Morgunblaðið - 25.09.1983, Blaðsíða 37
MORGUNBLAÐIÐ, SUNNUDAGUR 25. SEPTEMBER 1983
37
Olafía Arnadóttir
— Minningarorð
Fædd 9. júnf 1899
Dáin 16. september 1983
Mörg er gæfan í lífinu. Ein sú
mesta að kynnast góðu fólki. Það
verður aldrei fullþakkað.
Fram í hugann hrannast ótal
minningar um frábæra menn sem
varpa hlýju og yl á leiðina okkar.
Á morgun verður til moldar
borin ein þeirra kvenna sem létt
hefur mörgum sporin með hjálp-
semi sinni og glaðværð.
Ólafía Árnadóttir fæddist 9.
júní 1899 að Bergskoti á Vatns-
leysuströnd. Foreldrar hennar
Sigrún Ólafsdóttir frá Söndum í
Meðallandi og Árni Sæmundsson,
trésmiður frá Sólheimum í Mýr-
dal, höfðu flust árið áður en Ólafía
fæddist úr Mýrdalnum og suður á
Vatnsleysuströnd. Þau voru bæði
Vestur-Skaftfellingar í báðar ætt-
ir. Árið 1901 hurfu þau svo til
Reykjavíkur og bjuggu þær æ síð-
an meðan báðum entist heilsa og
líf. Árni lést á jóladag 1906 af af-
leiðingum slyss, sem hann varð
fyrir við vinnu sína. Hann var þá
aðeins 43 ára að aldri. Uppi stóð
ekkjan með dætur þrjár: Maríu 13
ára, Dórótheu 11 ára og ólafíu 7
ára.
Árni hafði þá nýlega reist þeim
hús við Grettisgötu 57 í Reykjavík.
Tókst ekkjunni með atorku og
dugnaði að koma dætrum sínum
til manns og halda húsaskjólinu.
Það var ósmátt afrek í þá daga
og kostaði ótalin tár og margan
svitadropann. Sigrún vílaði ekki
fyrir sér að ganga í kolaburð, en
þá voru kolaskip affermd með
þeim hætti í Reykjavík að mokað
var í poka og þeir síðan bornir á
bakinu upp að Arnarhóli og þótti
vart kvenmannsverk. Þá þekktust
ekki slysabætur, ekknalaun né
barnalífeyrir.
Var því oft þröngt í búi hjá
þeim mæðgum eins og nærri má
geta.
Síðustu æviár sín var Sigrún
þrotin að kröftum og heilsu og
löngum rekkjumaður. Naut hún
þá umönnunar og alúðar Ólafíu
dóttur sinnar þar til yfir lauk. Sig-
rún dó árið 1932. Hún var greind
kona og skáldmælt og hélt and-
legri reisn sinni fram í andlátið.
Um dæturnar er það að segja, að
María fluttist til Austurlands og
giftist þar Eyjólfi Jónssyni, sjó-
manni, sem hún missti í sjóinn,
ung að aldri. Síðar giftist hún Jóni
Sveinssyni frá Hátúni á Eskifirði.
Þau ólu upp tvær fósturdætur.
María lést árið 1962. Dóróthea
giftist Ólafi Einarssyni, sjómanni,
og eignuðust þau 6 börn. Hún dó
árið 1964. Allar dóu þær mæðgur
þrjár á 70. aldursári.
Ólafía giftist eftirlifandi manni
sínum, Brynjólfi Helga Þorsteins-
syni, vélstjóra frá Kirkjuvogi í
Höfnum syðra, 18. nóvember 1922
og áttu þau farsæla sambúð á
sjöunda áratug. Brynjólfur var
konu sinni einstaklega umhyggju-
samur og ástríkur þar til yfir lauk
og var unun að sjá, hve þau hjón
unnu hvort öðru.
Þau eignuðust einn son barna,
Árna framkvæmdastjóra Is-
lenskra rafverktaka. Hann var
kvæntur ólöfu G. Geirsdóttur.
Eiga þau 3 börn og 7 barnabörn.
