Morgunblaðið - 19.10.1983, Blaðsíða 3

MORGUNBLAÐIÐ, MIÐVIKUDAGUR 19. OKTÓBER 1983
43
íslenska hljómsveitin:
Getur ekki hafið
starfsemi nema
til komi fjárstuðningur
ÍSLENSKA hljómsveitin getur ekki hafið annað starfsár sitt nema til komi
opinber aðstoð, að því er kom fram á blaðamannafundi sem stjórn hennar
boðaði til í síðustu viku. Hefur verið falast eftir slíkri aðstoð, að upphæð 800
þúsund krónur, en stjórn hljómsveitarinnar gerir ráð fyrir að hljómsveitinni
takist sjáifri að afla 65—75% af rekstrarfé sínu.
Stofnuð til að skapa
starfsvettvang fyrir
unga tónlistarmenn
fslenska hljómsveitin var stofn-
uð í fyrrahaust með það að
markmiði „að skapa starfsvett-
vang fyrir unga og hæfileikaríka
hljómlistarmenn hér á landi og
flytja fjölbreytta og vandaða tón-
list“.
Á fyrsta starfsári sínu hélt
hljómsveitin 9 tónleika hérlendis
og voru áskrifendur að tónleikum
hljómsveitarinnar rúmlega 400.
Sögðu forráðamenn hennar að
ekki hefði þurft að kvarta undan
viðtökum almennings, enda hefði
ætlunin í upphafi verið að leita
ekki opinberrar fyrirgreiðslu,
heldur treysta á áhuga almenn-
ings og aðila i atvinnulifinu.
Reynslan hefði hins vegar sýnt að
aðgöngumiðaverð á tónleika
hljómsveitarinnar þyrfti að vera
að minnsta kosti helmingi hærra
en það nú er til að hljómsveitin
bæri sig. Þó hefði tekist að gera
upp við alla sem hlut áttu að tón-
leikum hljómsveitarinnar síðast-
liðið ár til fulls, nema hvað síðustu
tónleikana snerti.
Aðgangseyrir á
tónleika óraunhæfur
Síðan segir í frétt frá hljóm-
sveitinni: „Sá aðgangseyrir, sem
almenningur á að venjast og mið-
að er við, er ákvarðaður af aðilj-
um, sem njóta opinberra styrkja,
en af því ræðst óhjákvæmilega
miðaverð annarra hópa, sem ekki
njóta slíkra „niðurgreiðslna",
bæði þeirra, sem greiða hljóðfæra-
leikurum full laun samkvæmt
taxta FÍH, og hinna, sem leika op-
inberlega án þóknunar."
Stjórn íslensku hljómsveitar-
innar vildi að það kæmi skýrt
fram, að hún væri ekki með þessu
að vega að tilverugrundvelli Sin-
fóníuhljómsveitar íslands, sem
hefði þurft að berjast fyrir til-
verurétti sinum í 40 ár, frá því
hún var stofnuð, þar til hún komst
inn á fjárlög fyrir fáum árum. List
þyrfti stuðnings við og „stjórn
hljómsveitarinnar bendir á að eigi
að verða framþróun sem er í lág-
markssamræmi við aukinn fjölda
menntaðara tónlistarmanna, verð-
ur að bæta úr hinni erfiðu sam-
keppnisaðstöðu. Að öðrum kosti á
íslenska hljómsveitin, ellegar aðrir
sambærilegir hópar nú og fram-
vegis, sér enga lífsvon," segir í
frétt er kynnt var blaðamönnum á
fundinum.
Engir miðar í lausasölu
Nú er hafist handa um að safna
áskrifendum að tónleikunum sem
fyrirhugaðir eru í vetur, en þeir
verða sex talsins, ef á annað borð
verður af starfsemi í vetur. Það er
háð tveimur forsendum, annars
vegar að fyrrgreind fyrirgreiðsla
fáist hjá hinu opinbera og hins
vegar að 400 áskriftir safnist fram
að næstu mánaðamótum. Aðeins
er hægt að fá miða að öllum
hljómleikunum sex í áskrift, og
engir miðar verða seldir í lausa-
sölu. Menn þurfa að gerast áskrif-
endur fyrir 28. október og er
áskriftargjald með tvennum
hætti, annars vegar 1.600 krónur
og hins vegar sérstök styrktar-
áskrift að upphæð 2.400 krónur.
Áskriftargjaldið greiðist á tíma-
bilinu 1.—5. nóvember, en tilkynnt
verður 1. nóvember hvort af öðru
starfsárinu verður og fer það eftir
undirtektum almennings og
stjórnvalda.
Sex tónleikar fyrir-
hugaðir í vetur
Á tónleikadagskrá hljómsveit-
arinnar í vetur kennir margra
grasa. Fyrstu tónleikarnir eru
Ný söKgplata Jóhanns
Más Jóhannssonar
Akureyri, 11. október.
