Morgunblaðið - 25.09.1983, Blaðsíða 41

MORGUNBLAÐIÐ, SUNNUDAGUR 25. SEPTEMBER 1983
41
Sveinn Guðmunds-
son fímmtugur
Það eru nokkur ár frá því, að
einn af félögum mínum í Laugar-
dalslaug ávítaði mig fyrir að vera
dásama sund og sundlaugar í út-
varpinu. Hann bætti við: „Þú áttir
ekki að láta fólk fá hugmynd um
hve mikið og margt það fer á mis
við, sem ekki sækir laugarnar."
Þetta voru orð að sönnu um kosti
þessa, en lýstu líka eiginhags-
munakennd vinar míns, sem vildi
búa einn að þessum lystisemdum,
því hann óttaðist að svo færi að
við kæmumst varla að fyrir að-
sókn.
Kostir lauganna og heitu pott-
anna eru margir. Hvergi eru þeir
jöfnu jafnari, þar sem ráðherrar
og fógetar og kolasalar hafa farið
úr fötunum, þar vegur skraddar-
ans pund lítið.
Það hlýtur að vera hverjum og
einum sérstök upplifun að drífa
sér ofan í vel líkamsheitt vatnið i
heitu pottunum og vekja minn-
ingar um er við í upphafi lífs
okkar syntum um sem fiskar í yl-
volgu móðurlífsvatninu, og þannig
hafa aukið gildi til afslöppunar og
endurnæra menn til áframhald-
andi baráttu. Það er ekkert
spursmál að heitu pottarnir hafa
lækningarmátt á gigt, streitu og
margvíslega sálræna kvilla.
Samt er ótalið það, sem e.t.v.
vegur þyngst, en það er jafnræðið
og gagnkvæm umhyggja og vin-
átta sem þar myndast. Áhugi á
velferð samborgarans og þjóðfé-
lagsins svífur þar yfir heitu vatn-
inu. Láti einhver ekki sjá sig í
nokkra daga, er farið að undrast
yfir hvað hafi komið fyrir. Því
miður koma ekki allir alltaf aftur,
og er söknuður að mörgum kveð-
inn. Þegar hún eða hann birtist
aftur í pottinum, þá er fagnað.
Alltaf eru einhverjir nýir að
bætast í hópinn. Sumir leggja lítt
til mála, aðrir telja sig geta leyst
flest mál líðandi stundar og það
getur líka verið afslöppun í því að
hlusta jöfnum höndum á rabb um
ferðir geimskipa, kafbáta, stjórn-
mál, fótbolta og hneykslismál, en
undir niðri er kímnin, sem öllu
máli skiptir.
Sumir leggja ekki mikið til mál-
anna, en geta verið þeim mun
hnyttnari, þegar þeir skjóta að
orði.
Allt þetta kemur mér í hug, er
einn af ágætum pottfélögum og
vinum mínum, Sveinn Guðmunds-
son, verður fimmtugur í dag. Það
eru um tíu ár frá því að hann fór
að sækja heitu pottana í hádeginu
alla virka daga, líkt og undirritað-
ur og ýmsir aðrir, svo sem frægir
togarakapteinar, kvikmyndatöku-
menn, prentarar, fótboltahetjur,
starfskraftar af báðum kynjum og
lögmenn.
Mér varð það strax gleðiefni að
þessi óvenjulegi kvistur á þjóðar-
líkamanum skyldi bætast í hóp-
inn. Hann hafði í nokkur skipti
borið fyrir augu mér á hjóli í um-
ferðinni, þar sem hann smaug á
milli bílanna af lagni og öryggi.
Þá var hann sendill í Ríkis-
prentsmiðjunni Gutenberg. Um
þessar mundir eru þrjátíu ár frá
því að Sveinn hóf störf hjá Gamla
kompaníinu. Nýtur hann þar
verðskuldaðrar virðingar.
Enda þótt forsjónin hafi lagt
það á Svein Guðmundsson að
hann megi ekki binda bagga sína
sömu hnútum og flest annað sam-
ferðafólk hans, þá ber hann höfuð-
ið hátt, þótt ekki sé hann hár í
lofti.
Með okkur tókst góð vinátta og
kom á daginn að Sveinn var ósvik-
inn Reykvíkingur í báðar ættir.
Foreldrar hans létust með nokk-
urra mánaða millibili á árinu
