Morgunblaðið - 19.10.1983, Blaðsíða 10

50
MORGUNBLAÐIÐ, MIÐVIKUDAGUR 19. OKTÓBER 1983
Tarzan, Jane og aparnir.
Klíkan horfir i ívar flengja kennarann.
Bamaleikritið Gúmmí-Tarzan í Félagsheimili Kópavogs:
„Þetta er fyrsti stóri bit-
inn á leiklistarbrautinni“
- segir Páll Hjálmtýsson, 13 ára,
sem fer með aðalhlutverkið
Leikritið GÚMMÍ-TARZAN
gengur fyrir fullu húsi hjá Leikfé-
lagi Kópavogs þessa dagana og var
mikið um að vera er blm. Mbl. leit
þar inn rétt fyrir sýningu síðast-
liðna helgi.
Tarzan sagðist fyrsti maðurinn
sem ég rakst á heita, en við nánari
athugun kom í Ijós að þetta var
Gunnar Magnússon, formaður leik-
félagsins, og bað ég hann að segja
mér aðeins af starfseminni?
Rekið á núllinu
„Leikfélag Kópavogs er á tutt-
ugusta og sjötta ári og hefur
starfað nokkuð samfleytt frá
stofnun, ef undan er skilið eitt
hlé,“ sagði Gunnar. „Hér í félags-
heimili Kópavogs höfum við að-
stöðu okkar og í viðbyggingu sem
er að rísa verða búningsherbergi
og æfingasvið leikfélagsins, en
auk þess standa til talsverðar
breytingar á salnum. Við fjár-
mögnum uppsetningar með
styrkjum frá ríki og bæ og því
sem inn kemur, en eins og önnur
áhugaieikhús er þetta rekið á
núllinu og þeir leikarar sem að
þessu standa gefa vinnu sína. Nú,
aðsókn er yfirleitt ágæt en mjög
sveiflukennd. Af sýningum sem
við höfum haft má nefna Þorlák-
ur þreytti, Aldrei friður, Leyni-
melur 13 og Hlauptu af þér horn-
in. Á þessu leikári vonumst við til
að geta sett upp tvær til þrjár
sýningar og er Gúmmí-Tarzan sú
fyrsta. Leikritið er gert eftir
samnefndri bók Ole Lund Kirke-
gaard, en leiktexta gerðu Jón
Hjartarson, Þórarinn Eldjárn og
leikhópurinn. Við höfum staðfært
þetta talsvert, og höfum alveg
nýja tónlist, sem samin er af
Kjartani ólafssyni. Uppsetningin
tók 1 'k mánuð og á þeim tima var
einnig tekin upp plata sem stefnt
er að að komi út í næstu viku.
Leikritið fjallar um litinn pjakk
sem ... ja, viltu ekki bara tala við
hann sjálfan?"
Galdranornin breytir öllu
„Hann sjálfur" heitir Páll
Hjálmtýsson (13 ára), og fann ég
hann inni í búningsherbergi.
— „Sagan snýst um ívar eða
Gúmmí-Tarzan eins og krakkarn-
ir uppnefna hann," sagði Páll um
leið og hann smeygði sér i bún-
inginn. „Hann er voða mikið út-
undan, er til dæmis ekki i neinni
klíku og af því að hann er ekki
eins og hinir verður hann skot-
spónn allra. Hann hittir galdra-
norn sem býður honum eina ósk,
sem verður til þess að hann upp-
lifir undarlegasta dag lifs sins.
Þetta er svona meginsöguþráð-
ur.“
— Hefurðu leikið áður, Páll?
— „Ja, aðeins í skólanum, en
annars er þetta fyrsti stóri bitinn
minn á leiklistarbrautinni."
— Ætlarðu að leggja á hana ?
Axel Örn Bragason: Ég leik
púka...
Páll Hjálmtýsson: Ég er með alveg
voðalega kvikmyndadellu ...
Ljósmyndir MBL/Friðþjófur.
