Morgunblaðið - 25.08.1982, Qupperneq 17
MORGUNBLAÐIÐ, MIÐVIKUDAGUR 25. ÁGÚST 1982
17
d ieitarinnar að gullskipinu. Á myndinni eru
ns-son, Sigurður Líndal, Bergur Lárusson og
ar, en þeir boruðu allt út fyrir seg-
ulfrávikið sem fyrst leiddi þá á
sporið. Jón Jónsson jarðfræðingur
og hópur leitarmanna hafði mælt
mjög nákvæmlega út nær 25 fer-
kílómetra stórt svæði og lang-
mesta segulfrávikið, um 2000
gamma, mældist á þessum stað í
október 1981. Þá voru lagðar línur
samsíða sjávarmáli frá fjöru-
mörkum Svínafells- og Skafta-
fellsfjöru með 10 metra bili milli
lína og síðan var mælt með 5—10
metra bili milli punkta. Að áliðn-
um degi 4. okt. 1981 lentu þeir í
þessu stóra segulsviði.
Jón taldi járnkjarnann sem
náðist að öllum líkindum úr einni
af fallbyssum skipsins. Jón kvaðst
telja að fyrsta stóra Skeiðarár-
hlaupið sem hljóp yfir skipið hafi
grafið það á það dýpi sem það er
nú á. „Ég held,“ sagði Jón, „að
sjálfur skipsskrokkurinn sé lítt
eða ekki brotinn og að í honum sé
það sem í honum var undir þiljum,
að mestu eða öllu leyti."
(Jr síðasta leiðangri leitarmanna í síðustu viku, þegar þeir boruðu af pramma
eftir eikarsýnum úr skipinu, en þau verða nú rannsökuð í Noregi, Hollandi
og Bandaríkjunum.
Þessi járnkjarni, sem náðist upp, er talinn vera úr einni af fallbyssum
gullskipsins.
Vöruskiptajöfnuður-
inn janúar — júlí:
Ohagstæður um
liðlega 1.654,8
milljónir króna
— en var óhagstæður um liðlega 409,3
milljónir króna á sama tíma 1981
Vöruskiptajöfnuður lands-
manna var óhagstæður um tæp-
lega 1.654,8 milljónir króna fyrstu
sjö mánuði ársins, en verðmæti
innflutnings var á þessu tímabili
liðlega 5.957 milljónir króna, en
verðmæti útflutnings hins vegar
liðlega 4.302,3 milljónir króna. Til
samanburðar var vöruskiptajöfn-
uðurinn óhagstæður um liðlega
409.3 milljónir króna á sama tíma
í fyrra. Vöruskiptajöfnuðurinn er
því liðlega fjórfalt meiri fyrstu sjö
mánuði ársins í ár, en hann var á
sama tíma í fyrra.
í júlímánuði var vöruskiptajöfn-
uður óhagstæður um liðlega 301,9
milljónir króna, þegar verðmæti
innflutnings var tæplega 938,4
milljónir króna, en verðmæti út-
flutnings hins vegar tæplega 636,5
milljónir króna. Til samanburðar
má geta þess, að vöruskiptajöfnuð-
ur landsmanna var hagstæður um
tæplega 44,7 milljónir króna í júlí-
mánuði í fyrra.
í útflutningi vegur þyngst út-
flutningur á áli og álmelmi, en
hann var að verðmæti tæplega
415.4 milljónir króna fyrstu sjö
mánuðina í ár, en til saman-
burðar var hann að verðmæti
tæplega 356,5 milljónir króna á
sama tíma í fyrra. I júlímánuði
var verðmæti áls og álmelmis
hins vegar aðeins tæplega 4
miiljónir á móti tæplega 47,8
milljónum króna á sama tíma í
fyrra.
Verðmæti útflutnings á kísil-
járni var tæplega 132 milljónir
króna fyrstu sjö mánuði ársins,
en til samanburðar var verð-
mætið tæplega 30 milljónir
króna á sama tíma. I júlímánuði
var útflutningur kísiljárns að
verðmæti tæplega 55,8 milljónir
króna, en var enginn á sama
tíma í fyrra.
í innflutningi vegur innflutn-
ingur fyrir Islenzka álfélagið
þyngst, en hann var að verð-
mæti liðlega 353 milljónir króna
fyrstu sjö mánuði ársins, en var
að verðmæti liðlega 276,1 millj-
ónir króna á sama tíma í fyrra.
