Morgunblaðið - 22.05.1982, Page 4

4 4 MORGUNBLAÐIÐ, LAUGARDAGUR 22. MAÍ1982
Fjölskyldan er griðastaður
gegn alræði ríkisvaldsins
eftir Ingibjörgu
Rafnar
Fjölskjldupólitík er ekkert nýtt
fyrirbrigði. Þannig má nefna, að
Sjálfstæðisflokkurinn hefur frá önd-
verðu verið málsvari fjölskyldu-
verndar og lagt áherslu á gildi heim-
ilis og fjölskyldu sem hornsteins
þjóðféíagsins. Það grundvallast á
þeirri staðreynd, að Sjálfstæðis-
flokkurinn hefur frá stofnun byggt á
rétti og frelsi einstaklingsins, einka-
eignarrétti og friðhelgi einkalífs.
Fjölskyldan, sem er „griðastaður
einstaklingslífsins“ er sterkasta vígi
einstaklingsins gegn alræði ríkis-
valdsins.
Flestir málaflokkar í stjórn borg-
arinnar snerta fjölskylduna með ein-
um eða öðrum hætti, félagsmál,
skattamál, atvinnu- og kjaramál,
húsnæðismál, dagvistarmál og
skipulags- og umhverfismál svo
eitthvað sé nefnt. Afkoma fjöl-
skyldna ræðst ekki hvað síst af
skattastefnu stjórnvalda.
Skattalækkun er
valddreifing
Sjálfstæðismenn telja, að við
fjármálastjórn borgarinnar eigi
að hafa sama háttinn á og á heim-
ilunum, þ.e. að útgjöld borgarinn-
ar eigi að ráðast af tekjum henn-
ar, en ekki öfugt. Þeir hafa reynt
að sporna við sífellt auknum álög-
um á borgarbúa allt þetta kjör-
tímabil. Vinstri meirihlutinn hef-
ur á hinn bóginn hækkað alla
skatta verulega og jafnvel fundið
upp nýja skattsofna. Sú skatta-
áþján, sem vinstri stjórnir hafa
undantekningalaust í för með sér,
drepur í dróma frumkvæði og
framtakssemi einstaklinga og
stuðlar að óæskilegri miðstýringu.
Síðustu vikur hefur alþýðu-
bandalagsmönnum orðið tíðrætt
um valddreifingu. En í þeirra
munni verður það orð að öfug-
mæli. Við sjálfstæðismenn teljum
mesta valddreifingu fólgna í því,
að einstaklingarnir fái í sem rík-
ustum mæli að verja fé sínu eins
og þeir sjálfir vilja. Einstakling-
unum er best treystandi til að efla
farsæld heimilis síns og fjölskyldu
og þar með alls þjóðfélagsins. For-
gangsverkefni sjálfstæðismanna í
lækkun skatta verður að lækka
fasteignagjöld af íbúðarhúsnæði
eins og fram hefur komið.
Hjálp til sjálfshjálpar
Árið 1967 var tekin upp nýskip-
an í félagslegri þjónustu í borg-
inni, sem var byggð á þeirri hug-
myndafræði, að markmið félags-
legrar þjónustu við borgarana
skyldi vera vernd fjölskyldunnar.
Aðaláherslan var lögð á hjálp til
sjálfshjálpar. í stefnuskrá sjálf-
stæðismanna segir m.a.: „Sjálf-
stæðismenn vilja nú sem jafnan
fyrr beita sér fyrir aðgerðum, sem
stuðla að því að einstaklingurinn
fái staðið á eigin fótum" og „munu
vinna að bættum hag heimilanna
undir merki fjölskylduverndar".
„Stefna sjálfstæðismanna í félags-
málum er stefna, sem slær varð-
borg um hag einstaklingsins, en
einnig og þess vegna um hag fjöl-
skyldunnar."
Varðandi dagvistarmál er rétt
að geta þess, að þrátt fyrir stór
loforð vinstri manna fyrir kosn-
ingar 1978 um stóraukið átak í
uppbyggingu dagvistunar, hefur
raunin orðið sú, að þeir hafa rétt
haldið í horfinu og tæplega það þó.
Á þessu kjörtímabili verða tekin í
notkun dagvistarrými fyrir 609
börn (þar af 151 á stofnunum, sem
voru langt komnar í maí 1978) eða
fyrir 152 börn árlega að jafnaði. Á
árunum 1968 til og með 1977 voru
hins vegar tekin í notkun dagvist-
Ingibjörg Rafnar
arrými fyrir 156 börn árlega að
jafnaði.
