Morgunblaðið - 27.03.1981, Side 25

24
MORGUNBLAÐIÐ, FÖSTUDAGUR 27. MARZ 1981
MORGUNBLAÐIÐ, FÖSTUDAGUR 27. MARZ 1981
25

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aöalstræti 6, sími 22480. Afgreiðsla: Skeifunni 19, sími 83033.
Áskriftargjald 70 kr. á mánuöi innanlands. í lausasölu 4 kr. eintakiö.
Samdráttur, samdráttur
Alþýðubandalagið
og öryggismálin
Yið lifum á tímum samdráttar í atvinnulífinu. Ríkisstjórnin sjálf
áætlar að fjárfesting í atvinnuvegunum muni minnka um 12'/i% á
þessu ári. Þessi samdráttur kemur misjafnlega niður eftir atvinnugrein-
um, eins og við er að búast. Sums staðar verður nokkur aukning, annars
staðar minnkun. Niðurstaðan er 12*A% samdráttur í heild.
Engar meiriháttar framkvæmdir eru ráðgerðar við járnblendiverk-
smiðjuna. Framkvæmdum við hreinsiútbúnað álversins verður lokið á
þessu ári. Gert er ráð fyrir, að fjárfesting í flutningstækjum muni
minnka um helming. Framkvæmdir við íbúðabyggingar hafa verið að
dragast saman. Mikill samdráttur hefur verið undanfarin ár í byggingu
verzlunar-, skrifstofu- og gistihúsnæðis. Raforkuframkvæmdir munu
aukast um aðeins 2% á þessu ári í stað 40% aukningar á sl. ári.
Hitaveituframkvæmdir munu dragast saman um 4% á þessu ári.
Samdráttur, samdráttur, samdráttur.
En sums staðar er aukning, þótt það sé ekki hjá atvinnuvegunum.
Gert er ráð fyrir, að opinberar framkvæmdir muni aukast á þessu ári
um 2—3%. Ríkisstjórnin telur, að um 20% aukning verði í fjárfestingu í
iðnaði, en helmingurinn af því eru framkvæmdir við opinbert fyrirtæki,
byggingu sýruverksmiðju í Gufunesi. Hins vegar skýrði Davíð Sch.
Thorsteinsson frá því á ársþingi iðnrekenda í síðustu viku, að fjárfesting
í iðnaði hefði snarminnkað undanfarna mánuði.
Á síðasta ári varð um 5% samdráttur í íbúðabyggingum og ástæða er
talin til þess að ætla skv. því sem ríkisstjórnin sjálf segir í
lánsfjáráætlun sinni, að íbúðabyggingar muni fremur fara minnkandi á
þessu ári. Útlán Húsnæðismálastjórnar, sem lánar til íbúðabygginga
einstaklinga og einkaaðila í byggingariðnaði, eru talin munu aukast um
38%, sem fylgir engan veginn verðbólgunni. En — útlán Byggingarsjóðs
verkamanna, sem þýðir útlán til opinberra byggingaframkvæmda eru
talin munu aukast um hvorki meira né minna en 478%. Það segir sína
sögu.
Fjárfesting hér á Islandi hefur oft verið of mikil og óhagkvæm að
auki. En stórkostlegur samdráttur í fjárfestingu atvinnuveganna er
beinlínis hættulegur. Hann er merki þess, að forystumenn í atvinnulíf-
inu eru að gefast upp við að byggja upp fyrirtækin, endurnýja
vélakostinn og aðlaga atvinnurekstur sinn breyttum aðstæðum.
Verulegur samdráttur i fjárfestingu atvinnuveganna í dag, þýðir verri
lífskjör alls almennings á morgun.
Hið versta er þó, að á sama tíma og þessi samdráttur verður, ættum
við að vera að byggja upp nýjan vaxtarbrodd í atvinnulífi okkar af
fullum krafti með byggingu stórvirkjana og stóriðjufyrirtækja. Því er
ekki að heiisa vegna þess að afturhaldsmaður stjórnar orkumálum
þjóðarinnar. Meðan svo er, stefnir í vaxandi samdrátt og versnandi
lífskjör.
