Morgunblaðið - 16.02.1982, Qupperneq 12

12
MORGUNBLAÐIÐ, ÞRIÐJUDAGUR 16. FEBRÚAR 1982
Rud Thygesen og
Johnny Sörensen
Myndlist
Bragi Ásgeirsson
Það er svo sannarlega þess
virði að líta inn í vestursal
Kjarlvalsstaða en þar eru til
sýnis húsgögn eftir þá frægu
dönsku arkitekta Rud Thygesen
og Johnny Sörensen. Allt frá því
að þeir félagar útskrifuðust úr
húsgagnaháskóla listiðnaðar-
skólans árið 1966 hafa þeir unnið
saman að hinum aðskiljanleg-
ustu verkefnum. Þeir voru jafn-
vel áður en skólanámi lauk farn-
ir að sanka að sér verðlaunum,
sem þeir hafa og gert allar tíð
síðan, jafnframt því sem þeir
hafa verið heiðraðir af ýmiss-
konar styrktarsjóðum. Húsgögn
eftir þá hafa verið keypt af söfn-
um austan hafs og vestan m.a.
hefur Nútímalistasafnið í New
York fest sér verk eftir þá. Það
mætti því vera ljóst af þessari
upptalningu, að hér eru engir
aukvisar á ferð og sérhverjum
verður það ennþá ljósara eftir
innlit á hina frábærilega vel
uppsettu og vönduðu sýningu, að
Kjarvalsstöðum. Vel formuð
húsgögn skipta miklu máli á
tímum harla ómerkilegrar og
staðlaðrar fjöldaframleiðslu á
því sviði sem öðrum. Hér er
hugsað um allt í senn notagildi,
þægindi og fagurt útiit. Við hér
heima höfum fengið að kynnast
slíkum viðhorfum á nokkrum
ágætum sýningum islenzkra
húsgagnasmiða, sem ættu að
vera árviss viðburður. Húsgögn
skipta svo miklu máli í daglegu
lífi hvers og eins, hafa áhrif á
skap manna og vellíðan og því er
hverjum og einum mikill vandi á
höndum er hann velur sér slíka
hluti í híbýli sín.
Það lætur að líkum, að hús-
gögn eiga sér langa þróunarsög-

CHRYSLER
LE BARON ‘81
fEnn einu sinni getum við boðið fáeina hverjar hinar mestu „lúxus drossíur” sem
super deluxe Chrysler LeBaron ’81 4 dr hér er völ á, enda á LeBaron stóran hóp
og station, á ótrúlegu verði. Petta eru ein- aðdáenda á Islandi.

Af útbúnaði má nefna: leðurklætt stýrishjól,
veltistýri, rafmagnslæst skottlok, rafmagns-
rúður, stuðpúða á stuðurum, elektróniska
digital klukku, öll gler lituð, hita í aftur-
rúðu, læst mismunadrif, sjálfskiptinu,
vökvastýri, aflhemla, sérstaklega bólstruð
pluss sæti, auka Ijósabúnað, deluxe hljóð-
einangrun og m.m.fl.
Við bjóðum þessa bfla á sérstöku verði, sem
innifelur afslátt allt að kr. 20.000.00 frá
fullu verði.
Verð með afslætti:
LeBaron Wagon
LeaBaron 4DR
LeBaron 4DR
(Verð miðuð við gengi pr. 04.02.82).
6 cyl Kr. 279.617
6 cyl Kr. 262.726
8 cyl Kr. 266.924
Ö Ifökull hf.
Ármúla 36 Sími: 84366
ur sem listgrein og engu ómerk-
ari en t.d. byggingarlistin, — um
það geta allir sannfærst er skoða
hin stóru listasöfn t.d.
Ríkislistasafnið í Amsterdam.
Kjallari safnsins er heimur út af
fyrir sig sem margborgar sig að
skoða vel og vandlega, því að þar
má sjá marga gimsteinana í
eldri húsgagnagerð, — ótrúlega
vel hannaða hluti og magnaða í
formfegurð sinni.
Þeir félagar Rud Thygesen og
Johnny Sörensen ganga fyrst og
fremst út frá léttum og einföld-
um formum er byggjast á sam-
setningarlögmálum er þeir hafa
sjálfir fundið upp. Er hér um að
ræða hið snilldarlega lögmál
náttúrunnar í samskeitingu
greina við trjábolina. Nefna þeir
aðferðina „kvistagræðslu"
(Podning). A sýningunni getur
m.a. að líta stílfögur húsgögn
fyrir alla aldurshópa og eru þau
þrátt fyrir styrkleika sinn svo
létt að þau eru vel meðfæranleg
einum manni.
Það er gott að fá slíkar sýn-
ingar á Kjarvalsstaði af og til og
góð tilbreyting frá málverkasýn-
ingunum og það er hárrétt að
marka þeim tíma á miðjum
vetri.
Sjón er sögu ríkari og ættu því
sem flestir að leggja leið sína á
Kjarvalsstaði á næstunni og
skoða vel það sem þar getur að
líta.
Listamönnunum Rud Thyge-
sen og Johnny Sörensen þakka
ég fyrir upplífgandi framlag á
íslenzkum sýningarvettvangi.
EF ÞAÐ ER
FRÉTTNÆMT
ÞÁ ER ÞAÐ í
MORGUNBLAÐINU
/
K3>