Morgunblaðið - 21.07.1982, Blaðsíða 5

MORGUNBLAÐIÐ, MIÐVIKUDAGUR 21. JÚLÍ1982
5
W|
10
Austurstræti
simi: 27211
Prestskosn-
ing 1 Glaumbæ
Prestskosningar verða i Glaumbej-
arprcstakalli í Skagafjarðarprófasts-
dæmi sunnudaginn 25. júli. Þar er
einn umsækjandi, Gísli Gunnarsson,
guðfræðingur frá Háskóla íslands sið-
an nú í vor.
Gísli er 25 ára Skagfirðingur, son-
ur Gunnars Gíslasonar prófasts í
Glaumbæ, sem lætur nú af prests-
skap eftir 39 ára þjónustu, og konu
hans Ragnheiðar Ólafsdóttur.
Glaumbæjarprestakall hefur 2 út-
kirkjur, Reynisstað og Víðimýri.
Kona Gísla Gunnarssonar er Þuríð-
ur Þorbergsdóttir frá Brúnahlíð í
Aðaldalshreppi.
Gísli Gunnarsson
Anorakkar — Blússur
— og buxur í fjörlegum sumarlitum
Prestskosning 1 Bjarnanesi
Sigurður Arngrímsson
Önundur Björnsson
Prestskosning verður í Bjarna-
nesprestakalli í Skaftafellsprófasts-
dæmi á sunnudaginn, 25. júlí. Um-
sækjendur um prestakallið eru tveir.
Sigurður Arngrímsson, guð-
fræðingur, sem lauk prófi nú í vor.
Sigurður er fimmtugur að aldri,
ættaður frá Isafirði og hefur
stundað sjómennsku í fjölda ára.
Kona Sigurðar er Sigríður Lofts-
dóttir frá Sandlæk í Gnúpverja-
hreppi.
Önundur Björnsson, sem lauk
guðfræðiprófi í janúar sl. Önund-
ur er 32ja ára Reykvíkingur og
stundaði kennslu í nokkur ár með
námi. Frá vori 1981 hefur Önund-
ur unnið við Ríkisútvarpið/hljóð-
varp og blaðamennsku upp á síð-
kastið.
Útkirkjur frá Bjarnanesi eru
Stafafell í Lóni og Hafnarkirkja.
Séra Einar Jónsson sóknarprestur:
Þrír prestar embættuðu
samtímis í Árneskirkju
Hólmavík, 20. júlí.
í ÁRNESI á Ströndum hefur ekki
setið prestur sl. 15 ár. Þangað er nú
nýkominn prestur.
Það heyrir til tíðinda hér um
slóðir að þrír prestar embættuðu
samtímis í Árneskirkju sl. sunnu-
dag. Séra Andrés ólafsson í
Hólmavík, sem þjónað hefur ár-
lega í aukaþjónustu í rúmlega 25
ár kvaddi söfnuð sinn. Og séra
Róbert Jack, prófastur í Húna-
vatnsprófastsdæmi setti nýkjör-
inn sóknarprest í Árnesi, séra
Einar Jónsson inn í embætti. Mik-
ið fjölmenni var við athöfnina,
kirkjan troðfull og meira en það.
Eftir athöfnina í kirkjunni var öll-
um kirkjugestum boðið til veglegs
samsætis í samkomuhúsinu. Þar
voru heiðursgestunum, prests-
hjónunum í Hólmavík, séra
Andrési og konu hans, Arndísi
Benediktsdóttur, færðar þakkir
fyrir störf þeirra og góð kynni í
meira en aldarfjórðung. Þeim var
fært að gjöf frá söfnuðinum veg-
legt málverk af Árnesi, eftir Sig-
urpál ísfjörð, málara í Kópavogi.
Jafnframt var hinn nýi sóknar-
prestur, séra Einar Jónsson og
fjölskylda hans boðin velkomin í
prestakallið. margar ræður voru
fluttar í samsætinu og almennur
söngur. Var þetta hinn ágætasti
mannfagnaður og veitingar veg-
legar. Allir fóru kirkjugestir heim
til sín ánægðir eftir minnisstæðan
dag.
Árnessöfnuður hefur nú ákveðið
að reisa nýja kirkju í Árnesi, í
stað hinnar gömlu, sem orðin er
hrörleg. Er þegar hafinn undir-
búningur þess verks. Kosin hefur
verið byggingarnefnd og fjáröflun
hafin. Gjafir hafa þegar borist til
hinnar nýju kirkju og rekabændur
á Ströndum hafa lofað að gefa
timbur til kirkjunnar. Tillögu-
teikning var gerð sl. vetur af hinni
nýju kirkju.
Engin uppgjöf er í fólki í Ár-
neshreppi, þótt illa voraði þar sl.
vor og ekki útlit fyrir að sláttur
hefjist fyrr en eftir næstu mán-
aðamót. I Árneshreppi býr táp-
mikið, duglegt og einlægt fólk,
sem vant er harðri lífsbaráttu og
kippir sér ekki upp við smá áföll.
— FréltarlUri
Sr Kári Valsson
Sr. Trausti Pétursson
Tveir prestar láta af
störfum vegna aldurs
Þeir séra Trausti Pétursson, pró-
fastur og séra Kári Valsson, hafa
hlotið lausn frá embætti vegna ald-
urs frá 1. október.
Prestaköllin sem þeir hafa þjón-
að, Djúpivogur í Áustfjarðapró-
fastsdæmi og Hrísey í Eyjafjarð-
arprófastsdæmi eru nú auglýst
laus til umsóknar. Ennfremur
Háls í Þingeyjarprófastsdæmi, en
séra Pétur Þórarinsson, sem þar
hefur þjónað, hefur verið skipaður
prestur á Möðruvöllum í Hörgár-
dal.
Umsóknarfrestur er til 22.
ágúst.
Séra Trausti Pétursson er 68
ára að aldri. Hann vígðist til
Sauðlauksdals og var í hópi hinna
9 presta sem vígðust á lýðveldis-
hátíðinni 1944. Djúpavogi hefur
hann þjónað í 33 ár. Hann hefur
verið prófastur og kirkjuþings-
maður Austfirðinga til margra
ára. Kona hans er Borghildur
María Rögnvaldsdóttir.
Séra Kári Valsson er 71 árs.
Hann las norræn fræði í heima-
landi sínu, Tékkóslóvakíu, og síðar
í Lundi og Reykjavík. Hann lauk
guðfræðiprófi við Háskóla íslands
1954 og vígðist það ár til Hrafns-
eyrar. Hríseyjarprestakalli hefur
séra Kári þjónað frá 1966.
Kona hans, Ragnheiður Ófeigs-
dóttir frá Næfurholti, lést árið
1970.