Morgunblaðið - 04.05.1982, Blaðsíða 17

56
MORGUNBLAÐIÐ, ÞRIÐJUDAGUR 4. MAÍ1982
MORGUNBLAÐIÐ, ÞRIÐJUDAGUR 4. MAÍ1982
57
Kynníng á borgunum þar sem leikir HM á Spáni fara fram

2.
1. riðill/ VIGO OG LA CORUNA
Krá llelgu JónsdóKur, rréttaritara Mbl. í
Hurgos, Spáni.
24 ÞJÓÐIR munu mæta til leiks í
lokakeppni HM á Spáni í sumar.
Keppt verður í samtals 14 borgum
víðs vegar um Spán. Þátttökuþjóðum
hefur verið skipt í 6 riðla; 4 lið í
hverjum riðli. Þótt borgirnar séu 14
verða notaðir 17 leikvangar þar sem
leikið verður á 2 leikvöngum i
Barcelona, Sevilla og Madrid.
VIGO — Balaidos-leikvangur,
kl. 17.15:
14. júní Ítalía — Pólland.
18. júní Ítalía — Perú.
23. júní Ítalía — Kamerún.
Borgin Vigo er í Galisíuhéraði á
norðvestur Spáni, mjög stutt frá
landamærunum við Portúgal. í
Vigo er ákaflega góð höfn frá
náttúrunnar hendi og er borgin
ein helsta hafnarborg á Spáni.^
Landslag í kringum borgina er
sérstaklega fallegt; hún er um-
kringd grasi vöxnum hlíðum og
hæðum (La Guía, E1 Castro).
Eins og í öðrum borgum á Spáni
er mikið um fallegar og fornar
byggingar í Vigo. Fyrrverandi
kórsbræðrakirkjan í neóklassísk-
um stíl, forna Berbés-hverfið og
Cieseyjarnar eru meðal þeirra
fjölmörgu staða sem hver ferða-
maður verður hugfanginn af. En
til þess að kynnast einu því besta
sem Vigo og nágrenni hennar hafa
upp á að bjóða ferðamönnum er
nauðsynlegt að bragða á Ijúffeng-
um sjávarréttum, sem eru svo
dæmigerðir fyrir borgina; ýsa „a
la marinera", kökur með kjötdeigi
eða fiskdeigi („empanadillas"),
ostrur og skeldýr, drukkið með
frábærum vínum úr héraðinu
(vínviðarrækt er mikilvægur at-
vinnuvegur í Galisíu).
Sjórinn er án efa helsta tekjul-
ind Vigo-búa. Fyrsta flokks höfn
borgarinr.ar, vernduð af undurf-
allegum Ciese-eyjunum, er ein
mikilvægasta í öllu landinu enda
hafa fiskveiðar í Vigo og nágrenni
geysilega þýðingu fyrir Spán.
I Vigo eru margir góðir veit-
ingastaðir. Má nefna E1 Canario,
E1 Puesto, Piloto, Alcabre, E1
Mosquito og E1 Castillo. Gistihús
vantar ekki heldur og þar eru ný
og glæsileg hótel eins og Bahía de
Vigo, Ciudad de Vigo, Samil, Ens-
enada...
A Balaidos-leikvanginum í Vigo
keppa þau 4 lið, sem eru í riðli
númer 1: Ítalía, Pólland, Perú og
Kamerún. Leikvangurinn er
nýlegur og þykir ágætur. Hann
tekur 40.000 áhorfendur. Eigendur
hans eru meðlimir í félaginu
Celta, stofnað árið 1947, og borg-
arráð Vigo. Þar fara fram 3 leikir
í 1. umferð keppninnar.
Loftslag á sumrin í Vigo er milt
(tíðar rigningar) og þægilegt,
aldrei of heitt. Stutt fyrir utan
borgina er E1 Peinador-flug-
völlurinn, nýlega endurbættur.
Knattspyrnuunnendum mun ör-
ugglega ekki leiðast milli leikja, ef
þeir heimsækja þessa „HM-borg“,
spegil Atlantshafs, eins og Spán-
verjar kalla hana. Vegalengd frá
Madrid til Vigo er 655 km.
