Morgunblaðið - 31.03.1983, Blaðsíða 15

MORGUNBLAÐIÐ, FIMMTUDAGUR 31. MARZ 1983
63
Kórtónleikar á Sel-
fossi og í Skálholti
Vill tafarlaust raunhæfar
aðgerðir til að rétta við
hag Áburðarverksmiðjunnar
Samkór Selfoss og Kirkjukór Sel-
foss halda sameiginlega tónleika á
Tóstudaginn langa, þann 1. aprfl nk.
Sungið verður í Selfosskirkju kl. 3
og í Skálholti kl. 9. um kvöldið. Kór-
arnir munu flytja sameiginlega m.a.
Lokakór úr Mattheusarpassíum
Bachs og ýmislegt annað sem minnir
á þá miklu hátíð sem fer í hönd.
Auk þess munu kórarnir syngja
fáein lög, hvor fyrir sig.
Stjórnendur kóranna eru Glúraur
Gylfason og Björgvin Þ. Valdimars-
son, en þeir annast einnig undirleik.
Þá kemur einnig fram ungur tromp-
HVERAGERO
Nýja byggðarmerkið, sem Hvergerð-
ingar hafa eignast.
Hveragerði
eignast
merki
llveragerði, 23. mars.
HREPPSNEFND Hveragerðis
ákvað seint á síðasta ári að efna til
samkeppni um tillögur að byggðar-
merki fyrir hreppsfélagið. Heitið var
verðlaunum að upphæð kr. 5.000 og
urðu undirtektir mjög góðar því alls
bárust um 80 tillögur frá 27 aðilum.
Nú var úr vöndu að ráða og
velja og brá þá hreppsnefndin á
það ráð að hafa sýningu á öllum
tillögunum yfir eina helgi í barna-
skólanum. Kom mikill fjöldi bæj-
arbúa á sýninguna og greiddi at-
kvæði með því merki sem féll best
í smekk hvers og eins. Að lokum
valdi svo hreppsnefndin úr vinsæl-
ustu tillögunum. Merki það sem
varð fyrir valinu er í hvítum og
bláum litum og sýnir gufustrók
sem myndar blóm og eitt blaðið á
blóminu er í líki fugls og á hann
að vera fulltrúi fyrir „hverafugla"
sem eiga að hafa sést syndandi á
heitum hverum hér í Hveragerði
og víðar eftir því sem sögur
herma.
Höfundur merkisins er Helgi
Grétar Kristinsson, málarameist-
ari, Heiðmörk 17 í Hveragerði.
Helgi Grétar er einnig lærður
myndlistarmaður og hefur numið
þá list bæði heima og erlendis.
Hann kennir við Iðnskólann í
Reykjavík á veturna en stundar
iðngrein sína yfir sumarið og í frí-
tímum.
Byggðarmerkið okkar prýðir nú
allan póst bæjarfélagsins og sýn-
ist flestum að vel hafi tekist.
Sigrún
ctleikari, Jóhann Stefánsson. í flutn-
ingnum fá kórarnir aðstoð frá Sigur-
geir Hilmari Friðþjófssyni við lestur
texta í Mattheusarpassíunni. Þeir
sem að þessum tónleikum standa
vænta þess að sem flestir sjái sér
fært að koma og eiga hátíðlega
stund á þessum hátíðisdegi.
Á BÚNAÐARÞINGI sem lauk fyrir
nokkru var áburðarverðhækkun um
121%, sem fregnir höfðu borist um
að þörf væri á til að Áburðarverk-
smiðja ríkisins gæti starfað eðlilega,
brennandi mál hjá þingfulltrúum.
Þrjú erindi voru lögð fyrir þingið um
þetta mál og var þeim slegið saman í
eina ályktun hjá Jarðræktamefnd
Búnaðarþings. Var hún svohljóðandi
og samþykkt frá Búnaðarþingi:
„Bunaðarþing skorar á Alþingi
og ríkisstjórn að gera nú tarfar-
laust raunhæfar aðgerðir til þess
að rétta við fjárhagsstöðu Áburð-
arverksmiðju ríkisins í Gufunesi,
með því að veitá henni framlag til
greiðslu á skuldum, sem safnast
hafa upp síðastliðin 4 ár vegna
rekstrarhalla verksmiðjunnar og
talið er nema fullum helmingi
þeirrar hækkunar á áburðarverði,
sem nú er talin þörf fyrir.
Jafnframt verði verksmiðjunni
útvegað innlent rekstrarlán, svo
sem flest stærri innlend iðnfyrir-
tæki hafa fengið að undanförnu."
Greinargerðin sem fylgdi tillög-
unni var svohljóðandi:
„Hækkun áburðarverðs um
121% eins og nú liggur fyrir að
þurfa muni til þess að halda
áfram rekstri Áburðarverksmiðju
ríkisins, hlýtur að leiða til algjörs
öngþveitis í framleiðslumálum
landbúnaðarvara.
Fjölda bænda verður um megn
að kaupa þann áburð, sem bú
þeirra þurfa til þess að halda uppi
nægilegri framleiðslu á búvöru
fyrir innanlandsmarkað. Þá mun
og þessi verðhækkun valda yfir 10
stiga hækkun á grundvelli land-
búnaðarins, sem þýðir 2—3%
hækkun á öllu kaupgjaldi í land-
inu.
Þá má benda á það að mikill
hluti af áburðarhækkuninni í ár
er tilkominn vegna taprekstrar
undanfarandi ára, sem fjármagn-
aður hefur verið með erlendu
lánsfé og þar með tekið á sig
margfaldar gegnisfellingar, en
innlent lánsfjármagn hefur verið
ófáanlegt til þessarar framleiðslu.
Því gerir Búnaðarþing kröfu til
þess að ríkisvaldið komi verk-
smiðjunni til aðstoðar með
fjárframlögum og fjármálafyrir-
greiðslu."
Hafskip á meginlandi Evrópu:
Stórbætt
þjónustuaðstaða í
Hambore
Hamborg er með stærstu viðskiptahöfnum okkar á meginiandi Evrópu.
Þangað koma fjölhæfniskip okkar Skaftá og Rangá vikulega, lesta og losa vörur.
Frá og með 1. apríl hefur Hafskip hf. stórbætt alla aðstöðu sína í Hamborg hvað varðar
lestun og losun, þar sem fullkomnustu tækni er beitt.
Ennfremur opnað eigin þjónustuskrifstofu í Hamborg með eigin starfsmönnum
frá sama tíma.
Markmiðið er einfalt: Aukin hagkvæmni, betri vörumeðferð, lækkun flutningsgjalda og
hraðari þjónusta.
Hafskip (Deutschland) G.m.b.h.
Chilehaus A
Fischertwiete 2
2000 Hamburg 1
Sími (040) 339341 - 2 - 3
Telex 2165028 hafud
Forstöðumaður: Sveinn Kr. Pétursson.
Okkar menn,- þínir menn
HAFSKIP HF.