðið
að kæra átta bakarí í Reykjavík,
Hafnarfirði og Keflavik til Rann-
sóknarlögreglu rikisins fyrir að
selja „vísitölubrauðin" svoköll-
uðu á hærra verði en verðlagsyf-
irvöld hafa heimilað.
Gísli Isleifsson lögfræðingur
Verðlagsstofnunar tjáði Mbl.
þetta í gær. Hann sagði ennfrem-
ur að kæra yrði lögð fram á
hendur stjórn og framkvæmda-
stjóra Landssambands bakara-
meistara.
*
Okunnur
kaf bátur ná-
lægt landi
ÓKUNNUR kafbátur sást um 4
sjómilur frá Kópanesi aðfaranótt
sl. sunnudags en það voru skip-
verjar á nótaskipinu Vikingi frá
Akranesi sem sáu kafbátinn.
Fyrst sáu þeir skipið í radar og
þar sem tunglbjart var og þeir
sáu engin Ijós á skipinu sem var
ekki langt frá samkvæmt radarn-
um. gættu þeir sérstaklega að og
sáu þá kafbátinn sigla hraðbyri
suður með landinu.
Samkvæmt upplýsingum Guð-
mundar Kjærnested skipherra hjá
Landhelgisgæzlunni var gæzlan
ekki vör við kafbátinn enda voru
varðskipin talsvert norðar.
Víkingsmenn sáu ljósglætu frá
kýrauga á kafbátnum, en hann
virtist sigla á 12 mílna hraða og
freyddi mikið um turn skipsins
uns það hvarf sjónum.
JNNLEN-T
Listamanns- og æviferill
Halldórs Péturssonar
Fjóla Sigmundsdóttir. ekkja Halldórs Péturssonar, með bókina um
Haiidór. Við hlið hennar eru Indriði G. Þorsteinsson sem sá um
textann og Pétur, sonur Halldórs, sem sá um uppsetningu
bókarinnar. í baksýn er sjálfsmynd sem Halldór málaði árið 1942
er hann var við nám í Bandaríkjunum. Ljósm. Krístján.
ÚT ER komin bók með myndum
eftir Ilalldór Pétursson. Ilér er
um að ræða samantekt á því
sem listmálarinn fékkst við um
dagana í uppsetningu Péturs
sonar hans. Texta ritar Indriði
G. Þorsteinsson. Útgefandi bók-
arinnar er Prenthúsið sf.
Á blaðamannafundi sem hald-
inn var í tilefni útkomu bókar-
innar sagði Indriði G. Þorsteins-
son að hún væri að því leyti
sérstæð að hún lýsti lista- og
æviferli Halldórs allt frá því
hann hóf að teikna þriggja ára
gamall og fram til æviloka.
„Ég hef ekki frétt af því að slík
bók hafi áður verið gefin út.
Okkur þykir vel við hæfi að verk
Halldórs marki kannski, að vissu
leyti, tímamót í útgáfu á verkum
listamanna."
Indriði kvað ástæðuna fyrir því
að hægt væri að birta verk eftir
Halldór þriggja ára gamlan vera
þá að móðir hans hefði fljótt haft
grun um að hann myndi verða
listamaður og því geymt allt sem
hún gat frá því hann fór að draga
upp myndir. Seinna, er hún fann
að árin færðust yfir, afhenti hún
Fjólu Sigmundsdóttur, konu
Halldórs, verkin og bað hana að
varðveita þau.
„Nú getum við skemmt okkur
við að horfa á þetta í bók,“ sagði
Indriði.
í bókinni eru á fimmta hundr-
að mynda, margar hverjar í lit.
Mannlífið í Reykjavík hefur haft
mikil áhrif á Halldór og birtast
margir kunnir borgarar á síðum
bókarinnar. Einnig eru þar gam-
anmyndir, sem Halldór er hvað
þekktastur fyrir, myndir af bæði
þjóðfrægum og heimsfrægum
mönnum, af ýmsum merkum at-
burðum auk hreinna myndverka
þar sem hestar, land og menn
fylla myndflötinn. Hestamyndir
Halldórs eru löngum kunnar og
fýrir nokkrum árum var gefin út
bók einungis með þeim myndum
Halldórs.
I tilkynningu sem Prenthúsið
gaf út vegna bókarinnar segir
m.a.: „Vegna hæfileika Halldórs
að muna fyrirmyndir eru í þess-
ari bók eflaust að finna fjölda
mannamynda sem fyrirmyndir
hafa ekki hugmynd um að hann
hafi teiknað."
Halldór nam myndlist í Dan-
mörku og Bandaríkjunum auk
þess sem hann var lærður auglýs-
ingateiknari. Enda í bókinni að
finna allt frá auglýsingateikning-
um til málverka.
Aftast í bókinni er ágrip af
texta á ensku og þýsku.
Á blaðamannafundinum færði
Fjóla Sigmundsdóttir, ekkja
Halldórs, Indriða G. Þorsteins-
syni afsteypu af einum hesta
Halldórs í þakklætisskyni fyrir
framlag hans til bókarinnar.
Nýtt mœlaborð.
Veltistýri og aflstýri.
Ný sceti og sœtaáklœði.
Ný klœðning að innan.
626
Það er ekki ofsagt að Mazda 626 hafi verið vinsælasti
bíllinn í sínum flokki frá því að hann kom á markaðinn
fyrir tæpum 2 árum síðan, því að okkur hefur aldrei
tekist að fullnægja eftirspurn eftir þessum vinsæla bíl.
Nú kynnum við 1981 árgerðina með fjölmörgum nýj-
ungum og auknum þægindum.
Ný afturljós með inn-
byggðum Ijóskösturum.
Sjón er sögu ríkari... komið og skoðið Mazda 626 1981 í
sýningarsal okkar að Smiðshöfða 23
Opið frá 9 - 6 daglega Athugið: ótrúhga hagstætt verð.
BÍLABORG HF
Smiðshöföa 23, sími 812 99.