— „Nei, mér hefur alltaf þótt
gaman að leika, það er ekki það,
en ég er með alveg voðalega
kvikmyndadellu. Mig langar til
að skrifa handrit og taka kvik-
myndir, og hef verið að fá hug-
myndir að kvikmyndum síðan ég
var 10 ára. Það hefur nú ekki orð-
ið mikið úr ennþá en þó hef ég
aðeins verið að fikta með 8 mm
vél sem ég á, og það með alveg
ágætis árangri, þó ég segi sjálfur
frá. Ég stefni því frekar á kvik-
myndirnar en leiklistina í fram-
tíðinni, en við skulum sjá hvað
setur.“
— En hvernig kemur ykkur
Ivari saman?
— „Ágætlega, það er mjög
gaman að leika hann, en samt oft
dálítið pirrandi, þetta er svolítið
mikið, svona í fyrsta sinn. Tíminn
Sigrún Jónsdóttir: Mig hefur alltaf
dreymt um að leika ...
er mikill sem fer í þetta og það
kemur örlítið niður á skólanum.
Ég þarf að nota kvöldin til að
læra og þá er maður oft orðinn
svolítið slappur eftir erfiðan dag,
en ... þetta er fyllilega þess virði
samt sem áður. Skemmtilegast
við þetta allt saman er að sjá ár-
angurinn af allri æfingunni, það
hefur farið meiri vinna í þetta en
fólk getur gert sér grein fyrir og
þess vegna vona ég að það verði
tekið vel á móti okkur og þetta
gangi sem best.“
Að vera krókódíll
krefst lipurðar
Næstan hitti ég Axel örn
Bragason (11 ára).
„Ætli ég sé ekki yngstur í sýn-
ingunni,“ sagði Axel. „Ég hljóp
hér inn á seinustu stundu og fékk
engan tíma til að æfa. Ég leik
krókódíl og púka, sem krefst mik-
illar lipurðar, og er eiginlega það
eina sem hægt er að segja um
hlutverkið. Þetta er ágætt þegar
maður hefur hvort sem er ekkert
að gera í frístundunum."
ívar er skotinn í Tinnu
Sigrún Jónsdóttir (14 ára), sem
leikur Tinnu i sýningunni, settist
nú hjá okkur.
— Er Tinna vinkona ívars?
— „Nei, þvert á móti, hún er
ferlega leiðinleg við hann,“ sagði
Sigrún. „Hann er skotinn í henni
en hún fer mjög illa með hann.
Þetta er ágæt stelpa þrátt fyrir
f að, mætti kannski vera betri við
var, en hlutverkið er æðislega
skemmtilegt. Mig hefur nefnilega
alltaf dreymt um að leika, en ekki
gert það nema í skólaleikritum
þar til nú. Auðvitað er þetta allt
öðruvísi en ég hélt, ekki dans á
rósum, heldur erfiðara en ég
hefði getað ímyndað mér. Þegar
æfingatíminn hófst fannst mér
þetta svo mikið að ég var ákveðin
í að gera þetta aldrei aftur. En
svona eftir á er þetta skemmti-
legur tími og nú hefði ég ekkert á
móti þvf að taka að mér annað
hlutverk."
Einbeiting, áhugi, leikgleði
„Allir upp á svið f upphitun,"
kallaði leikstjóri sýningarinnar,
Andrés Sigurvinsson, og einn,
tveir og þrír: allir komnir upp á
svið!
„Það er skemmtilegt að vinna
með þessum krökkum," sagði
Andrés brosandi. „Þau taka þetta
alvarlega og það hefur sýnt sig að
þau eru engir eftirbátar fullorðna
fólksins í einbeitingu, áhuga og
leikgleði. Og þau hafa það fram-
yfir að þau eru langtum óhrædd-
ari við að reyna hlutina."
Sýningin var um það bil að
hefjast, enda klukkan að verða
þrjú og heimsókn minni í Kópa-
vogsleikhúsið lokið að sinni.
I leikskrá sem Magnús Lofts-
son gerði fyrir sýninguna eru
nöfn og teikningar af öllum leik-
urunum, en þeir eru sextán tals-
ins, þar má einnig finna texta við
lögin sem þar eru sungin og verk-
efni til að leysa þegar heim er
komið. Leikmynd gerði Karl
Aspelund, lýsingu annast Lárus
Björnsson og hljóðstjóri er Egill
Árnason. Sýningar á Gúmmf-
Tarzan verða á laugardögum og
sunnudögum klukkan þrjú f Fé-
lagsheimili Kóvavogs. — m.e.
í skólanum.