Þá má nefna innflutning á skip-
um, sem var að verðmæti liðlega
252,8 milljónir króna fyrstu sjö
mánuði ársins, en á sama tíma í
fyrra var verðmætið liðlega 42,2
milljónir króna.
Við samanburð við utanríkis-
verzlunartölur 1981 verður að
hafa í huga, að meðalgengi er-
lends gjaldeyris í janúar-júlí
1982 er talið vera 44,5% hærra
en það var í sömu mánuðum
1981.
IURGREIÐSLUR V0RU
VÍSIT0LU 450 m kr
NIÐURGREIÐSLUR
í VÍSITÖLULEIK
H
NÝBYGGING vega
0G BRÚA 300 mkr
idslur á vöru og visitölu meö skattpeningum
a niður verðbætur á laun þeirra, í saman-
i fjárlagapósta.
hefur verið beitt niðurgreiðslum,
einkum á vörur sem hafa mikið
vægi í vísitölugrunni en oft lítið
vægi í heimilisútgjöldum, nú orð-
ið. Þannig eru skattpeningar
launafólks nýttir til að greiða
niður laun þess.
Á sama tíma, þ.e. frá haustinu
1978, hafa skattar, beinir og
óbeinir, verið hækkaðir sem nem-
ur 20.000 nýkrónum á hverja 5
manna fjölskyldu í landinu.
Málamiðlunin í ríkisstjórninni:
Af 19 greinum í óskafrumvarpi Al-
þýðubandalags náðu aðeins 2 fram
óbreyttar í bráðabirgðalögunum
ÞINGFLOKKUR Alþýðubandalagsins hafði fyrir helgi samið eigið frumvarp um efnahagsráðstafanir í 19 greinum og
sett fram óskalista um 11 atriði í efnahagsáætlun ríkisstjórnarinnar. Þessar hugmyndir Alþýðubandalagsins voru
birtar í heild í Þjóðviljanum á laugardag. Þær eru í ýmsum veigamiklum atriðum frábrugðnar bráðahirgðalögum
ríkisstjórnarinnar og því, sem fram kemur í yfirlýsingu ríkisstjórnarinnar vegna aðgerða í efnahagsmálum. Hafa
ráðherrar og þingflokkur Alþýðubandalagsins dregið í land um flest stefnumál sín og af samanburði á bráðabirgðalög-
unum og frumvarpi Alþýðubandalagsins má ráða, að þau tvö atriði af óskalista sínum sem flokkurinn fékk fram
óbreytt með bráðabirgðalögunum hafi verið, að verslunarálagning yrði lækkuð samkvæmt svonefndri 30%-reglu eftir
gengisbreytinguna og að öll laun yrðu skert um 2,9% 1. september næstkomandi.
1 1. grein frumvarps Alþýðu-
bandalagsins (hér eftir frv. Alþbl.)
er gefið til kynna, að ef til vill sé
ekki þörf á að skerða verðbætur á
laun 1. desember næstkomandi,
það skuli ráðast af samdrætti
þjóðartekna og þá fyrst skuli ríkis-
stjórnin framkvæma launalækk-
unina eftir að hún hefur rætt við
aðila vinnumarkaðarins. Því er
ekki heldur slegið föstu hve kjara-
skerðingin þurfi að vera mikil en
hún megi nema allt að helmingi
verðbóta.
I 1. grein bráðabirgðalaga ríkis-
stjórnarinnar (hér eftir brbl. rík-
isstj.) eru allir fyrirvarar Alþýðu-
bandalagsins fjarlægðir og
umbúðalaust ákveðið, að vegna
samdráttar þjóðartekna og í þeim
tilgangi að draga úr víxlgangi
kaupgjalds og verðlags skuli verð-
bætur á laun skornar niður um
helming 1. desember næstkom-
andi. Ekki er í brbl. ríkisstj.
minnst einu orði á samráð og við-
ræður við aðila vinnumarkaðarins
vegna launaskerðingarinnar.
