Morgunblaðið - 08.05.1983, Blaðsíða 35
MORGUNBLAÐIÐ, SUNNUDAGUR 8. MAÍ 1983
35
PálínM Sigurbergsdóttir birgreiðslu-
meistMri með brasilísku sýningar-
stúlkunni sinni. Það var eiginmaður
hennar sem smíðaði nýsilfurskildi
til að prýða „fornkvennabúninga,,
hárgreiðslufólksins.
Lovísa Jónsdóttir er höfundurinn að
hárgreiðslunni á þessari sýningar-
stúlku.
Guðbjörn Sævar hárgreiðslumeist-
ari notaði gærubút í stíl við klæðn-
aðinn til að setja svip á sína hár-
greiðslu.
Elsa Haraldsdóttir með sinni sýn-
ingarstúlku á hárgreiðslusýning-
unni. íslenzka hárgreiðslufólkið
klæddist búningum í fornmannastíl.
Sigrfður Finnbjörnsdóttir og bír-
greiðshimódelið hennar.
Sigurður Benónýsson með sýn-
ingarstúlkunni, sem bar á höfðinu
hans sköpunarverk.
Marteinn fíuðmundsson virðist létt-
ur í lund, er banii virðir fyrir sér
sýningarstúlkuna sem ber hár-
greiðsluna hans.
Spjallað um útvarp og sjón varp
Það minnti á gamlársdags-
stemmningu á miðnætti
Þá er vorið loks komið og nú
lifnar yfir mannlífi. Farfuglar
eru komnir í hólmann við Tjörn-
ina í Reykjavík og við Ægissíð-
una er mikið fjör í byrjun maí-
mánaðar. Grásleppukarlar koma
á trillubátum með afla sinn að
landi og landkrabbar hópast á
staðinn til að verða sér úti um
nýjan rauðmaga. Nýr þulur, Að-
alsteinn Ásberg Sigurðsson, er
byrjaður hjá útvarpinu og hefur
viðkunnanlega rödd, er skýr-
mæltur og áheyrilegur. Hjá
sjónvarpinu fagna menn auðvit-
að sumrinu þó svo að Ragnhildur
Gísladóttir, tónlistarmaður og
yfirgrýla segi í blaðaviðtali að
íslenska sjónvarpið skorti metn-
að og hún líkir stofnuninni við
lfkhús. Ég hef þá trúa að sjón-
varpið muni lifa og dafna og sé
þrátt fyrir allt á réttri leið-
Dagskráin er fjölbreyttari og
betri þessa vordaga en á liðnum
vetri. Söngkeppni sjónvarpsins
var skemmtileg nýjung og ungu
söngvararnir stóðu sig með
prýði. Kosningasjónvarpið var
heldur dauflegt framan af nóttu
en lifnaði yfir því þegar komu
sýnishorn frá rokkhátíðinni
miklu á Broadway á milli þess
sem nýjar tölur birtust á skerm-
inum. Teiknimyndafígúran var
aftur einstaklega leiðinleg og
húmorlaus og ekki kæmi mér á
óvart að hún sé ættuð frá
Austur-Evrópu, t.d. Sovétríkjun-
um þar sem varla nokkur maður
hlær lengur nema með leyfi hins
opinbera.
Fimmtudagur 28. apríl:
Útvarpsleikritið sem flutt var
eftir síðari kvöldfréttir heitir
„Fjölskylduraddir" og er eftir
Harold Pinter sem er meðal
fremstu leikskálda Breta á síðari
árum. Leikritið var flutt í breska
útvarpinu árið 1981, og er um
þessar mundir leikið á sviði
breska þjóðleikhússins. Verkið
lýsir á sérkennilegan hátt sam-
bandi móður og sonar sem er
staddur í framandi borg, víðs
fjarri móðurinni sem óttast að
sonurinn sé henni eilíflega
glataður. Satt best að segja þá
fannst mér heldur lítið til leik-
ritsins koma og á köflum var það
ruglingslegt. Leikendur fóru vel
með sín hlutverk og mér finnst
Ellert Ingimundarson, sem er
ungur leikari lofa góðu, Bríet og
Erlingur stóðu fyrir sínu eins og
jafnan áður.
