Morgunblaðið - 25.08.1982, Side 2
2
MORGUNBLAÐIÐ, MIÐVIKUDAGUR 25. ÁGÚST 1982
Bllar hækka á
bilinu 14—20%
BÍLAR hækka verulega i verði um
þessar mundir, annars vegar vegna
hækkunar á sérstöku gjaldi af bif-
reiðum og bifhjólum og hins vegar
vegna gengisfellingarinnar. Hækk-
unin er nokkuð mismunandi, en
samkvæmt upplýsingum Mbl.,
mun ekki vera óalgengt, að venju-
legir fólksbílar hækki á bilinu
14—20%.
Sem dæmi um hækkunina má
nefna, að Volvo 244 DL, sem
fyrir gengisfellingu kostaði lið-
lega 200 þúsund krónur, kostar
nú liðlega 239 þúsund krónur. Þá
kostaði Volvo 244 GL liðlega 223
þúsund krónur, en kostar nú um
263 þúsund krónur.
Þá má nefna, að Mazda 323,
1.300, 3 dyra, sem kostaði fyrir
gengisfellingu 112 þúsund krón-
ur, kostar nú liðlega 128 þúsund
‘ krónur. Saloon-útfærsla af
Mazda 323, sem kostaði fyrir
gengisfellingu um 118 þúsund
krónur, kostar nú liðlega 135
þúsund krónur.
15—28% verðhækkun
á heimilistækjum
í KJÖLFAR gengisfellingar
hækka heimilistæki nú um 15 til
28 prósent. Þetta kom fram í sam-
tali Mbl. við William Gunnarsson,
sölustjóra hjá Heimilistækjum i
gær.
William nefndi sem dæmi að
verðhækkun á útvörpum og sjón-
vörpum væri í kringum 26 pró-
sent, að 20 tommu sjónvarp
hækkaði úr kr. 12.638 í kr.
15.868. Á smærri heimilistækj-
um sem ekki bæru vörugjald, svo
sem ryksugum og hrærivélum,
væri hækkunin frá 15 til 20 pró-
sent. Verð kæliskápa hækkaði
um nálægt 20 prósent og sem
dæmi um hækkun á verði
þvottavéla nefndi William eina
algenga tegund sem hækkaði úr
kr. 7.8% í kr. 9.439.
Mesta kvað William hækkun-
ina vera á myndsegulbandstækj-
um og venjulegum segulbands-
tækjum, þar væri hún 27 til 28
prósent, enda væri vörugjald á
þessum tækjum hátt eða allt að
40 prósentum. William nefndi
dæmi um myndsegulbandstæki
sem kostað hefði kr. 22.400 en
kostaði nú eftir gengisfellingu
kr. 28.560.
Ferðakostnaður:
Spánarferð hækkar
um 3 þúsund krónur
VKGNA gengisfellingar hafa ís-
lenskar ferðaskrifstofur hækkað
gjaldskrá utanlandsferða um 9
prósent. Þetta var ákveðið á fundi
Félags islenskra ferðaskrifstofa
síðastliðinn fimmtudag, áður en
ríkisstjómin ákvað að fella gengið.
Að sögn Steins Lárussonar, for-
manns FÍF, höfðu þeir ferðaskrif-
stofumenn þá einhverjar upplýs-
ingar um að 13 prósent gengisfell-
ing væri í vændum.
Hækkun þessi tók strax gildi
fyrir allar ferðir sem farnar eru
eftir þann 20. þessa mánaðar, en
laust eftir síðustu mánaðamót
hafði FÍF ákveðið 4 prósent
hækkun á þessum sömu ferðum
vegna gengissigs. Sem dæmi um
áhrif gjaldskrárbreytingarinnar
nú í ágúst má nefna að þriggja
vikna ferð til Costa del Sol á
Spáni, miðað við tvo í íbúð, kost-
ar nú kr. 12.420 í stað kr. 11.224
áður.
íslenskur ferðamaður, sem
hyggur á Spánardvöl, hefur rétt
á að kaupa allt að 80 þúsund pes-
eta til fararinnar. Fyrir gengis-
fellingu þurfti hann greiða fyrir
þetta kr. 9.775, og er þá búið að
reikna með leyfisgjaldi, föstum
kostnaði, þóknun og 10 prósent
ferðagjaldeyrisálagningu. í dag
kosta þessir pesetar hann kr.