Ný söngplata er korain út með
söng Jóhanns Más Jóhannssonar við
undirleik Guðjóns Pálssonar, og
hafa þeir félagar annast og kostað
útgáfuna sjálfir. Platan hefur verið
nefnd „Bóndinn“, og á henni eru 17
lög, öll íslensk, nema eitt ítalskt, en
öll með íslenskum texta. Sigfús
Halldórsson tónskáld gaf þeim fé-
lögum eitt lagið skömmu fyrir hljóð-
ritunina, Grenitréð, við texta Heið-
reks Guðmundssonar.
Þeir Jóhann Már og Guðjón
hafa unnið saman í 3 ár og komið
fram á skemmtunum víða um
land, einkum á Norðurlandi, og
eru mörg af vinsælustu lögunum á
skemmtiskrá þeirra komin á plöt-
una.
Jóhann Már Jóhannsson er Ak-
ureyringur að uppruna, sonur
hjónanna Fanneyjar Oddgeirs-
dóttur og Jóhanns Konráðssonar
söngvara.
Platan dregur nafn sitt af því,
að hann hefur verið bóndi í nærri
10 ár, lengst af í Keflavík í Hegra-
nesi í Skagafirði. Hann byrjaði að
syngja með Karlaskórnum Geysi á
Akureyri og naut þá tilsagnar Sig-
urðar Demetz Franzsonar, en síð-
ar var hann félagi í Karlakór
Blólstaðarhlíðarhrepps. Einnig
hefur hann lengi verið vinsæll og
eftirsóttur einsöngvari.
Guðjón Pálsson er Vestmanney-
ingur og hefur fengist við tón-
listarstörf í áratugi, verið söng-
stjóri, organisti og píanóleikari,
hefur stjórnað danshljómsveitum
og er nú skólastjóri Tónlistarskóla
Vestur-Húnavatnssýslu á
Hvammstanga.
Hljóðritunin fór fram í Stúdíó
Bimbó á Akureyri (Pálmi Guð-
mundsson), pressun hjá Alfa hf. í
Hafnarfirði og skurður í London.
Valprent á Akureyri prentaði um-
slag, ljósmyndir tók Gísli Sigur-
geirsson, hönnun annaðist Guð-
brandur Magnússon, Sauðárkróki,
en litgreiningu og filmuvinnu
Ríkharður B. Jónasson, Akureyri.
Sv.P.
Frá blaðamannafundi íslensku hljómsveitarinnar. Talin frá vinstri: Gyða Jónsdóttir, starfsmaður, Ásgeir Sigurgests-
son, ritari, Guðmundur Emilsson, formaður, Sigurður I. Snorrason, gjaldkeri, og dr. Þorsteinn Hannesson, varafor-
maður. Morgunblaftið/KÖE.
fyrirhugaðir 10. nóvember og bera
þeir yfirskriftina „Frá nýja heim-
inum“. Verða þar fluttir negra-
sálmar og tónlist eftir Gershwin,
Copland o.fl. og meðal annars
syngur Kristinn Sigmundsson ein-
söng. Aðrir tónleikarnir verða 29.
des. Verða þar flutt verk eftir Viv-
aldi, Saint-Saéns, Britten o.fl.
Stjórnandi verður Kurt Lewin og
Jón Þorsteinsson, tenórsöngvari,
syngur einsöng. Þriðju tónleikarn-
ir, sem verða 26. janúar, heita
Fjöltefli og verða þar leikin verk
eftir Beethoven, Seiber, Hinde-
mith o.fl. Fjórðu tónleikarnir eru
fyrirhugaðir 23. feb. og verða þar
flutt verk frá Norðurlöndunum,
meðal annars eftir Sibelius og
Grieg. Fimmtu tónleikarnir verða
24. mars og bera þeir yfirskriftina
„Tónlist á tyllidögum". Sjöttu og
síðustu tónleikarnir verða 19. apr-
íl og verða þar flutt verk eftir
Brahms, Wagner o.fl. Þá er ætlun-
in að fá margt erlendra gesta í
heimsókn, sem munu leika og
syngja með hljómsveitinni, marg-
ir án endurgjalds.
Auk þessarar starfsemi er fyrir-
hugað að hljómsveitin komi fram
á Myrkum músíkdögum í febrúar,
á Listahátíð í júni og fari í tvær
tónleikaferðir til útlanda í boði
erlendra aðila.
8ESJI í?
HJALPAKKOKKUmN
KENWOOD chef
Verð kr. 8.430,- (Gengi, 13.1083)
með þeytara, hrærara, hnoðara, grænmetis-
og ávaxtakvörn, plasthlíf yfir skál.
KENWOOD CHEF er til í þremur mism. litum.
Ennfremur er ávallt fyrirliggjandi úrval auka-
hluta, svo sem, hakkavél, grænmetisrifjárn,
grænmetis- og ávaxtapressa, kartöfluafhýðari,
dósahnífur ofl.
Eldhússtörfin verða leikur einn
með KENWOOD CHEF
RAFTÆKJADEILD