Alþýðubandalagið
og öryggismálin
Alþýðubandalagið og Þjóðviljinn hafa þessa dagana verið að setja
sig í gamalkunnar stellingar gagnvart varnarsamstarfi okkar við
vestrænar þjóðir. Af því tilefni er rétt að minna á þá pólitísku
staðreynd, að Alþýðubandalagið ber stjórnarfarslega ábyrgð á örygg-
ismálastefnu þeirri, sem núverandi ríkisstjórn fylgir, með setu í
stjórninni, þ.á m. aðild að Atlantshafsbandalaginu og varnarsamstarf-
inu við Bandaríkin — og öllu því, sem þeirri öryggisstefnu er samfara.
Alþýðubandalagið er sterkasti aðilinn í núverandi stjórnarsamstarfi
og hefur sem slíkt aðstöðu til að stöðva það, sem það vill stöðva í þessu
efni sem öðrum. Ef Alþýðubandalagið sættir sig ekki við eitthvað í
öryggismálastefnu ríkisstjórnarinnar, sem það er möndullinn í, og
meinar eitthvað með mótmælum sínum, ber því að fara úr
ríkisstjórninni. Ella er meint stefna þess og mótmæli sýndarmennskan
einber — og hræsni af ómerkilegustu tegund. Alþýðubandalagið situr í
brúnni á stjórnarskútunni, þar sem stefnan er ákveðin og stjórntækin
stillt. Það ræður ferð, stefnu og starfsháttum. Þessi valdaaðstaða
ráðherra þess virðist þeim miklu meira virði og mikilvægari en fyrirheit
við kjósendur og flokksleg stefna eða markmið, enda hafa þeir fyrir
löngu pakkað öllu slíku inn í „félagsmálapakka" tvískinnungs og
gegnsærrar hræsni. Þessir menn hafa gjörsamlega glatað allri
sannfæringu fyrir því, sem þeir eru að myndast við að halda fram. I því
efni er þeim og nokkur vorkunn, þó slík botnlaus og endalaus svik við
eigin umbjóðendur, sem Alþýðubandalagið hefur ástundað í tveimur
ríkisstjórnum, séu ekki eftirsótt vörumerki á stjórnmálaflokki. En
kjósendur þess eru reynslunni ríkari.
Tvö verkefni
eftir á leikárinu
Eins og áður segir er frum-
sýningin á La Bohéme 3. apríl
nk. en önnur sýning er sunnu-
daginn 5. apríl.
Næsta verkefni Þjóðleik-
hússins eru tveir tékkneskir
einþáttungar sem verða frum-
sýndar á litla sviðinu 7. apríl
nk. Síðasta verkefni leikársins
verður svo rússneski söngleik-
urinn Gustur sem er byggður
á sögu eftir Tolstoj.
ólöf Kolbrún Harðardóttir og Garðar Cortes í hlutverkum Rudolfos og Mimiar. Myndin er tekin á æfingu.
Ljósm. Emilia
Um 100 manns
flytja La Bohíeme
í Þjóðleikhúsinu
Frumsýningin verður 3. april
Sviðsmynd úr La Bohéme
Þjóðleikhúsið frumsýnir
óperuna La Bohéme eftir
Puccini föstudaginn 3.
apríl nk. Leikhúsið hefur
ekki áður tekið þessa
óperu til flutnings en árið
1955 var hún sýnd á sviði
Þjóðleikhússins á vegum
Félags íslenskra einsöngv-
ara og Tónlistarfélagsins.
Um 100 manns taka þátt
í flutningi La Bohéme.
Einsöngshlutverkin eru 8
en auk þess taka þátt í
flutningnum Þjóðleik-
hússkórinn, 10 börn og
Sinfóníuhljómsveit íslands
undir stjórn Jean-Pierre
Jaquillat.
I aðalhlutverkunum nú eru
Garðar Cortes sem syngur
Rudolfo, Ólöf Kolbrún Harð-
ardóttir syngur Mimi, Ing-
veldur Hjaltested er í hlut-
verki Musettu, Halldór Vil-
helmsson er Marcello, John
Speight syngur Schaunard og
Eiður Gunnarsson er kominn
•
heim frá óperunni í Aachen til
að syngja Collines. Þetta er í
fyrsta skipti sem hann syngur
hlutverk í óperu hérlendis. Þá
syngja þeir Guðmundur Jóns-
son og Kristinn Hallsson hlut-
verk Alcindoros og húseigand-
ans Benoit. Guðmundur og
Kristinn tóku báðir þátt í
fyrstu óperuuppfærslu Þjóð-
leikhússins, sýningunni á
Rigólettó, árið 1951, fyrir rétt-
um 30 árum.