LA CORUNA — Riazor-leikvang-
ur, kl. 17.15:
15. júní Peru — Kamerún.
19. júní Pólland — Kamenín.
22. júní Perú — Pólland.
La Coruna er hin borgin í Galis-
íuhéraði þar sem 3 lið fyrsta riðils
munu keppa dagana 15. 19. og 22.
júní. La Coruna er staðsett enn
norðar en Vigo. Fjarlægðin milli
borganna er 122 km.
Strendur Galisíu mynda ólík
forkunnarfalleg náttúrufyrir-
brigði; brött þverhnípi eða víð-
áttumiklar baðstrendur með hvít-
um fínum sandi. Efnahagur borg-
arbúa og fólks í sveitinni í kring er
byggður á landbúnaði og fiskveið-
um. Einnig er talsverður iðnaður
(niðursoðin vara) og skógarauð-
lindir eru nýttar.
La Coruna er forn og afar falleg
borg. Hún á líka sinn nýja hluta
þar sem glæsileg háhýsi ráða ríkj-
um. Tvær víkur tilheyra borginni
og baðstrendurnar Orzán og Riaz-
or. Við hliðina á þeirri síðar-
nefndu er einmitt Riazor-leik-
vangurinn staðsettur þar sem
HM-liðin munu keppa.
Loftslagið er milt og temprað,
án frosts og snævar, en vindur
blæs oft byrlega. Sem betur fer
þurfa menn ekki að óttast að þeim
verði kalt á leikjunum því yfir
sumarmánuðina er veðrið yfirleitt
mjög gott.
Það er verðugt að ganga rólega
um gamla borgarhlutann og virða
fyrir sér fornar og tígulegar bygg-
ingar; dást að Hércules-lystigarð-
inum og San Carlos-skemmtigarð-
inum, höllinni þar sem borgarráð
hefur aðsetur sitt, San Jorge-
kirkju og síðast en ekki síst spáss-
era um göngugötuna við ströndina
þar sem ætíð ríkir skemmtileg
stemmning, sérstaklega þegar
kvölda tekur.
La Coruna er sérlega vinaleg
borg og íbúar hennar þekktir fyrir
gestrisni mikla og velvild í garð
ferðamanna sem þangað leggja
leið sína. Eins og í Vigo má alls
ekki gleymast að bragða á góm-
sætum nýveiddum skeldýrum. Vín
frá La Coruna eru vel þekkt og þá
sérstaklega „el ribeiro". Enn „típ-
ískara" er að þræða „götu vín-
anna“. Mælt er með eftirtöldum
veitingahúsum: Coral, Duna II, E1
Rápido, Os Arcados, Naveiro o.fl.
o.fl.
í La Coruna er að finna mörg
hótel enda er mikill ferðamanna-
straumur þangað á sumrin. Eftir-
talin hótel hafa getið sér ágætan
orðstír: Riazor, Finisterre og Atl-
ántico.
Riazor-leikvangurinn er eign
borgarráðs La Coruna, stofnað til
árið 1935. Stærðir leikvangsins
eru 105x69. Hann tekur 33.000
áhorfendur.
í lokin, falleg borg til að heim-
sækja og kynnast nánar íbúum
hennar, siðum þeirra og venjum
og njóta um leið leikja í 1. umferð
heimsmeistarakeppninnar.
Frá La Coruna.
Fallegar borgir
sem vert er að
heimsækja
Balaidos-leikvangurinn í Vigo.
riðill / GIJON OG OVIEDQ
' 'f *■, »;,/ t V.
Svipmynd frá Gijon.
Tvær borgir,
frægar fyrir
matargerðarlist
Krá Ilelgu Jónsdoltur.
frcllarilara Mbl. í Burgos, Spáni.
GIJON — El Molinón-leikvangur,
kl. 17.15:
16. júni Þýskaland — Alsír.
20. júní Þýskaland — Chile.
