Morgunblaðið - 22.03.1983, Page 3

MORGUNBLAÐIÐ, ÞRIÐJUDAGUR 22. MARZ 1983
3
Gunnar Thoroddsen verður ekki í
kjöri í komandi alþingiskosningum
GUNNAR Thoroddsen for-
sætisráðherra hefur lýst því
yfir að hann verði ekki í kjöri
við kosningarnar 23. apríl nk.
Á fundi sem Gunnar sat með
stuðningsmönnum sínum í
Þingholti á sunnudag sagðist
Gunnar hafa tekið þessa
ákvörðun aö vandlega athug-
uðu máli.
Samkvæmt heimildum
Mbl. mun Gunnar hafa lýst
því yfir, að ákvörðun hans
byggðist annars vegar á
óskum fjölskyldu hans um
að hann dragi sig í hlé og
hins vegar á því að hann
teldi sjálfur kominn tíma
til þess.
Mbl. barst í gær eftirfar-
andi fréttatilkynning frá
forsætisráðherra: „Að und-
anförnu hefur mér borist
mikill fjöldi áskorana um
framboð við næstu alþing-
iskosningar í Reykjavík.
Ég met mjög mikils þess-
ar ótvíræðu yfirlýsingar um
traust, vinsemd og stuðning
og þakka þeim þúsundum,
sem að þeim standa.
Að vandlega athuguðu
máli hef ég samt ákveðið að
verða ekki í kjöri við kosn-
ingarnar 23. apríl.“ Ekki
tókst að ná sambandi við
Gunnar í gær vegna þessa.
Gunnar Thoroddsen flytur ræðu
sína á Alþingi við þinglok.
Fagna
ákvörðun
Gunnars
— segir Geir
Hallgrímsson
„Ég fagna því, að Gunnar
Thoroddsen fer ekki í framboð
gegn Sjálfstæðisflokknum og
vænti þess, að allir sjálfstæð-
ismenn standi saman í þeirri
baráttu, sem framundan er,“
sagði Geir Hallgrímsson, for-
maður Sjálfstæðisflokksins, er
Morgunblaðið leitaði umsagnar
hans um þá ákvörðun Gunnars
Thoroddsen að bjóða sig ekki
fram til Alþingis á ný.
Tel að
hann muni
stuðla að
sigri Sjálf-
stæðis-
flokksins
— segir Albert
Guðmundsson
„Við ákvörðun forsætisráð-
herra að draga sig í hlé frá
stjórnmálum er vissum þætti ís-
lenzkra stjórnmála að ljúka og
þjóðin stendur þá á vegamót-
um,“ sagði Albert Guðmundsson,
efsti maður á lista Sjáflstæðis-
flokksins i Reykjavík.
Hann sagði einnig: „Framund-
an er björt framtíð ef við töpum
ekki áttum. Það er leið Sjálf-
stæðisflokksins. Hin leiðin er til
vinstri til hinna flokkanna.
Vinstri stefnan er margklofin,
flokkarnir þar eru fimm, allir
með hliðstæða stefnu. Ég tel mig
vita, að dr. Gunnar Thoroddsen
muni hér eftir sem hingað til
stuðla að sigri Sjálfstæðisflokks-
ins með áhrifamætti sínum og
að stuðningsmenn hans muni
gera það líka. Allt eru þetta
sjálfstæðismenn sem vilja sam-
stæðan, sterkan Sjálfstæðis-
flokk.“
Þaö óhapp varö í Akraneshöfn i gær þegar veriö var að sjósetja tb.
Ljúfuna að tóg sem notuð var til að hífa hann í sjó, gaf sig með þeim
afleiðingum aö trillan rakst í brvggjukantinn og lenti síöan í sjónum og
sökk þar. Kraninn sem notaður var við verkið gat fljótlega híft trilluna
upp og voru þá festingar lagfærðar og trillan síöan tekin á land. Engin
slys urðu á mönnum en skemmdir á trillunni umtalsverðar. J.G.
