Morgunblaðið - 21.03.1984, Blaðsíða 27

MORGUNBLAÐIÐ, MIÐVIKUDAGUR 21. MARZ 1984
27
Skýrsla um atvinnumál á Norðurlandi:
Atvinnuleysisdagar á Nl-eystra
fleiri í ár en í fyrra
146,7%
Bátaafli hefur dreg-
ist saman um 31,3%
Akureyri, 20. mars.
„FRAMUNDAN virðast ekki bjartir
tímar á Norðurlandi. Atvinnuleysis-
dögum hefur fjölgað milli janúar-
mánaða 1982 og 1983 um 19,7% á
Norðurlandi vestra og 147,7% á
Norðurlandi eystra og af heildar-
aukningu atvinnuleysisdaga á ís-
landi milli mánaðanna áttu 3,3% sér
stað á Norðurlandi vestra og 33,1% á
Norðurlandi eystra.“
Þetta kemur fram í skýrslu, sem
Fjórðungssamband Norðlendinga
hefur látið gera um atvinnuástand í
fjórðungnum og kynnt var frétta-
mönnum í gær.
í skýrslunni kemur ennfremur
fram, að bátaafli í landinu var
13,4% meiri nú í janúar en á sama
tíma í fyrra, en afli sem barst á
land á Norðurlandi á þessum tíma
nú var 31,3% minni en á sama
tíma í fyrra.
Öll skýrslan er unnin þannig að
sjá má hver hlutur Norðurlands er
miðað við landsmeðaltal og þá
kemur m.a. í ljós, að til þess að ná
landsmeðaltali í fjölgun íbúa
vantaði samtals 381 íbúa til svæð-
isins á síðasta ári, einnig að með-
allaun á árinu 1982 á svæðinu voru
15,1% undir landsmeðaltali, sem
aftur leiddi til þess að tekjur
sveitarfélaga vegna útsvara voru
18,5% undir landsmeðaltali. Það
þýðir að um það bil 44 milljónir
króna vantaði upp á tekjur sveit-
arfélaga á svæðinu til þess að ná
landsmeðaltali. Þá kemur fram að
mikill samdráttur hefur orðið í
byggingaframkvæmdum á Norð-
urlandi á sama tíma og mikillar
þenslu gætir á því sviði á höfuð-
borgarsvæðinu, sem m.a. hefur
leitt til þess að frá síðustu ára-
mótum hafa um 40 manns frá Ak-
ureyri leitað sér atvinnu við bygg-
ingavinnu á höfuðborgarsvæðinu.
Sem dæmi um samdráttinn er
bent á að á Akureyri var á árun-
um 1975—1980 að jafnaði hafin
smíði rösklega 190 íbúða á ári en á
árinu 1983 var aðeins hafin bygg-
ing 22 íbúða.
I niðurstöðum skýrslunnar seg-
ir:
„í heild verður að segja að
ástand atvinnumála á Norður-
landi er dökkt um þessar mundir.
Fjölgun ársverka í fjórðungnum
er undir landsmeðaltali, tekjur
einstaklinga og sveitarfélaga eru
lægri en víðast hvar annars stað-
ar, aflabrögð eru léleg og fisk-
veiðikvótinn svæðinu óhagstæður,
alger ládeyða ríkjandi í bygginga-
iðnaði á sama tíma og veruleg
þensla er á suðvesturhorninu og
atvinnuleysi er mun meira en ver-
ið hefur til langs tíma. Og afleið-
ingarnar láta ekki á sér standa;
fólksfjölgun er undir landsmeðal-
tali á svæðinu vegna búferlaflutn-
inga á suðvesturhornið og verði
framhald á þeirri þróun er ljóst að
mjög erfitt verður að snúa blaðinu
við til sóknar á ný.“
G. Berg.
Skipverjinn á
Grundarfossi á
góðum batavegi
SIGURJÓN Símonarson, 2. stýri-
maður á Grundarfossi, er á góðum
batavegi eftir að hafa slasast al-
varlega þegar hann féll niður í lest
skipsins í Lúbeck í V-Þýzkalandi í
janúar síðastliðnum. Hann féll um
sex metra niður í lestar skipsins
og lá um tíma á sjúkrahúsi í
V-Þýzkalandi.
Umræða um
vorkomuna
Umræðufundur um vorkomuna
verður haldinn að Hótel Borg í
kvöld og hefst hann kl. 20.30 skv.
því sem segir í fréttatilkynningu
frá félagasamtökunum San hygð,
sem gangast fyrir þessum fundi.
Júgóslavinn Knezevic ad taili á Fáskrúðsfirði.
stórmeistaranum
Allmargir áhorfendur fylgd-
ust með skákum stórmeistar-
anna og höfðu gaman af.
Albert
dóttir, og ungur piltur, Gunnar
Larsson.
Á sunnudag eftir hádegi var
Knezevic með skákskýringar í
grunnskólanum og því næst
tefldi hann 10 klukkutíma
skákir. Þá vann Knezevic sex
skákir og gerði fjögur jafntefli.
