Morgunblaðið - 19.10.1983, Blaðsíða 20

60
MORGUNBLAÐIÐ, MIÐVIKUDAGUR 19. OKTÓBER 1983
þannig eiginkona, að vera
sífellt gortandi í tíma og
ótíma!
HÖGNI HREKKVlSI
í Vörumarkaðnum á Sel-
tjarnarnesi.
Búðarleikur
Geir R. Andersen skrifar:
„Það ætlar ekki að ganga and-
skotalaust fyrir þessa þjóð að ná
fullu verslunarfrelsi. Þótt Hör-
mangarafélagið danska létti klóm
einokunarverslunar á íslandi árið
1758 tók ekki mikið betra við. Og
allt til þessa hafa þau álög verið á
verslun hér á landi, að hún hefur i
raun aldrei orðið frjáls.
Þessi álög hafa komið fram f
ýmsum boðum og bönnum, jafnt í
utanríkis- og innanlandsverslun.
Verslun í landinu hefur lengst
verið með farsakenndum hætti að
því leyti, er snýr að neytendum,
eins og t.d. þegar þeim var gert að
standa utan dyra og versla i lúgu-
götum í hvaða veðri sem er. Og
enn er þessi háttur tfðkaður hér i
höfuðborginni í einstaka hverfum.
En stærsti skopleikurinn er þó
sá, er snýr að lokunar- eða opnun-
artíma verslana í höfuðborginni.
Á sama tíma og Reykjavfk hefur
boðið fjölbreyttari þjónustu á
ýmsum sviðum, sem af skiljanleg-
um ástæðum er örðugt að fram-
kvæma í fámennum byggðum, þá
hefur verslunartími einkum mat-
vöruverslana verið andstæður
neytendum. Og þetta á við á fleiri
sviðum. Bensínafgreiðslur eru t.d.
í þeim flokki.
Og það sem deilt er um er
vinnutími afgreiðslufólks. Hann
verður óeðlilega langur, ef komið
er til móts við þarfir neytenda, að
sögn þeirra er telja sig vera að
tryggja rétt afgreiðslufólks!
Er þá starfsfólk verslana á
Seltjarnarnesi eða f Keflavík, svo
dæmi sé tekið, í ánauð? Árum
saman hafa verslanir f þessum
bæjarféiögum getað boðið neyt-
endum þá þjónustu, sem höfuð-
borgin hefur ekki.
í Keflavfk er ekki einungis hægt
að versla til kl. 4 á laugardögum,
heldur til kvölds, og sunnudaga
þar að auki. — Og þar eru stórar
verslanir, vörumarkaðir, sem fólk
á aðgang að þá daga, sem við hér í
Reykjavík höfum farið í ná-
grannabæjarfélögin sömu erinda.
Nú hafa þeir á Seltjarnarnesi
bætt um betur og bjóða Reykvík-
ingum að versla í glæsilegum stór-
markaði, þar sem opið er til kl. 4 á
laugardögum. Þessi verslun er til
fyrirmyndar svo um munar og
bílastæði merkt á þann hátt, sem
nauðsynlegt er, þannig að hver
bifreið hefur rými, svo að opna
megi hurðir þeirra að fullu. —
Þetta skortir á flestum bílastæð-
um hér í höfuðborginni. Þessi
merking bílastæða er komin frá
Bandaríkjunum, eins og margt
annað sem þjónustu tilheyrir.
Og enn er fundað í Reykjavík af
Kaupmannasamtökunum og
Verslunarmannafélagi Reykjavík-
ur um „vandann", sem alls staðar
hefur verið leystur hérlendis, —
nema í Reykjavík.
Eitt er það enn, sem kemur
neytendum spánskt fyrir sjónir og
það er þegar framkvæmdastjóri
Kaupmannasamtakanna fullyrðir,
að lenging afgreiðslutímans hafi í
för með sér hækkað vöruverð! —
Þetta virðist hvergi vera raunin,
hvorki erlendis í verslunum, sem
eru opnar um helgar, — né hér á
landi, þar sem verslanir eru leng-
ur opnar, svo sem á Seltjarnar-
nesi. — í svokölluðum söluturnum
eða „sjoppum" er heldur ekki um
hærra vöruverð að ræða, og er þar
víða opið frá kl. 9 á morgnana til
kl. 23 að kvöldi.
Ef hækkun vöruverðs á að
fylgja breyttum og lengri verslun-
artíma er skiljanlegri tregða
Kaupmannasamtakanna á lengri
verslunartíma, og mun slíkt aldrei
verða liðið af neytendum.
Annars er kannski lítil ástæða
nú fyrir þessi samtök, Kaup-
mannasamtökin og Verslunar-
mannafélagið, sem virðast helst
vinna sameiginlega að því að
koma í veg fyrir lengri verslunar-
tima, að halda áfram viðræðum
um þetta efni. Við höfum fengið
glæsilega verslun á Seltjarnar-
nesi, þar sem fólk virðist koma til
að versla hvaðanæva úr Reykjavík
á þeim tíma, sem verslanir í
Reykjavík eru lokaðar.
Og aðrar verslanir á Nesinu,
sem áður voru bjargvættur Reyk-
víkinga í þessum efnum, eru opnar
áfram fram eftir kvöldi alla daga
vikunnar. Það er ekki opnunartími
fram eftir kvöldi á mánudögum til
föstudaga, sem neytendur þarfn-
ast. Það er lengdur verslunartími á
laugardögum og sunnudögum, sem
nauðsyn er á. Það er þá sem flestir
eiga frí frá vinnu og það er þá sem
fólk getur verslað án þess að vera
tímabundið.
Samtök kaupmanna og verslun-
arfólks í Reykjavík ættu að hætta
þeim leik sem þau hafa hingað til
verið að leika og er vart hægt að
flokka undir annað en „búðarleik",
en er að uppistöðu til skipanir
nefnda og viðræðuhópa.
Því verður ekki trúað, að nær-
liggjandi sveitarfélög, sem hafa
haft forystuna í því verslunar-
frelsi, sem hér þó ríkir, gangist
undir það ok, sem Reykvíkingar
hafa þurft að þola í verslunarhátt-
um.
HEILRÆÐI
Að gefnu tilefni vill Slysavarnafélag íslands vekja athygli
skotveiðimanna á að gæta ávallt fyllstu varúðar í meðferð
skotvopna og hafa það jafnan hugfast að fjöldi fólks á öllum
aldri leitar útivistar og fer í gönguferðir án þess að gera sér
grein fyrir því að á svæðinu sé stunduð rjúpnaveiði.
Jafnframt beinir SVFÍ þeim vinsamlegu tilmælum til allra
þeirra er útivistar njóta að skipuleggja ferðir sínar um þau
landsvæði þar sem rjúpnaveiði er ekki leyfð og bendir í því
sambandi á friðlýst útivistarsvæði.