25. júní Þýskaland — Austurríki.
Gijon er mikilvæg hafnarborg í
Asturias-héraði á N-Spáni. Til
þess að hægt sé að tala um Gijon
er nauðsynlegt að byrja á því að
skipta henni í þrjú svæði: gömlu
og nýju Gijon og iðnaðarsvæðið.
Gamli borgarhlutinn hefur að
geyma allar fornminjar og gamlar
erfðavenjur borgarinnar. Hann er
í heild fornt og sögulegt safn og
uppruni hans er rakinn meira en
2.000 ár aftur í tímann.
Loftslagið er notalegt í borginni
allt árið í kring. Hitinn á sumrin
verður sjaldan óbærilegur. Vega-
lengdin á milli Madrid og Gijon er
483 km.
í Gijon er að finna 6 knatt-
spyrnuvelli. HM-liðin fjögur
munu keppa á E1 Molinón-leik-
vanginum. Eigandi leikvangsins
er knattspyrnufélagið Real Sport-
ing (keppir í 1. deild og lenti í 2.
sæti í nýlokinni keppni um kon-
ungsbikarinn. Tapaði fyrir Real
Madrid í úrslitaleik keppninnar
sem fram fór 13. apríl sl.) Hann
tekur 47.000 áhorfendur. Þar fara
fram þrír leikir í 1. umferð. Leik-
vangurinn er allur nýlega lag-
færður og breyttur. Hafa eigendur
hans látið af hendi háa fjárupp-
hæð, 300 milljónir peseta, til að
standa undir viðgerðarkostnaði.
Undirbúningsnefnd HM hleypur
einnig í skarðið þegar um er að
ræða endurbætur á leikvöngum,
þa.r sem keppni á HM fer fram.
Hefur hún látið í té 212,4 milljónir
peseta til E1 Molinón-leikvangs-
ins.
Gijon, og þá sérstaklega gamli
hluti hennar, er virkilega aðlað-
andi staður til að heimsækja.
Meðal þeirra bygginga og staða
sem hver ferðamaður má ekki láta
fram hjá sér fara eru Revilla-
gigedo-höllin, San Juan Bautista-
kirkjan, Rulabyggingin, strönd
borgarinnar, Isabel la Católica-
skemmti- og lystigarðurinn, og
fara upp á einhverja af ótal hæð-
um í sveitinni og virða fyrir sér
skógi vaxnar hlíðar og dökkgræna
dali.
Gijon er einnig fræg fyrir mat-
argerðarlist. í hvaða veitingahúsi
borgarinnar sem er geta menn
bragðað á öllu því dæmigerðasta
úr héraðinu, sem eru alls konar
fiskrétti. Sérstaklega eru krárnar
á hafnarsvæðinu vinsælar vegna
gómsætra sardína sem þær hafa á
boðstólum. Nokkur þeirra mat-
söluhúsa sem óhætt er að mæla
með vegna góðrar þjónustu og
ljúffengra máltíða eru Las Delici-
as, La Pondala, E1 Retiro, Casa
Gerardo, Casa Tino, Juan de Man
og fleiri. Eins og eðlilegt er um
borg sem hefur sjóinn við hliðina
hefur það góð áhrif á ferðamanna-
straum til borgarinnar og sveitar-
innar í kring og þá einkum á sum-
rin. Vegna þessa eru í Gijon og
nágrenni mörg úrvalshótel eins og
Hernán Cortés, Príncipe de Ast-
urias, Molino Viejo. íbúar í Gijon
eru 200.000 talsins.
OVIEDO — C. Tartiere-leikvangur,
kl. 17.15:
17. júni Chile — Austurríki.
21. júní Alsír — Austurríki.
24. júní Alsír — Chile.
Oviedo, höfuðstaður Asturias-
héraðs, er staðsett við rætur Nar-
anco-fjalls, 28 km frá Kantabríu-
hafi. Þar er aðsetur háskóla
(stofnaður í byrjun 16. aldar) og
miðstöð sögu, stjórnar, lista og
menningar Asturias-héraðs.