11.657.
Ef reiknað er með að ferða-
maður kaupi fyrrgreinda Spán-
arför og taki fullan gjaldeyri
kostar ferðin hann nú röskar 24
þúsund krónur í stað 21 þúsund
króna áður.
Flugfargjöld milli
landa hækka um 14%
FARGJÖLD milli landa hækkuðu í
verði í gærdag vegna gengisfell-
ingarinnar, en þau eru reiknuð i
erlcndri mynt. Hækkunin er um
14% samkvæmt upplýsingum, sem
Mbl. fékk hjá Flugleiðum.
Sem dæmi um hækkunina má
nefna, að ársmiði frá Keflavík til
Kaupmannahafnar kostaði fyrir
gengisfellingu 10.650 krónur, en
kostar eftir hana 12.136 krónur.
Svokallað „6—30 daga fargjald"
hækkar úr 7.661 krónu í 8.731
krónu. Þá hækkar Apex-fargjald
úr 5.325 krónum í 6.068 krónur.
Ársmiði á flugleiðinni milli
Keflavíkur og Frankfurt kostaði
fyrir gengisfellingu 11.832 krón-
ur, en kostar nú 13.484 krónur.
Apex-fargjald kostaði 5.984
krónur, en kostar nú 6.818 krón-
ur.
Þá má geta þess, að ársmiði á
flugleiðinni milli Keflavíkur og
New York kostaði fyrir gengis-
fellingu 8.385 krónur, en kostar
nú 9.555 krónur. Apex-fargjald
kostaði fyrir gengisfellingu 7.418
krónur, en kostar nú 8.453 krón-
Borgarritari segir
starfi sínu lausu
GUNNLAUGUR Pétursson
borgarritari hefur sagt starfi
sínu lausu frá og með 1. nóv-
ember að telja. Hann lætur nú
af störfum fyrir aldurs sakir,
en hann hefur starfað hjá
Reykjavíkurborg frá árinu
1956, eða í 26 ár.
JÉb* ' “ V ■ |||y
23.188 gestir höfðu heimsótt sýninguna Heimilið og fjölskyldan '82 i gærkvöldi, þegar hún lokaði. Mun það vera
sambærileg aðsókn og var á síðustu sýningu. Á myndinni má sjá sýningaratriði í bás líkamsræktarinnar Baðstofunn-
Ljóflmynd Mbl. KÖE
Hugarburður og óskhyggja
— segir Sighvatur Björgvinsson um hugsanlegan
stuðning Alþýðuflokks við bráðabirgðalögin
„ÞAÐ er af og frá,“ sagði Sighvatur Björgvinsson formaður þingfolkks
alþýðuflokksins í samtali við Morgunblaðið i gær, er hann var spurður hvort
rétt væri, sem heyrst hefur úr herbúðum stjórnarsinna, að Alþýðuflokkurinn
hygðist styðja bráðabirgðalög ríkisstjórnarinnar.
liða um að Alþýðuflokkruinn muni
hugsanlega greiða atkvæði með
„I merkingarlausu fylgiskjali
með bráðabirgðalögum ríkis-
stjórnarinnar," sagði Sighvatur,
„eru ýmis óskyld atriði talin upp,
sem ríkisstjórnin segist ætla að
skoða eða athuga eða hugsanlega
stefna að, en engar ákvarðanir
liggja fyrir um. Sum þessara at-
riða varða þingmál, sem Alþýðu-
flokkurinn hefur þegar flutt og
liggja fyrir Alþingi. Nærtækast
væri fyrir ríkisstjórnarflokkana,
ef þeir í alvöru eru að hugleiða
þessi mál, að greiða þá einfaldlega
frumvörpum Alþýðuflokksins at-
kvæði.
Ekkert þessara mála er hins
vegar að finna í bráðabirgðalögum
ríkisstjórnarinnar. Þar er ekki á
þau minnst með einum eða nein-
um hætti. Vangaveltur stjórnar-
bráðabirgðalögunum vegna þess,
að í merkingarlausu plaggi gefi
ríkisstjórnin í skyn, að stjórnar-
liðið hugleiði ef til vill að ganga til
fylgis við önnur og óskyld þingmál
Alþýðuflokksins, eru því hugar-
burður einn og óskhyggja," sagði
Sighvatur að lokum.
