Morgunblaðið - 31.03.1983, Blaðsíða 18

66
MORGUNBLAÐIÐ, FIMMTUDAGUR 31. MARZ 1983
Ein útgáfan af vatnaliljunum sem entust Monet sem fyrirmynd
í nær 30 ár, til æfiloka hans. Birtan og endurskiniö á vatninu
hreif hann og málaði liljurnar á tjörninni í öllum birtubrigöum.
setja svo mikinn svip á Nor-
mandí-hérað, skarta nú öllum sín-
um hvítu blómum. Á leiðinni
norður til Rouen eru margir mið-
aldabæir með gömlum kirkjum,
sem vert er að líta inn i, t.d. 12.
aldar kirkjan í Nantes.
Rúðuborg stendur við enn einn
hlykkinn á Signu, en svo neðar-
lega að þangað upp sigla skip og er
þar stór höfn. Gamla miðborgin er
eitt safn og gaman að ganga þar
um þröngu göturnar frá miðöld-
um. Rúðuborg hefur verið höfuð-
borg Normandís síðan á 4. öld og á
enn, þrátt fyrir stríð, ótölulegan
fjölda af dásamlegum kapeilum,
kirkjum, turnum, gosbrunnum,
gömlum múrbindihúsum og öðr-
um minjum um glæsta fortíð. „Ó,
Rúðuborg, átt þú þá að verða minn
síðasti hvílustaður!" hrópaði trú-
arhetjan Jean D’Arc, þegar Eng-
lendingar drógu hana út á torgið
til að brenna hana 30. maí 1431.
Allar minjar um þann atburð eru
vel varðveittar. Hefur á torginu,
þar sem hún var brennd, verið
byggð um hana glæsileg minning-
arkirkja í nútímastíl, sem fellur
ótrúlega vel inn i, við þetta mið-
aldatorg. En markaður er í kring.
Þarna er hægt að reika um
marga daga og hafa nóg að skoða.
Þetta síðdegi létum við okkur þó
nægja að skoða gotnesku dóm-
kirkjuna sögufrægu frá 12. öld,
sem talin er ein fegursta kirkjan í
Frakklandi og er þá mikið sagt.
Kirkjan var raunar í byggingu frá
12. öld og fram á þá 16. og prýða
höggmyndir frá þessu skeiði fram-
hliðina, auk þess sem þar eru fagr-
ir steindir gluggar frá þessum
tíma. En áberandi er einn sér-
kennilegur og fínlegur turn úr
skreyttu járni, sem kom í staðinn
fyrir útskorinn tréturn, sem
brann. Kirkjan er öll viðgerð eftir
eyðileggingu stríðsins. Sagt er að
sú viðgerð hafi orðið til þess að
handverksmenn lærðu aftur sumt
af gömlu handtökunum, sem ann-
ars hefðu týnst, og því hafi svo
margt verið vel uppgert í borginni.
Ekki er að undra þótt Monet hafi
hrifist af þessari dómkirkju og
fært hana á ótal léreft.
Það er komið kvöld og ekki tími
til að dvelja lengi í Rúðuborg.
Annað áhugavert þar verður að
bíða betri tíma. En eftir hrað-
brautinni frá Rouen er fljótekið til
Parísar. Tekur ekki nema hálfa
aðra klukkustund. Fyrr um daginn
höfðum við heldur kosið að dóla
eftir sveitavegum með Signu, en
það er líka gott að geta gefið í,
þegar lokið er og komið kvöld.
- E-Pá.
Hina frægu miöaldadómkirkju íRouen málaöi Claude Monet
fimmtíu sinnum, í öllum blæbrigöum og margvíslegri birtu.
„Þetta er hringurinn
í kring um Heimaey"
— segir Guðni Hermansen listmálari í Eyjum um sýningu sína
/
Guðni Hermansen.
Ljósmyndir Sifnrfeir Jónuson.
„ÞETTA ERU allt mótív úr Vest-
mannacvjum, allt eins og það leggur
sig náttúrulífsmvndir úr Kvjum," sagði
Guðni Hermansen, listmálari, ( sam-
tali við Morgunblaðið en hann opnar
málverkasýningu ( AKOGES-húsinu í
Vestmannaeyjum á skírdag og stendur
sýningin fram á 2. í páskum. Guðni
sýnir að þessu sinni 39 málverk.