Oviedo geymir margt er gleður
augu og hug ferðamanna. Þeir sem
munu dveljast í borginni til þess
að fylgjast með þeim 3 leikjum
heimsmeistarakeppninnar sem
þar eru fyrirhugaðir geta heim-
sótt þekkta og fræga staði eins og
Santa Maria del Naranco-kirkj-
una og San Miguel de Lillo-
kirkjuna, báðar stórfengleg dæmi
Dómkirkjan í Oviedo.
rómantískrar byggingarlistar 11.
aldar, listasafnið, sjálfa dómkirkj-
una, San Vicente-safn og klaustur,
San Francisco-lystigarðinn, San
Julian-kirkjuna og þannig mætti
lengi telja.
Loftslag í Oviedo er milt en
rigningar eru mjög tíðar. í borg-
inni er að finna eitt 5-stjörnu hót-
el, fimm 4-stjörnu hótel, fjögur
3-stjörnu hótel og fjölmörg önnur
gistihús. Hér skulu nefnd fáein
hótel: Hotel de la Reconquista, La
Jirafa, Ramiro, Regente, Princip-
ado.
Meðal þekktra og vinsælla rétta
í matargerðarlist Oviedobúa eru
skinka, pylsur og bjúgur, bauna-
búðingur og fiskréttir (silungur,
lax, skelfiskur). Og hvar er hægt
að smakka alla þessa ljúffengu og
dæmigerðu rétti? Jú, ekki vantar
matsölustaði í borginni: Goleta,
Casa Conrado, Casa Fermin, La
Gruta, Marchica, Trascorrales og
vitaskuld verður að biðja um epla-
vín (sidra) þar sem Asturias er
„eplahérað" Spánar.
Keppt verður á Carlos Tartiere-
leikvanginum í eigu borgarráðs.
Hann tekur 22.000 áhorfendur. Fé-
lagið „Oviedo" hefur eytt næstum
300 milljónum peseta í viðgerðir
og endurbætur vegna þeirra
þriggja leikja sem þar fara fram á
HM. Vegalengd frá Madrid til
Oviedo er 439 kílómetrar og milli
Gijon og Oviedo eru 30 km.

2, ríhill / ALICANTE OG ELECHE
Svipmynd frá Elche.
Sífelld sól og
sumar í Alicante
Krá llelgu JónsdóUur. fréttaritara Mbl. í
Burgos, Spáni.
ALICANTE — J. Rico Pérez-leik-
vangur, kl. 21.00:
18. júni Argentína — Ungverjaland
23. júní Argentína — El Salvador
Alicante er höfuðstaður Costa
Blanca (Hvítu strandarinnar).
Borgin er þekkt fyrir hlýtt og gott
loftslag. Meðalhitinn í júní er
22,7°C og í júlí 25,5°C. Þetta hita-
stig gæti reyndar átt við hvaða
mánuð ársins sem er. Og eitt enn,
meðalsólardagar í Alicante eru
272 talsins á ári.
í Alicante er gnægð hótela af
öllum gerðum og stærðum enda er
borgin geysilega eftirsóttur ferða-
mannastaður. Auk þess eru ótal
þorp í næsta nágrenni sem geta
tekið á móti fjölmennum ferða-
mannahópum. Enginn, sem vill
fylgjast með leikjum heimsmeist-
arakeppninnar er leiknir verða í
Alicante, þarf að óttast að hann
verði án svefnpláss.
Allar samgöngur, hvort sem
þær eru á landi, sjó eða í lofti,
ganga vanalega mjög greiðlega
fyrir sig og er það enn ein ástæðan
fyrir að Alicante er talin fyrirtaks
staður til að þar fari fram leikir á
HM.