Föstudagur 29. aprfl:
„Kastljós" í sjónvarpinu
kvaddi þetta kvöld með útfar-
arsvip. Umsjónarmenn voru
Bogi Ágústsson og ólafur Sig-
urðsson. Eins og fyrr í þættinum
voru tekin fyrir innlend og er-
lend málefni. Björgvin Jónsson,
framkvæmdastjóri, og Gunnar
Ragnars, forstjóri Útgerðarfé-
Iags Akureyrar, voru gestir þátt-
arins og ræddu um skipasmíðar
á fslandi. Björgvin var herskár
og gagnrýndi mjög ástand mála
varðandi skipasmíðar á fslandi
og hann hafði þannig talanda að
virkilega gaman var að heyra
skoðanir hans á málum. Vil-
mundur hefði fengið þrjá menn
kjördæmiskosna í Reykjavík
hefði Björgvin skipað þriðja sæt-
ið á lista Bandalagsins í höfuð-
borginni. Björgvin mun vera
framsóknarmaður því miður, og
í þeim herbúðum verður engu
bjargað úr því sem komið er. í
Kastljósi var einnig fjallað um
eggjasölumál og af erlendum
vettvangi um efnahagsstefnu
Margrétar Thatcher. Þátturinn
er kominn í frí fram á vetrar-
mánuði og veitti ekki af hvíld,
hann hefur verið ósköp daufur
undanfarið.
Laugardagur 30. aprfl:
Um kvöldið var sýndur úr
sjónvarpinu tuttugu mínútna
þáttur um Leif Breiðfjörð,
glerlistamann. Megin hluti þátt-
arins var tekinn á vinnustofu
listamannsins og rætt við Leif
og konu hans, Sigríði Jóhanns-
dóttur, sem vinnur með Leifi að
undirbúningi verkanna. I þætt-
inum voru sýnd fjölmörg frábær
verk eftir Leif t.d. listaverk er
skreyta Bústaðakirkju og nýja
kapellu í Fossvogi. Leifur
Breiðfjörð er mikilhæfur lista-
maður sem hefur nú skipað sér í
raðir fremstu glerlistamanna
samtímans. Hann er enn á besta
aldri og á örugglega eftir að ná
enn lengra I list sinni. Laugar-
dagssyrpa Páls og Þorgeirs í út-
varpinu um og eftir miðnætti er
einn vandaðasti tónlistarþáttur-
inn sem nú er í gangi hjá stofn-
uninni. Umsjónarmenn eru sér-
Halldór Kristjánsson frá Kirkju-
bóli.
fræðingar og sennilega bara með
doktorsgráðu í popptónlistinni.
Lagaval er geysifjölbreytt og
höfðar til yngri sem eldri popp-
tónlistaráhugamanna. Meat
Loaf sá gamli refur sem ekki
hefur heyrst mikið frá síðustu
mánuði, söng nýtt lag í þættin-
um og er greinilega eitthvað að
róast. Pilturinn öskrar ekki jafn
kröftuglega og áður og hefur
sennilega lagt af, er ekki jafn
afmyndaður af spiki og fyrr.
Sunnudagur 1. maí:
Á alþjóðlegum baráttudegi
verkalýðsins opnaði ég fyrir út-
varpið einmitt um leið og Inter-
nationalinn var fluttur af al-
þýðukórnum rétt fyrir hádegis-
fréttir. Hátiðahöld dagsins voru
inn í Laugardalshöli að þessu
sinni og þar komu fram margir
skemmtikraftar og ræðumenn.
Aðalskemmtikraftur dagsins var
samt Ólafur Þ. Jónsson sem
flutti erindi í útvarp um þætti úr
verkalýðssögu kreppuáranna og
hefði alveg eins getað flutt þetta
erindi fyrir fjórum áratugum.