1977. Móðir hans hét Jónína
Jónsdóttir, en móðir hennar var
allþekkt í bæjarlífinu fyrir atorku
og dugnað, hún hét Salvör Guð-
mundsdóttir og vann t.d. við að
bera kolapoka úr uppskipunarbát-
um hér við höfnina. Meðal ann-
arra barnabarna hennar er Ivar
Guðmundsson fyrrv. blaðam. Fað-
ir hans hét Guðmundur Dagfinns-
son, sjómaður. Sveini hefur stund-
um orðið tíðrætt um móður sína
við mig og þann skilning, sem hún
sýndi honum, og hve hann, eftir á
að hyggja, kunni að meta kröfur
hennar í hans garð. Meðal sér-
stæðra ættmenna Sveins var Guð-
bjartur Pálsson, kallaður Batti
rauði. Hann er dáinn. Við vorum
góðkunningjar. Sveinn þekkti
hann ekki, en kunni hins vegar að
meta þá skoðun mína, að Batti
hefði haft löngun til að verða öðr-
um að liði enda þótt það tækist
ekki eða væri misskilið.
Sveinn er mikill trúmaður og
metur að verðleikum starf KFUM.
Hann telur sig standa í þakkar-
skuld við þann félagsskap. Hann
hefur sagt mér að trúin hafi verið
hans styrkasta stoð. Sveinn er
mikil aflakló og eru til frægar sög-
ur af lúðuveiðum hans.
Ef lýsa ætti skapgerð Sveins, þá
koma mér helst í hug fílarnir í
Afríku, eins og þeir birtust á
skjánum, hér fyrir skömmu. Þeir
eru friðsemdarverur, þaulminnug-
ar og rammar að afli. Góðlyndið
er aðaleinkenni þeirra. Þeir fíla
sig líka best í óspilltri náttúrunni.
Þeir reiðast sjaldan og seint, en
geta verið voðalegir í þeim ham.
Eg hef fyrir víst að Sveinn reiðist
ekki, en þó hef ég séð hann bregð-
ast illa við, er einhver, sem taldi
sig eiga í fullu tré við hann, sýndi
honum dónaskap á veitingastað.
Áður en maðurinn gat áttað sig á
neinu, hafði Sveinn hent honum á
nokkra kaktusa, sem voru þar í
potti ekki fjarri. Þá fílaði Sveinn
sig, en maðurinn var á nálum í
bókstaflegri merkingu.
Mér þykir trúlegt að ýmsir góð-
vinir Sveins muni samfagna með
honum í dag á þessum áfanga í lífi
hans. Mér er og ljóst að Sveini er
lítt um lof gefið og myndi kalla
slíkt skjall og spyrja hvað búi
undir. Mér er hins vegar svo farið
að geta ekki ætíð orða bundist og
finnst mér þetta ærið tilefni til
þess að fagna og óska afmælis-
barninu til hamingju og Reykjavík
að eiga slíka andans hetju í bar-
áttu hversdagsins. Gjarnan hefði
ég viljað vera í því mannvali, sem
skála mun við afmælisbarnið í
dag, en ég mun lyfta einu laufléttu
glasi honum til heiðurs við
Cheops-pýramídann suður 1
Egyptalandi. Skál unga kempa.
Gunnlaugur Þórðarson
ítalska 0g
spænska,
námskeiö fyrir
oyrjendur hefst í október. Upplýsingar og
innritun í síma 84236 kl. 5—7.
MTX50
LÉTT BIFHJÓL
FYRIR 15 ÁRA
OG ELDRI
Kr.: 49.980,-
HONDA A ISLANDI
VATNAGÖROUM 24,
SÍMI 38772 — 39460.
KRAFTUR
ÖRYCCI - ENDINC
HJDLASKÓFLUR •
□
SALA S LaJONUSTA
♦
Caterpillar. Cat og3 eriRkrásett vörumerki
PLUS

. U

910-65 HÖ (48 KW) ÞYNGD: 6.800 KG SKÓFLUR: 0.8 m3 - 1.1 m3 950 B- 155 HÖ (117 KW) ÞYNGD: 15.700 KG SKÓFLUR: 2.3 m3 - 3.0 m3
920 - 80 HÖ (60 KW) ÞYNGD: 8.800 KG SKÓFLUR: 0.9 m3 - 1.6 m3 966 D - 200 HÖ (149 KW) ÞYNGD: 21.500 KC SKÓFLUR: 3.1 m3 - 3.5 m3
930 - 100 HÖ (75 KW) ÞYNGD: 9.950 KG SKÓFLUR: 1.3 m3 - 1.9 m3 980 C - 270 HÖ (201 KW) ÞYNGD: 27.500 KG SKÓFLUR: 4.0 m3 - 4.8 m3

[hIhekla
J Laugavegi 170 -172 Sir
HF
Sími 21240