A götum Alicante-borgar er
þegar hægt að finna og sjá þennan
hátíðabrag sem fylgir því að halda
heimsmeistarakeppni í knatt-
spyrnu. Öll borgin undirbýr sig að
taka á móti þúsundum gesta
vegna þessa mikla íþróttaviðburð-
ar. Að vísu verða aðeins tveir leik-
ir í 1. umferð en meðal þeirra
þjóða er munu leika er Argentína,
núverandi heimsmeistarar í
knattspyrnu, og þykir öruggt að
Argentína verði eitt af uppá-
haldsliðum keppninnar. Hér yrði
alltof langt mál a telja upp öll
nöfn hótelanna í Alicante. Við
skulum nefna nokkur þeirra: Sidi
San Juan, Palace-Sol, Adoc, Gran
sol, Meliá Alicante, Leuka, Gran
Hotel Delfín... Það eru yfir
fimmtán fjögurra stjörnu hótel og
yfir sextíu þriggja stjörnu hótel í
Alicante og nágrenni.
Gamli borgarhluti Alicante
geymir margar fagrar byggingar
eins og San Nicolás-dómkirkjuna,
ráðhúsið, Santa María-sóknar-
kirkjuna, Santa Faz-klaustrið og
listasafnið.
Jónsmessunótt, 21. júní, er hald-
in hátíðleg í öllum hverfum Ali-
cante-borgar. Bál eru kveikt og
menn syngja og dansa. Enn mik-
ilvægari og sögulegri viðburður er
hátíð Mára og kristinna manna.
Ekkert er til sparað að gera þessa
árlegu hátíð sem íburðarmesta.
Santa Cruz-hverfið í Alicante er
ágætt vitni um völd araba við
Miðjarðarhaf fyrr á öldum.
Engin ætti að láta fara fram hjá
sér að bragða „paella" ef hann er
staddur í Valensíu-héraði (eða
hvar sem er á Spáni...). Hér er
um að ræða hrísgrjónarétt, sem
getur verið mismunandi, annað
hvort með ýmsum skeldýrum, eða
kjúklingi, sniglum, grænmeti...
Keppt verður á Rico Pérez-leik-
vanginum. Eigandi er 1. deildar-
liðið „Hércules". Hann tekur
38.000 áhorfendur.
ELCHE — Nuevo Estadio, kl. 21.00:
15. júní Ungverjaland — El Salvador
19. júní Belgía — El Salvador
22. júní Belgía — Ungverjaland
Elche er sú byggð Spánar Mið-
jarðarhafsmegin er örast hefur
vaxið. Árið 1939 voru íbúar í Elche
35.000. Núna eru þeir yfir 160.000.
Elche er mjög sérstök borg fyrir
margar sakir. Pálmaviðarskógur-
inn þar er einstakur í allri Evrópu.
Talið er að milli 700.000—1.000.000
pálmatré séu í borginni og ná-
grenni.
Elche er tilvalin til að taka á
móti fjölmörgum „HM-gestum“,
hótel borgarinnar geta veitt gist-
ingu allt að 50.000 ferðamönnum. í
Elche er frægt alþjóðlegt fjár-
spilahús. Strönd Elche er þakin
hreinum hvítum sandi og fram-
andi undurfagurt landslag, sól og
hiti nær árið í kring gera hana að
ferðamannaparadís.
Borgin varðveitir mikilvæga
sögu lista og fornrar menningar.
Helstu byggingar frá fyrri tímum
eru Asunción-basílíkan í barroc-
stíl (frá 17. öld), Merced-kirkjan
frá 18. öld, ráðhúsið frá 15. öld og
menn ættu að gefa sér góðan tíma
til að skoða fornmenjasafnið.
Á nýja Altabix-leikvanginum
munu fara fram þrír leikir í 1. um-
ferð. Leikvangurinn er í eigu
knattspyrnufélagsins Elche CF
Tekur hann 50.000 áhorfendur.
Altabix er í eins kílómetra fjar-
lægð frá borginni. Við hliðina á
honum eru stæði fyrir 3.200 bif-
reiðar. Einnig eru þar átta aðrir
litlir grasvellir og aðstaða fyrir
lendingu og flugtak þyrla. Vega-
lengdin milli Alicante og Elche er
23 km.
Néð eftir strandlengjunni við Alicante.

S¥:;.