Brá það mjög lit á líf þeirra
ATHYGLI skal vakin á því, að
afmælis- og minningargreinar
verða að berast blaðinu með góð-
um fyrirvara. Þannig verður
grein, sem birtast á í miðviku-
dagsblaði, að berast í síðasta lagi
fyrir hádegi á mánudag og hlið-
stætt með greinar aðra daga. í
minningargreinum skal hinn
látni ekki ávarpaður. Þess skal
einnig getið, af marggefnu til-
efni, að frumort Ijóð um hinn
látna eru ekki birt á minningar-
orðasíðum Morgunblaðsins.
llandrit þurfa að vera vélrituð og
með góðu línubili.
hjóna, Ólafíu og Brynjólfs, hve
sonarbörnin og barnabarnabörnin
voru þeim uppspretta gleði og
ánægju. Heimili þeirra hjónanna
stóð löngum opið gestum og gang-
andi og var það ekki síst aðkomu-
fólk sem þar átti höfði sínu að
halla og dvaldi þá tíðum langdvöl-
um í leit að lækningu meina sinna.
Ólafía var frá fæðingu bækluð á
fæti. Ágerðist sá sjúkdómur með
árunum, þótt ekkert væri til spar-
að til að reyna úr að bæta. Hún
bar þá þraut með æðruleysi og
Guðs hjálp, eins og hún tók sjálf
til orða.
Hún var alla ævi mikil trúkona
og bar sterka löngun í brjósti til
þess að aðrir mættu verða þess
trúarstyrks aðnjótandi sem hún
hafði. Varð hún mörgum stoð í
þeim efnum.
Skáldskapur Ólafíu ber sterkan
svip þessara einlægu og afdrátt-
arlausu trúarskoðana. Út komu
frá hennar hendi tvær ljóðabæk-
ur, sem bera birtu í húsið. Séð til
sólar nefndi hún fyrri bókina og
kom hún út árið 1959. Þar er m.a.
þetta kveðið í kvæðinu Hver gaf?:
Hver léði fegurð norðurljósalindum
sem leiftra glatt á himni um vetrarkvðld
í skrúði lita ljóss og undramyndum
uns ljóskvik hverfa undir skýjatjöld.
Það gerði Guð.
Síðari ljóðabókin kom út árið
1977 og heitir f birtu daganna.
Svo sem verða vill um stórhuga
fólk, brá fyrir nokkru óþoli hjá
Ólafíu á stundum ef henni fannst
menn um of hrapa af réttri braut.
ólafía var einkar góð systur-
börnum sínum, og fellur gæska
hennar seint í gleymsku í þeim
hópi. Öll bernskujól þeirra barna
færði hún þeim gjafir og hjálpar-
hönd hennar var alls staðar ná-
læg, þegar sjómannskona var ein
að bjástra með barnahópinn sinn.
Ættfróð var Ólafía og lagði sig
fram um að grafa upp og greiða úr
vanda í þeim efnum. Áttu ættingj-
ar hennar og vinir vís svör við
spurningum sínum þegar þeir leit-
uðu til hennar um ættfræði. Kæmi
svarið ekki á stundinni sem oftast
var, unni hún sér ekki hvíldar fyrr
en hún hafði fundið það sem um
var spurt. Hún gaf skyldmennum
sínum afrit af ættartölum, sem
hún hafði sjálf saman sett og var
á seinni árum mörgum öðrum inn-
an handar um vélritun ýmissa
gagna og skáldskapar.
Sama birtan og heiðríkjan
fylgdi þessari konu til hinstu
stundar. f síðustu heimsókninni til
hennar á sjúkrabeð vissi hún að
hverju fór og kenndi þá fögnuðar
yfir því að þrautum slitins líkama
yrði brátt lokið.
Andlegum kröftum hélt hún til
hins síðasta. Hún lést að morgni
16. sept. sl.
Sú er bæn mín að hún hafi þá
horfið inn í morgungeisla trúar
sinnar. Hugurinn hverfur til nán-
ustu ættingja frænku minnar, og
einkum Brynjólfs bónda hennar.
Megi allar góðar vættir styrkja
hann sem mest hefur misst.
Hjálmar Olafsson
Útförin fer fram mánudag 26.
sept. kl. 10.30 frá Fossvogskapellu.
+
Faöir okkar,
GÍSLI EINARSSON,
bifreiðarstjóri,
Noröurbraut 29, Hafnarfiröi,
sem lést 18. þessa mánaöar, veröur jarösunginn frá Hafnarfjarö-
arkirkju, þriöjudaginn 27. september kl. 13.30.