„Myndefnið á þessari sýningu er
eiginlega allt sótt í Oteyjarnar, sem
eru mitt uppáhald. Þetta er hringur-
inn í kringum Heimaey. Það er eng-
in hætta á að verða uppiskroppa
með mótfv á þessum miðum. Hér er
hægt að halda áfram án afláts
næstu 100 árin ef því er að skipta."
Flestar myndir Guðna á sýning-
unni eru málaðar á sl. ári og í vetur,
en þetta er 27. sýning Guðna. f gegn-
um árin hafa flestar mynda hans
selzt í Eyjum, en verulegur hluti fer
einnig til Reykjavíkur og þá hefur
listamaðurinn selt talsvert af mynd-
um til Norðurlandanna og Banda-
ríkjanna.
Guðni hefur tekið þátt í samsýn-
ingum í Færeyjum og á Grænlandi.
Hann hefur haldið þrjár einkasýn-
ingar í Reykjavík, en flestar sýninga
hans hafa verið í Eyjum.
Aðspurður um það hvort hann
hefði sérstakt yndi af að mála eitt
svæði í Vestmannaeyjum fremur
öðru, svaraði Guðni að Bjarnarey,
Elliðaey og Eyjafjallajökull væru
hans uppáhald. „Það er það sem
heiliar mig mest eins og er, en allt er
breytingum undirorpið í þessu sem
öðru.“
Sýning Guðna verður opnuð á
skírdagskvöld kl. 8 en er síðan opin
daglega frá kl. 2—10 fram á 2. í
páskum.
— á.j.
Lundakallar heitir þessi mynd Guðna, en ( bakgrunni er Álsey lengst til
vinstri, þá Heimaey með Helgafell og Sefell og eyjan Brandurinn er
lengst til hægri. Lengst í fjarska trónar síðan Eyjafjallajökull.
Hamarinn í Suðurey í fjarska.
Elliðacy, Bjarnarey og Eyjafjallajökull.
Sykursætt og máttlaust
Hljóm
rmwn
Finnbogi Marinósson
Christopher Cross
Another Page
Warner Bros. Rec./Steinar
Christopher Cross er þekktur
fyrir allt annað en að spila
þungarokk. Engu að síður er það
staðreynd, að þessi ljúfi „soft-
rokkari" var félagi i slíkri
hljómsveit. Hún hét „Flash“ og
ól manninn í heimaborg Christo-
phers, San Antonio. En þetta
gerðist fyrir mörgum árum og
eflaust vilja aðdáendur hans i
dag ekkert af þessu vita.
Fyrsta sólóplata hans kom út
1979 og hét einfaldlega „Christo-
pher Cross“. Hún fékk frábærar
viðtökur og sem dæmi um þær
fékk platan nokkur „Grammy-
verðlaun" þetta ár. Það er hins
vegar ekki fyrr en nú, fjórum ár-
um seinna, sem kappinn sendir
frá sér nýja plötu. Biðin hefur
verið löng, en það verður að segj-
ast að betur hefði maður gleymt
honum. Tónlistin er sem fyrr
rólegt „popp-rokk“, en miðað við
fyrri plötuna er sú nýja svipur
hjá sjón. Eða býður tónlistin
ekki upp á nema eina plötu?
Cross syngur eins og engill og
ekki verður honum um kennt.
Allur hljóðfæraleikur er í hönd-
um manna sem aldrei bregðast.
Lögin sem þeir spila eru flest
góð, en vilja renna saman og eft-
ir nokkra hlustun er það ekki á
hreinu hvort það var annað eða
þriðja lagið sem var gott. Eða
var það á hinni hliðinni? Útsetn-
ingar laganna bjóða heldur ekki
upp á að athyglin haldist út alla
plötuna. Þar stendur hnífurinn í
kúnni. Tónlistin er einhæf.
Fátt er svo með öllu illt að
ekki megi eitthvað finna gott í
því. Platan er prýðisgóð (svo
langt sem það nær) til að hafa
hana í bakgrunn. T.d. til að láta
hana ganga undir samræðum.
Þ.e.a.s. góð við allar aðstæður
þar sem ekki á að hlusta á tón-
listina.
FM/AM