Aukin áhersla á
byggingu leikskóla
Sjálfstæðismenn leggja nú aðal-
áherslu á byggingu leikskóla, en
telja jafnframt að tryggja beri
nauðsynlegt framboð dagheimila
og skóladagheimila. Uppbyggingu
stofnana beri að miða við breyti-
legar þarfir og óskir, uppbygging-
in sé sveigjanleg, þar sem fyrir-
sjáanlegar eru á næstu árum
miklar breytingar á atvinnuhátt-
um og vinnutíma m.a. vegna ör-
tölvutækni. Sú þróun hefur átt sér
stað á undanförnum árum að fé-
lagsleg þjónusta hefur verið veitt
öllum, óháð efnahag viðkomandi,
hvort sem fólk hefur getað greitt
fyrir hana eða ekki. Sjálfstæðis-
menn telja að þjónusta dagvist-
arheimila sé sjálfsögð, en að for-
eldrar eigi að taka aukinn þátt í
rekstrarkostnaði þeirra í sam-
ræmi við efnahag. Það fé, sem inn-
heimtist þannig, nýtist þá til frek-
ari uppbyggingar.
Við sjálfstæðismenn viljum að í
rekstri dagvistarheimila verði
með einhverjum hætti tryggður
vettvangur fyrir yngri og eldri
kynslóðir, jafnt fyrir heilbrigða
sem einstaklinga með sérþarfir og
að vistun þroskaheftra barna á
almennum dagvistardeildum, sem
hafin var í tíð meirihluta Sjálf-
stæðisflokksins, verði aukin svo
sem aðstæður frekast leyfa.
í félagsmálakafla stefnuskrár-
innar er að finna ítarleg ákvæði
um málefni fatlaðra, m.a. um
ferlimái og ferðaþjónustu,
kennslumál og atvinnumál og að-
gerðir, sem miða að því, að fötluð-
um sé gert kleift að taka þátt í
almennu félags- og tómstunda-
starfi.
Við teljum og að auka verði fjöl-
breytni hvað varðar eignar- og
rekstraraðild að dagvistarheim-
ilum, þannig að áhugamannahóp-
ar og atvinnufyrirtæki eigi þess
kost að standa að slíkum rekstri i
ríkari mæli en nú er.
Eigið húsnæði fyrir
hverja fjölskyldu
Stefna sjálfstæðismanna er enn
sem fyrr sú, að sérhverri fjöl-
skyldu sé gert kleift að eignast og
búa í eigin húsnæði, en hún sé ekki
háð forsjá og gerræði hins opin-
bera í þeim efnum. Til að tryggja
framgang þessarar stefnu þarf að
fullnægja eftirspurn húsbyggj-
enda eftir hentugum byggingar-
lóðum, og að allir einstaklingar
búi við sömu kjör til lána hjá Hús-
næðisstofnun ríkisins.
Sjálfstæðismenn vilja, að í
skipulagi nýrra hverfa og við út-
hlutanir lóða sé þess gætt, að gefa
eldri og yngri kynslóðum tækifæri
til sambýlis og njóta þannig
stuðnings hver af annarri.
Félagsmiðstöðvar
fyrir alla fjölskylduna
Sjálfstæðismenn telja, að við
ákvarðanatöku í æskulýðsmálum
skuli hafa að leiðarljósi, að ein-
staklingurinn fái sem best notið
hæfileika sinna, sköpunargleði og
atorku. í stefnuskránni segir m.a.:
„í æskulýðsmálum þarf nú fremur
en endranær að líta á málefni fjöl-
skyldunnar í heild. Of rík tilhneig-
ing hefur verið til að draga menn í
hópa eftir aldri og kynferði. Nýta
þarf félagsmiðstöðvarnar og úti-
vistarsvæðin til að skapa vettvang
til aukinnar samveru unglinga
með fjölskyldum sínum."
Um íþróttamál segir m.a. að
lengri frítími borgarbúa kalli á
vaxandi íþrótta- og tómstunda-
starfsemi og að leggja beri sér-
staka rækt við fjölskylduíþróttir.
I fræðslumálum er m.a. tekið
fram að stefna skuli að því að allir
grunnskólar borgarinnar verði
einsettir frá 4ða bekk og skóladag-
ur nemenda verði samfelldur, auk
þess sem nemendum verði gert
kleift að neyta málsverðar í skól-
anum. Félags- og tómstundastarf í
skólum verði eflt og sérstök
áhersla lögð á samstarf skóla, for-
eldra og frjálsrar félagsstarfsemi
í viðkomandi hverfi.
Flokksbræður mínir tveir hafa í
greinum í blaði þessu fjallað um
málefni aldraðra og heilbrigðis-
mál og er þeim málaflokkum því
sleppt í þessari samantekt.
Eflum einstaklinginn
og fjölskylduna
Þessi dæmi, sem hér hefa verið
tilgreind úr stefnuskrá sjálfstæð-
ismanna við borgarstjórnarkosn-
ingar í vor, varpa skýru ljósi á, að
á öllum sviðum byggir stefnu-
mörkunin á þeirri grundvallar-
hugsun að efla beri og styrkja ein-
staklinginn og fjölskylduna. Það
er jafnframt með þessum hætti,
sem við vinnum áhrifaríkast að
jafnrétti karla og kvenna.