Einar Gislason,
Lárus Gíslason.
t
Systir okkar,
RAGNHEIDUR INGVARSDÓTTIR
frá Staö í Hrútafiröi,
Miötúni 26, Reykjavík,
veröur jarösett frá Staöarkirkju í Hrútafirði, fimmtudaginn 29.
sept., kl. 15.00. Kveöjuathöfn verður í Dómklrkjunni, miövikudag-
inn 28. september kl. 13.30.
Sigríöur Ingvarsdóttir, Oddný Ingvarsdóttir,
Valgeröur Ingvarsdóttir.
+
Litli drengurinn okkar,
HÖROUR SCHEVING ELLERTSSON,
lést mánudaginn 19. sept. sl. Jarðarförin fer fram frá Fossvogs-
kirkju, miövikudaginn 28. september kl. 3 e.h.
Rósa Ólafsdóttir,
Ellert Markússon.
LEGSTEINAR
MOSAIK H.F.
Hamarshöfða 4 — Sími 81960
+
Faöir okkar, tengdafaöir og afi,
SIGUROUR BJARNI JÓNSSON,
bakarameistari, Brekkubyggö 33, Garöabæ,
verður jarösunginn þriöjudaginn 27. september kl. 10.30 fyrir há-
degi í Fossvogskirkju.
Signý Sigurðardóttir,
Jón Sigurösson, Jennifer O'Grady.
Siguröur Pétur Jónsson,
Phillip Jónsson,
Einína Sif Gísladóttir.
+
Eiginkona mín,
ÓLAFÍA ÁRNADÓTTIR,
Laugarnesvegi 72,
veröur jarösungin frá Fossvogskirkju, mánudaginn 26. september
kl. 10.30.
Blóm og kransar afbeðið, en þeim sem vilja minnast hennar er
bent á Styrktarfélag lamaöra og fatlaöra.
Brynjólfur H. Þorsteinsson
og fjölskyldur.
+
Amma mín,
HALLA EIRÍKSDÓTTIR
frá Fossí á Síöu, V.-Skaft.
verður jarösungin frá Fossvogskirkju, þriöjudaginn 27. september
k. 13.30.
Þeim sem vildu minnast hinnar látnu er bent á Minningarsjóö
Eiríks Steingrímssonar.
Halla Eiríksdóttir,
Álfheimum 64.
Frænka mín. +
ÓLÖF HELGADÓTTIR,
Hátúni 10A,
veröur jarösungin frá Fossvogskapellu, mánudaginn 26. sept-
ember kl. 15.00.
Jónatan Guömundsson.
Útför
+
SIGRÍÐAR BJARNADÓTTUR,
fyrrverandi aöalgjaldkera Ríkisútvarpsins,
verður gerö frá Fossvogskapellu, þriöjudaginn 27. september kl. 3.
Árni Guðjónsson.
+
Útför móöur okkar, tengdamóöur, ömmu og langömmu,
JÓHÖNNU BJARNADÓTTUR
frá Ásgaröi,
veröur frá Fossvogsklrkju, mánudaginn 26. september kl. 16.30.
Jarðsett veröur aö Hvammi í Dölum.
Salbjörg Magnúsdóttir, Ethelen Magnússon,
Jóhanna K. Magnúsdóttir, Ingvar Hallgrímsson,
barnabörn og barnabarnabörn.
+
Innilegar þakkir færum viö öllum þeim sem sýndu okkur samúö og
tóku þátt í útför bróöur okkar,
ÓLAFS GUÐMUNDSSONAR.
Sérstakar þakkir færum viö starfsfólki á Landspítalanum, Borg-
arspítalanum og Hafnarbúöum fyrir góöa umönnun i veikindum
hans.
Kristín Guðmundsdóttir,
Siguröur Guömundsson,
Gytha Guömundsdóttir,
Margrét Guðmundsdóttir.
+
Innilegar þakkir færum viö öllum sem vottuöu okkur hluttekningu,
samúö og vinarhug viö andlát og útför mannsins míns,
BRAGA JÓNASSONAR,
Skipasundi 3.
Fyrir hönd aðstandenda,
Gíslína Árnadóttir og börn.