Morgunblaðið - 27.08.1982, Blaðsíða 13
MORGUNBLAÐIÐ, FÖSTUDAGUR 27. ÁGÚST 1982
13
Amerfska kvikmyndavikan:
„Týndu“ myndirnar
sýndar um helgina
„TÝNDU“ kvikmyndir Amerisku
kvikmyndavikunnar eru nú komn-
ar fram í dagsljósið, og er seinni
hluti vikunnar því hafinn. Sagði
Sigurjón Sighvatsson, sem stendur
fyrir sýningunni, í samtali við
Morgunblaðið, að filmurnar hefðu
lent í röngum pósti og því tafist í
þrjár vikur á leiðinni.
Myndirnar, sem sýndar verða í
dag, eru fjórar. Hinir sjö frá Sec-
aucus snúa aftur, er gerð 1978 og
er leikstjóri John Sayles. Þessi
mynd er sú kvikmynd, segir í
vandaðri sýningarskrá, hinna
svonefndu „sjálfstæðu" kvik-
myndagerðarmanna, sem fyrst
náði verulegri hylli almennings.
Myndin fjaílar um hóp amer-
ískra róttæklinga frá sjöunda
áratugnum, sem í dag eru að
reyna að fóta sig innan kerfisins.
Tíu árum eftir að hafa verið
handtekin fyrir að taka þátt í
mótmælagöngu hittast hinir sjö
frá Secaucus á ný.
Þá verður sýnd myndin Kaffi-
stofa kjarnorkunnar, sem reyndar
var líka sýnd í fyrri hluta
kvikmyndavikunnar. Það er nýj-
asta kvikmyndin á vikunni og
var hún frumsýnd aðeins fyrir
nokkrum mánuðum í Bandaríkj-
unum og vakti þá strax athygli.
Myndin er eingöngu unnin úr
áróðursmyndum um kjarnorku,
kjarnorkusprengingar, kjarn-
orkuvopn og varnir gegn kjarn-
orkustyrjöld, sem Bandaríkja-
stjórn lét gera á fimmta og
sjötta tug þessarar aldar. Einnig
verður sýnd myndin Hjartaland,
gerð 1979, en hún hlaut Gull-
björninn á kvikmyndahátíðinni í
Berlín 1981. Leikstjóri er Ric-
hard Pearce. Myndin er byggð á
dagbókum raunverulegrar land-
nemakonu, sem bjó í Wyoming-
fylki upp úr aldamótunum. Þetta
er saga þeirra landnema, þó
fyrst og fremst kvennanna, sem
tókst að lifa af þessa erfiðu tíma.
Samt er þetta ekki rómantísk
hetjusaga úr villta vestrinu.
Myndin er framleidd af konum
og handritið er skrifað af konu
og þykir eitt athyglisverðasta
framlag kvenna til bandarískrar
kvikmyndagerðar síðastliðin ár,
segir í kynningu myndarinnar.
Fjórða og síðasta myndin, sem
sýnd verður í dag, er Tylftirnar,
gerð 1980. Leikstjórar eru
Christina Dall og Randall
Conrad. Tylftirnar er sýnishorn
af sjálfstæðri kvikmyndagerð í
nágrenni Boston-borgar, sem í
dag er samastaður allmargra
sjálfstæðra kvikmyndagerðar-
manna. Myndin segir frá ungri
stúlku, sem reynir að aðlagast
þjóðfélaginu á nýjan leik eftir
tveggja ára dvöl í fangelsi fyrir
ávísanafals. Eins og Hjartaland
er myndin Tylftirnar unnin að
mestu leyti af konum.
Á laugardaginn verða sýndar
m.a. myndirnar Yfir, undir, ská-
hallt, niður, Clarence og Angel og
Neðanjarðarknaparnir. Sú fyrst-
nefnda er gerð 1977. Hún er sér-
stæð að því ieyti að hún er unnin
af pólitískum starfshópi og
henni er leikstýrt af þrem leik-
stjórum. Fjallar hún um líf og
umhverfi verkamannafjölskyldu
á vesturströnd Bandaríkjanna.
Clarence og Angel er gerð 1980 og
leikstjóri hennar er Robert
Gardner. Myndin er lýsing á
heimi og umhverfi hörunds-
dökkra barna í Harlem-hverfinu
í New York. Segir í henni frá
Clarence Cardova sem er 12 ára
gamall svertingi, sonur farand-
verkamanns, sem hefur nýlega
flust með fjöskyldu sinni til
stórborgarinnar frá Suðurríkj-
unum.
Neðanjarðarknaparnir er gerð
1979, leikstýrt af Amos Poe. Seg-
ir í henni frá lífi fimm persóna,
sem búa í neðri hluta Manhatt-
an-eyju. Mynd um tilfinningar
og ástríður, frægð og völd. Pers-
ónur í myndinni eru litríkar.
Geðklofa saxófónleikari, lesbísk
vændiskona, verðandi leikkona,
eiturlyfjaneytandi og kona með
miðilshæfileika.
Á sunnudaginn verða svo
sýndar Kaffistofa kjarnorkunnar,
Hjartaland, Tylftirnar og Hinir sjö
frá Secaucus snúa aftur.
Bladamannafélag
íslands;
Þakkir og
stuðningur
við Friðjón
Guðröðarson
Morgunblaðinu hefur bor-
izt eftirfarandi samþykkt,
sem gerð var á stjórnarfundi
í Blaðamannafélagi íslands í
gær:
Stjórn Blaðamannafélags ís-
lands óskar að koma á framfæri
þökkum og stuðningi við Friðjón
Guðröðarson, sýslumann og
lögreglustjóra á Höfn í Horna-
firði, vegna góðrar samvinnu
hans við starfsmenn fjölmiðla
er fylgdust með hörmungarat-
burðunum í Öræfum fyrr í þess-
um mánuði. Stjórnin er þess
fullviss, að hún talar fyrir munn
meginþorra íslenskra atvinnu-
blaðamanna er hún lýsir yfir
stuðningi við starfsaðferðir
sýslumanns gagnvart fjölmiðl-
um og við miðlun upplýsinga til
landsmanna af þeim atburðum
er þarna áttu sér stað, atburðum
er öll þjóðin fylgdist með af
óhug. Það var skylda fjölmiðla
þessa daga, sem endranær, að
gefa sem gleggstar upplýsingar
af framgangi málsins. Oft hefur
mjög skort á við svipaðar að-
stæður, að blaða- og frétta-
mönnum væri gert kleift að
gegna þeim skyldum sínum.
Friðjón Guðröðarson sýslumað-
ur á þakkir skildar fyrir að veita
dygga aðstoð við það.
Framlcibslu
leyivdarmál
w sem þú nýtur
góðs af...
SPRED Latexlakk er bandarískt framleiðslu-
leyndarmál sem HARPA H/F hefur
umboð fyrir hér á landi.
SPRED Latexlakk er árangur snjallrar
hugmyndar og þrotlausra rannsókna þarsem
niðurstaðan er þrælsterkt lágglansandi
vatnsþynnt lakk, sem auðvelt er að
mála með pensli eða rúllu.