Síðar í vor munu Kristján
Jóhannsson og Sieglinde Kah-
mann syngja hlutverk Rud-
olfos og Mimiar sem gestir.
Sömuleiðis mun Elín Sigur-
vinsdóttir syngja hlutverk
Musettu á nokkrum sýningum
og Jón Sigurbjörnsson mun þá
taka við hlutverki Collines.
Leikstjóri La Bðhéme er
Sveinn Einarsson en Þuríður
Pálsdóttir er aðstoðarleik-
stjóri. Steinþór Sigurðsson sér
um gerð leikmyndarinnar og
er það í annað sinn sem hann
tekur slíkt verkefni fyrir Þjóð-
leikhúsið. Dóra Einarsdóttir
sér um búninga og hefur
teiknað suma þeirra en Ingvar
Björnsson sér um lýsingu.
Skipt um söngvara
í flestum hlutverkum
Á blaðamannafundi sem
haldinn var í tilefni frumsýn-
ingarinnar sagði Sveinn Ein-
arsson að ástæða þess að skipt
væri um söngvara í hlutverk-
unum væru sú að ópera væri
því miður ekki sett upp oft hér
á landi og því væri gaman að
heyra í sem flestum söngvur-
um. Það kom fram að skipt
verður um söngvara í svo til
öllum hlutverkunum.
Óperan La Bohéme var
frumsýnd í Turin á Ítalíu
undir stjórn Toscaninis árið
1896. Áður hafði Puccini áunn-
ið sér sess sem eitt fremsta
óperuskáld ítala. La Bohéme
er ein af þeim óperum Puccin-
is sem hafa orðið vinsælar,
hinar tvær eru Tosca og Mad-
am Butterfly sem báðar hafa
verið sýndar í Þjóðleikhúsinu.
Af öðrum óperum Puccinis má
nefna Turandot og Gianni
Schicchi.
La Bohéme segir frá fjórum
efnalitlum listamönnum, Ru-
dolfo, Marcello, Schaunard og
Colline. Rudolfo hittir unga
stúlku Mimi og fellir hug til
hennar. Það slæst þó upp á
vinskapinn og þau skilja ósátt.
Þau hittast aftur í lok óper-
unnar en Mimi er þá sárþjáð
af tæringu og er öllum ljóst
nema Rudolfo hvert stefnir.
Áður en hún deyr segir hún
Rudolfo að ást þeirra sé það
eina sem hafi skipt máli í lífi
hennar.
Reykjavík:
Uthluta lóðum undir 500
íbúðir á f jórum svæðum
REYKJAVÍKURBORG auglýsir eftir um-
sóknum um byggingarrétt á um 500
ibúðum á fjórum svæðum í borginni.
Flestar íbúðirnar eru við Eyrarland og
Fossvogsveg, á Öskjuhlíð og í Nýja mið-
bænum. Þá eru og nokkrar lóðir við
Eiðsgranda og tvær einbýlishúsalóðir sem
koma til endurúthlutunar í Seljahverfi. Að
sögn Hjörleifs Kvaran á skrifstofu borgar-
verkfræðings hcfur mjög mikið verið spurt
um lóðirnar og hafa frá því á mánudag
selst 1.200 bækiingar með byggingarskil-
máium fyrir Austurbyggðarsvæðið og ann-
að eins fyrir Fossvogssvæðið. Þá hafa verið
afhent um 2.000 umsóknareyðublöð. Um-
sóknarfrestur rennur út 6. apríl nk. Lítið
hefur þó enn borist af umsóknum.
í Öskjuhlíð eru 113 íbúðir, þar af 13 í
stórum einbýlishúsum og 3 lítil einbýlishús
sem eru um 300 rúmmetrar, 97 íbúðir í
raðhúsum, en þau eru reyndar 77, því í 20
þeirra eru tvær íbúðir. Raðhúsin eru
misjafnlega stór. í fyrsta lagi 600 rúmmetr-
ar, þá hús þar sem gert er ráð fyrir
aukaíbúð, um 750 rúmmetrar og einnig mun
stærri hús, 1.000 rúmmetrar, þar sem gert
er ráð fyrir aukahúsi á lóð fyrir atvinnu-
rekstur eða aukaibúð.
Á Fossvogssvæðinu verða 150 íbúðir. Búið
er að gefa fyrirheit um töluverðan hluta
þeirra, t.d. er búið að ráðstafa 50 íbúðum til
samtaka aldraðra. Starfsmannafélag
Reykjavíkur hefur fengið loforð fyrir 14
slíkum, önnur samtök aldraðra sama fjölda.