„Kosningaskjálfti
komma og krata44
— segir Ragnar S. Halldórsson um yfirvinnubannið í Álverinu
„OKKAR álit er það að hér sé bæði
um lagabrot að ræða varðandi frið-
arskyldu á samningstíma og brot á
kjarasamningi, sem kveður á um
ákveðinn taxta vegna yfirvinnu. Þá
er vafalaust pólitík í þessu. Kratafor-
ystan í Hlíf virðist vera að reyna að
afsanna þaö, að menn hafi náð góð-
um kjarasamningum hér í Alverinu,
eins og Vilmundur hefur haldið
fram.
Þetta virðist dæmi um kosn-
ingaskjálfta krata og komma,“
sagði Ragnar S. Halldórsson, for-
stjóri Íslenzka álfélagsins, er
Morgunblaðið ræddi við hann um
áhrif boðunar yfirvinnubanns í
Álverinu.
„Enn eru ekki komin fram áhrif
vegna yfirvinnubannsins, sem tók
gildi hér í Álverinu um helgina, en
búast má við að svo verði og gæti
það þá komið fram í minnkandi
framleiðslu. Fari svo verður eðli-
lega að segja upp starfsmönnum í
hlutfalli við minnkandi fram-
leiðslu. Slíkt er auðvitað mjög
óheppilegt þegar heimsmarkaðs-
verð á áli fer hækkandi, en vilji
starfsmenn ekki framleiða, getum
við það ekki heldur þó við viljum.
Síðustu þrjá mánuði yfirstaðins
árs vorum við með um 3% yfir-
vinnu og það teljum við eðlilegt,
en í janúar og febrúar hefur gegnt
allt öðru máli vegna erfiðleika
vegna blautu rafskautanna. Þá
lögðust menn á eitt um að bjarga
því, sem bjargað varð og við met-
um það, en að yfirvinna vegna
þess eigi að vera einhver framtíð-
arstefna er auðvitað fjarstæða.
Þarna var aðeins um tímabundna
erfiðleika og mikla yfirvinnu
vegna þess að ræða,“ sagði Ragn-
ar.
BENIDORM ELDRI BORGARA 13. APRÍL:
Sérstaklega þægileg ferð fyrir eldriborgara i
fylgd hjúkrunarfræðings. Dvalið í góóum íbúð-
um eóa á hótelum meó fæði. Vorió er sannar-
lega komið á þessum tíma og hitinn ákaflega
þægilegur. Brottför 13. apríl. heimkoma 11. mai
(28 dagar) Verð frá 12.900 í íbúöum.
Fjögurra vikna ferð fyrir þriggja vikna verð.
SUMARÁÆTLUN:
Alls verða farnar níu ferðir til BENIDORM í sum-
ar, flogið er í beinu leiguflugi. Lengd ferða er 3
vikur. Gistimöguleikar eru allmargir, íbúðir eða
hótel og mismunandi verðflokkar. Gerið sjálf-
stæðan samanburð á verði og greiðslukjörum.
Sumaráætlun: 30. marz (páskaferð) 13. apríl, 11.
maí, 1. júní, 22. júní, 13. júlí, 3. og 24. ágúst, 14.
sept. 5. okt.
BEINT DAGFLUG
BEWT MCTUIGISOUKIHIP A
PÁSKAFERÐ 30. MARZ:
Eins og áður býður FERÐAMIÐSTÖÐIN þessa
vinsælu feró á suðurströnd Spánar til borgar-
innar BENIDORM. Þaó vorar snemma á Hvítu
ströndinni og meðalhitinn á þessum árstíma er
um 24 stig. Vegna hins þægilega loftslags og
vorhlýinaa nýtur þessi staður mikilla vinsælda
Evrópubúa sem stytta veturinn með dvöl um
Páskana á BENIDORM ströndinni. Njótið þess í
fimmtán daga ferð 30. marz. Dvalið í íbúðum
eða hótelum meó fæði.
Verð frá: 11.900 I Ibúöum.
PANTIÐ TÍMANLEGA
FERÐAMIÐSTODIIM
AÐALSTRÆTI9
SÍMI28133 11255