í 3. gr. frv. Alþbl. er gert ráð
fyrir veltuskatti á fyrirtæki í
verslun og þjónustu, sem renni í
kjarajöfnunarsjóð. Ekki er minnst
á veltuskatt í brbl. ríkisstj., hins
vegar er vörugjald hækkað með
brbl. án þess að þar sé tilgreint,
hvert hinar auknu tekjur eigi að
renna. í 4. gr. frv. Alþbl. er mælt
fyrir um stofnun kjarajöfnunar-
sjóðs. Sjóðurinn er ekki nefndur í
brbl. ríkisstj. í 6. gr. frv. Alþbl. er
ákvæði um nýja viðmiðun við verð-
tryggingu lána, sem ekki eru í brbl.
ríkisstj. í 7. gr. frv. Alþbl. er
ákvæði um niðurfellingu launa-
skatts af iðnaði og fiskvinnslu,
sem ekki er í brbl. ríkisstj. í 8. gr.
frv. Alþbl. er ákvæði um heimild
til að leggja á allt að 1,3% aðstöðu-
gjald á atvinnurekstur og þjón-
ustu, sem ekki er í brbl. ríkisstj. í
10. gr. frv. Alþbl. er gert ráð fyrir
tímabundinni innborgunarskyldu,
sem ekki er í brbl. ríkisstj. í 11. gr.
frv. Alþbl. er ákvæði um stöðvun
erlendra vörukaupalána, sem ekki
er í brbl. ríkisstj. í 12. gr. frv.
Alþbl. er ákvæði um opinbert út-
boð á innflutningsleyfum, sem ekki
er í brbl. ríkisstj. í 13. gr. frv.
Alþbl. er ákvæði um að ríkis-
stjórnin ákveði þann hluta arðs
Seðlabankans sem skilað skuli í
ríkissjóð, sem ekki er í brbl. ríkis-
stj. í 14. gr. frv. Alþbl. er ákvæði
um að bankar skuli veita allt að
100 millj. til að lengja lán hús-
byggjenda 1982, ef ríkisstjórnin
ákveði slíka skipan, sem ekki er i
brbl. ríkisstj., í yfirlýsingu ríkis-
stjórnarinnar segir hins vegar, að
um þetta verði rætt við banka og
sparisjóði. í 15. gr. frv. Alþbl. er
ákvæði um skyldusparnað, sem
ekki er í brbl. ríkisstj. I 17. gr. frv.
Alþbl. er ákvæði um viðræðufundi
stjórnenda og starfsfólks í fyrir-
tækjum með fleiri en 10 starfs-
menn, sem ekki er í brbl. ríkisstj.
Hér hafa verið taldar 12 af 19
greinum í frv. Alþbl., sem sleppt
hefur verið í brbl. ríkisstj. Áður
hafa 1. greinar frv. Alþbl. og brbl.
ríkisstj. verið bornar saman. Þá
eru eftir 6 greinar úr frv. Alþbl. 4
þeirra eru í brbl. ríkisstj., þótt
ákvæðin þar séu ekki að öllu leyti
samhljóða hugmyndum Alþýðu-
bandalagsins, hér er um að ræða
ákvæði um 50 millj. kr. til
láglaunabóta, verslunarálagning
verði lækkuð við gengisbreyting-
una samkvæmt svonefndri 30% -
reglu, verðbætur á laun verði
skertar um 2,9% 1. september og
um ráðstöfun gengismunar.
Þá eru eftir tvær greinar úr frv.
Alþbl. I 5. gr. þess er ákvæði um
heimild fyrir ríkisstjórnina til að
fresta meiriháttar byggingar-
framkvæmdum opinberra stofn-
ana og fyrirtækja í allt að 18 mán-
uði. Akvæði um þetta er ekki að
finna í brbl. ríkisstj., heldur yfir-
lýsingunni sem lögunum fylgja (19.
liður). Þar segir, að ríkisstjórnin
muni þar sem ástæða þykir til
beita sér fyrir frestun á um-
fangsmiklum byggingafram-
kvæmdum opinberra stofnana og
fyrirtækja í allt að 18 mánuði. í 19.
gr. frv. Alþbl. er mælt fyrir um
það, að engin fiskiskip skuli flutt
til landsins „á næstu einu til
tveimur árum“. í yfirlýsingu ríkis-
stjórnarinnar er ákveðið, að inn-
flutningur fiskiskipa verði stöðv-
aður í tvö ár.