Morgunblaðið - 22.03.1981, Blaðsíða 47

MORGUNBLAÐIÐ, SUNNUDAGUR 22. MARZ 1981 4 7
AnnaGuðrún Sigur-
jónsdóttir - Minning
Fædd 26. október 1892.
Dáin 14. mars 1981.
Anna Guðrún Sigurjónsdóttir,
ráðskona, andaðist á Landa-
kotsspítalanum aðfaranótt 14.
þ.m. eftir stutta legu. Ég hlýt að
kveðja fóstru mína nokkrum orð-
um að leiðarlokum.
Anna fæddist að Stöðlum í
Ölfusi 26. október 1892, dóttir
hjónanna Ingveldar Stefaníu Run-
ólfsdóttur og Sigurjóns Þor-
steinssonar, sem þar bjuggu. Á
öðru ári varð Anna fyrir þeim
harmi að missa móður sína og var
þá tekin í fóstur af móðursystur
sinni, Önnu Runólfsdóttur, sem
bjó að Arnkötlustöðum í Holtum.
Um haustið 1918 fluttist Anna
alfarið til Reykjavíkur og réði sig
til heimilisstarfa, fyrstu átta árin
hjá hjónunum Júlíusi Árnasyni
kaupmanni og Margréti Þorvarð-
ardóttur, og síðar um fimm ára
skeið hjá hjónunum Hannesi
Hannessyni málarameistara og
Guðrúnu Kristmundsdóttur.
Fundum okkar Önnu heitinnar
bar fyrst saman 1. október 1931,
þegar hún réði sig sem ráðskonu á
heimili okkar, en faðir minn var
ekkill með fjóra syni á sínu
framfæri, þann yngsta 9 ára, en
hina á aldrinum 13, 15 og 17 ára.
Fyrir föður minn og okkur bræð-
urna, þó sérstaklega fyrir mig,
þann yngsta, á 10. ári, var þessi
dagur að sönnu mikill hamingju-
dagur. Inn á heimili okkar kom
dugmikil og ráðdeildarsöm kona,
sem tók að sér stjórn þess af festu,
röggsemi og hlýju. Sem yngstur
bræðranna naut ég sérstaklega
hjartahlýju hennar og góðvildar,
sanngirni hennar og leiðandi
handar í uppvexti mínum. Göf-
ugri, háttprúðari og glaðværari
fóstru hefði ég ekki getað óskað
mér um dagana.
Af sama göfuglyndi og hlýhug
fagnaði Anna eiginkonu minni,
sem kom heim til Islands með mér
að námi loknu í Bandaríkjunum í
nóvember 1946, og síðar sonum
okkar hjónanna, tengdadætrum
og barnabörnum. Við hjónin, synir
okkar, tengdadætur og barnabörn
eigum margar góðar minningar
frá þessum árum og þökkum Önnu
heitinni þær. Sérstaklega vil ég og
bræður mínir þakka Önnu heit-
inni fyrir hlýhug þann og hjálp-
semi, sem hún sýndi föður okkar
heitnum í langvarandi sjúkdóms-
legu hans.
Með þessum fátæklegu orðum
vil ég sérstaklega þakka fóstru
minni fyrir ástúð hennar og
styrka handleiðslu á æskuárum
mínum. Eiginkona mín, synir
okkar, tengdadætur og barnabörn
þakka þessari barngóðu konu fyrir
alla vinsemd hennar, styrk og
stoð.
Minningin um Önnu, fóstru
mína, er björt og flekklaus eins og
hún var sjálf.
Sigurbjörn Þorbjörnsson
Eitt besta
verö í bænum
— komiö, sjáiö
og sannfærist
URVALIÐ
HJÁ OKKUR
Hjónarúm — boröstofusett
— sófasett — veggsamstæö-
ur o.fl. o.fl.
KM
HÚSGÖGasr
Lanifholtsvoiíi 111.
Sími 37010 otí 37111
vekur ávallt heimsathygli
laugardag og sunnudag frá kl. 1 til kl. 5
JÖFUR
HF
n
Nýbýlavegi 2 - Kópavogi - Simi 42600