Morgunblaðið - 04.05.1982, Blaðsíða 28

68
MORGUNBLAÐIÐ, ÞRIÐJUDAGUR 4. MAÍ 1982
,,Ef \>ú \j)lt e/cki sjevo. poka-
soeinn minn, er nóg uf fólki sem
VÍIL ve-vcx pcu.5 '
Með
morgunkaffinu
Ég veit, pabbi minn, að hann mcin-
ar þetta allt. í dag fékk hann tölvu-
upplýsingar um þig og þína hagi
alla.
HÖGNI HREKKVÍSI
"HVER ve.;i NE*\A EiwHV/EC HAfí Mi'ííí
PEa/WG- /vlBOR UM Ri^rla/G- ■? “
Strætisvagnarnir og Laugavegurinn
E.G. skrifar:
„Velvakandi góður, vinsamlega
Ijáðu þessum línum mínum rúm í
dálkum þínum.
Eg held ég sé hér með lausn á
leiðum strætisvagna frá Hlemmi
(Vatnsþró) niður á Lækjartorg og
hún er sú, að láta aka niður Hverf-
isgötu og inn Laugaveg eins og
fyrirhugað var, þegar hægri um-
ferð var tekin upp, en illu heilli
varð eigi að veruleika. Svo á að
láta strætisvagnana aka inn
Skúlagötu og Rauðarárstíg að
Hlemmi. Til þess að þetta sé
mögulegt, þarf að laga hringtorgið
hjá Hörpu, færa aðeins inn girð-
inguna hjá Lögreglustöðinni og
fjarlægja gasstöðvarhúsið. Með
þessari breytingu fengju strætis-
vagnarnir sér akrein eftir Skúla-
götu frá Hörputorgi og Rauðarár-
stígsspottann sem þeir þurfa að
aka til að komast inn á Hlemm.
Svo má gera stöðumælastæði
beggja vegna Laugavegar til hag-
ræðis fyrir verzlun og viðskipta-
vini.“
Ekki bara neikvæð
öfl sem ráða hér
Olafur Jóhannsson, Kaup-
mannahöfn, skrifar á sumardag-
inn fyrsta:
„Velvakandi!
Eg vil gjarnan þakka Morgun-
blaðinu fyrir hve mikið pláss
blaðið gefur fyrir kristilegan
boðskap á síðum sínum. Þar sem
ég bý hér í Kaupmannahöfn og
les dagblöðin hér, sem eru yfir-
full daglega með neikvæðum
fréttum um árásir, morð, upp-
lausn heimila og samfélagseyði-
leggjandi áróður, þá er gott að
geta keypt Morgunblaðið og
finna á síðum þess jákvæðar
greinar, t.d. um kristindóm, sem
er hinn eini sanni grundvöllur
fyrir friði og hamingju. Og sá
friður og sú hamingja byggjast á
jákvæðri afstöðu einstaklingsins
til Jesú, boðskaparins um fórn-
ardauða Hans og upprisu.
Þó vil ég aðeins benda á, vegna
þess hve blaðið hefur einnig gef-
ið mikið pláss fyrir boðskap
„Fyrir stuttu síðan komu saman í
Vor Frue kirke (Dómkirkjunni)
hundruð manna, ungra og gamalla,
frá ólíkum kirkjudeildum, m.a.
Hvítasunnumenn, Heimatrúboðs-
fólk, kaþólskir og lútherskir og
sungu og lofuðu Guð í einum anda.“
spíritista eða sálarrannsóknar-
manna, eins og þeir kalla sig, að
það hefur ekkert með kristindóm
að gera, frekar en annað
myrkrakukl. Ég segi þetta að-
eins leitandi fólki til viðvörunar.
Mig langar einnig til að segja
ykkur fréttir. Það eru ekki bara
neikvæð öfl sem ráða hér í
Kaupmannahöfn. Fyrir stuttu
síðan komu saman í Vor Frue
kirke (Dómkirkjunni) hundruð
manna, ungra og gamalla, frá
ólíkum kirkjudeildum, m.a.
Hvítasunnumenn, Heimatrú-
boðsfólk, kaþólskir og lútherskir
og sungu og lofuðu Guð í einum
anda. Én á þetta var ekki minnst
í blöðum hér. Ég held að svipuð
vakning sé í uppsiglingu á ís-
landi.
Svo óska ég blaðinu blessunar,
með ósk um að það standi áfram
vörð um rétt einstaklingsins til
að velja og hafna.
Kær kveðja og gleðilegt
sumar.“
„Róttækt jafnvægi“?
H. Mag. skrifar.
„Velvakandi góður.
I útvarpsumræðunum á Alþingi
á fimmtudagskvöld minntist
Svavar Gestsson, hinn „góði
drengur" forsætisráðherrans, á
skemmdarverk, sem framin hafa
verið á ýmsum verðmætum hér í
borg að undanförnu. Svavar hafði
að sjálfsögðu skýringu á þessu eft-
ir formúlu hins vísindalega sósíal-
isma og sagði að umrædd
skemmdarverk væru afleiðing af
neyslukapphlaupi íslendipga. Hér
er því sennilega komin fram hin
siðferðilega forsenda fyrir kjara-
svikum Alþýðubandalagsins sl. 4
ár. Með því að rýra kjörin hafa
Svavar Gestsson og félagar verið
að draga úr neyslukapphlaupinu
vonda og þar með vinna gegn
skemmdarfýsn landa sinna. Þetta
felst líklega allt í orðunum „rót-
tækt jafnvægi", sem kauplækkun-
armaðurinn Þröstur Ólafsson
gerði fræg í Þjóðviljanum á sínum
tíma.
En rökvísin er ekki sterka hliðin
á lýðskrumi Svavars Gestssonar.
Ekki var hann fyrr búinn að for-
dæma neyslukapphlaupið og sið-
spillandi áhrif þess en hann krafð-
ist þess að Vinnuveitendasam-
bandið gengi strax að öllum kjara-
kröfum ASI. Það á sem sé að auka
neyslugleðina og ýta undir ný
spellvirki og eyðileggja fornar
dyggðir. Ætli það verði þó mikið
úr því nema tómir félagsmála-
pakkar? Væri ekki rétt að setja
svikin fyrst í gildi áður en þeir
útbúa nýja pakka fyrir oss launa-
menn?“