Heimsmynd ólafs er heimsmynd
gömlu Stalínistanna sem engu
hafa gleymt og ekkert lært í tím-
ans rás. Að lokinni sunnu-
dagspredikun séra ólafs Odds
Jónssonar í Keflavík var sýnd ný
íslensk mynd í sjónvarpinu í
norrænum barnamyndaflokki.
Myndin gerist í Grímsey að vori
til og er um nokkur börn sem fá
að fara í fyrsta skipti í eggjaferð
út í bjargið í eyjunni. Stutt
mynd en skemmtileg frá eyju
þar sem náttúrufegurð er mikil.
Mánudagur 2. maí:
Halldór Kristjánsson frá
Kirkjubóli talaði um daginn og
veginn í útvarpið eftir kvöld-
fréttir. Halldór er oftast mælsk-
ur og minnir á ræðumann á úti-
fundi þar sem hátalarakerfið er
hátt stillt og þrumað yfir fund-
armönnum. Hann kom víða við i
erindi sínu, ræddi um veðrátt-
una á liðnum vetri, úrslit alþing-
iskosninganna, verðbólguna, líf-
eyrisréttindi ýmissa hópa í þjóð-
félaginu og að lokum fjallaði
hann um áfengisbölið í landinu
og leiðir til úrbóta. Halldór frá
Kirkjubóli flutti ágæta hugvekju
og stakk á mörgum kýlum í þjóð-
félaginu.
Þriðjudagur 3. maí:
Þýski sakamálaþátturinn
„Derrick" sem nýlega hefur haf-
ið göngu sína í sjónvarpinu eftir
nokkurt hlé, er spennandi og vel
gerður. Derrick er snjall leyni-
lögreglumaður, fljótur að greina
aðalatriði frá aukaatriðum og
með honum að lausn erfiðra
glæpamála starfar einvala lið.
Þátturinn á þriðjudagskvöld,
„Ótti“, byrjaði þannig að ung
Þorgeir Ástvaldsson
kona er myrt af doktor Hertel,
miðaldra kaupsýslumanni sem
er bæði elskhugi hennar og
leigusali. Mannauminginn er
sérlega ógeðfelld persóna sem
berst mikið á, býr í dýru einbýl-
ishúsi, en ekki er allt sem sýnist
og Derrick og félagar fá það
verkefni að afhjúpa glæpamann-
inn og tekst eins og við er að
búast af snillingum. Myndin var
svo spennandi að ég heyrði
hvorki í síma né dyrabjöllu á
meðan ég horfði á útsendingu.
Miðvikudagur 4. maí:
Náttúrlífsmyndir eru ekki
mjög oft á dagskrá sjónvarpsins.
Sú sem sýnd var að loknum
fréttum og auglýsingum, „Lúð-
ursvanurinn", og er bresk fjallar
um stærstu svanategund í
Norður-Ameríku sem var næst-
um útdauð en hefur haldið velli í
erfiðri lífsbaráttu. Lúðursvanur-
inn er um þrettán kíló að þyngd,
sennilega einn þyngsti fugl sem
um getur og er myndarlegur
ásýndum. Heimildarmyndin um
lúðursvaninn var fróðleg og
skemmtilegt var að sjá fuglinn
við hreiðurgerð.
Dagskrá sjónvarpsins ber þess
merki að komið er sumar. Stund-
in okkar og Kastljós eru t.d. ekki
lengur á dagskrá og útsend-
ingartími um helgar er nú mun
styttri en var um helgar á liðn-
um vetri. Ég vil endilega i lok
þessa spjalls skora á útvarpið að
hefja aftur næturútvarp undir
leiðsögn Stefáns J. Hafstein.
„Rokkþingið" hans lífgaði uppá
tilveruna síðastliðið sumar og ef
það byrjar nú þessa vordaga hef
ég trú á að það flýti fyrir stjórn-
armyndun. „Rokkþingið", nætur-
útvarp Stefáns J. Hafstein, hafði
ráð við fjölmörgum vandamálum
á sínum tíma. Það minnti á
gamlárskvöldsstemmningu um
miðnætti. Olafur Ormsson