Þeir sem þá gerðu jafntefli
voru Kristinn Bjarnason, Viðar
Jónsson, Páll Ágústsson og Þór
Árni Jónsson.
Mynd Mbl. Albert Kemp.
FáNknjðsfirði, 17. marz.
Júgósiavneski stórmeistar-
inn Milorad Knezevic tefldi
fjöltefli í grunnskólanum á
Fáskrúðsfirði. Þátttakendur
voru 31 og vann Knezevic 24
skákir en 7 náðu jafntefli við
stórmeistarann. Meðal þeirra
scm náðu jafntefli var 12 ára
gömul stúlka, Harpa Pálma-
„Vímuefni eru óþörf þegar
sönn gleði er annars vegar“
StykkLshólmi, 15. mars.
Um leið og ég þakka Morgun-
blaðinu og starfsfólki þess sér-
stök kynni og samstarf í meira
en 40 ár þykir mér hlýða sem
fréttaritari að segja nokkuð frá
afmæli mínu í gær, sem var svo
stórkostlegt að það verður mikill
kapítuli í minni ævi. Ég læt af
störfum 1. júní nk. sem póst- og
símastjóri hér í Stykkishólmi.
Hér hefir síminn verið opinn í 72
ár. Við höfum aðeins verið tveir
stöðvarstjórar frá upphafi,
W.Th. Möller, sem var í 42 ár, og
ég síðan í 30 ár, og mun það eins-
dæmi hér á landi. Möller var hér
mætasti borgari og Stykkis-
hólmur á honum margt að unna
fyrir störf hans. Hann sá vel til
framtíðarinnar.
Dagurinn minn hófst á því að
allur grunnskólinn, kennarar,
skólastjóri og starfslið, mætti
hér fyrir utan pósthúsið, söng og
skólastjórinn flutti ávarp og
kom með góða gjöf.
Frændlið mitt, börn og barna-
börn, komu í heimsókn og var
það tnikið ljós. Veður skartaði
Þakkir frá Árna
í Stykkishólmi
sínu fegursta þótt áður hefði
verið vondauft um að veður vetr-
arins lægði.
Vinir komu hver af öðrum á
heimili mitt og handtökin voru
hlý. Um kvöldið mættu svo vinir
og samstarfsfólk í félagsheimil-
inu og þar var gleði allt kvöldið.
Lúðrasveit Stykkishólms undir
stjórn Daða Einarssonar og Haf-
steins Sigurðssonar lék meðan
gestir gengu í bæinn. Hafsteinn
Sigurðsson og Hinrik Finnsson,
gamlir lúðrasveitarfélagar mín-
ir, mættu með nikkurnar, léku
undir gömlum gamanvísum sem
fluttar voru tvö fyrstu árin mín í
Hólminum. Var gaman að rifja
þetta upp. Árni Emilsson í
Grundarfirði var léttur í máli
eins og hans var von og vísa, og
sveitarstjórinn okkar lét ekki
sitt eftir liggja. Jónas vinur
minn Kristjánsson í Árnasafni
var skemmtilegur í máli, og Ág-
úst Bjartmars, oddviti, rifjaði
upp fyrstu kynni okkar og færði
mér skrautskrifaða gestabók frá
Lions-klúbbnum sem ég var
stofnandi að fyrir mörgum ár-
um. Þá var og gaman þegar
Kristjana Hannesdóttir, fyrrum
skólastýra, hér um bil níræð, sté
í stólinn létt og einbeitt eins og
hún hefir alltaf verið, og svo
þegar hann vinur minn Jón í
Brokey, 88 ára, rabbaði við mig á
sviðinu. Og gamlar vinkonur
komu og sungu dægurlög frá
1942, en það ár kom ég í Hólm-
inn. Sem sagt gleði og fjör og
góðvild til miðnættis. Það skal
tekið fram að þessi fagnaður
san'naði eftirminnilega að vímu-
efni eru óþörf þegar sönn gleði
er annars vegar.
Ég bið mitt góða blað að gefa
þessari gleði minni rúm í blað-
inu og um leið flytja þakkir öll-
um þeim sem sendu mér kveðjur,
sem skiptu hundruðum, og bið ég
góðan guð að launa þeim og
blessa líf þeira. Kær kveðja frá
okkur hjónum.
Árni Helgason.
Fáskrúðsfjörður:
Tólf ára stúlka
hélt jöfnu gegn
OFFSET
FJÖLRITUN
-
Ný tæki gera okkur kleift,
aó veita vandaöa og
hraövirka þjónustu.
Möguleikarnir sem vió
getum boðið upp á eru
fjölmargir. Auk
offsetfjölritunar, Ijósritum
vió, seljum pappir, blokkir
og minnismiða,
silkiprentum á ýmsa hluti,
vinnum litglærur fyrir
myndvarpa, vélritum og
bindum inn. Lítiö viö og
kynnió ykkur þjónustu
okkar. Byggjum á reynslu,
þekkingu á þessu sviði.
VIÐ ERUM
MIÐSVÆOIS
Skíðastatív
Verð aðeins kr.
380,-
ESíhWftK
ÚTILÍF