Vökull hf. hættir
starfsemi sinni
MORGUNBLAÐINU barst í gær
fréttatilkynning frá stjórn Vökuls
hf., sem er svohljóðandi:
„Stjórn Vökuls hf. hefur tekið
ákvörðun um að hætta starfsemi
félagsins, sem hefur um árabil
annast innflutning á bifreiðum frá
Bandaríkjunum og Frakklandi,
varahlutasölu og viðgerðir. Samn-
ingar standa nú yfir um að nýir
aðilar taki við bifreiðaumboðum
félagsins og fara þeir fram í sam-
ráði við hina bandarísku og
frönsku umboðsaðila. Meðal ann-
ars hafa farið fram viðræður við
Jöfur hf.
Munu nú fara fram slit á félag-
inu og uppgjör á því í samræmi
við hlutafélagalög.
Meginástæðan fyrir því að
fyrirtækið hættir nú er hin gífur-
lega hækkun Bandaríkjadalsins sl.
þrjú ár, sem leitt hefur til þess
m.a. að markaðshlutdeild banda-
rískra bíla er komin niður fyrir
2% af heildarbifreiðainnflutningi
landsmanna. Auk þess hafa aðrar
efnahagsaðstæður valdið þeim
erfiðleikum, sem leitt hafa til
þessarar ákvörðunar.
Stjórn Vökuls hf. væntir þess,
að þau óþægindi, sem viðskipta-
vinir fyrirtækisins kunna að verða
fyrir af þessum sökum verði svo
skammvin, sem framast er kostur
og mun leggja áherzlu á að svo
verði."
Tekinn með
talsvert magn
fíkniefna
UNGUR maður var tekinn á Kefla-
víkurflugvelii í fyrrinótt og var hann
með talsvert magn af kannabisefn-
um undir höndum, samkvæmt upp-
lýsingum sem Morgunblaðið fékk
hjá fikniefnadeild lögreglunnar í
gær.
Maðurinn var að koma frá Lux-
emborg og fundust fíkniefnin í
tösku hans við venjubundið toll-
eftirlit. Maðurinn var í gær yfir-
heyrður hjá lögreglunni, en í
gærkveldi var talið að ekki yrði
gerð krafa um gæsluvarðhald yfir
honum, því talið var að málið upp-
lýstist að fullu.
Jónas Jónasson
Jónas Jónas-
son lögreglu-
varðstjóri
látinn
JONAS Jónasson lögregluvarðstjóri
lést að morgni 24. ágúst sl.
Jónas var fæddur 24. maí árið
1916 á Kílalæk í Aðaldal og var hann
þvi 66 ára að aldri þegar hann lést.
Hann var fyrsti formaður Lands-
sambands lögreglumanna, en lands-
sambandið var stofnað árið 1968.
Jónas hætti formennsku þar á síð-
asta ári sökum heilsubrests.
Hann var kvæntur Sigríði Jó-
hannsdóttur, en hún er látin fyrir
nokkrum árum.
Mikill áhugi danska
forsætisráðherrans
seinkaði ferðinni
ANKER Jörgensen, forsætisráðherra
Danmerkur, ferðaðist ásamt fylgdar-
liði um Norðurland í gærdag og gekk
ferðin vel, að sögn Ólafs Egilssonar í
utanríkisráðuneytinu, en hann er í
fylgdarliði danska forsætisráðherrans.
Flogið var með flugvél Landhelg-
isgæziunnar til Akureyrar, en síðan
var farin skoðunarferð um bæinn,
þar sem lystigarðurinn var m.a.
skoðaður. Þá var hádegisverður í
boði bæjarstjórnar Akureyrar.
Frá Akureyri var ekið til Mývatns
með viðkomu við Goðafoss. Þá var
Kröflusvæðið skoðað, bæði mann-
virki og eldstöðvar. Frá Kröflu var
síðan ekið til Húsavíkur, þar sem
gestirnir skoðuðu m.a. kirkjuna og
Safnahúsið. Síðar var snæddur síð-
búinn kvöldverður í boði bæjar-
stjórnar Húsavíkur, en gestirnir
gistu síðan á Hótel Húsavík.
Að sögn Ólafs Egilssonar fór
áætlunin nokkuð úr skorðum, þar
sem dvalið var lengur á hverjum
stað en áætlaði hafði verið, m.a.
vegna mikils áhuga danska forsæt-
isráðherrans á íslenzkri menningu.