Karl Strand yfirlæknir þakkar Arndísi Þórðardóttur, formanni Hvítabandsins, fyrir gjöfina.
Verkamannafélagið Hlíf:
Hallgrímur Pétursson
endurkjörinn formaður
4 HALLGRÍMUR Pétursson var
endurkjörinn formaður verka-
mannafélagsins Hlífar í Hafnar-
firði, á aðalfundi félagsins hinn
29. apríl siðastliðinn. Einn listi
kom fram við stjórnarkjör, listi
uppstillingarnefndar og trúnaðar-
ráðs.
í aðrar stjórnarstöður og önn-
ur trúnaðarstörf voru kjörnir:
Varaformaður, Sigurður T. Sig-
urðsson, ritari, Hörður Sigur-
steinsson, gjaldkeri, Eðvald
Marelsson, vararitari, Stefán
Björgvinsson, fjármálaritari,
Guðbergur Þorsteinsson, með-
stjórnandi, Ólafur Jóhannsson.
Varastjórn: Sigurvin Guð-
brandsson, Kolbeinn Sigur-
jónsson, Sófus Berthelsen.
Endurskoðendur: Helgi Sæ-
mundsson, Kristján Ólafsson og
til vara Ragnar H. Jóhannesson.
Trúnaðarmannaráð: Sigvaldi
Andrésson, Stefán Hallgríms-
son, Ragnar Árnason, Sigur-
bjartur Loftsson.
Hvítabandskonur gefa geðlækningatæki
DAGDEILD Geðdeildar Borgarspít-
alans barst sl. miðvikudag, upptöku-
og myndsegulbandstæki að gjöf frá
Hvítabandinu. Tæki þessi verða
einkum nýtt til fræðslu og lækninga,
en verðmæti þeirra er rúmar 100
þús. kr.
Arndís Þórðardóttir afhenti
tækin fyrir hönd Hvítabands-
kvenna. Sagði hún við það tæki-
færi að nú væru 87 ár frá stofnun
Hvítabandsins og 50 ár frá stofn-
un sjúkrahúss þess við Skóla-
vörðustíg, sem lengst af hefði
haldið nafni félagsins á lofti. Til-
efni tækjakaupanna nú væri sú
mikla þörf sem fyrir þau hefði
verið á dagdeildinni, og sýndi
þetta átak vel hvers hin gömlu
líknarfélög væru megnug.
Karl Strand, yfirlæknir Geð-
deildar Borgarspítalans, þakkaði
Hvitabandskonum þá ótrúlegu
rausn sem þær hefðu sýnt. Kvaðst
Karl veita þessum tækjum mót-
töku með hrærðu hjarta, en
Hvítabandið væri einstakur fé-
lagsskapur, sem hann vonaðist til
að mætti blómgast í framtíðinni.
Deildarlæknir Dagdeildar, Páll
Eiríksson, útskýrði fyrir viðstödd-
um hvernig tækin verða notuð og
fjallaði síðan almennt um starf-
semi Dagdeildar, sem nú hefur
verið starfrækt frá haustinu 1979.
Páll sagði það fyrst og fremst
kosti dagdeilda, að þær brúuðu
bilið milli göngudeildar og sjúkra-
hússvistar. Á Dagdeild Geðdeildar
Borgarspítalans væri lögð mikil
áhersla á náin tengsl við maka og
fjölskyldu, og að fjölskyldubönd
treystust.
Ólafur Ólafsson landlæknir
flutti viðstöddum kveðju heil-
brigðismálaráðherra. Kvað Ólafur
það skoðun sína að það ætti að
reka meira af dagdeildum í heil-
brigðiskerfi okkar. Hérlendis virt-
ist sem meðal legutími á stofnun-
um væri lengri en víðast erlendis,
enda væri dagdeildarekstur meiri
þar. Dagdeildameðferð væri í
flestum tilvikum mun manneskju-
legri en stofnanavist.
Dagdeild Geðdeildar Borgar-
spítalans hefur útskrifað 75 sjúkl-
inga. Fastir starfsmenn þar eru
nú sex.
I LASTGERDIN sf. í Kópavogi hefur smíðað 5 rúmlesta plastbát, Mána SK
90. Báturinn er fullbúinn með sjálfstýringu, dýptarmæli, lóran og radar og
tilbúinn á veiðar. Þannig útbúinn kostar hann 500.000 kr, en bátar eru einnig
afhentir á öðrum byggingarstigum. Þetta er fyrsti báturinn sem Plastgerðin
framleiðir, en þegar eru 9 bátar í pöntun hjá fyrirtækinu. Kigendur Mána SK
90 eru Stefán og Birgir Valdimarssynir, Sauðárkróki.