Byggingarmeistari hefur fengið vilyrði fyrir
18 íbúðum fyrir fatlaða, Geðverndarfélagið
lóð með fjórum ibúðum, siðan eru fjögur
einbýlishús farin í uppgjör vegna erfðafestu
sem var á svæðinu, þannig að allt í allt
verða þetta í kringum 100 íbúðir sem verða
til úthiutunar. Einbýlishús voru 16, búið er
að ráðstafa 12. Þá eru 42 íbúðir í fjölbýlis-
húsum, 44 í raðhúsum og parhúsum.
í nýja miðbænum eru 20 íbúðir í raðhús-
um, 200 íbúðir í fjölbýlishúsum. Þar er búið
að ráðstafa með vilyrðum og fara um 70—80
af þessum 200 íbúðum í slík vilyrði til
tveggja samtaka aldraðra. Þá er gert ráð
fyrir að byggingarsamvinnufélög og bygg-
ingarmeistarar fái hluta af þessum íbúðum.
Á Eiðsgranda eru 12 lóðir, allt einbýlis-
húsalóðir, og siðan er verið að endurúthluta
5 einbýlishúsum og 10 raðhúsum, sem skilað
Nú þegar hafa verið
afhent um 2 þúsund
umsóknareyðublöð
hefur verið frá því í fyrra. Einnig verður
úthlutað 2 einbýlishúsalóðum í Seljahverfi
með hesthúsaaðstöðu á lóð. í fyrra var
úthlutað þar 15 einbýlishúsum en 2 lóðir
gengu ekki út og eru nú til endurúthlutunar.
Gatnagerðargjöld greiðast á sex mánuð-
um eftir úthlutun í tvennu lagi, þá greiðast
einnig 75% af svonefndu tengigjaldi. Eftir-
stöðvarnar, 25%, greiðast þegar teikningar
eru samþykktar. Sem dæmi um gjöld á
þessum lóðum má nefna að á einbýlishús við
Fossvogsveg og Eyrarland verður gatna-
gerðargjald 73.725 og miðast við 700 rúm-
metra hús. Þá eru tengigjöld 35.857 og
greiðast af þeim 26.885 við úthlutun, þannig
að heildarupphæð við úthlutun er 100.610 kr.
Gjöld fyrir raðhús, 700 rúmmetra, eru
76.860, þá er meðtalið 75% tengigjalds.
Lóðirnar á Öskjuhlíðarsvæðinu eru nokk-
uð misjafnar að verði, og fer það eftir
svæðum. Tengigjöld þar skiptast í tvo
verðflokka, því borgin vinnur misjafnlega
mikið að sameiginlegum framkvæmdum
eftir svæðum. Tengigjaldið er 54,73 kr. á
einu svæðinu en 14,22 kr. á öðru og reiknast
á hvern rúmmetra. Á ódýrara svæðinu þarf
aftur á móti að greiða þennan kostnað úr
eigin pyngju síðar.
Fjölbýlishús verða fyrst og fremst á
Fossvogssvæðinu og Nýja miðbænum. Gert
er ráð fyrir að gatnagerðargjald verði miðað
við 400 rúmmetra á íbúð, sem myndi verða
um 11.892 kr. Almenna reglan er sú, að í
kringum fjölbýlishús er nokkuð afmarkað
svæði þannig að eigendur geta sjálfir gengið
frá bílastæðum og öðru þess háttar. Tengi-
gjöld þar eru því 3,83 kr. á rúmmetra og
sama reglan gildir um greiðslu á því.
Hjörleifur sagði að lokum, að hann
reiknaði með að eftirspurn yrði hvað mest
eftir lóðum á Fossvogssvæðinu og Öskjuhlíð
enda væri mest spurt um lóðir þar. Hann
sagði að byrjað væri að vinna að gatnafram-
kvæmdum í Fossvoginum og í Öskjuhlíð yrði
farið í útboð um leið og gatnahönnun væri
lokið. Væntanlega verður því hægt að hefja
framkvæmdir í hluta af Fossvoginum í
sumar, á Öskjuhlíðarsvæðinu seint í haust.
Eiðsgrandinn verður tilbúinn siðari hluta
sumars og Nýi miðbærinn einnig.
2. Eyrarland og Fossvogshverfið
3. Eiðsgrandi Ljósm'Mbl'Emllí>
4. Nýi miðbærinn